|
سبحان الله حتى سورة البقرة ما احد يصدق يوم اقراها او اشغلها في البيت انواع المشاكل و خراب اجهزة البيت
لدرجة نضطر نغيرها و نتكلف ما تتصلح شي مو طبيعي نتعب تعب مو طبيعي كلنا لدرجة الهلاك و مع ذلك احاول استمر قدر المستطاع هذا كله من تسلط الاشرار لازم نجاهدهم لانهم احقر من اننا نستسلم لهم و نعطيهم فرصة السيطرة على حياتنا و تخريبها كفاية اللي راح من اعمارنا في التعب ، لابد نستيقظ لانفسنا و نقاوم لاننا نستحق ربي يعافي الجميع و يجعل القادم اجمل و نصحى على فرحة تجدد حياتنا آمين |
لاتعليق
ياليت تخبرنا آيش مشكلتك وكيف عرفت انها روحيه خلينا نتشارك لأن في ناس ماتؤمن بهالشي عندها انك تقول الشي نفسي.وعلاجها بحبوب نفسيه ولا تقولها روحي. علاجه القرآن والرقيه عيون متفائله ياهلا ومرحبا اسمك يدعو التفائل إلى بجد محتاجينها كثير الإيجابيه نحتاجها كثير كثير بذل السلبيه والتحلطم إلى مامنه فود الا زياده تعب على تعب انا من نوع إلى اتعب بسرعه ََََََََماتحمل يعني تخيلي لو استمريت يومين وأشد على روحي اتعب ويزيد التعب ويزيد الكآبه يعني بدل ماحس بتحسن اتعب زياده وانا قريت أن هالشي طبيعي فالبدايه بس ماقدر اتحمل احس بنفجر تعب شديد يعني لو تنفك هالعقده واقدر استمر اعتقد بيصير الوضع احسن لأن شفت مقطع يقول فالبدايه بيشد عليك بيهلكك لأنك قاعد تقاومه وهو زي الي بيخنقك انت وهو تتخانقو فلو كملت رقيه وعباده وذكر وقرآن بيضعف يضعف ليما يبان أن قدرت تتحكم فنفسك مع الاستمرار طبعا وفي مقطع لراقي يقول الدعاء الدعاء يوميا بدون انقطاع يعمل العمايل والله يقولها وهو كأنه متأكد يقول شي قوي فاوصيكم بالدعاء آخر الليل يعني من ١ وطالع وبعد التشهد الأخير هذا أفضل أوقات الدعاء للاجابه الدعوه مثل ماقلتي كأنك فحرب تجاهد لاكن نبي النصر بأسرع وقت لأن البلا إلى نزل على مو شوي طيب احين انتي حسيتي بشي هل كنتي تقومين ببرنامج علاجي هل انتي متأكده انك فيك شيطان الحسد ولا توقع من الأعراض وهل في شي عملتيه وحسيتي بتحسن؟ الله ينزل علينا الشفاء والعافيه مانبي الا كذا بس بنسبه للبقره إذا كنتي تتعبين أوقات بالقراه خليها سماع وعادي مو لازم تطولين عللصوت البقره تهجد اي شياطين سوا فالشخص أو فالبيت لازم يوميا انصحكم يوميا البقره وقت النوم حتا لو فغرفه ثانيه أو الصاله ينفع مو لازم فغرفتك عمر عبدالله والله العظيم من امنياتي المحافظة على الصلاة فوقتها فالجماعه يارب حقق هالامنيه قريبا وأهم شي إصلي وانا مرتاح ومستمتع بدون تعب نفسي قلق وتوتر |
السلام عليكم
حياك الرحمن اخوي الفاضل صبري اسأل الله ان يجزيك جنات النعيم في الدنيا و الفردوس الأعلى في الآخرة على المجاهدة و الصبر اللي تسعى لهما. بالنسبة للتفاؤل ما لنا غيره بعد الله و الا بنموت لا قدر الله بدونه، يكفينا إن ديننا دين التفاؤل و الانشراح ، و الرسول صلى الله عليه و سلم يعجبه الفأل و يحثنا اليه. بالنسبة لشيطان الحسد دريت عنه يوم انت تحدثت عنه هنا جزاك الله خير ، و ذيك الليلة ما بت ما غير اتصفح مقاطع اليوتيوب اللي تتكلم عنه و يوم تحدث الرقاة عن الأعراض الا عز الله كلها منطبقة