|
اخي الكريم المعتبر.. أشكرك جزيل الشكر..
بس ممكن أعرف الأعراض اللي انت مريت بيها؟؟ |
اهلين أخوي المعتبروأختي الدنياحلوة...,,,,
وش الادوية الي استخدمتوها؟؟ لإني تعبانة وخايفه من السبرلكس واعراضة!! |
اختي امونه الحزينه
نفس الاعراض اللي قلتيها وزياده على ذلك نوبات هلع وصرت احس الدنيا كانها حلم واحس انه بيغمى علي ولا احب النور يعني الضوء الساطع واشياء غريبه جدا اختي راجيه الجنه ان شاء الله تحققين رجاك بالجنه وبعدين يالغاليه انا استخدمت السبرالكس لمدة 3 شهور وتركته بالتدريج طبعا وكانت الجرعه 10 ملغم بس الحمدلله اني مقتنع ان الشفاء من عند الله سبحانه وصدقيني راح ترجعين مثل اول واحسن كلام من مجرب أسال الله العظيم رب العرش الكريم ان يشفي جميع مرضى المسلمين |
الله يجزاك خير...,,,سبحان الله نفس الاعراض ألي تجيني أحس النور
يعور عيوني ومافية تركيز وخوف قوي مرة خاصة إذاقمت من النوم!!! متى بديت تتحسن مع السبرليكس!!!! |
انا اخذ سيبرالكس بعد سؤالي نفس سؤال راجية الجنه متى بديت تتحسن ... ؟؟ |
الأخت أمونه حزينه السلام عليكم :
ما تشعرين به هو حاله خوف مرضي تجاوز الاضطراب النفسي , مصاحب بنوبات هلع والتي تظهر اعراضها على شكل ضيق في الصدر أو الم في أحد الأعضاء أو الشعور في حاجه ملحه لدخول الحمام وتوتر غير مبرر وبرود في الاطراف وجفاف في الفم وخفقان سريع في القلب , واسباب هذا المرض عديده منها الاكتئاب او التربيه او حادث معين في الماضي . المهم الان ان تبادري اختي في العلاج فورا وكونك رافضة للدواء فانا اتفهم ذلك ولكن اعلمي ان الدواء في هذه المرحله مهم جدا لك , وقد يترتب على تركه اضرارا مضاعفه من تلك التي تخافين منها عند تناولك الدواء. فتوكلي على الله وباشري بالعلاج بأسرع وقت ممكن وأتمنى لك الشفاء العاجل. |
الاخت راجيه الجنه والاخت الدنيا حلوه
انا كنت اذا ناظرت في شي وركزت فيه احس الدنيا تظلم ويوجعني راسي واذا تكلمت احس اني استغرب صوتي على العموم انا تركت الدواء لانه ماسوى فيني شي ولا شفت منه فايده وعلى فكره ماحد يقدر يحكم على السبرالكس الا بعد مرور شهرين من تناوله وانا اعرف ناس كثير تحسنوا عليه لاكن انا توكلت على خالق السماوات والارض وماخاب ظني ولله الحمد الحين يوم اتذكر كيف كنت احس يوم كنت مريض اضحك واحمد ربي على العافيه ان مع العسر يسرا ان مع العسر يسرا أسال الله العظيم رب العرش الكريم ان يشفي جميع مرضى المسلمين |
اخي المعتبر والله خوفتني لإني استخدم السيبرلكس لي تقربيا
اربع أيام واخاف اكون زيك ما يناسبني !!!!! أختي الدنيا حلوة وشلونك مع السبرليكس ؟؟؟ إناشاءالله كويسة!!! |
اختي راجية الجنه
يا اختي الغاليه نصيحه لا تناظرين للجانب المظلم انظري للجانب المشرق انا الحمد لله الحين بخير ونعمه وهذا كله من فضل ربي وبعدين ياختي الغاليه اعيد واكرر كل انسان يختلف عن الاخر والدليل بصمات اليدين لا تتشابه علشان كذا يالغاليه انا متاكد ان شاء الله راح يفيدك باذن الله لاني اعرف ناس تحسنوا كثير وصاروا طبيعيين بفضل الله ثم بفضل الدواء واللي يحدد اذا كان الدواء مناسب لك او لا هو الطبيب وليس انا وبعدين توك مستخدمه العلاج اصبري الين يبدا مفعوله وراح تشوفين الفرق ان شاء الله لاكن اهم شي يااختي الغاليه لا تنسين الرقيه الشرعيه والحمد لله ان مافيها تعارض مع الدواء والله يشفيك ان شاء الله |
فديتج راجيه الجنه هدي
