اشعه مقطعيه للبطن او للراس اللي سويتها

1-داعيه كم لها معك الاعراض
2-وكيف جتك
3-هل دوختك دوران او تحسين مثل الثقل بالراس وعيونك ثقيله وماتقدرين تركزين
4-نظرك يتأثر من الشمس او الاضاءه
5-هل تحسين مثل الضباب او الزغلله في النظر
6-هل يصيبك غثيان
7-تشعرين بضيقه نفس
8-صدرك مكتوم
ا9- عندك الم في الجسم
ا10عندك الم في عضلات الصدر والقلب والظهر
11-عندك نغزات في القلب والصدر خفقان بالقلب او الاحساس والشعور بنبضات القلب
12-عندك انتفاخ في البطن
13هل تشعرين بالتعب والكسل
ايش الفحوصات اللي سويتيها بالظبط
ارجو من الدقه بالاجابه
ناطرك

ايه سويت اشعه راس رنين مغناطيسي ومقطعيه وكلوسليم ومافي اشعه بجسمي ماسويتها بالنسبه للراس احسه ثقيل وكأنو بطيح على وجهي ويهتز من داخل واحس بهبوط طول الوقت والأعراض الباقيه مثل الخفقان والصدر والخمول كلها تجيني بس بشكل مو مستمر بس انا تركيزي على الراس اكثر شي لانو اذا جاني عرض جديد اقول بسبب الراس

قالو وش حدك على المر قلت اللي امر منه

بس كم تستمر الاعراض وهل هي شديده وهل الدكتور اذا طلبت مهدئ يوافق وكيف الطريقه والاسلوب تخلي الدكتور يوافق

بن دايم انت يوم اخذت العلاج النفسي متى تحسنت دوختك

تبيني أزيدك انواع الأعراض اوهام :)
والحمدلله تحسني الان 75٪‏

اذكر هذيك الأيام كل وقتي منسدح
سويت اشعه في الحبيب قالو مافيك شي
دكتور الإذن قال التهاب إذن وسطى ومانقدر نتأكد
فحطيت في بالي انها إذن وسطى وجالس ازرط من بيتاسيرك
ولايسوي شي في الأخير أخذت علاج التحسن بعد شهرين
وبعد 6 شهور 100٪‏
ولله الحمد

مثال لو صرف لك سيبرالكس
الجرعه المطلوبه الممتازة 20
أبدي في 5 لمدة اسبوع
10 لمدة عشره ايام
15 لمدة 15 يوم
بعدها 20
الهدف من التدريج ابعاد الأعراض او تقليلها
اعتقد لو قلتي ان الأعراض تتعبك راح يصرف لك زانكس
-
انا علاجي جرعه 30 بديت على طول 20 اسبوع بعدين 30
انا طلبت من الدكتور لأني ابي العافيه
نعم تعبت اول أسبوعين بالذات لكن لازم أتحمل
انصحك اذا إنتي من الرياض عيادات ميدي كير الدكتور ماهر بغدادي
خبره وطيب وحبيب ويسمع لك زين

اختي انا كاتبلك بالارقام انسخي وجاوبي على كل فقره
عشان تكون واضحه الاجوبه هل هي مثل اعراضنا ولا تختلف
ارجو كل رقم تحطين الاجابه بعده

هلا اخوي بن دايم
انا حددت بالارقام عشان تكون الاسئله والاجوبه واضحه
انا اخذتها من معالج شعبي
واتمنى انت وداعيت ربها تجاوبون واذا فيه اعراض ثانيه تكتبون
بس كل جواب على كل رقم عشان اوضح

أقولك كلها وأكثر

الشعور بالقشعريرة من الرأس الى القدم والتفكير والغازات الموجودة في المعدة وقلة النوم والنغزات المتنقلة في منطقة الصدر

هي الاعراض التي اشعر فيها من وقت الى اخر

بالاضافة الى التدخين

ندعو الله ان يشفينا ويعافينا منها اجمعين

انا اليوم عصببببببت حيل ومن قوة التعصب. راحت كل اعراضي وبس هديت رجعت كل الاعراض

لان وقت الغضب كل التركيز يروح للسبب
فننسى اللي نحسه

اصلا لما تعصبين تحسين مو انتي
تصيرين اقوووى
والاعراض تخف
وبس تهدين ترجع لك
نلعب والله 😅

أنا فاهمة شعور داعية جلست فترة طويلة ماني مقتنعة انه شيء نفسي
كيف نفسي ويسوي كل ذا بالجسم يهد الحيل.
بس فعلاً اقتنعت انه نفسي.