علي و انا مدري أحسب إني اعاني طول ذيك السنين من الحسد العايدي ، ما دريت ان الشغلة أكبر من الحسد اللي هي شيطان الحسد و العياذ بالله منه. اجتهدت اكثر في قراءة القرآن و الذكر و سائر الطاعات و اجاهد نفسي و الخير جاي بإذن الله. و بالنسبة لسورة البقرة اشغلها قبل انام ، صحيح اني اوقات اشوف كوابيس لكني الحمد لله اقوم منشرحة. و بالنسبة للتعب اللي تشوفه صبري حاول تكمل معليش اضغط على نفسك اعتبرها عملية ولادة لأنك بعدها بإذن الله تبي تولد من جديد . أقوى الآلام بعد الم الحرق اعاذنا الله وياكم من نار جهنم هو الم الولادة، لو كل امرأة خافت من الولادة ما كان شفت الخلايق نمل يدبي ماشاء الله تبارك الله . لذلك اقنع نفسك انها مرحلة و بتنتهي و يجي بعدها الفرج الكبير و الراحة باذن الله |
و بالنسبة للدعاء ايضا علاج مو بسيط ،
اصلا الرقية الشرعية عبارة عن دعاء.. اذكر وحدة تقول لها سنين طويلة تعاني من السحر و وقف الحال، و ذاك اليوم صلت المغرب و بعد الصلاة اخذت تدعي بعمق و حضور قلب و يقين بالإجابة لدرجة يبي يغمى عليها من البكاء و التضرع لارحم الراحمين سبحانه، و فجأة اخذت تنتفض لدرجة حست روحها بتطلع الا و ينطق الجني خادم السحر اللي فيها بالشهادة و يطلع، تقول شافت زي الدخان خارج منها و اختفى و بعدها ماشاء الله تبارك الله تعافت تماما. و اذكر كذلك وحدة كانت تتسوق برمضان و فيها سحر له عشرين سنة و دخلت المسجد في قسم النساء و صلت التراويح و أثناء دعاء القنوت تقوم تنصرع أثناء الصلاة و تنتفض و ينفك سحرها بإذن الله . من بعدها دريت ان الدعاء علاج قوي لا يستهان فيه. و اذكر قصة وحدة من قوة السحر اللي فيها ما تقدر تقرأ القرآن تتعب تعب شديد و قال لها الراقي كل ما استطعت ادعي في اوقات و مواطن الإجابة و استغفري. و اسأل الله الكريم ان يعافينا وياكم و جميع المسلمين آمين |
قابلت صاحبي و سئلته عن دراسته قلي تركتها و السبب حساسيه في الصدر
عرفت ان الجهاز العصبي اتأثر عندو بسبب الحشيش وان استمر يمكن يترك عمله لا حول ولا قوة الا بالله كان نفسي اقوله كلمه |
وعليكم السلام ورحمة الله
عيوني المتفائله امين يارب وياك. ولكل شخص يعاني طحت لك على راقي ماشالله عليه رقياته ممتازه وقويه ومركزه اسمه الراقي ابو إيمان https://youtu.be/fVJ9TtwrPHo عسا يطلع الرابط وإذا ماطلع كتبي الاسم باليوتيوب ويطلع قناته ممتازه ويوميا ينزل رقيه مطوله مده ساعه لجميع الأمراض وصوته هادي مريح تصدقين ياعيون سابقا كنت مميز فالدراسه كنت ممتاز وكنت مميز كشخصيه اجتماعي والجلسه ماتحلي الا بوجودي لاكن غلطه العمر أن ماكنت اعرف تحصين وقتها كنا فمراهقه وحب الحياه لاكن للأسف دمرونا بعيونهم لدرجه طلعت من المدرسه وماقدرت اكمل الدراسه والشخص الاجتماعي الضحوك انقلب لشخص حزين يبان على وجهه يعني والله شي يؤلم أن تتدمر حياه انسان بسبب عين وحسد أو سحر تخيلي انا اعرف شيخ حسدوه مشايخ لين ماجابوه القبر هذا وهو شيخ وهم مشايخ كيف الناس العاديه بس هل انتي كنتي مميزه فشي لأن أكثر إلى يحسدون يكونون مميزين بشي يعني فالدراسه لما تكون ممتاز والي معك دلوخ طبيعي