via شنو صاير معاج أخاف في شي ما ضبط معاج أو شي مادري.... مابي أفكر بسلبية بس على بالي وكل ما دشيت اشوف لو في أخبار منج

امل
انا خجلانه منك لاني وعدتج اروح للدكتور بس مارحت
رجعتلي حالة الياس
ما ابي اروح للدكتور
وجدا متوتره
وتعبانه
وما اخذ لا سيبرالكس ولا سيروكسات
وما ادري شنو اخرتها
استغفرالله يا رب

ما أدري شنو أقولج ضغطي على نفسج ما أقدر أييلج أغصبج شدي مع نفسج إجباري يوم ودقي حطي موعد او كلمي الدكتور الاثنين سوي أي شي على الاقل شيء قبل تتدهورين اخذي الأمور خطوة بخطوة

سئلي نفسج تبين تظلين جذي؟؟ ومن اهني خل اجابتج تكون دافعج

ان شاءالله تسمعين عني اخبار زينه قريبا
وهل سامعه عن دوا اسمه amantadine ؟

اكيد بنسمع أخبار زينة بس مع شوية وقت وصبر وقوة من عندج...بس شنو سويتي بهالفترة لو ما يضايقج سؤالي؟

الدوا اعرف ان لعلاج داء باركنسون وأي أعراض مشابه له ويستخدم للانفلونزا...هو عبارة عن مضاد فيروسي

بس شنو علاقته بالمشاكل النفسية؟ هل دوا مسببلج اعراض مشابه للباركنسون (صلابة او ارتعاش) او شي!!؟

رحت لدكتور الاعصاب ولم اذهب للدكتور النفسي لصعوبة الامر
ولكن دكتور اعصاب معروف وزين
وصف لي هالدوا وقال لي شرط لج بتتحسين
واذا ما تحستي بنبدا نرجع للسيبراليكس مره ثانيه بس نص حبه باليوم
وانا واثقه فيه

خطر على بالي اذا انتي واثقه فيه ليش تسأليني عن الدوا اللي وصفه لج!!!؟

بالنسبة للسيبرالكس انا اكره هالدوا من قلب ومادري ليش اصرارهم معاج عليه لمن سببلج مشاكل من قبل اصلا وهل نص حبة بتعطي مفعول وأثر لتحسنج!!!

المهم انتي لازم ترتاحين بدكاترتج وقرارتج مو غيرج فماني فارضه رأيي مادام انتي مرتاحه ومقتنعه وواثقه خلاص هذا المهم

حيرتيني يا امل
انا واثقه فيه كدكتور اعصاب
والدوا قلت يمكن مار عليج
وسوري اذا ازعجتج

أنا آسفة إذا حيرتج والله مو قصدي

ولا اي ازعاج ولا شي لا تفكرين في جذي أبد شيلها من بالج والله عادي وانا مساندتج في اي قرار تاخذينه بس كنت قاعده احاول انصحج خايفه بس ما توصلين لنتيجة (هذا اللي كان ورا كلامي) ترى والله احب اساعد واشوف الناس تتحسن هالمرض يتعب الواحد

اللي يريحج via

ما تقصرين يا امل
وانا استانست انج من ديرتي واكيد بالجا لمساعدتح اذا ما فاد هالعلاج

الله يشفى كل من يعانى من هاى الامراض

أتمنى إنج مرتاحة بعلاجج اليديد مع دكتورج اليديد... لا تنسينا دخلي علمينا عن أخبارج يهمنا ترى :)