|
- فضفضه ( يومياتي )
كلنا نعرف ان قبل المرض كان حالنا ازين لكن بعض المواقف تغيرنا للاسوا او للاحسن يعني من يصدق ان انا كنت طموحه مرحه بشوشه الكل يحسدني ع الراحه متبلده ف الامور اللي تضايقني ب اختصار ماشيه ع مبدا عش يومك وانسى امسك وانقلب حالي سبحان الله يمكن خيره لنا ربي يبي هالشي يصير واكيد له حكمه<br>
<br> المهم فتحت هالشي فضفضه وبقولكم مواقف من يومياتي <br> مرة الايام فقدت صديقتي كانت صدمه لي صرت اكرهه احتك ب احد اخاف من هالشي وبعدها ب ايام وحده ماتت بتسمم هنا بدات معاناتي والخوف من الامراض ..اتذكر رحت لجدتي قالت خذي ي بنيتي لبينه خفت قلت يمكن موب نظيف ومتسمم عطيته بنت اختي والاخت متلذذه ب الطعم تلحس حتى اصابعها هههههz7^حلوه الحياه بدون وسواس<br> الموهيم والله مااخفيكم خفت عليها اراقبها وحسيت ب الذنب قلت الحين تتسمم وتموت سويت لها عصير ليمون وادخل قوقل واشوف اشياء تمنع التسمم واسويه لها لين بكت من بطنها من كثرت السوائل مسكينه ^حال خالتها مزريass ذاك اليوم اتصالات ع اختي اتطمن ع بنتها تقول وش فيك بسم الله ع بنتي مافيها شي ليه تسآلي عنها وكانت مستغربه ^جلطتها<br> والحمد لله االبنت بخير مافيها الاالعافيه وانا ذبحت نفسي ب الهمم .....): الزبده ان خوفنا ذا ماراح نجني منه فايده غير الهم وان كل شي مجرد اوهام متى نستوعبها لما يمضي عليها الزمن هنا ننفض عنها الغبار ونقول اووووه ونضحك ع حالنا): وهذا موقف بعد ليY> امي الله يحفظها كانت تعبانه ورحنا معها انا واختي المهم كنا ننتظر الا الله يكرمكم بنت صغيره استفرغت ع عباية اختي جتها صدمه عصبيه وانهيار ههههههههه المهم<br> اختي قامت تتحلطم قالت روحي معي لدورة المياهVv رحت جنب دورة المياه غرفه مكتوب عليها ممنوع الاقتراب منطقه ملوثه واحط رجلي وانحاش هههههههه لما رجعت اختي وانا ماسكه بيدي لها ديتول ومعقم وعبايه): ماانتظرت لين نطلع ع طول نزلت للسوق وشريت لها قلت حطي من هالاشياء وتحممي بهاVv ولا مالتس نومه بغرفتي ): تقول حسيت نفسي نفايات تمشي حطمتها^_ ولاقلت لها عن السالفه لان اخفيت هالشي عن الكل عشان مايقولون لي موسوسه اكرهه هالكلمه معي حساسيه منها حالي مزري ):'<br> وهذا موقف بعد Y> تدرون لما الاجواء تكون فرح يشتد معي الوسواس فيها ليه ماادري): ملاحظه هالشي<br> الموهيم خواتي مسوين بارتي لامي بمناسبة حفظها للقران المهم قالو لي يلا خذي الحلا وزعيه ع الكل عاد وانا اوزع الحلا يدي بدات ترتعش قلت يمكن توترت اختي لاحظت علي قامت تقزني بعينها<br> وشوي حسيت مقدر امشي تجمدت بمكاني واختي تقزني وتقز مسكينه ههههههه لان صبت قهوه وانا واقفه ب الحلا جتني تقول وش فيك وزعي الحلا ليه وقفتي قلت مقدر اتحرك رجولي واصيح ع الصامت اخذت الحلا وانا واقفه بمكاني والله مقدر اتحرك رسلت لي اختي الثانيه وسحبتني وجلستني جنب جدتي وانا اصيح رجولي توجعني راسي يوجعني جدتي قالت هاتو الفكس ادهن به رجلينها والله لما قالت كذا قمت اركض هههههههه<br> مااداني الفكس): اختي قالت لجدتي جبتي لنا حل كل ماشكت من شي بنرفع لها الفكس^_^ ادري ابثرتكم بس ابي افضفض شوي ونضحك ع هاللي يصير لنا عشان نستحقر اللي نمر فيه ويصير شي عادي بحياتنا لانعطيه اكبر من حجمه ونعتبر هالشي حاجه تافه او روايه نرويها بس تكون نهايتها انت او انتي البطله وانتصارك ع عدوك الوسواس لي عوده اكمل مواقفي الله يعينكم عليا (:^ |
حبيبتي والله صاجه مرات الصدمه تخلي الافكار السلبيه تدش بالمخ تغير تفكيرنا ...
