ان شاءالله تكون بشرى لي ولكم
 

السلام عليكم اخواني؛
وددت اني اتشارك معكم ماحصل لي اليوم وان شاءالله تكون بشارة خير ، اولآ كنت من فترى اسمع بشيخ يعالج الكثير من المرضى في اماره الشارقه تبعد عن امارتي ساعتان تقريبا فقررت اليوم اشوف الشيخ اعتبارآ ان اليوم خاص لأهل الخليج المهم حجزت فندق في الاماره عن طريق النت وصلت الى بيت الشيخ اليوم الساعه 9 صباحا اليوم كانت زحمه غير طبيعيه المهم سجلت اسمي وسالت الموظفه متى يحين دوري قالت اول شي يستقبل اهل الكويت بعدين السعوديه بعدين اهل قطر بعدين اهل عمان وبعد ذالك اهل الامارات ، المهم ذهبت الفندق نزلت اغراضي ورجعت لبيت الشيخ كانت الساعه 11 صباحأ في مسجد بناه الشيخ ملاصق بمنزله هناك ينتظر الرجال والحريم داخل المجلس المهم اثناء جلوسي اسمع قصص عن الشيخ يمدحونه ، على الساعه 8 المساء جاء دوري
دخلت وانتظرت في الغرفه 10 دقايق اعتبار انه عنده اربع غرف يستقبل الحالات بعد ما يخلص يدخل الغرفه اللي بعدها المهم دخل الشيخ سلمت عليه وقلتله معاناتي لي دامت 6 سنوات من الهلع والخفقان والتعرق والضيقه وغيره وقلتله استخدم ادويه نفسيه ، ابتسم ابتسامه خفيفه قال ليش ماجيتني قبل كان فكيتك من الادويه ! استغربت قلتله كيف يعني قال انت موضوعك بسيط لو جيتني قبل كان ماخذيت الادويه هذي انا احذر منها لانها تتعب الواحد وشفائك قريب ان شاءالله المهم قرأ علي ورمشت عيني من بدايه القرايه لين خلص قالي شو حسيت قلتله رمشت عيني قالي نفس اللي كانو مثلك ، المهم قلتله ياشيخ يعني بشفى ، قالي انا اقولك ان حالتك بسيطه ان شاءالله ، فرحت من سمعت الكلمه هذي عطاني شراب اشرب منه فنجان الصبح وفنجان الليل لمده اسبوعين واراجعه ، يا اخواني انا لي صديق راح عنده نفس حالتي قالي انا رحت عنده وعطاني نفس الشراب وخذيته اسبوع وراجعته وقالي ما فيك شي المهم رجع لحياته الطبيعيه ان شاءالله انا اكون نفس الشي ، على العموم انا ان شاءالله من اليوم ببدأ العلاج وان شاءالله اتواصل معاكم اول بأول ، ملاحظه مهمه لا تحاول تعطي الشيخ اي فلوس ما بيقبل منك هو يخدم لوجه الله ، وكذالك لابوه المتوفى الله يجزاه خير.

ما شاء الله لا قوة الا بالله الله يكتب لك الشفاء على يده وتبشرناا لعل وعسى نرتاح من ما احنا فيه اتمنى تتواصل معنا اول ب اول وتعطينا النتائج .

الله يسمعنا الأخبار الطيبة أخي
ان شاءالله يكون الشفاء على ايدو والشافي الله

ربي يوفقك ويخلصك من معاناتك
ويفرجها عالجميع يارب

امين يارب ، ان شاءالله بخبركم با النتائج اذا كانت مبشره بخبركم بكل شي حتى توصلوله الله يشفينا ان شاءالله.

خبر حلو
ماشاء الله تبارك الله
الله ينفع به
والله يعطيك العافيه اخوي ويشفيك 🌹

الله يكتبلك الخيرة والشفاء
بس غريبه من شراب نتشافى وشو هالشراب السحري

قدامك العافيه ياخوي منصور وبلغنا شنو يصير معاك

الله الحمدالله الله يشفيك

اخبار حلوة الله يشفيك

ماشاء الله الله يتمم عليك أخي ممكن اسم الشيخ وأي إمارة ..

