استشاره
 

السلام عليكم ورحمة الله وبركاته
طمنوني عنكم والله من زمان عن المنتدى
ابي استشيركم استشاره انا قطعت العلاج اللي اهو سبرالكس 10 وتحسن الخوف معي كثير وباقي الاعراض موجوده وانا حاط ببالي اني مااروح للمستشفيات اشيك ابد
بس احس اني اذا مارحت ماراح اشفى لان عندي عرض غريب اذا انا جوعان اكون تعبان واذا اكلت برضه اتعب واجلس يوم كامل على وجبه وحده ماتنفتح نفسي للاكل احس باطنيتي فيها شي ويمكن يكون العله من بطني لاني اذا اكلت احس جسمي يتعب مره ويزود التعب واحس بتخمه في بطني فتره طويله ودي اشيك على باطنيتي وش رايكم والا اسفهها وبس بس والله تعبني مره
واسف عالاطاله
وارجو منكم الردود والتفاعل ومشكورين

انا من رأيي تزور دكتور باطنية

ليش ماتبي تروح يااخي هذا جسمك لازم تتطمن ع نفسك محد يشعر باللي تشعر ليش تتحمل ليييششش ؟

ليش قطعت السبرالكس

قطعته خلاص كملت المده المحدده مع الدكتور
وتحسنت نفسيتي بس باقي الاعراض مدري اهي نفسيه والا لا

بس انا اعتقد ان بطني فيه مشكله مدري وشي بالضبط

روح لدكتور باطنيه لازم تروح

هذا والله أعلم من الاثر النفسي الي مريت فيه مارس الرياضة وراح تتحسن كثير

اهليييين اخوي عزوزي والله فاقدينك بشرني عنك ... انا اقولك رح شيك وسوو فحص على بطنك ترا وانا اختك المعده بيت الداء واتوقع شي بسيط بيكون ان شاء الله لاتتردد من بكره الصباح رح للمستشفى قدامك العافيه

ماتفقدين غالي يارب
والله لي فتره ودي اروح وخايف ومتردد عالاقل حتى لو قالي الدكتور ان مافيك شي اني اكون مرتاح نفسيا

رحت لمستشفى حول بيتنا قالو لي فيه طبيب عام ولا دخلت عليه قلت مافيه طبيب باطنيه قالو لا ومشيت وخليتهم

وش رايكم ينفع الطبيب العام والا ادور حق باطنيه افضل

هل عملت فحوصات مثل
فحص الغده الدرقيه أو جرثومة المعده واوا الخ

مسوي تحليل شامل في بدايه مرضي

انا اتوقع ان انسداد الشهيه بسبب التفكير الزايد
عشان كذا ماودي اروح وودي احاول انسى بس العرض الوحيد اللي سواءا فكرت والا مافكرت او الدوار وثقل الراس
وانا اشوف ان كل اللي يعانون من امراض نفسيه يعانون من دوار وعدم اتزان وتعب بالجسم عشان كذا ماودي اروح المستشفى وانسى وبس
وش رايكم

عزوزي تضحك على نفسك انت ترا كذا مارايح ترتاح رح للدكتور فاهم وخله يسويلك فحص

مو كل المهلوعين والمرضى فيهم دوار ودوخة !!

انا فيني اعراض ثانية

طيب ودي اعرف وش الاعراض اللي معك على طول

أخي عزوزي ممكن اتواصل معك عن طريق الجوال من الموقع هذا إذا الإدارة تسمح أعتقد مافيه مشكله بتواصل الرجال مع بعض.

ماعندي مشكله بس كيف الطريقه

انصحك بتحسين اسلوب حياتك كادخال الرياضه و لا تنسى جانب الترفيه والاسترخاء ... وايضا اذا في مجال تاخذ سيروكسات سي ار فادني جدا للهلع ولمدة 5 سنوات الحمدلله

لا ان شاء الله بتعافى بدونه انا لازم يكون فيه عرض مشغل بالي وافكر فيه
يوم تعب بجسمي
يوم من كثر ماابلع ريقي يصير عندي الآم في الصدر والظهر والحلق تكون زي الغازات متجمعه بصدري
واذا اخرجتها من فمي اكرمكم الله تخف علي كثير وكل شوي ابلع ريقي وعلى هالحال
واذا خفت علي فكرت لي بعرض جديد
يعني لازم يكون فيه عرض مشغل بالي
ومرات اقول هالالام اللي تجيني بصدري وظهري وحلقي يمكنها مو هواء او غازات واخاف منها وابلع ريقي كل شوي ثمن ترجع لي اقوى
هل فيه احد مر عليه هالعرض

لاني بعض المرات اكون ماافكر فيها شوي واحس بها واذا حاولت اخرجها من فمي تخف علي