النفس وما اعتادت والآن فيه ناس ما يستسيغون لحم البقر ولا يمكن ياكلونه لانهم اعتادوا على لحم الجمل والعكس صحيح بس الصراحة اليربوع شكله جميل وعيونه صافية وجذابةايش جابه للفار ,,شوفيه مرة ثانية وشيلي من راسك الفكرة القديمة!!

انتي تبغين الكشنة اللي تحتط فوق الرز اهااااااااا ..........قولي كذا من اول

انا احط صنوبر وزبيب وحلقات بصل كله محمر طبعا

خاله فاتن تحطين صفار تحطين ليمون اسود مطحون والا ماتحطين بس الصنوبر مابيه ياويل سبدك يابنيدر وه

هذي برضه تنفع للعزابيه
المقادير
صدور دجاج مقطعه مكعبات
بصل مكعبات *** اذا عندك فرامه ارميها فيها
زبادي *** لبن**** بهارات مشكله **** ملح *** شويه خل عصير ليمون كاسه شاي ممكن

الطريقه ترميها كلها على بعض >>> حوسها بالغه العزوبيه

وخليها من اليل الين وقت الغدا في الثلاجه تحت مو في الفريزر
وبعدين اقلي قطع الدجاج
وسوى جمبها رز او بطاطس انت والى تحب وسوى سلطه لاتنسا


وبالعافيه ان شاء الله تعجبكم

الله يرج ابليسك انت ويش علامك ابغا أبدع لاتكلمنى الحين خلينى اطلع الى في راسي
مو عاجبك الصنوبر والزبيب اها مدري الضبان احلا مو ياحومت كبدك بنيدررررررررررر

كل يوم اكل بيض اسهل واسرع انا بالخزان ارسلي لي السواق يجيب معه غداء لو يوم واحد بس

والله اكثر وقتي فطور بس الحين قررت اروح للافندي اجيب لك بروستد حبارى

مشكورين جميعا

مرحبا :

الله لا يحرمنا من الدجاج لا بقر ولا جرابيع و بعدين وين شكلة جمييل الله يعطيك العافية و عيونة

صافية إلا مانمت بسبتها و شكلة والله فــأر مقعد : ) و أي أفكار قديمة إذا تقصد شرب دمه سمعتها

اليوم من زميلاتي و أكثرهم قصمان بعد قالوا إن دمه زي للربو و أنا وش يدريني : ) ما عندنا أهل

الجنوب هالحركات ناس منطقية تعرف وش تأكل ههههههههههههه من دون زعل بس الحقيقة أهلي

قبل إذا ما عندهم ما يأكلونه يكتفون بالحليب مدري اللبن و خبزة صاج ...

سمية القحطاني ...

في طبخه سهله مررررررره من افضل الطبخات اللي اسويها ايام العزوبيه <> استخراع <>

المقادير :
2 بطاطا متوسطة الحجم

2 بيض

< شرائح طماطم وشرائح فلفل اخضر لاتزيد عن ثلاث حبات الشريحه فقط للتزييين <<<<<<< كلش عاد ولا التزيييين من اصول الطبخ ههه

الطريقه :

1_ تقطع البطاطا مكعبات صغيرة بعدين تغسلها بالماي وتضع ملح شوي عشان تساعدك عالنضج اذا قليتها بالزيت طبعا ً

2_ من بعد الغلي ونضج البطاطا قليلا وليس احمراراً " يكون شكله بين المستوي والغير مستوي "

3_ تجيب الصينيه وتدهنها زيت وتضع البطاطا المكعبات فوقها الشرائح الطماطم والفلفل ،، وبعدين تكسر البيض في صحن وتخلطه جيدا ثم تصبه فوق البطاطا وتدخله الفرن ، وتشغل الفرن من تحت اول وتخليه 10 دقايق او ربع ساعه لما ينشف البيض شوي تحس انه لونه جمد ،، وبعدين تطفيه وتشغل اللي فوق وتخليه 5 دقايق والا 10 حسب النضج !