عن نفسي قدرت اتغلب على كل الاعراض المتعلقة بالآلام والدوخة خلاص اذا جتني معد تخوفني واتناساها لين تخف مع ان بين فترة وفترة اضعف قدامها
لكن مشكلتي مع الخوف من الموت مرة مأزمني احس اني بموت وما احب اتكلم بمواضيع مستقبلية اخاف اموت قبل لا الحق عليها
وقبل كل طلعة افكر اني مارح ارجع البيت بيصير لي شيء وهكذا
احاول اتجنب الفكرة واقنع نفسي انه وهم لكن مو قادرة اقتنع كل شوي اقول معقول يعني المرض النفسي سيطر علي لدرجة ما اقدر افكر واتنبأ زي اي انسان طبيعي ويكون هالمرة تبنؤي صح لأنهم يقولون الشخص يحس بقرب اجله.
وبس من فكرة لفكرة صرت انسى كثير وما اركز وما يعجبني او يبسطني شيء

الله يكتب للجميع الشفاء هو على كل شيء قدير.
النقطة الاهم من كل شيء هو اللجوء لله
قبل ماتظهرون احتياجكم للناس وللاطباء اول من تلججأون له هو ربي
سبحان الله راحة عجيبة لما توكل امرك كله لله
الله ارحم فينا من ارحم مخلوق وما يكلفنا فوق طاقتنا ابداً
ما بلاكم ربي فيه الا وجعلكم قادرين على تحمله

يسعد مساءكم


أخبار الجميع إن شاء الله بخير 🌷'
اليوم صحيت من النوم وأحس اني بحلم والواقعية ومو قادرة اركز

نصحني دكتوري اعمل تحليل لفيتامين B وفعلا طلع ناقص عن معدله الطبيعي وهو سبب الدوخه وعدم التركيز والكتمه
وببدى اخذ الحقن كل اسبوع

الحمدلله ❤

فيتامين ب من اهم الفيتامينات ومتعلق كثير بالنفسيه

كم الفيتامين لاني انا مو ناقص معدله طبيعي ومع ذالك معاي دوخه مستمره واعراض ثانيه وانتي دوختك كيف اوصفيها وهل هي مستمره والتركيز طبيعي يقل بسبب اعراضنا والله ان شاء الله نتجاوز الاعراض ربي معانا

نورتي ذكرى بالنسبه انو مو مقتنعه لانو مستمره اعراض الدوخه والله ماتفك ابدا كأني في سفينه شراعيه طول الوقت اهتزاز مو طبيعي تسبب لي ضيقه ورعب واحس اني مو متوازنه بس الان بديت اقنع نفسي انو نفسي عشان اقدر اتخطاها بسألك كيف قدرتي تتخطين الدوخه ياليت تذكرين الطريقه وربي يشافيك ويشافينا انه قادر على كل شي سبحانه

طيب اخوي بن دايم تنصنحي اسوي اشعه مقطعيه على الصدر والمعده ولا اسوي منظار
ودي اسويهم وخايف لاني ذبحت عمري بالاشعات
عملت سونار على المعده والبطن مافيه شئ لله الحمد سليم
بس اتعبني الشعور بنبضات القلب تقول مركب بطاريه تنبض لثواني وتختفي ومرات يصير قوي النبض ومعاه الم ضاغط على الصدر والقلب والظهر
بن دايم ابي نصيحتك

راح يقولك الدكتور كل شي سليم
نصيحتي لك دكتور نفسي وعلاج و6 شهور وانت طيب باْذن الله
ابيك تحول تركيزك من الأعراض الى العافيه
حول تفكيرك الى كيف العافيه

ترا انا يااوهام تمر علي أعراض وحالات وضيقه
لكن انا لازم احارب واقاوم
مثال اليوم دخلت البيت جلست عالارض
وحاس ان راسي وعيوني فيهم ضغط قاعد يزيد
الوساوس اشتغلت كيف تصرفت ؟
غيرت جلستي وقلت للوسواس مع نفسك
التحقير لاازم

ايه اوهام حول تفكيرك الى عافيه مثل ما قال الاخ بن دايل فعلا جربت نصيحته حسيت بنشراح وخفت اعراضي شي بسيط وعقبال ماتتلاشي طبق كلامه ورح الدكتور