بيحسدونك حسبي الله ونعم الوكيل عليهم احين هم وصلو للي يبون وانا اعاني البقره قبل شهرين تقريبا كنت اقراها لاكن حاليا ماقدر لاني داخليا منهار وهي طويله يعني ممكن اموت متعبه جدا جدا هالايام اقرا الفاتحه مكرره الكافيه الشافيه لأن راقي يقول كررها وتشوف مفعولها كيف كلها محاولات طبعا الرقيه اسمعها بسماعات هدفون هذا شرط مهم عشان الايات تدخل هالمخ وتفتح مساماته وتطلع اليهودي إلى متكي داخل ههههه الاحظ تثاوب واضح مع دموع وتنهد والله فجهاد مايعلم فيه الا الله الله يفرحنا بشفائنا كلنا من كل مانعانيه عمر الجهاز العصبي هذا مصيبه لاتلخبط لخبط كل شي تحس وكأنه صار التماس فالجسم مستمر والمصاب روحيا يعاني من هالشي الله يسهل الأمور بس ياليت تعطينا نصائح دينيه جربتها انت وجابت فائده |
ياصبري يوم اسألك عن الدخان انا احسن انه سبب قوي لدمار الجهاز العصبي ومعين للشيطان الرجيم
عموما انا تزامن مرضي مع التدخين ولكن مادري هل دخنت وجاني المرض او مرضت وبديت ادخن مدري لكن البلاوي هذي كلها كانت في سنه ونص الى سنتين والى يومك تتن وسيروكسات الله يعصمنا عنه وكل مسلم |
بالتوبه من الذنوب بتركها وحتى ان رجع لها الواحد يتوب ويتركها مره ثانيه و الاتجاه الى الله بالرأس و القلب و الاكثار من الدعاء وبر الوالدين و الصلاة و الذكر
( وَالَّذِينَ آمَنُوا وَعَمِلُوا الصَّالِحَاتِ وَآمَنُوا بِمَا نُزِّلَ عَلَىٰ مُحَمَّدٍ وَهُوَ الْحَقُّ مِن رَّبِّهِمْ ۙ كَفَّرَ عَنْهُمْ سَيِّئَاتِهِمْ وَأَصْلَحَ بَالَهُمْ (2) ) ما اعرف الكيفيه اللي يتم فيها اصلاح البال لكن حقيقه سبحان الله |
السلام عليكم
حياكم الرحمن جميعا هلا بك اخونا صبري بالنسبة للتحصينات ترانا كلنا ما درينا عنها غير بفترة المراهقة و بعد ما اصبنا بهذي العلل و الحمد لله على كل حال ، حتى أهلنا ما كانوا يفطنون للتحصينات او يحثونا عليها، يمكن لان الخلايق كانت على الفطرة و نفوسها طيبة. بالنسبة للدراسة ما كنت متفوقة ذاك التفوق لاني ملولة ما اقدر امسك كتاب فترة طويلة، لكني اجتماعيا كنت محط الانظار و كانت لي شعبية جامدة في المدرسة و محبوبة الحمدلله من جميع المعلمات و الطالبات و كنت نشيطة في الإذاعة المدرسية و الإلقاء لين ربي ابتلاني و الحمدلله على كل حال بالوسواس القهري في الصف الثاني ثانوي تحديدا بشهر رمضان و انا صافة جنب جدتي في صلاة التراويح في مسجد حينا. من بعدها حالي تبدل مدري وش صار ، خوف قلق رهبة وسواس عزلة و انفراد لين جدتي الله يرحمها تألمت كثير لحالي. كنت من شدة الخوف انام جنبها و الف نفسي بمسفعها و تركت بيتنا و جلست عندها لأنها الوحيدة اللي كنت اجد عندها الأمان، و كثر غيابي عن المدرسة و هي ما خلت راقي شرعي ما ودتني له حتى الرقاة اللي خارج مدينتنا رافقتني لهم. الله يجزاها خير الجزاء و يجمعني بها في فسيح جنات الفردوس الأعلى انا بصراحة ما أبي الحياة بعدها، فاقدة الأمان، كل معنى جميل للاشياء نقص في عيني و قلبي من يوم راحت. حتى اخوي مريض الفصام اللي بقي لي ربي يعافيه منبلش بعمره ما يدري حتى عن نفسه، تراه من ريحة جدتي الله يرحمها نفس الطيبة و البراءة لكني ماني حاسة بالأمان بل بالعكس بالخوف عليه أكثر من نفسي ، اخاف من الانتكاسات اللي تمر فيه كل فترة و اللي تصاحبها ميول انتحارية و يضطر يتنوم و يعطى جلسات الكهرباء. الله يلطف بحال المسلمين و يعافي مرضاهم ترى كتابتي مشتتة لان تفكيري مشوش بسبب قلة النوم ، الارق ذابحني من تالي و اعتذر و لي عودة بإذن الله |
