الله يسعدكم اخواني راعي المدى و عاطف لا خلا و لا عدم

تطمنوا عندي كمية تكفى لين منتصف أبريل يوم موعد مراجعتي للمستشفى لاني قبل كم شهر راجعت المركز الصحي و طلبت من الطبيبة تحولني للمستشفى القريب منا و الحمد لله عطوني موعد

ربي يحفظكم ما قصرتوا بيض الله وجوهكم

اكمل باقي الردود بإذن الله تعالى لكني ابغرف السحور و ارجع ان شاء الله

السلام عليكم ورحمة الله وبركاته

حياك الله اخونا بدر

انا ما قط جربته

و فعلا مثل ما قال اخوي الهجام ممكن يجيب الوساوس دام انه من فصيلة الكلوزابين ، لأن اخوي مريض الفصام عذبته الوساوس بسبب الكلوزابين

انا الوسواس ما يتولجني الا اذا زاد معدل الخوف ، اذا كنت مطمئنة ما اعرف الوسواس

ربي يطمنا وياكم جميعا و يرزقنا امان الدارين

اللهم امين يارب العالمين

مرحبا اختنا الكريمه عيون متفائلة سبق وان قلت لك ان حالتك تتطابق مع حالتي تماما وخصوصا في وصفك للقلق والخوف يبدا من الصحيان من النوم صباحا ويخف تدريجي في المساء ودائما احس اني متوازن اخر الليل عكس اول ما اصحى

عموما شفتك تقولين انك تركتي الادوية ١٠ سنوات هل تركتيها تماما او يتخللها ادوية بين فتره وفتره وبالنسبه للمرأة الي تكوي ودي لو عطيتيني رقمها او ايش اسمها وبأي مدينه واسأل الله ان يشفيني واياك وكل من هم معنا في دوامه المرض

السلام عليكم ورحمة الله وبركاته

حياك الله اخونا

بالفعل هذي انا . من يوم افتح عيوني الصباح قلبي يخفق من الخوف و الخوف يسحب معه الوسواس ثم يخف تدريجيا مع الظهر لين العصر

انا اول ما بدأت اتعالج تعالجت عن الخوف و الوسواس مدة عشر سنوات تحت إشراف طبي ، تنقلت بين السيبرالكس و البروزاك و السيروكسات ثم قررت اتركها نوبتن وحدة تدريجيا تحت إشراف طبي

لين الحمدلله خف الوسواس ، حتى لو يداهمني كل فترة اقدر بقدرة الله اسيطر عليه بدون علاج

بس الخوف و القلق و الرهاب موجود ، رهاب الخروج

ما اروح الا للمستشفى او دائرة حكومية ، قعدت عشر سنين على ذا الحال بدون اتناول حبة وحدة ، حتى هنا الأخوان يقولون ما يصير لازم تاخذين علاج

قلت الأدوية كانت تخليني انام عشرين ساعة يوميا و زودت وزني كثير ، و بالقوة سيطرت على الوزن

لين برمضان الماضي ثاني يوم داهمني الوسواس بعد كابوس و بعدها أنشب مخالبه فيني مو راضي يفكني
لين قعدت اربع ايام ماني قادرة اغمض و خفقان و هرولة طوال الوقت مكاني لين تقطعت اقدامي

عطاني الدكتور فافرين و سيروكويل
ما ناسبني الفافرين لانه طبخ عندي المريء و غثيان و الام شديدة في المعدة ، بعدين من عندي غيرته للبرنتلكس

إلى الآن ما ارتحت راحة تامة لكن ناوية ازيد الجرعة بإذن الله تعالى في العيد


المرأة اللي تكوي اسمها ام بندر المطيري في بحرة بين جدة و مكة موجود عنوانها في قوقل الحين أحطه

أم بندر للعلاج الشعبي https://g.co/kgs/hkkB1Dd


تواصلت مع اخت سبق راحت لها

تقول انها ما ترد على الرقم الموجود بقوقل

لازم تصلي الفجر قريب منها عشان تلحق تحجز
و دايم عندها زحمة تبارك الرحمن الله يجزيها خير و يعافي عباده
و من يوم يأذن المغرب توقف علاج تقول ما ينفع الكوي ساعة الغروب

لذلك تكوي من الصباح للعصر


انا قلت ابروح لها بعد العيد ان شاء الله

ليتها تكويني و تكوي اخوي مريض الفصام

احاول اني ما اقله انها تكوي ، اقله انها تعالج بربط الراس ثم اخليها تكويني قدامه عشان يتجاسر و يرضى تكويه


لانه اصلا رافض رفض تام العلاج الشعبي كيف الكي


الله يسهل الأمور يارب العالمين

و يشفينا جميعا بدون كي و علاج

الله يجزاك خير ياختي من لهجتك ويوم قلتي ١٠٠ كيلو حسبتها بالرياض او حوله لكن بجده بعيد بالحيل

نقول الله يسهل وييسر يارب طيب جربتي ترقين نفسك هل تتأثرين بالرقيه