المشاركة الأصلية كتبت بواسطة كبرتني ياهمم (المشاركة 933719)

الله يارب يجعل ماتقوم به من خير في موازين حسناتك يوم القيامه وان الله يرزقك بأشخاص يساعدونك في وقت حاجتك يارب ..
ان شاء الله راح اجرب الادويه الي قلت عنها ..
اي ياخوي ياليت لو اجرب عينه من العلاج المستخدم واشوف اذا جاب معي نتيجه طلبت واحد جديد واذا مافاد الشكوئ لله
اتمنى ان تذكري تاريخك المرضي مع الرهاب والاعراض الهلعيه المصاحبه له بالتفصيل .؟
بدا المرض بعد وفاه والدي حيث عشت في فتره زمنيه عانيت فيها من العنف الاسري شي ما يفوق الخيال ومعاناتي بدأت من سوء معامله اخي الكبير لي ولأمي وكانت توصل المشاكل للاسعاف واستدعاء الشرطه للتحقيق معه حيث انه كان انسان قاسي القلب ولا يوجد بقلبه ذره رحمه كنت اشاهده وهو يظرب امي بشراسه<< اعتذر اكمل الاجوبه باللغه العاميه في يوم من الايام دخل علينا واقفل باب الشقه واخذالمفاتيح في ووضعها بجيبه وقطع اسلاك التلفون عشان مانقدر نستنجد بأحد وراح للمطبخ وجاب سكين ومسك امي ونزلهاع الارض ومسك السكينه وكان بيطعنها انا هنا جاتني حاله هستريه تجننت فقدت وعيي وقمت اظربه واظربه واصيح وانجرت بالسكين والدم اصابني بحاله انهيار عصبي ويوم شافني ادافع عن امي جرني جر مع شعري ع الغرفه الثانيه وفتح البلكونه وكان بيرميني بالشارع وانا اصيح واتمسك بالباب وابوس رجله واقوله تكفئ ياخوي لا لا ياخوي والدم مغرقني وفي وقتها امي راحت تصيح عند باب الشقه تقول اللحقو بنتي اتصلو ع الشرطه يناس ياعالم والجيران يجزاهم بالخير كسرو الباب ودخلو وانقذوني << من بعد هذا الموقف اصبت بعدم الثقه في نفسي والهلع من اي صوت صراخ والخوف الشديد وقت النوم كنت لا انام حتا اتأكد ان امي نامت وان باب غرفتنا مغلق واصبحت اكره الاجتماعات واخاف اتكلم امام مجموعه ومستواي بالجامعه نزل صرت ما اذاكر واربع وعشرين ساعه ملازمه امي واجلس معها صرت اخاف اخااااف اخاااف يجي فجأه ويسوي فيها شي حتا الاستحمام ماكنت استحم الا اذا امي نامت واقفل عليها الباب واروح اسحتم وصرت كل وقتي افكر وافكر وافكر ليش ابوي مات وتركنا ليش اخوي يسوي كذا في امي وليش امي تخاف منه وماتدافع عن نفسها وكيف واقدر اتخلص منه والتفاكير جننتني صرت امشي واكلم نفسي وهذا الموقف اللي حصل بسيط بالنسبه للمواقف الاخرئ
بس ذا كان اول موقف وسبب لي حاله هلع فضيع وارهاب اجتماعي ..


انا لله وانا اليه راجعون لاحول ولاقوة الا بالله
اسال الله العلي القدير الرحمن الرحيم ان يفرج همك انتي ووالدتك وان يرحم ضعفك وينصركم نصر عزيز مقتدر انه سميع مجيب الدعاء

اولا اكثري من الاستغفار انتي ووالدتك وباذن الله سوف تنفرج قريبا باذن الله .
ثانيا اخوك هداه الله مريض نفسي او مصاب بخلل عضوي فالمخ وهذا وارد بناءا على تصرفاته لانها تصرفات غير طبيعيه
ثالثا سبب مرضك هو نفسي بحت والعلم عند الله والسبب هو مامررت به في حياتك .. وفاة والدك رحمه الله وفعل اخاك الغير طبيعي

رابعا بعد هذه الاحداث التي حصلت لك سببت لديك قولون عصبي والعلم عند الله لانك لم تستطيعي ان تتحملي كل مايحدث لوحدك ولعدم وجود اجوبه مقنعه لما يحدث معكي .
خامسا هذا القولون تحول الى قولون نفسي بسبب التفكير وبعدها تحول الى قولون توتري وقلقي حاد وهذا التحول سبب لك عدم الثقه فالنفس (( وهي ماتسببت في الحاله الهلعيه))
سادسا العلاج بسيط مجرد فديو تستمعي له حرفيا وباذن الله خلال 3 ايام سوف تتغير النظره السوداويه من تفكيرك ويتم استبدال الفكره السلبيه بايجابيه عن طريق احتواء الفكره والتاكيد على العقل انها من الماضي وانتهت.