ومواقفج عجيييبه... الله يشافيج ان شاء الله ويعافيج |
اقتباس:
جد جد مشكوره جعل تصبحين ع عافيه وراحة بال ياااااااااااااااارب ):' |
صادقه يتوومه والله قبل الوسواس تكون الحياه احللى و اريح
بس بنفس الوقت الوسواس غير حالنا و قربنا لربي اكثر كل شي يصير لنا اكيد فيه خير لنا حتى لو كان متعب اكثر شي ضحكني اللين يا مجرمه اجل اعططيتيه بنت اختك هههههههههههههه جميل موضوعك استمعت و انا اقرا مواقفك |
قميييل الموضوع عامل زي الطبطبة^_^
والله فعلا رب ضارة نافعة ما أنكر أني قبل الوسواس أفضل لكن احيانا اقول الحمدلله انه أصابني بهذا البلاء والله بإذنه راح يذهبه إلى الأبد ولك المبتلين يارب موفقة قميلتي لك تحياتي سبحان الله العظيم |
موضوع التلوث عجبني ههههههههههههههههههههههههه
عسا ما تشوفين شر |
اقتباس:
تسلمين هلوكه ع المرور اسعدني ي قميلتي♡ |
اقتباس:
|
اقتباس:
مشكور اخوي ع المرور ...الله لايوريك مكروه ويسعدك دنيا واخره |
اقتباس:
|
عاد تعرفون وقت الوسواس الواحد تصدر منه تصرفات بس يهدا يستوعب اللي صار ويضحك ع نفسه انا وقت اوسوس متنفسي هو قوقل مسكين هبلنا فيه حتى ابليس مو اننصدم بس الا جته ازمة نفسية حاادة و يقدم استقالته ):
الموهيم اكمل لكمY> انا من عشاق قرآءة القصص واقرآ ف النت واجد عاد جت عيني ع قصة واحد يحكي عن واحد فيه ايدز وينصح ان حتى الشغالات لازم يفحصونهم واحتمال ان تجي من بلدها فيها ايدز كلامه منطقي بس وسوس فيني الله يهديه بس): امي جمعتنا وقالت ان بتجيب شغاله ابد مااعترضت لان اانا وحده متعيجزه مافيني للكرف اهدرت طاقتي الفكريه والجسديه في ف التفكير ...وصلت الشغاله حسيت انها متبهذله علامة التعب بوجهها يمكن لان دققت هذي شغلتنا تعرفون التدقق والتفحص):<br> المهم نسيت حكاية الايدز صار لها سنه تقريبا امي قالت لنا قومو اكرفو ساعدو المسكينه اليوم تعبانه اكسبو اجرها رحت بساعدها وجهها كله حبوب هالات واضحه تحت العين وجهها اصفر رحت كتبت بقوقل اعراض الايدز وكله فيها هنا جتني ام الركب واي شي تمسكه احفظ شكله عشان مااكل فيه او اشرب لوووووووول😂حالتي مستعصيه<br> وجهزت امي الفطور وكنت اشرب شاي وخلصته واطلب اختي تصب لي عاد اختي جالسه تضحك تقول بالعافيه شاربه بكباية الشغاله😨 جتني صدمه ايدزيه ):offمعاناه ي درب العنا كتبت بقوقل اذا ينتقل عن طريق الادوات او لا شفت رد وحده قالت ينتقل الله يهدي هالفئه من الناس االي يدب الخوف في قلوب الغلابه): المهم طلعت لي حبه بجبهتي ووحده بخدي هنا قلت شكله حالتي تآزمة واصيح لووووول بس الحمدلله عملنا لها تحاليل وكل شي سليم والحبوب كانت حساسيه من بعض الكريمات اللي استخدمها حسيت ب اني انولدت من جديد من فرحتي طبخت لهم كبسة حاشي d6 وانا ذبحت عمري بالتفكير انتبهن لاتصيرن مثلي ):<br> ذا موقف ثانيY> اختي راحت مشوار وتركت ولدها وبنتها عندي وجالسين يلعبون ب المكعبات رحت اسوي لي شي اشربه رجعت وهي تسوي نفسها ميته مطلعه لسانها واخوها ماسك يدها يقول لمو لاتموتين وهي ولاتتحرك عايشه الدور هنا خفت ع بالي ناشبه بحلقها مكعب او جاها اختناق او تسنجت جلست اطبطب فيها واخبطها ع راسها وهي مستسلمه خربت مواهبها التمثيليه مسكينه ): جاها ارتجاج ب المخ ): شوي تصيح وتدعي يالب يالب رافعه يدها وتبكي قامت جمعت العابها يد ماسكه بها العابها ويد تسحب بها البامبرز وفتحت الباب تقول بسافر لوووول ~. تذكرت هاالااعلان انضمي إلى عالم بامبرز المليء بالحب والنوم واللعب😂 |
