|
قصتي مع المرض النفسي ومعاناتي التي لازالت مستمرة
السلام عليكم ورحمة الله وبركاته
أخواني أخواتي في منتدى نفساني تحية طيبة لكم المعذرة كلامي قد لايكون مرتب .. اسمي عبدالعزيز عمري 25 سنة بدأت معاناتي يوم كنت بالصف السادس عمري كان 11 سنة كنت أحب امشي كثير كنت اطلع برى البيت وأمشي لمدة أكثر من ساعة وكنت أفكر وانا امشي كنت اذا زعلت او تضايقت امشي وافكر بمعنى كنت انسان حركي جدا احب اتحرك وأكره الراحة ما احب اجلس ابدا اذا رجعت من المدرسة كانوا البيت برجعون يستريحون وبعضهم كانوا ينامون قيلولة انا ارجع وأمشي كان نومي بذيك الفترة منقطع بمعنى كنت انام وأصحى بعد ربع ساعة ثمن انام وأصحى مرت السنين لين ماوصلت لمرحلة المتوسطة وزادت الحركة عندي لدرجة كنت ما استطيع اجلس حصة كاملة لازم اقوم وأمشي وأفكر أثناء المشي ونومي في ذيك الفترة قل جدا بمعنى كنت انام 5 أو 6 ساعات فقط ، مرت السنين وكل مالها تسوء زيادة كنت امشي بالبيت أروح للصالة وأمشي ثمن أروح للمجلس وأمشي ثمن أروح للغرفة وبعدها للشارع مررت السنين ووصلت لمرحلة الجامعة في ذيك الفترة خلاص انا انتهيت انتهى كل شيئ جميل في حياتي وصلت لمرحلة اني انام ساعة وحدة في اليوم ومتقطعة بعد كنت ما أقدر اجلس نص ساعة لازم اطلع وأتحرك بديت أدخن في ذيك الفترة بشرهه جدا هرب من الواقع المرير زملائي كانوا يعزموني في جلسة نذاكر وانا ما اقدر اجلس 10 دقايق كنت اتململ كل شوي طبعا كنت اذا جيت اذاكر لازم اكون امشي مستحيل اذاكر وانا جالس الكل لاحظ تصرفاتي حتى بعض زملائي اتهموني اني اتعاطى مخدرات وماقاموا يصاحبوني حتى أكثر من دكتور كانوا يمسكوني على جنب وكانوا يقولون لي انت ليش حركتك واجدة بالمحاضرة انا حياتي اصبحت سوداء كنت ابكي كثير طبعا انا تخرجت من الجامعة والمرض هذا كل فترة يزوود خلاص انا نابي أنام زي الناس ابي لو مرة وحدة أنام فيها مثل أي انسان طبيعي انا نقص وزني نحفت مرةالان وزني 50 كم من كثر المشي انا ما اقدر اتحمله تخيلوا يا اخواني قدمت على وضايف وكانوا يشترطون المقابلة وكنت كل ما ادخل المقابلة يلاحظون علي هالشيئ كل اللي حولي يسألوني ليش أنت كذا أنا فيه مطعم كل يوم أروحله أتغدى فيه وأعرف العمال مرة من المرات كنت أسولف انا والمحاسب وقام يسالني يقول انت شكلك ماتحب تجلس يدك تاكلك لازم تتحرك ،طبعا فكرت أراجع عند طبيب نفسي وبالفعل اتخذت القرار قبل سنة تقريبا وأعطاني في البداية سيروكسات وماجاب اي نتيجة ثمن أعطاني سيتالوبرام وماجاب اي نتيجة ثمن اعطاني ريميرون ونفس الشيئ حركتي مثل ماهي الاثار اللي شفتها كانت تسببلي خمول مؤقت لمدة 6 او 7 ساعات وبعدها حركتي تزوود مرة بمعنى أن الأدوية هذي كانت تخملني وتمسك حركتي مؤقتا ثمن تطلقها بعد كم ساعة طبعا حركتي تكون دبل لدرجة وصلت مرحلة صرت اقفز وانا امشي وأضرب الجدار أو الباب بيدي طبعا رحت لدكتوريوتناقشت معه وهو قال انا بعطيك علاج ثاني لأن تشخيصك ماكان اكتئاب تشخيصك الان فرط حركة ونقص انتباه وقلتله هالادوية ماسوتلي اي شيئ اعطاني ريسبريدال اخذ حبتين وبنزتروبين اخذ منه حبة قبل النوم وانا الى الان ما اخذت العلاج لاني خايف اخذه ومايجيب اي نتيجة مثل اللي قبله وأنا بحثت عن الدواء بالنت سمعت انه يسبب زيادة في حجم الثدي وتحتاج بعدين عملية عشان حجم الثدي كبير هل هذا الشي صحيح ابي كل اللي جربوا ريسبردال يجاوبوني وثاني شيئ انا بحثت عن المرض وقريت عنه وتيقنت ان اللي فيني فرط حركة ونقص انتباه بنسبة 100 بالمئة ابيكم تعطوني هل فيه أشخاص مثل حالتي وتعافوا بعد الله انا جلست فترة طويلة ابحث عن أشخاص بعمري عندهم نفس هالمرض وتعافوا ماحصلت كل اللي أقراه أن هالمرض يصيب أكثر شي الاطفال اخواني انا طولت عليكم امانة امانة معكم تدعولي بالشفاء لان حياتي خلاص راحت ابيكم تدعولي وتطمنوني |