متزوج
والله اذا تعرف طريقه نترك الدخان لأن من جد تعبنا الفائده صفر عمر والله صدقت أهم شي التوبه المستمره والاستغفار الله يجزاك خير فعلا كلامك فمتمه عيون اي و الله كنا مقصرين كثير فالتحصينات وفعلا والله زي ماقلتي الاهل كانو مقصرين ماذكر. وقتها كانو يحرصون خاصه فزمننا هذا كثر الحسد عشان كذا لازم الواحد يحضن نفسه انا اشوف ناس كثير فسناب المشاهير وكذا يصورون النعم وكل شي ومايجيهم شي اعتقد السر انهم يقرون الأذكار ومتوكلين على الله وأعتقد هذا السر لاكن إلى جاته الاصابه مثل حالتنا الله يعينه يبيله علاج روحي مكثف الله يبشرنا بكل خير فاقرب وقت أوصيكم بالصدقه لومبلغ بسيط بشكل مستمر مانقص مال من صدقه بل تزيده بل تزيده صدق رسول الله صلى الله عليه وسلم |
اخي هل انت ضحية عين او حسد ام انك بنفسك توسوس لك او الشيطان عن الحسد و اما يملكه الاخرين ؟ ارجو التوضيح لاني انا من النوع الثاني و تشخيصي الهوس الاكتئابي ثنائي القطبين و تأتيني افكار عن التجار ورجال الاعمال و ما يملكونه و ووو الخ الخ الخ , فعلا شاهدت مقاطع مؤخرا عن شيطان الحسد و الرقية بالرغم من ان الرقية الشرعية تفيد كل الحالات النفسية او الروحية
|
اقتباس:
|
موضوع جميل بنتي مستحيل تنام في الليل .. حتى لو حرمتها من النوم في النهار عشان تنام في الليل طول تتفزز و تبكي و اشيلها تنام شوية و لما احطها في السرير تصحى .. يعني تعبانه و مرهقة بس ما تنام .. و حتى تركت انا القيام من حالتها هذي و لي فترة ما اقرأ وردي و لا اختم القرآن .. و طبعا النوم معفوس و الحالة نكد .. مجبورة اصحى على وجهي اسوي غداء و اذاكر لبزورتي و انا ميتة تعب
بحاول ارقيها و جزاكم الله خير علىالتذكير |
الوضع مدحدر الظاهر مكتوب العذاب
انا اكثر شي يعصر قلبي ويمزقه لما اطلع برا واشوف كيف أن الناس عايشه طبيعي بدون اي مشاكل تقضي اشغالها تطلع تنبسط شي يخليك تقول ايش الي يصير ليه انا بس؟ والله لو اقدر وعندي القوه للخلاص خلصت لأن طفشت ماشوف ولا نص تحسن المشكله انا سابقا قوي مانهز لاكن هالمرض اللعين سوا الروحي أو النفسي خلاني قطوه العمر يمشي والناس حققت آمالها وانا قاعد اشكي الحال من الوضع الزباله ههه والله شي يضحك ويبكي حسبي على من كان السبب فإلى وصلتله |
السلام عليكم
الف سلامة عليكم اخواني اخواتي اختي هبة الرحمن مافي انك تلزمين تقرئين عليها الرقية الشرعية و تخلين القران شغال اربع و عشرين ساعة القران مو علاج سبحان الله بل شفاء و ربي يطمنك عليها و يرزقها برك و يحفظها لك هي و اخوانها معليش صبري ان شاء الله ما فاتك شي ما يدريك يمكن القادم اجمل ما يدريك ينتظرك شي فوق التوقعات و الامال بعد كل هذا الصبر ما ذلك على الله بعزيز سبحانه عسى من غفى و هو مكسور الاحلام يصحى على فرحة تجدد حياتــــــــــه آمين |