اجل ايدز ينتقل بادوات المطبخ ههههههههههههههههه
اقسم بالله الوسوسه تخلي الواحد غير منطقي بعدين لاحظي ، تركتي كل الامور العلميه ومسكتي بكلام وحده فقط قالت ينتقل واعتمدتي الاجابه ههههههههههههه لا حول ولا قوة الا بالله |
اقتباس:
|
اللي يشوف مصيبة غيره تهون عليه مصيبته
شسمه ذا بقولكم سالفه.. رحت لدكتورة اسنان لان عندي الم ب اللثه رغم ماعندي تسوس ولله الحمد وكنت انتظر دوري جت جنبي وحدده عمرها تقريبآ 30 فتحت وجهها وانا اناظر متعجبه والله عطيتها 60 او ف ال40 قالت وش مشكلتك قلت عندي اللثه توجعني قلت وانتي توريني اسنانها والله ان بطني مغصني حزنتني اسنانها العلويه متكسره والسفليه موب ثابته ب اي لحظه تطيح قلت ليه كذا اهملتيها قالت والله انا معي وسواس اهملت كل شي قلت يعني موب هالدرجه الوسواس يمنعك عن النظافه تقول والله حتى تركت الصلاه!!!!!! وانا مغلوب ع امري جيت لدكتورة اسنان لان كل اسناني فيه الم فضيع تقول وصلت لمرحله امها تآكلهآ من قوة الوسواس وتحممهآ!! لما سآلتها عن عمرها قالت 30 !!!! بيني وبينكم ماصدقت الا لما شفت امهآ ماسكتها لما نادو ع اسمها ....الله يشفيهآ ويعافيهآ... الحمدلله مهما كان حالنا مزري فيه ناس مرضهم اشد منآ الزبده من هاالسالفه ان نحمد الله على مانحن فيه ،مهما كان وضعنا سيء يبقى افضل بكثيير من غيرنا.💖 |
اقتباس:
هذي مشكلة الي يترك نفسه من غير علاج يوصل للاكتئاب الشديد مثل ما حصل للي شفتيها. وعلى كثر ما الموضوع محزن على كثر ما يخليك تفكرين انك ظلمتي نفسك وان لازم فعلا تقوين عزيمتك للتغلب على المرض. |
مساء الخير يا امورات بتمنالكم فضفضة مريحة وسوالف ممتعة عيشوا حياتكم وانسوا الوسواس وما تخلوه يعرقل صفو حياتكم ربي يوفقكم ويسعدكم :) |
اقتباس:
|
ممممممممم ...شسمه بقولكم موقف صار لي طااازه ...رحت مع اختي لا احدى المولات وتسذا زوجها يهديه الله كان حاط شيلات وجت شيله عن الموت ): قلت لولد اختي كان ورا قل لابوك موب حلوه غيرها ولك مني حلاوهه قام يقلبها براسه شوي يصارخ باااباا مو حلوه غيرها وابوه طناش ماعطى هالنتفه وجهه عاد يقولي خااله سوي تسذا يعني احط اصبعي ب اذني ي حليله هههه وربي جتني نوبة هلع لعنبو جوهم ):ارتجف بشكل غبي فجأة حسيت الدنيا تدور عاد تخيلو شيله عن الموت ومرينا من مقبرهااااااااءءء تقطع شعرهآ ... بس كفو ولد اختي برد قلبي
ابوه يكلم امه عن المقابر لما مرينا من عندها قاله بابا انت لو مت يحطونك هنا جاه الرد القاضي من ابوه تخسى وتعقب فالك ماقبلناه ههههههه زود ع هالشعور كان مسسسرع ماغير اتصافق يمين ويسار واعدل جلستي ونقابي تخيلو شكلي^ وشوي حط الموت هين و البلا وش ورا الموت عند الحساب يهون سهم المنايا باكر نموت و تصبح قبورنا بيوت): حفظتهااااااا لول استغفرالله بس وصلنا للمول وارفس باب السياره برجولي من قهري واصكه ب اقوى ماعطاني الله هههههههه توبه ماعاد اروح معهم اي مكان حلفت ماارد معهم انام ب الموووول هع .. لي عودهه ب اذن الله.. |
الوسواس يجيب الهم، والي يزوده ان مافي شي من الوسواس بيصير ومع هذا نسترسل معاه ههههههههههه
|
اقتباس:
|
اقتباس:
انا مواقف ماعندي للاسف لان حبيس البيت صار لي شهرين تعرفين رهاب الساح وما يسوي كل طلعاتي فقط للطبيب ودائما افكر ستين سنه و اهوجس قبل ما اطلع ههههههههههه الله يشفينا |
اقتباس:
|
اقتباس:
|
اقتباس:
|
اقتباس:
لكن ان شاء الله رح اتغلب عليه |
اقتباس:
|
اقتباس:
|
مدري وش آكتب )' فيني توتر ع خوف ع مدري وشهو )' الزبده مدري وش ب الضبط..
