اليوم كنت نايم على بطني وصحاني ضربات القلب قويه قام جسمي يهتز معاها

4 شهور
ولي تعب قديم من تسع سنوات تقريبا

اخوي ابن دايم الاعراض القديمه نفس الجديده
اذكرها
هل تلقيت علاج اول قبل 9 سنوات

وش اكتب وش اخلي كل مايخطر في بالك
أخذت علاج وتشافيت ولله الحمد
وانت مشكلتك وسواس واضح تمااماا

الله يجزاك خير يابن دايم
قصدي تعبك القديم وش يفرق الجديد شنو الاعراض

ياخواني لي يومين كل مابغيت انام خاصه على جنبي او بطني نبضات قلبي لاتتوقف احس صدري ينفض معاها

طبيعي لأنه يشكل ضغط على الصدر
تعاني من سمنه ؟

يوميا عند النوم لازم احسها
لازم تحارب الوساوس

لا اعاني من سمنه
ابن دايم انا اكتبلك واحس فيها ليس خفقان نبض طبيعي بس تحس فيها وقست النبض والضغط طبيعي

أخوي بن دايم هل من أعراضك حرقان المعدة والمريء؟؟

اضطراب الجهاز الهضمي كامل أساسي من القلق النفسي

وش دخل الضغط
يااوهام اسمع كلامي
اسأل مجرب ولا تسال طبيب
انت فيك وسواس المرض الوسواس يخليك تصدق ان فيك شي
لازم لك محاربه وعلاج
اقسم بالله اول ماجاني الهلع من 4 شهور كنت مثلك
الان لي مع الدول ثلاث شهور و 80 في المئه تحسن
لازم تروح دكتور نفسي

صباح الخير

أخباركم😊

الحمدلله احس بتحسن من زدت الجرعة
ياربي لك الحمد
ولكن باقي يعكر مزاجي وسواس الموت والامراض
وان شاء الله اقدر أسيطر عليه وأغلبه

ويروح بلا رجعه💨👋🏼

ماشاء الله تبارك الله
استمري وحاربي
اهم شي عدم الاستسلام
وعلى فكره تذبذب الحاله بداية الشفاء باْذن الله

طيب واللي من 9 سنوات ايش كانت اعراضك

يااوهام ياغالي ياعزيزي
انا عارف وش فيك وعارف حالتك وعارف وش تحس فيه
كل اللي تحسه حسيته عالج وريح عمرك
انا يضيق صدري لاشفت احد يعاني وعارف وش يعاني منه
رح طبيب نفسي ولا تقعد طول عمرك همك الوحيد تشوف احد مثلك

ليس همي اشوف احد مثلي وانشاء الله تتشافى ونتشافى
سالتك عن الفرق بين اعراضك القديمه والجديده
وياما سئلوني ناس وجاوبتهم بالتفصيل والعلاج
اذا منت حاب تجاوب براحتك

صباح الانوار وتساهيل الرحمن صباح الخيرات علي الناس الطيبه

مرات احس نفسي ينقطع
او مقدر اطلعه
كذا احسه ينحبس داخل رئتي 😣

الله يفرجها ، الخفقان مستمر معي من سنين ونوبات الهلع والقلق، فحصت بعض الفحوصات قديما وطلعت سليمه فقط نقص فيتامين دال وانا اعالجه من زمااان لكن الضيقه قتلتني والقلق والنبضات افكر اسوي فحوصات شامله عشان ارتاح لي شهر ونص مستمر على السبراليكس ولا اعطاني نتيجه واضحه !!

