حاجتين هنا
 

السلام عليكم ورحمة الله


اول شي يجيني ألم بعضلات الصدر
مدري هل هو بالعظام او بالعضلات او هذي ضيقه
ماعرف افسر الشي اللي احسه
ويكون معاه ضيق تنفس
ويخوفني هالشي
اجلس افكر هل هذي ضيقة صدر والا ألم عادي بالعضلات والا ايش 😢

الشي الثاني
الخوف من العين والحسد
اخاف منهم بشكل !
واخاف احسد نفسي واخاف لما احد يطالعني
صرت اكره المدح و ما أهتم بشكلي وملابسي
و أشك في الكل انهم حاسديني 😞
أدري انه غلط أفكر كذا
بس من كثر ماقريت و سمعت ان القلق واختلال الانيه سببها العين والحسد والمس
صرت أخاف و اربط أي ألم او كسل في العين والحسد
قد جربتوا هالوسواس وكيف تخلصتوا منه ؟

هذا ارتجاع من كثر التفكير واكبر دليل لما توقفين تفكير يختفي ولا كأنه صار اخذي حبوب ارتجاع روحي الطبيب وان شاء لله بترتاحين

انا الي عرفته ان الخوف سببه العين واستخدمت الرقيه وللعلم القران لازم تقرينه سواء لعين او مافيج شي فيه شفاء القران سبحان الله

وسوره البقره فيها معجزه بالحسد والمس حصني نفسج وتوكلي على الله وكل شي قضاء وقدر من رب العالمين

عليكم السلام
طبعا الالم هذي عاديه جدا من عضلات القفص الصدري
لا تلتف لها نهائي لانها تصير مع اي شخص
والحمدلله مو خطيرة ولا منها خوف تروح
بدون علاج..

اما الخوف من من الحسد فعلا هذا وسواس
لازمني فترة وكنت اقول بنفسي مو ناقص
عين ثانيه تجيني اللي فيني مكفيني ..
طبعا هذي وساوس وقلق نفسي
مسيطر ع احساسك ومشاعرك
انا كنت بنفس حالتك
وبفضل الله شفيت منها تماما

انا كاتب موضوع بمنتدي الحالات الاخري
12 نصيحه اسمه ياليت تدخل عليه ..

الله يشفيك اختي
وحافظي على الصلاة والاذكار والاستغفار وماراح يضرك شي لا عين ولا حسد و لا غيره

والله انا ياانعكاسات أمس ماقدرت انام . بعد الفجر أحس باحساسك ده ضيقة عضلات الصدر واحسها مشدودة مع انتفاخ بالمعدة وكتمة قلت يمكن بسبب القلق والوساوس ا بسبب المعدة وأخذت دوا المعدة خفت الحمدلله بس بعد كده طول اليوم حاسة بالكتمة وشدة عضلات الصدر واشتغل الوسواس بس لما خرجت من البيت الحمدلله ماحسيت بها وانا ماشية

ايش حبوب الارتجاع هذي ؟
اول مره اسمع فيها

الحمدلله اقرا قرآن والاذكار
بس الفكره ببالي

شكرا لمرورك 💐

تخوفني لأن مدري هل هي ضيقة صدر والا بس ألم ؟
ايه نفس تفكيري
اقول موناقصه عين وحسد زياده يكفي ذا 😞
ان شاءالله بطّلع عليه
شكرا لك

اكيد لازم
الله يجزاك خير 💐

صح غالبا الم الصدر يكون مرتبط بالقلق والوساوس
بس احنا نكبر المواضيع

مرحبا بك

الم الصدر عارض شائع مع القلق وكلنا عندنا نفس الالم.

بكل بساطه العضلات يصير فيها انقباض والانقباض هذا يسبب الم، مرات الم مؤلم ومرات الم مزعج ومرات تحس زي الكوره بوسط الصدر. وضيق التنفس هذا مو حقيقي، بس الشعور بالضيق لان العضلات فيها انقباض ولكن نسبة الاكسجين سليمه مافي اختناق بش شعور لا اكثر.

لو كان ما يجيك الانقباض بالقلق معناها فيك شي، ف المفروض تتونسين لانك طبيعيه هههههههههههه

ما فهمت الجمله الاخيره
كيف لو جاني الانقباض بدون قلق معناه فيني شي ؟

انا قلت لو لم يأتي الانقباض مع القلق .... يعني بالعكس المفروض تنبسطي الجسم شغال صح

والله كآنك تتكلمي عني ):' انا جاني امس ب الليل آلم بصدري وربي دايم خاصه لما اقلق
الانقباضات بسبب القلق هالشي معروف القلق يسبب اعراض جسديه زي الضيق والم الصدر ورعشه وووولخ وكل اللي ذكرتيه من اعراض القلق
حاولي تتجاهليها ادري انها مزعجه وانا والله حاسه فيك ومجربه ومازالت اعاني من هالاعراض بس الله يعين...واذا حسيتي ب الم بصدرك استرخي وخذي نفس عميق واذكري الله ..ب اذن الله يزول

