تم التعافي من اضطراب القلق والهلع
 

السلام عليكم جميعا

عضو اخر ان شاء الله تم تعافيه بعد الله سبحانه وتعالى بالالتزام بالعلاج الدوائي والسلوكي المعرفي ( بشكل فردي )


مدة العلاج 4 اشهر يتخللها تذبذب كثير ولكن الحمد لله اني استطعت ان انتهي منه

تبقى فقط نسبه خفيفه من رهاب الساح وهذا علاجه بالمواجهه والتي سأبدأ فيها ان شاء الله عن طريق العوده للعمل

ارجو من الجميع ان يتفائل ولا ييأس

والله انت اخوي مواضيعك دايما تحث علي التفاؤل الله يوفقك ان شا الله
واكيد لا ياس مع الحياة ولا حياة مع الياس

شكرا لك ولمرورك

امين يا رب ويوفقك لكل خير ويبعد عنك الشر يا رب العالمين

الله يوفقك انت ساعدتني كثير م انسى لك هالشي
الله يفتح عليك و يعطيك الصحه ويجعل دروب حياتك تساهيل..

الله يوفقك أخي في حياتك ويأجرك خير على ماقدمت من الخير

بس نصيحة لا عاد تدقق كثير في حياتك عشان ماترجع تتعب

وقدامك العافية يااااااااااارب
وعقبالي و عقبال كل اللي في المنتدى يارب

الحمدلله والله يثبتك على الايمان وبالتالي التعافي الدائم ...

أخي أريد طرح سؤال... بما أنك ذاتي التعافي مين أكثر شخص أو منتدى او قناة ساعدتك عبر النت ؟
انا بالنسبة لي بالدرجة الاولى د سارة الحربي بموضوعها عن الهلع

ماشاء الله ربي يتمم عليك شفائك
وبالتوفيق في العمل

ماشاء الله لا قوة الا بالله ، الف الحمدلله على سلامتك اخوي ماندوزا وعقبال ما يكون شفاؤك ميه بالميه وما يتخلله شي .
يلا عاد الحين باقي تشد حيلك وتترك الدخان واعتبره كشكر لله عز وجل انه من عليك بالصحه والعافيه .
تقبل تحياتي وإلى الأفضل ان شاء الله 🌹

شكرا للجميع وبارك الله فيكم وعقبال الكل ان شاء الله يتوجه للافضل

بالنسبه للي قال العشاء (( ياخي خرام عليك ارجع الوزن الي خسرته هههههههه )

بالنسبه للي سأل ايش امثر شي فادني ( برنامج باليوتيوب اسمه house of agoraphobic
جدا رائع واستفدت منه كثير


بالنسبه للي سال عن الدخان ( اكيد ان شاء الله حبه حبه وكل الحياه بتتغير ))


بارك الله بالجميع

حياك الله أخ ماندوزا ... انا محمد (الله هو الحق) صديقك ...

house of agoraphobic حضرته بلا ترجمة ام يوجد رابط مترجم ؟
لاني مالاقيت عاليوتيوب نسخة مترجمة للعربي

من غير ترجمه ،، للاسف ما احد بالدول العربيه مهتم بترجمة هالامور مع انها رائعه

ميزتها مو دكتور يتكلم ،، بل يوميات المريضين يجمعوهم بمنزل خاص بالبرنامج مع معالجين سلوكيين وتشوف كيف العلاج بالمواجهه وردود فعل المرضى والنصائح وكل شي... برنامج واقعي ورائع

ألف مبروك و تستاهل السلامه.

الله يسلمك وشكرا لمرورك وعقبالك

ياغالي الف مبروك ودوم لك العافيه ياليت تقول لنا عن العياده واسم الاخصائي لاني مريت علئ اربعه وللاسف مانفعوني بشي وكلامهم يتناقض

بماذا كنت مصاب اخي الكريم؟

شششفاكم الله والحمد لله على السلامه أجر وعافية

ماندوزا الله يعافيك بسألك كنت تعاني من الوسواس
وهل راح ؟ ايش الوسواس اللي كنت تعاني منه؟

ي اخوان انا غيرت منطقتي رحت لرياض وسكنت لوحدي كذالك صرت أخالط الناس الإيجابيين واتجنب السلبيين بس مازالت معي الأفكار السلبية هل تروح بالرياضة لأني أمارسها يومياً ساعتين ... بعدين ودي أغير شخصيتي الحساسة مره الئ شخصية عاديه أو اي شخصية ثانيه وش الحل

خطوة موفقه بإذن الله فعلا احذر الناس السلبين كل الحذر
وعليك الان بالتجاهل لاي امر راح يتعب شخصيتك انا مثلك حساسه كثير وقويت شخصيتي بالبعد عن اي امر اعرف انه راح يتعبني ويلعب في شخصيتي وكلما لها احسن بفضل الله

اخوي كان معاك قلق عام؟ واكتئاب؟ ولا بس قلق عادي؟ وشكثر استمر معاك؟ وهل بعد ماتركت الدواء ماخفت؟ ولا صارت فيك انتكاسة؟

ماشاء الله ربي يتمم الشفاء ويشفي كل مريض