طال الصبر وكان أمس خميس ضغطت على روحي وقلت بطلع بس عشان اشوف الوضع وجدت أن الناس فرحانه لاشوي فرحانه متشققه من الفرح عشان اليوم خميس انا طبعا اطلع عشان اشوف هل فيه فرق بيني وبينهم وجدت أن الفرررق كبيييير شي فوق الخيال باختصار هم أحياء وانا ميت
والله العضيم أن هالمزاج مصيبه اشبه بمكينه السياره إلى إذا خبطت ماتمشي السياره هذا نفس الوضع انا اعرف انك تحبين ترفعين المعنويات الله يجزاك خير بس فعلا الواقع صعب لاكن نقول الله يفرجها من عنده علينا جميعا عقل جميل يعني عندك كل شي وتحسد وش خليت للي ماتزوج ولاتوضف ولا عاش مثل غيره حاول تدعي ربك إن يشيل منك هالشي واستشطر دكتورك يمكن يكون وسواس قهري هبه الرحمن زي ماقالت عيون جيبي مسجل يكون فيه فلاش يو إس بي وحطي فيه سوره البقره بأصوات قراء كثر. وخليه٣شغال علي طول وبرضو اقري عليها الفاتحه والكرسي والفلق مكرره ونفثي ويدك على رأسها الله يشفيها |
تدري وش مشكلتك صبري ؟
انك تحسب ان صبرك و المك و حرمانك راح يستمر على طول بالله كيف يبي يستمر و فوقنا و معنا رب رحيم كريم ارحم علينا من امهاتنا و ارحم على انفسنا بأنفسنا اللي يعطي الجنة سبحانه و سبق اعطاها بغي لانها سقت كلب كيف ما يعطي الدنيا اللي ما تسوى عنده جناح بعوضة ؟. بعدين ما يدريك ان هؤلاء الناس اللي يضحكون لا اجتمعوا بالمخدة غرقوها دموع و انا على فكرة منهم تدري وش يقولون لي : اول ما يلفت نظرنا ابتسامتك العريضة و عيونك اللي تنطق بالتفاؤل و تلقاني اصلا و انا رايحة للمشوار بللت غطاء وجهي بدموعي في الطريق ، و ما انام الا عصرت عيوني دموع و رغم ذلك ما يراني الناس الا بكامل اناقتي مبتسمة و احيان اضحك و انا بوسطهم لين أدمع و امازح اولادهم و يفقدوني ، لأن نقطة ضعفي الاطفال و الحيوانات . ما هو كل من يخرج سعيد ، كلن حالته تطرده ، اما مديون اما له عزيز مريض ، ما أحد خال .. |
جزاكم الله خير عيون و صبري
ربي يحفظ لكم احبابكم صبري حول مشاعرك لايجابية افرح ان الناس مبسوطة هذا يثبت لك ان ممكن تحقيق السعادة هذا يعطيك تفاؤل يعطيك طموح و هدف انك بتصير بيوم مثلهم عارفة انك تشوفه حلم بعيد لكن تذكر " فلما تبين له قال اعلم ان الله على كل شئ قدير" اقلها لا تحط نفسك في مقارنة اذا كانت تزعجك لذي الدرجة لأن المقارنة ظالمة لا تقارن ادعيلهم بالبركة و افرحلهم و استعير من فرحتهم اضحك لانهم يضحكون انت ايش خسران انا افتح مقاطع ادور الضحك ادور الوناسة و انت تغم نفسك اذا ضحكوا الناس؟ ليش |
اقتباس:
و النفسية ما تتحمل هم و غم حتى انا اعيش الحزن مع نفسي و اضحك مع الناس حتى شيخ قال لزوجي يوم قرأ قال زوجتك مع الحريم تضحك و تسولف فاله اي هي فاكهة المجلس يقولون قال لانها تمسك صدرها يوم اقرأ عليها و فعلا ضيقة شديدة في الصدر كنت اعاني منها و انا لا اهل و لا سند و اهل زوجي بهذلوني و حتى في صحتي كنت اعاني و كل هذا الناس كانت تحسدك ع الضحكة بعدها جاني رهاب الحمدلله ما عاد صرت اضحك و ذحين صرت ع الصامت 🤷♀️ |
اللهم أنت السلام .. هادي الأنام .. جابر الكسر ومفرج الهموم والاحزان ..