1- كم سنه وانتي تعانين من المرض .؟
8 سنوات اعانك الله واسال الله ان يجعلها تخفيف ذنوب وزياده فالاجر

2- كم عمرك حاليا .؟
28 عمرا مديدا فالفرح والسعاده والنجاح قريبا باذن الله

3- ماهي الاماكن التي تحدث لك اعراض الهلع عند زيارتها .؟
حفلات الزواج ، واجتماعات الاهل ، واذا ذهبت لزياره صديقاتي او اهلي ، اذا حضر لدينا ضيوف في المنزل، امور بسيط مع اكتساب الثقه سوف تكون مجرد ذكرى ولاتياسي من المحاوله

4- ماهي الاعراض التي تصابين فيها وقت الهلع حرفيا ؟
رجفان بالجسم بالكامل وزياده فالتعرق زياده في نبضات القلب
نشفان الريق احمرار بالوجه و صعوبه بالكلام
،ارتباك ،عدم القدره ع الوقوف ، عدم استيعاب الموقف سوف تختفي بالتدريج باذن الله وانت الحكم

5- متى اول مره اصبتي بالهلع اين ومتى وكيف ومالسبب في رائيك ( مهم جدااا ) ..؟
اصبت بالهلع في اول حصه لي حيث انني كنت معلمه في مدرسه وفي اول يوم لي دخلت ع الطالبات واحسست بخنقه فضيعه
وزياده ظربات القلب ورجفان في جميع الجسم وثقل وارتباك وصعوبه بالكلام لا استعطيع التحدث واحمرار الوجه
وكنت اريد البكاء ولم استتطع شرح الدرس
واستمر معي هذا الوضع لطليله شهر مما ادئ الئ قرار فصلي من المدرسه وانني لا اصلح بأن اكون معلمه
واقسم بالله زادت نفسيتي تتدهور اكثر واكثر واكثر تحطمت وكرهت نفسي وكرهت الاجتماعات والخروج للناس اصبحت انطوئيه
بسبب فصلي واني في امس الحاجه للفلوس
لكن مرضي ذا حرمني منها . الخيره فيما اختاره الله لكي فاصبري ويوفى الصابرين اجورهم .. وكثير حالتهم اصعب مما تتصوري بالاف المرات ونجحوا في تجاوز الازمه كليا بالعزيمه والصبر والمثابره

6- وماهي الادويه التي استخدمتيها منذو اصابتك بالهلع .؟
السيروكسات
وحشيشه القلب
ادويه عشبيه اخرئ اذا هذه الادويه لم تاتي معك بنتيجه فلن ياتي معكي اي مركب عشبي بنتيجه .. والسبب انك لاتحتاجين لادويه او مركبات تتحكم في عمل المخ وانما انتي في حاجه لرفع ثقة تفكير المخ .لان المسبب نفسي بحت.

المشاركة الأصلية كتبت بواسطة كبرتني ياهمم (المشاركة 933765)

جزاك الله خير ياخوي ..
انا الحمد لله مؤمنه بقضاء الله وقدره وطول وقتي استغفر والحمد لله مداومه ع قيام الليل وقراءه سوره البقره
ايه صادق اخوي كان فاقد وعيه كان يتعاطئ المخدرات وهي اللي دمرت حياته ودمرتنا حسبي الله ونعم الوكيل علئ كل رفيق سوء حسبي الله ..
الله يجزاك خير ي خوي ماقصرت المقطع ذا انا شاهدته كذا مره لكن للاسف احس مافي ولا نتيجه وانا دايم اتابع دكتور ابراهيم الفقي رحمه الله واطبق كلامه لكن في وقت الجد يضيع مني كل شي ..
ولكن برجع احاول مره ثانيه ماني بفاقده الامل ..

المشاركة الأصلية كتبت بواسطة سملاق (المشاركة 933842)

انتي تستخدمين كبتاكون من متى

المشاركة الأصلية كتبت بواسطة معالج الهلع (المشاركة 933908)

!!!! سملاق البنت ذكرت ان اخوها يتعاطى المخدرات وليس هي !!!!

اهااااااااااااااااا اخوهااااا اقسم بالله مافهمتها كويس
00``00`09`1`01`01

المشاركة الأصلية كتبت بواسطة كبرتني ياهمم (المشاركة 933942)

لاحول ولاقوه الا بالله

(( ربنا لآ تؤاخذنا بما فعل السفهاء منا ))
وانا متئ ذكرت يا اخ سملاق انني اتعاطئ هذا النوع اللي تتكلم عنه
الحمد لله والشكر بس ..