الحين لامكتال لثقل الراس ليه ماصرفوه لي المستشفى

انا عندي عدم اتزان براسي مثل المويا براسي او هوا وهزه من داخل

لامكتال علاج صرع

طيب ليه ياخذه اوهام مافيه صرع

انا اللي اعرفه الصرع يغمى عليه الواحد

هو يقول ان عنده بؤره صرعية خفيفه

صباح الخير ابن دايم
داعيه ربها انا مايغمى علي ولا اصرع اواتشنج ولله الحمد مافيني صرع

انا بعد تركي للعلاج النفسي بفتره 3 سنوات او اكثر قلت لنفسي ليش ماروح للمستشفى الحكومه واسوي تخطيط على اني كد سويت اشعه وتخطيط وطلعو سليمه ولله الحمد
ذهبت وعملت موعد وقابلت الدكتور
وقال ملفك موجود مافيك شي
قلت اسمع مني انا ماجيتك الا والله تعبت استخدمت علاج نفسي ماستفدت مجرد تخدير او مهدئ مشكلتي يادكتور من راسي وتعبت ابغى ارتاح قال طيب شنو اعراضك قلت

ثقل راس
- صداع وشد باعصاب راسي
- دوخه او مثل الدوشه ماقدر اركز احس نظري وتركيزي ثقيل
- احساس بالموت والاغماء
- زغلله وخيوط سوداء امام نظري تتحرك ومرات تختفي
- مرات اشوف ازدواج بالرؤيه خفيف يعني خاصه بالشمس اذا ركزت على الشخص او مبنئ بيت اشوف ازدواج ظل له كانه اثنين بس ازدواج خفيف
- اتعب من الانوار
- احس الانوار قويه تجهرني
- كتمه صدر
- ضيق تنفس خفيف
- خوف
قال انت سويت تخطيط عندنا كنت نايم او توك صاحي قلت لا صاحي قبلها 3 ساعات
واللي سويته التخطيط الثاني اللي بالخاص نفسه توك صاحي قلت اي نعم
قال خذ موعد بعد اسبوع تجيني الساعه 8 الصباح وتكون مواصل ماتنام قلت اوك
جيته على الموعد بس نسيت اواصل نمت وسويت التخطيط
وثاني يوم جيته اشوف النتيجه طالع فيني واهو يضحك هههههههه قال انت ماواصلت نمت صح استغربت قلت ايه نمت قال لا لازم تجي مواصل لاتنام من الساعه 8 بالليل الين تسوي التخطيط بعدها نام وعدل نومك
قال هذا موعد ثاني وتعال اعمل مره ثانيه نفس الفحص وتعال مواصل
المهم سويتها للمره الثانيه وجيته اشوف النتيجه
وبين عندي بؤره صرعيه قلت يادكتور انا مايغمى علي قال ادري بس في نوعيه تجي مثل حالتك كثير مو شرط يغمى عليهم بس هذه اخف انواع الصرع
قلت ليش مابين اول قال لانه مافيك صرع كلي هذا اغلب الناس فيهم تجي وتروح
واسبابها كثيره ظغوطات اكتئاب اصابات راس فجئه بدون سبب اسباب كثيره
والعلاج اللي ابي اعطيك اياه يستخدم للاكتئاب وللصرع ولتعديل المزاج يعني كوكتيل
واستخدمته لي سنه النتيجه
الصداع خف بنسبه 80 في الميه
الشد اللي اعصاب راسي اقدر اقول انه اختفى بنسبه 90 في الميه
الدوخه 40
التركيز خف 40 في الميه
الاعراض موجوده بس فيها تحسن بسيط او مقبول


اذكر اني يوم سجلت بالمنتدى في عضوه اسمها اسلمه نفس اعراضي ورحت سويت تخطيط وماطلع شئ
واللحين طلع عندي بؤره صرعيه نوع خفيف والدكتور يقول عادي خفيف وباذن الله يروح




ويمكن لو اسوي تخطيط لك مرات كثيره يطلع ومرات مايطلع لانه من النوع الخفيف

والله يابن دايم ياخوي انا رحت 3 دكاتره استشارين من غير اللي صرفلي لامكتال قال عادي اجمع بين لامكتال والدواء النفسي اذا تعبت ومتتحمل مافيه تعارض واصلن لامكتال يصرف للاكتئاب ولتحسين المزاج

كد استخدمته وكم الجرعات

اليوم عانيت أشد المعاناة مع رأسي والحمد لله ،أشعر كأن العضلات تتحرك .. شعور لا يطاق ولا استطيع التوقف عن المشي بسببه

غلط تروح لكم دكتور
لازم تستقر على واحد وتستقر على علاج واحد
وتعطي العلاج وقته الكامل وتساعد العلاج

اللي يراجع بعيادات ميدي كير
ابغى معلوماتها بالتفصيل اول زيارة وفتح ملف كم يكلف والمراجعة كم تكلف ؟
بخاطري اخذ لي موعد مع دكتور ماهر للي يعني مجرب يخبرني لو سمحتوا

انا اتابع مع الدكتور ماهر بغدادي
دكتور طيب وممتاز ويسمع لك زين ويشرح لك شرح وافي
اول مره 400
بعدين 300
لازم تأخذين موعد بالتلفون
وش مشكلتك بالضبط ؟