المشاركة الأصلية كتبت بواسطة شوية تفاؤل (المشاركة 1198615)

يسعد مساءكم


أخبار الجميع إن شاء الله بخير 🌷'
اليوم صحيت من النوم وأحس اني بحلم والواقعية ومو قادرة اركز

نصحني دكتوري اعمل تحليل لفيتامين B وفعلا طلع ناقص عن معدله الطبيعي وهو سبب الدوخه وعدم التركيز والكتمه
وببدى اخذ الحقن كل اسبوع

الحمدلله ❤

المشاركة الأصلية كتبت بواسطة ذكررى (المشاركة 1198606)

أنا فاهمة شعور داعية جلست فترة طويلة ماني مقتنعة انه شيء نفسي
كيف نفسي ويسوي كل ذا بالجسم يهد الحيل.
بس فعلاً اقتنعت انه نفسي.

عن نفسي قدرت اتغلب على كل الاعراض المتعلقة بالآلام والدوخة خلاص اذا جتني معد تخوفني واتناساها لين تخف مع ان بين فترة وفترة اضعف قدامها
لكن مشكلتي مع الخوف من الموت مرة مأزمني احس اني بموت وما احب اتكلم بمواضيع مستقبلية اخاف اموت قبل لا الحق عليها
وقبل كل طلعة افكر اني مارح ارجع البيت بيصير لي شيء وهكذا
احاول اتجنب الفكرة واقنع نفسي انه وهم لكن مو قادرة اقتنع كل شوي اقول معقول يعني المرض النفسي سيطر علي لدرجة ما اقدر افكر واتنبأ زي اي انسان طبيعي ويكون هالمرة تبنؤي صح لأنهم يقولون الشخص يحس بقرب اجله.
وبس من فكرة لفكرة صرت انسى كثير وما اركز وما يعجبني او يبسطني شيء

المشاركة الأصلية كتبت بواسطة بن دايم (المشاركة 1198482)

أقولك كلها وأكثر

المشاركة الأصلية كتبت بواسطة اوهاااااااااام (المشاركة 1198644)

طيب اخوي بن دايم تنصنحي اسوي اشعه مقطعيه على الصدر والمعده ولا اسوي منظار
ودي اسويهم وخايف لاني ذبحت عمري بالاشعات
عملت سونار على المعده والبطن مافيه شئ لله الحمد سليم
بس اتعبني الشعور بنبضات القلب تقول مركب بطاريه تنبض لثواني وتختفي ومرات يصير قوي النبض ومعاه الم ضاغط على الصدر والقلب والظهر
بن دايم ابي نصيحتك

المشاركة الأصلية كتبت بواسطة بن دايم (المشاركة 1198649)

راح يقولك الدكتور كل شي سليم
نصيحتي لك دكتور نفسي وعلاج و6 شهور وانت طيب باْذن الله
ابيك تحول تركيزك من الأعراض الى العافيه
حول تفكيرك الى كيف العافيه

المشاركة الأصلية كتبت بواسطة داعيه ربها (المشاركة 1198634)

نورتي ذكرى بالنسبه انو مو مقتنعه لانو مستمره اعراض الدوخه والله ماتفك ابدا كأني في سفينه شراعيه طول الوقت اهتزاز مو طبيعي تسبب لي ضيقه ورعب واحس اني مو متوازنه بس الان بديت اقنع نفسي انو نفسي عشان اقدر اتخطاها بسألك كيف قدرتي تتخطين الدوخه ياليت تذكرين الطريقه وربي يشافيك ويشافينا انه قادر على كل شي سبحانه

المشاركة الأصلية كتبت بواسطة ذكررى (المشاركة 1198672)

كيف مستمرة ! اذا بين فترة وفترة تجي ماتنقطع فهذا شيء عادي نوبة هي تجي وتروح
وبما انها نوبة مضطرة اذا جت الدوخة انشغل عنها لين تروح وما احس فيها
أنتِ كل ما اعطيتي الموضوع اهتمام زاد وطول معاك
المهم انك ماتقطعين العمل اللي كنتي تسوينه قبل تجيك النوبة استمري فيه وحاولي تركزين فيه

المشاركة الأصلية كتبت بواسطة بن دايم (المشاركة 1197932)

طبعا انا دائما أقول الآلام اللي في الصدر القلب بريء منها
انت تحب النهار انا أكرهه جدا
الموضوع واضح قدامنا فيه خلل في مخنا ويبيله علاج
نصيحه أبدا بالعلاج وانا اخوك

المشاركة الأصلية كتبت بواسطة انعكاسات (المشاركة 1197930)

داعية ربها اخذت ادويه وما استمريت عليها ( سيروكسات / انتابرو )
بعدين اتجهت للعلاج السلوكي المعرفي

انت حسبي يارب انا مثلك اخاف من الشتا و البرد و المطر
وكمان كنت استمتع بشبة النار و ريحة الحطب الحين مدري وش تغير
ودي ارجع انعكاسات القديمه اشتقت لنفسي كثير 💔

المشاركة الأصلية كتبت بواسطة عبير سعد (المشاركة 1198764)

السلام عليكم .. انا بعد ماتنتهي مني النوبه وتروح شعور الظيقه واليأس من الحياة مايفارقني واستغفر الله كل ماسوي لنفسي حاجه او اجيب شي جديد اجلس اقول ف نفسي وشوله يمكن مارجع البسه يمكن يتذكروني فيه وهاذا سوء ظن بالله استغفر الله بس غصب عني حتى لو نوبة الخوف مو موجوده هالشعور ملازمني 😢

المشاركة الأصلية كتبت بواسطة انت حسبي يارب (المشاركة 1198705)

بسألكم فيه احد جرب العلاج السلوكي وجاب نتيجه معه
نفسي اجربه احس احسن من الادويه النفسيه