مساء الخير

بالنسبه لفيتامينات B مهممممممه جدا جدا جدا
وهي المسؤله عن التركيز والاعراض النفسيه
لأن نقصها يسبب عدم تركيز وكتمه و دوخه وتنميل الاطراف
انا ناقص عندي B12 ومسبب لي فقر دم
عشان كذا ما اركز كثير والاستيعاب لك عليه
ويمكن بسببه تزيد اللاواقعيه الزفته 😭
وطبعا انا ما استمر على الادويه
انساهم مرات و ترجع لي الاعراض

كيف مستمرة ! اذا بين فترة وفترة تجي ماتنقطع فهذا شيء عادي نوبة هي تجي وتروح
وبما انها نوبة مضطرة اذا جت الدوخة انشغل عنها لين تروح وما احس فيها
أنتِ كل ما اعطيتي الموضوع اهتمام زاد وطول معاك
المهم انك ماتقطعين العمل اللي كنتي تسوينه قبل تجيك النوبة استمري فيه وحاولي تركزين فيه

لا دوختي مستمره ماتفك ابد مو نوبه لو نوبه ارحم ارتاح ع الاقل بعدها

ان شاءالله ربي ييسرها

شكلك زيي اول ماجاتني النوبه بالشتاء يمكن عشان كذا صرنا نخاف منه
ان شاءالله ربي يشفينا ونرجع اقوى واحسن من الاول يارب

بسألكم فيه احد جرب العلاج السلوكي وجاب نتيجه معه
نفسي اجربه احس احسن من الادويه النفسيه

السلام عليكم .. انا بعد ماتنتهي مني النوبه وتروح شعور الظيقه واليأس من الحياة مايفارقني واستغفر الله كل ماسوي لنفسي حاجه او اجيب شي جديد اجلس اقول ف نفسي وشوله يمكن مارجع البسه يمكن يتذكروني فيه وهاذا سوء ظن بالله استغفر الله بس غصب عني حتى لو نوبة الخوف مو موجوده هالشعور ملازمني 😢

مع العلم اني ولامره رحت طبيب نفسي لان النوبه تجيني فتره وتروح مو مستمره واهلي ماحبو فكرة طبيب نفسي وانا ماشرحت لهم حالتي بوضوح وبالتفصيل استحي لو سالوني وش فيك وش اقول اخاف اموت !!! يعني احس سبب بايخ في نظر الناس اللي ماتحس بشعوري

انا حاس فيك وافهم شعورك
لكن من اهم الأشياء تحويل الفكره السلبيه الى ايجابيه
يعني لما تبدى الأفكار اعكسيها انا بخير. بكره اجمل
لاتسمحين للاسترسال مع الوسواس
حقري الفكره راح تشوفينها تصغر
لازم تتعبين في المحاوله
انتبهي من الاستسلام

أنا ياقلبي جربته لمده شهرين ومره فادني
أنصحك فيه وبقوة بس لازم تقتنعين من جوى أنه راح

يغير تفكيرك ونظرتك للحياة🌷

تمنيت أني اعتمدت بعلاجي عليه
وماكليت حبوب بس مايندرى وش الخيره فيه الحمدلله اولا واخيرا..

انا جربته وفعلا فادني
بس للأمانه يحتاج عزززززيمه و اصرار وجهد
واهم شي اهم شي ( الصبر )
طبعا لازم عند طبيب او معالج فاهم في امور النوبات وغيره
عشان تفهمين السالفه بالتفصيل
وطبعا انصح فيه مررررره

يسعد مساءكم 🌹

امس كان عندي موعد مع دكتوري وقرر يزيد جرعتي
وبديت امس المهم من صحيت اليوم وانا مكتومه
واحس زي الرفه في قلبي

هل هالاعراض عشان زدت الجرعه افيدوني!

السلام عليكـم
انا اعاني من اعراض من فترة و الطبيب شخصها نوبات هلع لكني ما خذت الدواء خفت
بس السؤال حسب خبرتكم
هل ممكن ان القلب تزيد دقاته بين ال 90 و ال 100 حتى لو ما كنت تعاني من النوبة حالياً ؟
افيدوني جزاكم الله خير 😢😢

ضربات القلب الطبيعية من 60 الى 100
اي شخص مصاب بالقلق النفسي دقات قلبه تكون قويه وزياده شوي
لان الجسم في حالة تحفز والأعصاب مشدوده

اليوم باْذن الله راح اسافر 100 كيلو ولحالي :)
انا جد متحمس ومتوتر لأني كنت طبيعي بهالامور
ومع التعب صرت اتعب من الطرق
لذلك راح أواجه
وبعطيكم باْذن الله التفاصيل