أنزل طمأنينتك على كل قلب أرهقته الحياة وأنزل عافيتك على كل مريض يشكو التعب .. وأنزل رحمتك على من سكّنوا الثرى .. وحقق لنا ولهم ما نتمنى .. وارزقنا الستر والعافية والمعافاة الدائمة في ديننا و دنيانا وآخرتنا. صباح الخير |
عيون وهبه
انا استغرب ليه لما اقول الناس سعيدين تقولون ايش دراك يمكن فيها ويمكن انا اعرف ان كل شخص وهمه لاكن والله يبين انهم سعيدين ومبسوطين ولاكن اتكلم عن انك مانت بقادر تعيش وتتعايش مثلهم وبعدين انا لما ازعل مو منهم ازعل على نفسي ان ليه مومثلهم انا مشكلتي اني اشوف الناس اللي ماتعاني من شي وابي اصير مثلهم واشوف أن هذا من حقي وحق كل شخص يعاني انا برضو نفس الشي مع الناس احاول ماابين شي ودايم ابتسم لاكن وجهي يفضحني والله يااعزاء فيه شياب عمرهم قرب ٨٠ ونفسيتهم من أحسن مايكون هنا تعرف الفرق بينك وبينهم عموما اتمنى يتغير الحال والله دايم ادعي واليوم دعيت وقت ساعه الاستجابه الله يسهل الأمور ويعطينا مانتمنى |
اقتباس:
فيه نقطة تزعِّل شوي... لما انت طالع تنبسط و تشوفين ناس مبسوطة و المعروف ان السعادة معديه المفروض تفرح حتى لو تشوف مشهد في التلفزيون يفرح و لا يضحك و لا يونس تقوم انت الله يهديك تنكد على نفسك.. لييييه اخوي لاحظ انت كيف تكلم نفسك شجع نفسك بالعكس لا تحبطها و الله العظيم انت شاد على نفسك بالغلط انت لا تكلف نفسك ما لا تطيق كافأها و طبطب عليها بشويش اعرف اني قد قلت لك هالكلام و انت اخذته بسخرية لما قلت لك عامل عامل نفسك كولدك الصغير اللي بتربية و تعدله مو غلط و الله بعض الاهالي مقصرين و من السهل الممتنع الواحد يكتسب عادات طيبة لكن هالشئ ضروري حتي العبادات ترى جزء منها كبير عادة زي الصلاة لو مازرعتها و حرصت علبها في التربية تصير ثقيله في الكبر انا و الله ما ابغى اتفلسف عليك بس شوي شوي.. شوف الطفل كيف يتعلم المشي.. ما يمشي على طول كل مرة يمشي و يطيح فيها تقوى عضلاته اكثر و اكثر لين تقدر تشيله رجوله و انت الله يسخرلك عادات طيبة تملى حياتك بالخير لكن انتبه من طريقة كلامك مع نفسك هالكلام غلط يدمرك قبل لا تبتدي |
الكلام سهل لاكن الفعل صعب لأن لاتملك المقومات الي تخليك تقوم بالاشياء والي اولها مزاج طبيعي صافي
ترا الي اعاني منه من أصعب انواع الشياطين يتحكم فيك يلعب بك لعب ادخلو يوتيوب وشوفو شيسوي لاكن الأمر المؤلم انه صعب علاجه جدا جدا بمعنى اخر قيم اوفر |
تصدقون ودي يوم القيامه يكون قريب عشان ابي اروح الجنه واخذ العوض هناك