4_ بعد ماينضج تطلعه عاد تاكله بالصينيه والا تحطه بصحن كلاسيك وتاكله بالشوكة او الملعقه خخخ وبالهناء والعافيه

ملاحظه : يمكن للتزيييين تضيف بصل شرائح كمان او قطع صغار مع شويه بقل صغار مقلي

سمية الفكرة القديمة قصدي فكرتك وكرهك لليربوع غيريها وشوفي صورته مرة ثانية وش رايك انزلها؟؟

بعدين ترا من طرق علاج المخاوف المواجهة,,, ولا القرف مالو دواء؟!!


آباؤنا واجدادنا في نجد وقت الجوع يعيشون على التمر واللبن فقط لان اليربوع لا يمكن يكون غذاء كافي لكن فيه فئة من القديم لهم هواية في صيده واكله وفي الوقت الحالي يكادون ينقرضون

صباحكم خير وسلام :

ليش كنت أعرفة أصلاً فضل لك و أبو حفصة عرفتوني عليه زييين ما قصرتو مستحيل أنساه من إللي جاني

بسبته هالجربوع و خلني أشوف الصورة تنزل لي بأولع في المنتدى عندي تقاييم أبغى أخلصها

مو كل يوم أغيب ...

سمية القحطاني ...

ام عبدالله ما قصرتي
شكلي انا الي بسويها لاهلي

تسلمين اختي ممارسه نفسيه
وصحتين على قلبك

اليوم جمعة وتوقعت ان تطبخون سمك اكلات بحريه ايه وش نسوي

يا استاذة سمية طولي بالك الدعوا مو مستاهلة وخير يا طير جربوع طلعك من طورك ونرفز اعصابك

اممممممم بالعادة الجمعة يطبخون لحم مش سمك !!!!!!
الاكلات البحرية يحبون ياكلونها بالايام العاديه كالاثنين _ الاربعاء

مرحيا انا عندي طبخه سريعه في ساعه تكون خالصه

وهي عباره عن::

1 جزر مقطع 3 اجزاء متساويه

1 فلفل رومي (( المقصود فلفل الاخضر البارد)) يقطع الى 4 اجزاء..

1 بصله مقطعه الى اربع اجزاء

نص دجاجه

نظع الزيت في القدر مع ملعقه كركم وملعقه ابهارات مشكله صحيحه وملعقه ابهارات مطحونه

واي بهار يضاف عادي على حسب الرغبه

ويخلط مع الزيت ثم يضاف الخضار ويخلط مع بعض بعد 5 دقائق اضيفو الدجاج ثم يترك الى ثلث

ساعه على نار متوسطه مع التحريك بين الفتره والفتره ثم يضاف الماء على حسب الرز اذا كان

3 كاسات رز اضيفي 3 ونص ماء ويترك الماء الى ربع ساعه حتى يغلي ثم يضاف الرز ويحرك

مع المقادير ويغطى الى ان ينشف الماء ويحرك ويترك على نار هادئه لمده ربع ساعه او الا ان

يتنشف من الماء

وسلامتكم وبالهناء والعافيه وعلى فكره هذي اول مره اكتب طبخه في المنتديات

وبشروني اذا سويتوها واي استفسار انا حاضره ولا تنسون الملح طبعا على حسب الرغبه

مشكورة اختي على الطبخة الله يعطيك العافية
اقول ياعمران لا تخليني اتوطى في بطنك اقسم بالله مالك داعي اشغتنا هين

يتيمووه ابلع العافية وتعوذ من الشيطان ولا ترا اتقعد لك بمدخل بريدة اذا جيت تزور أمك!!

طيب خلاص ماني مسوي لك شي على شانهم احمد ربك اشفعولك هههههههههههههههه
وبعدين امي بالقصيم بس مو في بريده يب يب يب يب يب

يلاه يابناتي تكفون ابغى ملوخيه والله نفسي بملوخية باللحم