لسه بدري على العلاج

جاوبتك كم مره بس انت مستسلم استسلام تام
تذكر نصائحي لك وسوها
ترا الوسواس كل استسلمت له يكبر ويكبر الين يستفحل

ايش الفحوصات اللي سويتها

والله اذا جاوبتني نسيتها
بس مافيه مانع تذكرها
القديمه
والجديده
وايش الاسباب
وافضل علاج جربته

انت فاتح موضوع للفضفضه
وانت ماودك تفضفض ولاتجاوب ؟

ههههههه
الله يهديك ويشافينا ويشافيك
انا سويت اللي علي والباقي عليك

أوهام والله العظيم حاسيين بكل اللي توصفه
ومر علينا وأكثر من كذا بعد غير الوساوس اللي تشيب الرأس
عليك أول شىء بالرقية الشرعية وقراءة القران
خصص لك ورد يومي مع قراءة سورة البقرة كامله يوميا
ثاني شىء العلاج السلوكي المعرفي جداً ممتاز
مفيد وكذاب اللي يقول مامنه فايده !
وآخر شىء علاج دوائي حبوب نفسية
وتوكل على الله وأحسن الظن وإن شاء الله
ربي بيشفيك ويشفينا إنه على كل شىء قدير 🌹❤

صح السانك
وجزاك الله خير

بن دايم
يعني موضوع فضفضه
واذا قلت اذكر اعراضك القديمه وشنو سببها وشنو علاجها
واعراضك الجديده
صار فيه مشكله
اجل ليش فاتح الموضوع
الدعوه فضفضه في فضفضه
ولا تبي تسمع فضفضه الثانين
وانت لاحد سالك ماتجاوب وتقلب الموضوع
وش هالحرج اللي مخليك ماتذكر معاناتك واعراضك وتجربتك
ياخي كلنا قلنا اللي حسينا فيه والظروف والاعراض
وكيف بدات وكيف تطورت
والفحوصات والعلاجات
مافيه مشكله نتعاون ونستفيد من تجربه الاخرين
انا سالتك ومافيه اجابه

انا بدايت قصتي كان عندي مشاكل وظغوطات بس مادري منها او لا لان كد مرت علي مثلها ومصار شئ وبعدها صار معي
1- ثقل بالراس مع ضباب في النظر تطور الى ضيقه صدر وبعدها هلع وضيق نفس وخفقان سريع واختلال الانيه
اللي هي احس اني خارج العالم وماني حاس باللي حولي عدم تركيز كأن راسي معلق بالهواء ونظري مو ثابت مثل الدايخ وسراب بالنظر واشوف الدنيا مغبشه
واصبحت اتحسس من الاضواء والشمس ويصدع راسي كل الفحوصات سويتها سليم اشعه راس صدر تخطيط مخ كل شئ ماعدا نبه بسيطه جرثومه المعده وفيتامين دال
لم اكمل علاجي الجرثومه واستخدمت علاج نفسي اللي هو دومجتايل وسيبرالكس لمده 6 شهور الوضع تمام وفيه تحسن بس الاعراض موجوده 50 في الميه
بعدها قمت اتنقل من علاج نسيت اسمه بيترك وبعدها افكسور لمده شهرين وتركت الادويه 4 سنوات
لاني حسيت انها مخدر لاتعالج انما تخفف شئ بسيط
وبعدها تعرضت لظغوط من العائله واستخدمت فافرين وبعدها سويت تخطيط مخ مرتين واحده سليم كالقديمه والثاني طلب مني اجي مواصل لاني من كثر ماشكي للدكتور من راسي وصداعي وزغلله العين وللدوخه الخ قال تعال مواصل لاتنام
جيت مواصل وبين ان عندي شئ بسيط نشاط كهربائي
قلت هذا حق صرع ونا مافيني صرع
\قال الدكتور صحيح كلامك بس لاتنسى انه يستخدم في الصيدليات والمصحات النفسيه للاكتئاب وللاعصاب
وانت عندك اكتئاب واعصاب اهي اللي مخلي الاختلال مرات يزيد عندك
اخذت العلاج وللامانه في تحسن عليه من ناحيه المزاج والرتكيز والخروج من المنزل والصداع والدوخه
بعد العلاج ب 6 شهور
في فصل الشتاء تعرضت للمطر والبرد ومن يومها الشئ الضاغط على الصدر وعضلات القلب ملازمني
وبعدها ب 3 شهور التهبت اسناني وذهبت للطبيب واعطاني مضاد حيوي كلافكوس ومسكن فولترين مدري شسمه وبعده خف الالم بعدها 10 ايام رجع الالم وكان باقي عندي العلاج واستخدمته ومن ثاني يوم اصبحت اشم زي ريحه الدم او الحريق في خشمي واصبحت اشعر بنبضات القلب تنبض وتذهب ليست خفقان لا نبض عادي
وذهبت للطبيب وعملي اختبار تحسس وقال مافيه عندك تحسس
هل الاعراض من الامكتال وبعد 6 شهور تظهر قال لا
هل الاعراض من المضاد قال لا وسوينا اختبار
طبعا سويت تخطيط قبلها وبعدها كل شئ سليم ولله الحمد
هذه قصتي يابن دايم
اذكر قصتك

