ابو مسرييب هذا مو اختلال انيه هذا قلق حاد وتوتر يصيب اكثر شي الاكتاف والراس انا مثلك بالضبط وحتى معد اطلع واي مجهود بسيط اشعر بعده كني شايله البيت على راسي وضيق وطفش المبالاكتاف والرقبه متشنجه وصداع مايفك وعدم توازن كتب لي الدكتور برنتلكس بس خوفي من الادويه مانعني الى الان اخذ اي دواء والحمدلله ع كل حال

تبي اختلال الانيه يروح بكل بساطه ؟
اول مايجيك تعامل كانه غير موجود
اذا فهمت وش اقصد راح تدعيلي باذن الله

ذهبت للطبيب وتم عمل فحص الظغط والسكر وتحاليل دم شامله وانا صايم

ولله الحمد كلها سليمه ماعدى فيتامين دال نافص 10

بس والله يا اخواني تعبت من الاعراض الجسديه والنفسيه

صداع دوخه تشنج عضلات الرقبه والراس والاكتاف
الم صدر ظهر نغزات زغلله بالنظر ثقل بالراس

صدقوني اني متحمل هالاعراض وامشي اموري غصب واحس ان راح انهار رغم الطنيش

يعني مو اختلال انا ماعندي قلق اروح واطلع بس الاعراض اغلبها 24 ساعه مستمره معاي خاصه الثقل والزغلله اللي هي تحس نظرك مغبش وتركيزك صفر بالمختصر تحس ان نظرك فيه خلل

نظرك وتركيزك وكل شي النظر تحس لابس نظاره مغبشه وتقعد تبحلق عشان تشوف زين .
القلق ابو مسرييب مو اللي انت خابره انك قلقان من موضوع معين لاااا ابد مو كذا ..
القلق المقصود ضغوط كثيره تجمعت ومشاعر سلبيه ومواقف ماحسمت كلها استقرت بالداخل واللي يزود ظعورها نوع شخصية الانسان اذا هو حساس وحريص على المثاليه او عصبي او او او .
انا كنت فاهمه زيك ان القلق من موضوع شاغلني طلع لا .
الله يجيب العافيه لنا ولكم اجمعين

اعراضه
خوف شديد و ما انام .. تقريبا هلع .. و انعدام الشهية و الاحساس .. و ما احس بطعم الحياة و خوف مو طبيعي حتى في وقت الفرح .. طبعا مو فرحي لاني ما كنت احس .. بس فرح مناسبة اي شي مثل نجاح او عيد ... انا كان يجيني خوف غريب وقتها

علاجاته
الدكتور كان يقول عندي اكتئاب و ما قال عندي هلع مع ان قلت له على الخوف .. و كتب لي بروزاك وقفته انا من نفسي بعد 3 شهور تدريجي و لا عاد رجعت للدكتور و جلست 3 سنين تقريبا اعاني من اعراض مختلفة حتى الرهاب الاجتماعي حصل لي و لكن تخف الاعراض و ترجع فهذا اعطاني شوي امل اكمل مقاومة

تجاربه الناجحه
العلاج تقريبا بفضل الله اولا في القرآن .. و من بعدة علاج سلوكي تقريبا صرت اراقب افكاري و صرت اركز اكثر في اللي في يدي و اقدر اسويه اما اللي خارج عن قدرتي و ارادتي و تصرفي هذا فوضت فيه رب العالمين و اشغلت وقتي عن التفكير فيه بإي شي كتابة قراءة طبخ اي شي مثل التنظيف الترتيب لو عندك زرع تعتني فيه اي شي ما تتخيل قد ايش مفيد انك تنقل تفكيرك .. طبعا ما كان شي بين يوم و ليله كان صراع طويل .. تقريبا كنت ضحية مشاكل اسرية و تكملت بظروف الزواج و الانجاب و المسؤوليه و المشاكل اللي نفسيتي اصلا كانت واصله حدها من قبل الزواج فما قدرت اتحمل

نسبة التحسن
الحمدلله 80%

مشكوره اختي فكرته ان تفكر وتجيك اعراض

فعلا انا بدايه مرضي واجهه ظغوطات وانهرت بعدها وجتني الاعراض تدريجيا كل يوم عرض تصدقين اتحمل الصداع وانساه يجي تيبس الرقبه اتحمله وانساه يجي الم اعصاب الجسم والصدر وضيق التنفس

انتي من زمان تعبانه و جديده ع المتدى

هلا ابو مسرييب
انا والله اول مابدا معاي من سته شهور جاني خفقان خسيت قلبي بيطلع من مكان و دوخه قويه ورحت الكواريء وسويت فحوصات وكلها سليمه الحمدلله وبعدين صار يجيني خوف وضيق ومعد فيه متعه بأي شي .
الدوخه خفت فجأه ورجعت وخفت الدكتزر شخصني انه اكتئاب وقلق طبعا ما اهذت ادويه استمريت على العلاج السلوكي والحمدلله افضل من اول لكن الدوخه والعزله مستمره صرت اطفش من الصوت العالي والزحمه وجمعات صديقاتي احس بصداع وضجيج براسي وقلق .
تزيد الحاله اذا قلقانه من شي وافكر فيه .
الله يسخر لنا ولك الخير يارب

بشر ابومسرييب عساك وصلت لشي مفيد

من اي ناحيه اخ رعد القلوب

هلا اخوي ابو مسرييب من ناحية ان التجارب ممكن تدلك على شي يكون سبب في شفاءك

لي 3 سنوات وانا صراع مع المرض ولا استتفدت لامن علاج ولامن تطنيش مجرد تخفيف

الاستفاده معناها ذهاب الاعراض كليا او جزئي تتقريبا 80 بالميه وفوق انا لم استفد شي

اتوقع اللي معاي ممن تابعته في المنتدي فري او تنسيم في الراس

جربت الصبخه والحجامه لم استفد ربما لاني لا استمر عليها كثير


اعراضي ثابته ومستمره معي يوميا لاتفارقني دقيقه
منذو اصابتي من 3 سنوات وانا على هالحال من بعد صدمات وضغوطات نفسيه تم الانهيار الكلي ومن يومها وانا تعبان


صداع مستمر ويخف قليلا لكنه لايذهب وان خف حل مكانه شد اعصاب الراس كانه مشدود

عدم تركيز ودوشه كاني في قارب بحر مع غثيان ولوعه كبد

كتمه وضيق تنفس والم في عضلات واعصاب وعروق جسمي كامله مرورا بالراس والرقبه والاكتاف والظهر

النظر مغبش واحس مرات في ازدواج بالنظر


الحالات اللي ذكرت مستمره 24 ساعه

مجرد النوم والراحه والاضاءه الخفيفه والابتعاد عن الاصوات والضوضاء يخفف منها لكنها لاتذهب ياخوي

الله المستعان لاحول ولا قوة الا بالله وحسبي الله على من كان السبب

اللهم ارني فيه عجائب قدرتك

اخوي ابو مسريييب جربت ادويه نفسيه ؟
هل انت من سكان الرياض او الشرقيه ؟ عشان ادلك على طبيب ممتاز ومستمع رائع وعنده قدره على تشخيص الحاله بدقه .. اسعى وجرب ولابد ان هناك مكان فيه علاجك و دواء فيه شفاء بحول الله

جربت ادويه نفسيه لم استفد منها الا انها زالت الهلع 80 في الميه واصبحت اتحمل الاعراض كاني معطيني بنج لكن لم تعالج الاعراض الجسديه اللي ذكرتها

الله يفتح لك باب فرج يابو مسرييب من حيث لاتحتسب هذا اللي اقدر اقوله ياخوي