ربي يشفيك يااخوي
بس لايهمك الاثار اهم شيء العافيه ان شاء الله يفيدونك الاعضاء مايقصرون ربي يشفيك ويسعدك 🌹 |
الله يشفيك ويعافكيك اذا هالدكتور مانفع شوف دكتور فاهم غيره ولاتخلي الرقيه الشرعية
|
الله يوفقكم يارب
المشكلة انا الان زادت عندي الاعراض وأصبح لدي اكتئاب حاد يا اخوان انا ما اخفيكم صار عندي حقد على اي شخص صرت احقد على عايلتي او اي شخص مهما كان صرت احس اني ناقص |
اقتباس:
بس اللي فيك حالياً من الاكتئاب انا نفسك اكره اللي حولي بس اعرف انه مو مني الاكتئاب يكرهك بكل شيء حولك والدنيا مالها طعم عندك وتحس مالك قيمه والناس كلهم ضدك عادي جداً شوف لك دكتور ممتاز نفس ماقال الفدعوسي والله يوفقك وييسر لك امورك ويعافيك 🌹 |
يا جماعة الخير
اذا الريسبردال والبنزتروبين ماجابوا نتيجة معي وش اسوي بعمري انا ؟؟؟؟؟؟؟؟ انا الان خلاص شوي وانتحر كل مايأست خلاص قمت اقود السيارة بسرعة جنونية قمت ابحث عن الموت احس الموت اهون لي من الحياة السوداء |
خلاص المرض صار عائق لي أمام كل شيئ مني قادر اجلس وأرتاح زي الناس ماني قادر أنام زي الناس وش باقي بالحياة
كل حياتي حركة في حركة تخيلوا يا اخوان انا الان عمري 25 سنة وما قدرت اكون أصدقاء تخيلوا يا اخوان انا في حياتي ما قدرت اتابع فلم كامل لي 5 سنين وانا اجبر نفسي اتابع فيلم كامل ماني قادر اتابع 10 دقايق ثمن امل وأطلع اتحرك |
اخي اش تشخيص حالتك
انا كنت زمان زيك كله امشي واتعب مع ذلك استمر كأني مضيع شيء لا أصدقاء أخاف من كل شيء ااطفش بأسرع وقت لين قررت اتعالج من عشر سنوات فشخصني طبيبي برهاب شديد وتحول في اخر خمس سنوات الى رهاب واكتئاب متوسط صراحه الدواء يخليك تنام زي الناس بس ما يحل المشكلة |
أنا مستغرب حالتك واضحة إنه عندك فرط بالحركة وقلة انتباه ويمكن مسيطر عليك فرط الحركة توكل على الله يا رجل وبإذن الله النتائج مبشرة والاكتئاب وقتي لا أكثر ولا تضع برأسك أنك مكتئب
وعلى فكرة موجود هذا المرض عند الكبار وغير صحيح إنه عند الصغار فقط |
اخي انا كان عندي فرط الحركه وزالت لما تعديت الثلاثين او بفعل الادويه
ماادري اذا هذا شيء سلبي او ايجابي اذا تببي ترتاح من الملل عند مشاهدة برنامج او فلم فزولوفت ما انصحك برسبيردال لان له اعراض جانبيه مزعجه اذا جربت الابلفي ومانفع اسال طبيبك عن سيردوليكت |
الله يعطيكم العافية يارب ياللي تفاعلتوا معي
انا بابدأ تناول الريسبردال والبنزتروبين اليوم دعواتكم لي |
اقتباس:
اخوي كيف راح منك فرط الحركة ونقص الانتباه ؟ هل كانت حالتك شديدة مثلي ؟ بمعنى المرض صار يعيقك عن كل شيئ جميل في الحياة وش الأدوية اللي اخذتها لفرط الحركة ؟ هل كان المرض فيك من الصغر وما أحد اكتشفه مثلي ؟ |
عزيزي مرضك معروف ومن يوم قريت قصتك عرفت انو معاك فرط حركه ونقص انتباه....والسيروكسات مايتعطى في فرط الحركه والريسبريدال كثير ناس استفادو منو
|
جزاكم الله خير ياللي رديتوا صراحة عطيتوني دعم
للاسف دكتوري يوم اعطاني السيروكسات والريميرون والسيتالبورام كان مو مقتنع ان فيني فرط حركة ونقص انتباه لدرجة كنت اتكلك معاه واقوله يادكتور انا ما انام الا نص ساعة كان يكذبني ويقول مستحيل لو كنت صادق كانت توفيت ثمن جلس مافادت الادوية ورحتله قلتله يادكتور مافادت ادويتك قالي اتوقع تشخيصك فرط حركة طيب ليش بعد كل هالعناء صرفلي ريسبريدال وبنزتروبين طبعا بعدها اعطاني موعد حتى يتابع حالتي وانا مارحت لاني بيني وبينكم كنت خايف اخذ العلاج وانصدم مرة ثانية لين ماقفلوا ملفي بالمستشفى اللي انا اعالج فيه |
انا اتابع منتداكم ماحصلت احد يعاني من هالمرض غريبة !!