انا اختصر لك الكلام
كل اللي مريت انت فيه كان فيني
نفس الأعراض والأحاسيس
كل الحكايه في البدايه ماكنت اعرف وش الموضوع
وكنت خايف
لغاية ماوصلت لمرحله ابي أتعالج وبس
وبالفعل عرضت نفسي على دكتور نفسي وصرف لي دواء قبل ثلاث شهور
والآن تحسن 80 في المئه ولله الحمد
ماشاء الله تبارك الله
اكبر غلط نرتكبه اننا ناخذ ادويه من راسنا ونتركها على كيفنا
خذ علاجك وتابع مع دكتور ولا تتركه او تغيره من راسك

ياجماعة نصيحه عامه لكم
البحث عن شخص مثل حالتك هذا دليل وجود قلق نفسي
طيب لنفترض انك لقيت واحد مثلك بس الأعراض والأحاسيس
موجوده وتعذبك وش الفايده من المسكن
المطلوب علاج
فيااخوان كل شخص عنده تعب نفسي يعرض نفسه
على دكتور ويحط حد لمعاناته
والله يشفينا ويشفيكم

تعبتني هالدوخه وثقل الراس والخوف مع اني اخذ سيروكسات بس احس ماعاد يعطي نتيجه ودي اضيف معه علاج يساعدني

كم لك مع العلاج
وكم الجرعه

انت مافهمت قصدي
انا لما اقول اذكر قصتك
الغايه نبحث عن السبب
هل هي نفس الاسباب
اللي اصابتنا بالمرض
والاعراض كيف تدرجت وماهي بالظبط وكيف اول عرض جاك بالترتيب يعني ثقل وبعدها كذا وكذا
وكم جلست وماتعالجت او على طول تعالجت
الغايه من ذكري لقصتي وقصتك وسردها بالتفصيل
والمراحل للاستفاده من التجارب
بس تفكيرك اني اذا حصلت نفس الحاله نرتاح ان حصلنا واحد مثلنا لا والله مو كذا
القصد للاستفاده من كيف بدات وماهو سببها وكيف تم معالجتها
وانت يوميا بموضوعك اللي حاطه للفضفضه وانت بس تبي تشوف فضفضه المرضى واذا واحد سالك تتهرب

هههههههههههههههههه
على طول نقزت تبي تسال
لتعلمونه بشئ

لي ثلاث سنوات جرعة 20

راجعي دكتورك
اعتقد السيروكسات جرعته الممتازة اكثر من كذا

دائما وفي كل امورك
لاتفكر في المشكله
فكر في حل المشكله :)

مدري ليه كذا قاعد يصير لي 😢
قلت بطلع اغير جو
اعوذ بالله جاتني ضيقه وخوووف
وصدري صار يعورني وألم بمعدتي وابغى ارجع البيت 😓
وطبعا مع الخوف تزيد اللاواقعيه
طفشت من وضعي مافي شي مرتاحه فيه