الله يسلمكم اخواني ، حاليا وقفت عن الدواء اللي هو سيروكسات جرعه50 ومستمر على شراب الشيخ ، نصيحتي لا تروحون لين تبين النتائج اكمل اسبوعين وخبركم ، بخصوص الشراب لونه ابيض ماله طعم ، ويختلف الشراب من شخص لشخص حسب الحاله ، والله يا اخواني شفت شاب عمره 20 سنه طاح قدامي وجسمه يرتجف وينبح مثل الكلب والله يوم شفت حالته قلت في خاطري تحون حالتنا الله يشفيه يارب .

اخوي منصور ياليت تنزل رقم الشيخ عشان نتواصل معه لان اغلبنا مايقدر يطلع من البيت وياليت تعرف شنو هالشراب محتاجين العافيه

ان شاءالله بزودكم بكل اللي تحتاجونه بس صبركم شوي ، اشوف نفسي اول وخبركم كلها كم يوم ، على العموم الحين اعاني من اعراض انسحاب الدواء لكن يهون ان شاءالله

اخوي الله يحفظك ممكن تعطينا اسم الشيخ لعلك تكون سببا في شفاء مسلم لا مانع من ذكر اسمه حتى لو لم تستفد أنت منه لربما يستفيد أناس آخرين وأسأل الله لنا ولكم الشفاء العاجل وما ذلك على الله ببعيد .

منصور كم لك تستخدم السيروكسات ؟ وكم مدة مرضك ؟
وهل تحسنت بفتره من الفترات ولا الوضع زي ماهو ؟

المشكله يا اخواني ما اريد احد يتعب ويروح ومايحصل فايده ، وثاني شي يرد يقول كله منك يامنصور تعبتنا على الفاضي ، انا الين الحين ماكملت العلاج عشان احكم اذا تعالجت ولا لا ، المهم بزودكم با معلومات عن الشيخ عشان بعض الاخوه اللي مستعجلين ، الشيخ اسمه مراد البلوشي ابو عبدالله في اماره عجمان منطقه الزهراء ، اللي ناوي يروح يتاوصل معاي على الواتس اب عن طريق طلب من الاداره اذا وافقت وبزودكم با اللوكيشن هو عنده ثلاث ايام با الاسبوع يوم اهل الخليج ويوم اهل الشام ويوم اهل الجزائر والمغرب وغيره ، العلاج اللي انا عطاني اياه عباره عن ماء مقري مخلوط بعشبه الحلتيت ، اللي بيروح يحط في باله ينتظر خمس ساعات وفوق حسب الزحمه ، فعليه با الصبر ، والله اتمنى لكم الشفاء مثل ما اتمناه على نفسي ، لكن ما انتهت مده علاجي فأنصح اللي خارج الدوله ما يستعجل ومن ناحيه رقمه مايرد على احد وشكرا.

وانا اخوك من العين اتمنا تبلغنا اول بأول شو الي صارلك بالضبط

جزاك الله خير أخي منصور
بشرنا كيف الأمور

هلا بدر الحمدالله الامور طيبه ، حاليا اعاني من اعراض انسحاب الدواء بس اللي هي كهرباء وغيره، اشكرك على سؤالك
اخوي مباشر دام انك من اهل العين توكل على الله وبدا العلاج من عنده ، انا سالت اليوم الشخص اللي عنده هلع وضيق ، قالي والله انا طولت وياه تقريبا خمس اشهور ، وماكان منتظم ولكن راح منه كل شي رجع طبيعي بنسبه %١٠٠ طبعا نسبه مبشره كثييير ، انت روح واذا فيك شي ببين ان شاءالله واذا بين شي استمر با العلاج.

أعانك الله أخي حاول تسحب العلاج بالتدريج .

اخوي منصور بما ان علاجه ماء مقرئ وحلتيت كله متوفر راح استخدمه .لاكن سؤالي هل الحلتيت يتعارض مع الادويه النفسيه عموما

والله يا اخوي ما ادري اذا يتعارض ولا لا بس هو قالي لا تستخدم الدواء خلك على العلاج ، في اعراض تظهر عليك يوم يرقيك من الاعراض يبين ان فيك شي ، عموما انا ظهرت علي اعراض مثل رعشه مستمره في العين لين وقف من القرايه ، وقالي هذا اللي فيك بسيط ، تلبس فيك في مكان عام ، يعني الحمدالله لا حسد ولا عين ولا سحر .