والله سابقا كنت قوي ماتاثر ولا اتشكى جا هالمرض خلاني بس اتحلطم واتشكى سابقا كنت مصدر سعاده للمقربين يوم بصحتي يوم طحت ماوقف معي احد نسوا العشره والله ياجماعه شيطان الحسد أو الأمراض الروحي عموما خاصه لاكن قديمه وشديده تأثر كثير على الشخص وتدمره والوسواس الداخلي يشوف شغله يقول شفت هذا انت تدعي وتصلي تحسنت؟ قاعد تتعب نفسك وقف بس هذا غير الأعراض الثانيه |
أوقات احس اني متحمل أكثر من مالفمفروض اتحمل يعني معقوله هالامراض والشياطين اقوا من كلام الله والرقيه والقرآن
والله جوالي مليان رقيات واسمعها بسكل مستمر والفائده صفر هذا الي يخليني استغرب ودايم اتذكر الايه الي تقول (لو أنزلنا هذا القرآن على جبل لرايته خاشعا متصدعا من خشيه الله) ليه ماتتحقق معاي مع شويه شياطين وأمراض شي يجلط الواحد انا مالون نفسي لاياست لأن كل الأبواب مقفله حتا باب الله كنت اطرقه كثير ولم يفتح لي الباب اذا ربك سكر بابه وش ترجي من الدنيا ولا عندك صدر حنون يحاول انه يوقف معك قاعد تصارع الحياه لحالك اقسم بالله ماحب اتشكى لاكن مجبر اقول هالكلام الوضع مؤسف |
السلام عليكم
بشرونا عنكم يا احباب صبري بشرنا عنك وعن احوالك .. كنت متابع لك من قديم وحبيت اسجل في هذا الموقع لما شفت كلامكم عن هذا المرض الروحي .. نسأل الله يشفينا منه حيث انني اعانه منه ولم اكن اعلم إلا من قريب والله المستعان .. مر على هذا مشاركاتكم في هذا الموقع من 2019 إلى الان هل هناك تطورات في العلاج لهذا المرض .. نرجوا افادتنا بارك الله في الجميع . |
يرفع رفع الله قدركم
|
نسأل الله أن يكون اخونا صبري بخير وعافيه فغيابه الطويل مغلق
|
أخي صبري وأختي عيون متفائلة وكل مبتلى باذية الجن، هذه طريقة وبرنامج لشيخ طيب للعلاج من اذية الجن، لعلها تنفعكم: https://bit.ly/309SyYD أنا طبعاً على يقين أن بي مس وربما أكثر من واحد، من بعد ما رأيته من الهول مثلكم، وأشوف المتفلسفين ومنهم من يُحسبون من أهل الإسلام وربما يُدعون بالمشايخ والعلماء، وينفون تلبس الجن بالإنسان، أقول في نفسي متروحاً يا الله لو بس تجربوا اللي أنا جربته لكني أيضاً على يقين بأن المس أو شيطاني قريني يستذلوني بذنوبي، وما قواهم على إلا الذنوب والمعاصي لهذا قررت أن أتخلص من الذنوب والمعاصي والسلوك الإدماني، ثم ابداء بالبرنامج إذا احتاجته ولا تنسوا الدعاء، فربما يكون هو وحده كفيل بأن ينجيكم، وهذه قصة عن أحدهم كان ذاهب لشيخ من أجل السحر، فبعث الله له من يدله على أن يستغيث بالدعاء: https://www.nafsany.cc/vb/showthread.php?t=138367 الله معكم |
| الساعة الآن 09:53 AM |
Powered by vBulletin® Version 3.8.11
Copyright ©2000 - 2025, vBulletin Solutions, Inc.
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.
المواضيع المكتوبة لاتعبر بالضرورة عن رأي الموقع رسميا