موقف صار لي قبل شوي هو عادي بس مدري اسم الله علي قمت اهوجس )'" اختي ماسكه اللاب وتبحث عن ماركآت وتسذا وووالخ وكانت توريني وكل م توريني اقول وع موب حلو مره آوفر !% شكلها حقدت عليآ تحب تعصبني وتنرفزني(: الزبده كنت هاديه وش حليلي مافيني ذرة قلق)...كنا نسولف عادي وفجآه كذا ناظرت تقولي وجهك ليه كذا !!!! وعينها بتطلع من راسها وانا اقول وش فيه وجهي وهي تشاهق وانا شوي بصيح تقول وش اللي بوجهك تدرون وش جاء ببالي الموت وش دخله مدري (: !!!! قلت يمكن ملاحظه شي وانا موب ملاحظته..او او الخ من ذي الوساوس جاني خفقآن قسم قربت مني وعطتني كف وجهي فر ميه وثمانين درجه باتجاه الشرق وعيا يلف مره ثانيه ): متعودين نمزح مع بعض موب ذي المشكله..المشكله بعد الكف وجهي فيه تنميل للحين مدري هالشي طبيعي ولا لا !!!! وانا اشتغلت فيني الوسوسه وهي لق لق لق فوق راسي #EFتقول ذي الطريقه قريتها تقضي ع الوسواس (:حضتس و بيطلع لتس خديدات بعد طريقة نفخ طبيعيه ومبتكره تستهبل هي وجهها !& ويدينها اعوذ بالله كبر راسها): ادري كلامي موب مرتب وتسذا بس حبيت أفضفض)' بسوي مساج لخدي كود يروح التنميل z2 |
يتيمة فرح ربي يفرحك و يفرحنا بالشفااااء يااااا رب 🌹🌹
مشكلتنا اي شي ندقق فيه و يخوفنا و ندخل بقوقعة القلق.. مشكلة اللي يكونون حوالينا مو حاسين بمعاناتنا ... |
اقتباس:
وهاتك وساويس وخوف وقلق ليش قالت كذا اعوذ بالله كل شي عندنا نربطه بالموت الله يشفينا ويعافينا عاجلا يارب |
خواتي ماهي الادويه اللي جابت معكن نتيجه
|
اقتباس:
|
اقتباس:
معليش ع اللقافه بسآلك تحت اسمك قارىء الفنجان جد تقرآ !! |
اقتباس:
|
اقتباس:
بس موب الفنجان تقراء الكف قالت لي شي بيصير لك كذا كذا وفعلا صار انا ابد مااهتم في هالامور واقولها خرفآت بس احيان تصير مدري صدفه او وش ب الضبط !!..من ضمن الاشيآء قالت بيخطبك واحد اسمه محمد وبترفضينه وكنت اضحك واقولها ماعندنا هاالاسم مثلا بيجي من المريخ هههه وبعد سنه بعد كلامها كلمت امي وحده مانعرفها وتبي تخطبني لولدها واسمه محمد هههههههه شكيت انها تعرفهم وتبي تمشي خرابيطها علي تتكهن ع راسي هههههه بس طلع ماتعرفه وفعلا رفضناهه اللي يجي من ورا هالخرافات يخوف ههه ..مازلت اكذبها رغم تقرآ كف البنآت ويصير اللي تقوله متى يبطلو هالخرفآت ..الله يكافينآ الشر بس |
اقتباس:
|
اقتباس:
حتى ان كان كلامها غلط لازم نربط شي قالته بشي صار ههههههههه عادي مافي شي يصير الا مكتوب عند رب العالمين يعني مافي داعي للقراءه ولا اي شي..... |
اقتباس:
|
اقتباس:
|
اقتباس:
لكن فضلا الله عظيم علينا مافي احد يعرف متى يموت.. وهذي نعمة من الله ليه نضيع حياتنا بافكار لا تؤدي ولا تجيب.. كل شي مكتوب عند الله.. |
| الساعة الآن 01:26 PM |
Powered by vBulletin® Version 3.8.11
Copyright ©2000 - 2025, vBulletin Solutions, Inc.
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.
المواضيع المكتوبة لاتعبر بالضرورة عن رأي الموقع رسميا