ماشاءالله الله يكتب لك الشفاء
اهم شي لاتقطعنا قول لنا اول بأول اش يصير معاك
احس اني متفائله بهذا العلاج ويارب يكتب لنا الشفاء جميعا

اخي منصور لا تيأس ويجب أن تكون ثقتك بالله كبيرة وأنه سبحانه سيشفيك .. فاليقين مهم ...

يارب يكون خير عليك وعلينا من بعدكك ..

ننتظركك ي بطل

اختي اتمنى الشفاء انا بعد متفائل باهذا العلاج ان شاءالله اتعالج وفتك من الهلع ، ادري ان الكلام اللي بقوله بدري انه يطلع ، بس الحمدالله النوبات خفت خاصتنا الخفقان اختفى الحكم ممكن يكون بدري الله يعلم بس هذا اللي حسيته، اخوي بدرر اشكرك على دعمك المتواصل كلماتك حتى لو كانت بسيطه معناها كبير عندي اشكرك مره ثانيه، ابو بدر امين يارب نشفا تعبنا من الادويه واعراضها والمرض واعراضه ، ونا متواصل معكم ان شاءالله ، ونبشر بعضنا با الشفاء.

الله يتمم علينا وعليكم الصحه والعافيه

مشكور ابو غاده
اليوم الجلسه الثانيه ان شاءالله بتواصل معاكم من اخلص

بإنتظارك اخوي وان شاءالله تبشرناً بكل خير
واذا ماعليك امر ابغاك تعطيني رقم الشيخ وسأله اذا كان له زياره لمكه انا صعبه علي اسافر 💔

ان شاءالله بساله ، بخصوص الرقم المشكله مايرد بشوف اذا عنده رقم ثاني يرد عليه

متى اليوم المخصص للخليج أخوي منصور والساعة كم يبدأ ؟ وأي شارع في الشارقة لأن احتمال أروح له الله يجزاك الف خير.

يوم السبت حق اهل الخليج ، في عجمان منطقه الروضه 1
خلصت الجلسه اليوم ، قرا علي ورفت الجفون لكن اخف من قبل بكثير من خلص القرايه سالني شو حسيت قلتله رفه بس اخف من قبل ، قالي زين استخدم العلاج اخر اسبوعين ، ولا عاد تجيني خلاص امورك طيبه ، قلتله واذا ردت الاعراض قالي اذا ردت تعالي عندي ، بس حسيت من كلامه انه واثق الله يعلم ، المهم كلها اسبوعين وببين ، وثاني شي اعاني من اعراض انسحابيه من السيروكسات عشان كذا ما اقدر احكم على نفسي

صح التسجيل يبدا الساعه 9 الصباح ، والشيخ يحضر بعد صلاه الظهر يعني على الساعه 2 تقريبا.

اخوي بدر بطرشلك اللوكيشن احسن ، طرش رقمك للاداره عشان يحطونه في الخاص عندي

ربي يتمم شفاءك على خير

امين اجمعين

بشرنا بكل خير ..

الله يتمم علينا وعليكم الصحه والعافيه وكل مسلم

اخخوي ابو منصور بشرنا وش صار عليك ؟

يوم السبت بكمل شهر من دون دوا وشهر على علاج الشيخ، طيب الهلع اختفى والحمدالله والوسواس اختفى والحمدالله احس اني رديت مثل اول بس مع ذالك بروح للشيخ اخر مره معنه قالي انت بخير خلاص ماله داعي تجيني بس تعرف الواحد يريد يتاكد او يقوي علاجه احتياط الصراحه على طعم الراحه اللي ذقتها ما ودي ارد مثل قبل انشاءالله على طول اتم طبيعي ، المهم اللي عنده اي سؤال بخصوص العلاج او اي شي انا حاضر الموقع يعلق عندي ما ادري ليش ثقيل.