انا صار لي شهر واربع ايام كنت نفسج اخاف مايناسبني واسوي ابحاث عنه وماعرف شنو بس انا الحين احسن من قبل كنت اخاف وايد وماانام اتجيني اوهام اني احس بالام وجذي .. " الاوهام راحت بفضل الله ثم بفضل الدوا " اصييييييح احيانا.. " الحين الحمدلله مااصيح" اممم اشوف الدنيا سودده .. اقول لو اموت ابرك وليش انا عايشة ووو الخ.. الحين وخصوصا اليوم .. قاعده افكر شلون كنت افكر اني لو اموت احسن..شلون الفرق بين قبل والحين.. لدرجة اني مابي اعيش .. بس مساله الخوف من شي مجهول.. للحين.. لكن اخف من قبل بوايد .. الحمدلله حبيبتي توكلي على الله .. وانطري على ماايي مفعووله ,, يعني معظم الاعراض راحت .. وباقي شوي واصير بخيرر وعال االعال وانا استخدم 10 ملغم .. يوميا بليل.. وانتي .. كم ؟؟ |
اضيف شي.. كل يوم اشرب بابونج .. من كوبين لـ ثلاث .. يحسن المزاج .. ويهدي .. =) واذكار الصباح والمساء والله يشفيكم ويشفيني ان شاء الله |
اشكرك أخوي المعتبرعلى كلامك والله ريحتني شوي
لإن الوساويس جننتني!!!! افكر دايما أني راح أكون مريضة طول العمر!!! لاحول ولاقوة الاباالله.... مافية تفاول عندي ابدا..... الله يجزاك اختي الدنيا حلوة.. أناأستخدم زيك عشرة بعد الغداء تقريبا متى بديتي التحسن.....0 |
خخخخخخخخخخخخخخخخ نفس احسسسسسسساسي بالضببببببط كله اتجيني افكار سوداويه اقول اخاف اتم طول العمر جذي واصيييييح واقول مستقبلي بيضيع وووالخ بس كل شي بيروح ان شاء الله انا شوفي بقولج تجربتي .. لانه يمكن بتمرين بنفس الاشيا اللي مريت فيها انا اول اسبوع حسيت بتحسن كبييير بعد ماخذت الحبه,, لكن عقب هالاسبوع.. انتكست حالتي ورجعت نفس قبل حسيت باحباااااااااط ,, لكن كملت اخذ الدوااا وكل ماصارت لي مشكله او مصيبه تنتكس الحاله وارجع نفس قبل.. لانه الاكتئاب اذا صادتج مشكلة وايد تكتأبين وتيئسين اتم في حالة الياس يومين .. وشوي اتخف الحاله وشوي تزيد امممم ثالث اسبوع .. حسيت بتحسن وتميت مستاااانسه طول اليوم.. وبليل ارجعت لي الاعراض مرة ثانيه حسيت باحباااط .. لكن كل مااتجيني هالاعراض اروح عند امي وتهديني .. ( لانه كان فيها اكتئاب مزمن وحاااد.. والله شفااها وكانت تهديني تقولي انا كنت اخس منج.. اصبررري .. وبتشوفين النتايج ) واهدددى .. شوي.. وجذي .. الحالة متذبذبه ... من يومين تقريبا.. حسيت اني احسن من كل الايام .. والحمدلله بس انا اخذها قبل النوم الساعه 12.. ومن جم يوم غيرت الموعد لبعد الغدا وحسيت بخمول وصرت انام طول اليوم.. والحين رجعت للساعه 12.. احسن ,, الله يشفيج ولاتخافين .. توكلي على الله .. |
أشكركم جميعا على مروركم وعلى نصايحكم.
انا مو مرتاحة ابدا من الحبوب ومو متقبلة الفكرة ابدا. أ. محمد سليمان خوفتني كثيييييييير.. لأني حاطة امل اني أشفى بدون الحبوب وانت قطعت الأمل.. بس أملي بالله باقي. راح أتعالج بالرقية الشرعية وراح أشفى بإذن الله.. مستحيل افكر في الحبوب. |
حبيبتي.. استاذ محمد يقولج علشان ما تتضاعف الحاله وتزيد احسن لج الحبوب... استخرتي؟ طيب استخيري على اساس انج ماتاخذين الحبوب وداومي على الرقيه والله يشفيج حبيبتي .. |
| الساعة الآن 08:03 AM |
Powered by vBulletin® Version 3.8.11
Copyright ©2000 - 2025, vBulletin Solutions, Inc.
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.
المواضيع المكتوبة لاتعبر بالضرورة عن رأي الموقع رسميا