ايه مزعج جدا
على انه شد عضل عادي
بس يزعجني ويخوفني كثير
ومع البرد احس يزيد

شكرا لك 💐

حتى انا ...
بسالكم ثلاث أسئلة لو ممكن ..
1-هل مع الاجازة الوسواس يزيد لاني لاحظ هذا شئ علي ف شو تعتقدون انتم ؟
2-في حد نفس تفكيري مع اني متاكده فيه يعني تحسون بضيق او الالم في الصدر وتقولون انها سكته قلبيه والحين بيوقف قلبكم وكذا وبعد يوم تحسون بكتمه او كان شئ عالق انه من هذا شعور روحكم بتطلع يعني كذا تفكرون وبعد يوم تحسون بصداع او الالم فوق العين وتعب تفكرون انها ممكن علامات سكته دماغية وكذا ؟
3-تجيكم حالات تعصبون و تتنرفزون بسرعه حتى لو على اغبى الاشياء وابد مافي صبر كل شئ بسرعه تريدونه ؟


لاحظ ها فتره أغلبنا يعاني من الالم في الصدر ف هذا شئ تقريبا أكد لي انه من كثرة القلق وخاصة هذي فتره انا كثير قلقانه من كذا شئ ومن نتيجة الفاينل وكذا ...

ايه يزيييد مره
انا كل شي اربطه بالافكار السلبيه
وألم على عيوني من ادنى تعب
ومن كثر الاجهاد والتفكير احس جسمي كله يألمني

1- العدو الاول للوسواس الفراغ، هو الي يخلينا نبدع بالوسوسه وتزيد علينا
2- كل هالاعراض موجوده وهي عادي اعراض القلق النفسي لكن لاننا موسوسين لازم نربطها بشي وهذا طبيعي
3- اي صحيح قلة الصبر موجوده، وبعد العصبيه من اي صوت سواء كان مزعج او لا

تزيد الامراض النفسيه بزيادة القلق وفي حالتك الفاينل، وبعد الشتويه تزيد على بعضنا المرض وهذا شي معروف بسبب ظاهره الاكتئاب الشتوي.

الله يشفينا وياك يا رب من كل داء

طيب انا احس اعراض مثل زيادة ضربات القلب وضعف بالجسم خاصه الرجلين واحس بيغمى علي مع اضطرابات بالمعده بس ماحس هالشي له علاقه بالحاله النفسيه يعني لاتقولون لي قلق لاني ما اقلق الا اذا بداءت الاعراض اصير ابغى اعرف وش هي هذي الاعراض اما قبلها ماكون بحالة قلق

السوال الاول الي ذكرتيه ايوا صح لمن احس بالم فصدري تجيني افكار مثلك واقعد خيفانه وقلقانه بس السكتة الدماغية للحين ما فكرت فيهاههههههه وحالات العصبية اكيد احس نفسي صرت اعصب بسرعة رغم اني كنت ناااادرا ما اعصب قبل...وهذا كله نتيجة القلق والخوف

شيكي فقرالدم ونقص الفيتامينات
هي تسبب ذي الآلام

اي انا كذا 😭
واذا بذلت جهد كبير اخاف افكر بيصير لي شي
بطيح بيغمى علي ..... الخ من الافكار السوداويه
والعصبيه لك عليها والله
اعصب من اتتتتتفه شي

ممكن عندي فقر دم ونقص فيتامين دال لكن عالجت نقص الفيتامين اما فقر الدم ماشيكت
ومشكلة فقر الدم مايروح مني يعني يرتفع فتره ويرجع ينزل
وحتى المستشفى دايم اسوي تحاليل مايكلموني عشان فقر الدم بس مره الدكتور قال لي دمك ناقص بس 10و ماعطاني علاج

ايه لاحظ عليه ..
نفسي لاسف مفروض مانكون كذا ..

بضبط بس نحاول نشغل نفسنا..
الحمدالله مشكلة نحن احيانا بعد نخلي شي اكبر من حجمه بس يوم نعرف ان كلنا نفس أعراض وان هذا شئ طبيعي نطمئن عن قبل .
ايه والله ما اعرف شو الحل بس ها فتره احاول أمسك نفسي شوي ...
الفاينل كان مسبب لي قلق كبير بس الحمدالله و اول مره اسمع عن الاكتئاب الشتوي شو هو بضبط !!
امين يارب ..شكرًا
ههههههه شو نسوي عاد مع هذا وسواس كل شئ نفكر فيه ونربطه بقصص ...نفسييييي والله

والله انا زيك اخاف تجيني نوبه قلبيه لمن يجيني هلع لاني قرات موضوع الي يخاف من الازمات القلبيه تجيه وربي مره تعبت من التفكير داه حتى بدون هلع التفكير ف بالي 24ساعه وما استنى وعصب بسرعه نفس الي قلتيه انا زيك ايش الحل 😭