بنت الظبي فيتامين د وب 12 بيلعبوا دور كبير بالقلق والاكتئاب وهذا الكلام اكده لي طبيبي النفسي وطلب مني التأكد من مستوياتهم عندي.
لكن ليس شرط للاصابة بالهلع ولكن نقصهم الشديد يؤدي كثيرا لهذه الامراض.

الله يتم عليج يارب نعمة الشفاء ان شاءالله ،،، انا ساعات احس اني طايره من الفرح لجرجة اني اخاااااف من سعادتي هاليومين زايد معاي الخووووف وانتفاخات بالمعده وسوسه بالامراص انا بعد سنه من الهلع اكتشفت ان معاي جرثومة المعده وتعالجت منها وتحسنت 90% ومن بدا رمضان وانا بين انتكاسات وانتفاخات شاكه ان رجعت لي الجرثووومه اعذريني ماقدرت ادخل الصفحه وقت ماقلت اج انشغلت شوووي

اخذتي علاج نفسي ؟؟

اماني بالنسبة لفيتامين د كان ناقص وبعد سنوات ارتفع

لكن الاعراض اللي عندي بعد ارتفاع فيتامين د

بعدين يوم قريت انه نقص فيتامين ب و وجود جرثومة المعده

فحصت وقالوا مافي شي الحمدلله

الحين باقي اعالج القولون عدل

لأنه يوم سويت مساج قالت لي القولون عندچ منتفخ

وانا اصلا الالم عندي على اليسار

يوم آخذ لبركس شويه يخف

السلام عليكم ل ..اختي بين يوم وليله بسألك انا لي كم يوم احس بدوخه انا عندي نقص فيتامين د بس ماكملت العلاج بسألك كيف الدوخه الي تجيك انا احس بدوارويجيني تعرق انتي مثلي غير التعب والخمول

الغده الدرقيه لها دور
كذلك نوعية الطعام انا بعض الاحيان اذا اكلت وخاصه بالليل والاكل كان دسم يرجع لي الاحساس الغريب بجسمي فصرت ارتب اكلي واحاول اني من الليل بغير رمضان اني اخفف
او بالاحرى نادرا ما اتعشى الاخفيف فواكه اي شئ خفيف
بالاضافه ابعدو عن السلبيه واي انسان يحب النكد او مهمته نقل الاخبار السئيه
ابتعدو عنه
اي شخص تحسين اذا جيتيهم يزيد الهلع حاولي انك تكون علاقتك بالناس اللي ترفع معنويتك مو يجمر النفسيه
طبعا خطا تقطعين علاقتك بالناس كلهم بحجة الهلع غلط بتعطين الشيطان فرصه على العداوه
انا من خلال تجربتي
طبعا تقولون اني موسوسه
لكن لاحظت اني الهلع يزيد ب اوقات طبعا لازم تكون ملاحظتك دقيقه
يعني ماتكون الدور الشهريه قريبه او بعدها لانه شئ طبيعي انك النفسيه بتكون زفت عشان الهرمونات
طبعا ملاحظتي اني الهلع والاحاسيس الغريبه والدوخه واي عرض تزيد في اوقات
واوقات لا
بعد تقريبا سنه من الملاحظه
اكتشفت ان فيه ناس لما ازورهم او اكلمهم اليوم الثاني والهلع مشرف
قلت خليني اجرب وابتعد عنهم
بشوف فعلا انا على صح او مجرد وسواس
وفعلا طلع اللي توقعته صح
انا ما ابغى اظلم احد لكن هذا من خلال فترة تعبي
لان العين حق وفيه ناس لوكانت تحبك غصب عنه تنتبه لك
اخواتي في هالليله
ادعو وربي مايخيب دعاكم
ما اقول اني تشافيت 100ب المئه لكن الحمدلله تغيرت كثير وعرفت كيف اتحكم بنفسي
نسيت شئ مهم
هو السكن
من الاشياء اللي ساعدتني غيرت بيتي
كنت ب شقه واستاجرت بيت اكبر
يعني لو اعد الاسباب اللي ساعدت بعد الله بالشفاء كثيره
حاولو قد ماتستطعيون
جربت فعلا مافيه امر من طعم الحاجه للناس
قريب او بعيد

اختي المعتصمه
اخذت بروزاك مدة شهر وماناسبني
بعده تركته وبدات بعلاج فيتامين د

أم وجودة بارك الله فيكي على النصائح الجميلة صح ومن تجربتي كذلك أن تغيير البيئة وأشخاص معينيين ومواضيع معينة تساعد على التخفيف والسيطرة على النوبات،شكرا لك.

والله ام وجوده قبل الحمل تعالجت من فيتامين د وبي 12 وجرثومة المعده وتحسنت ربي لك الحمد الحين من بعد الولاده صارلي 3 شهور كنت طبيعيه بس هالاسبوعين انتكاسات صحيه ونفسيه شكلي برجع افحص علي الفيتامينات وجرثومة المعده
كلامج يرفع المعنويه ويحسسني في امل كبير اسأل الله ان يديم عليج الصحه والعافيه ويخليج حق بنوتاتج ويشافي الجميع
ام وجوده احب اعرف كم صارلج من بدايت الهلع ؟؟

من ولادتي الثانيه تحديدا من 12-6-1430 هجري حاليا عمر بنتي اللي صابني بعد ولادتها اربع سنين ونصف
اختي المعتصمه تبغين تتواصلين معي اطلبي من الاداره او اقولك معرفي بالتويتر

جزاك الله خير

اعاني من نقص فاتمين د وبدأت العلاج هذا الشهر الثالث لي اخدت حبوب 50.000 وحده كل اسبوع لممدة شهرين وحبه كل اسبوعين بعد اكملت الشهرين
الاعراض خفت الحمد لله وزني نقص اكثر من 10 كيلو الاكل افضل من اول لكن الاعراض مازالت تعب وضيف ف الصدر وخفقان وعدم ممارسه حياتي بشكل طبيعي ووسوسه من الموت
طمنوني اللعندهم النقص متي تزول الاعراض لدي مع اني اخرج للشمس
اتنمني الردود منكم
وشفاكم الله وشفاني من كل مرض وسغم
مع كل عسر يسر ومع كل ضيق فرج كبير من الله
لاتقنطو من رحمته...
دعواتكم لي بالشفاء العالج

الله يكتبلك ويكتبلنا الشفاء ان شاء الله يا أختي

حتى انا صرت اشك في قصة فيتامين دال ممكن هو سبب القلق بس ما ادري كم نسبته عندي لاكن انا احس انه ناقص كثير لاني أغلب الوقت اشعر بالتعب وايضا عندي نفس اعراضك يا اختي من خفقان وضيق صدر وايضا اعراض اخرى وايضا الوسواس

ان شاء الله ربي يفرجها علينا

فتحت المنتدى صدفه...سنين مرت على كتابتي للموضوع ..الله يخفف غنكم يارب ويبعد عنكم البلاء