وهل تتوقعون اني راح ارجع انسان طبيعي بعد معاناة من يوم عمري 11 سنة الى 25 سنة ؟؟ انا احس المرض صار جزء من شخصيتي |
|
اقتباس:
|
جزاكم الله خير ياللي رديتوا على موضوعي والله يحققلكم اللي تتمنونه
انا يا اخوان الى الان مابديت اخذ العلاج اللي هو الريسبريدال والبنزتروبين يفترض اني امس ماخذه بس قلت بكره لاني خايف مايجيب نتيجة |
الله يشفيك ..
اخي استوقفتني معاناتك سبحان الله بالنسبه للمشي جميل لكن فيها ارهاق لك مش طبيعي عزوز ماذا عن الغدة الدرقيه عملت لها تحاليل يمكن هي السبب وحلها بسيط ؟؟ |
اقتباس:
اهلا اخي الكريم بالنسبة للمشي انا طول وقتي ياواقف ادور على شكل دائرة او امشي تصدق يا اخي انا استطيع امشي يوم كامل بدون تعب حتى اذا تعبت اجلس شوي واتحرك بمعنى اكون جالس واحرك يديني ثمن أقوم مباشرة بالنسبة للغدة الدرقية ماسويتلها تحليل |
اقتباس:
وكيف طبيبك ما يفكر يعمل لك والله وان ما خاب ظني مشكلتك مو نفسيه ابدا روح اعمل تحاليل للغدة الدرقيه هي والله اعلم السبب المهم تطمن وطمني .. اختك في الله |
اقتباس:
يا اخي الكريم المرض صار عائق لي أمام اي شي جميل بالحياة ابي أكون أصدقاء أبي أجلس معهم نسولف مستحيييل ابي اتوضف ما اقدر حياتي كلها حركة في حركة ابي اتابع لي شي بالتلفزيون ما اقدر ابي اسولف انا واهلي نجلس نشرب شاهي ما اقدر احس انا مثل الالة او المكينة طيب اذا كانت مشكلتي ماهي نفسية بتكون ايش ؟ وتحليل الغدة الدرقية كيييف هل هو دم ولا ايش انا بروح اسويه في مختبر اسمه البرج |
اقتباس:
المهم ايوا اخي ربما انو افراط بسبب الغدة الدرقيه اكتب عنها واقرا من الان وراح تعرف حالتك هل هي ،و تروح تحلل دم هو نعم ،وانت بالسعوديه لان ما بعرف البرج ويارب يكون شي سهل ووتعالج بسلام وترجع تمارس حياتك الطبيعيه بين اهلك واصدقائك ..تفائل بإذن الله الخير قادم لك |
الي يقولك غده درقيه هذا مايفهم شي....المرض حقك معروف فرط حركه وقلة انتباه والطب النفسي يعرف دا المرض مظبوط وله علاجات وناس كتير مصابين بدا المرض...تجي تقولي حلل غده درقيه
|
اقتباس:
نقول يجرب ما بيخسر شي ربما قلت مشكلته بسيطه نقووول يارب يشفيه ويرفع عنه آمين .. متحري خاص وكمان انت يشفيك .. |
انا الا لي 7 ايام وانا اخذ الرسبردال والبنزتروبين
وحالتي نفسها ماتغيرت الشي الوحيد ان نومي تحسن بنسبة 50 % |
اقتباس:
والشي الثاني انصحك باستخدام السيروكويل وهو افضل من الريسبريدال لان الريسبريدال نفسه يسبب فرط حركة حتى للناس الذين لا يعانون من فرط الحركة!! الطبيب هذا اللي رحتله داج ولا يدري وين الله قاطه علاجك لا يخلو عن اثنين اما سيروكويل او ليبونيكس لانها الادويةالوحيدة المضادة للذهان والتي لا تسبب تململ السيقان ولا ترفع هرمون الحليب ولا تسبب تثدي ولا عجز جنسي ولكن عيبها هو زيادة الوزن ولكن بامكانك تلافي هذا الاثر اذا وازنت طعامك وابتعدت عن الدهنيات الريسبريدال لو تستمر عليه فترة طويلة راح يسببلك عجز جنسي وتثدي وحركات لا ارادية ويمكن يزود عندك تململ السيقان وتصير حركتك اكثر من اول استخدم السيروكويل وراح يتحسن نومك بنسبة 100% بدلا من 50% ولا راح يسببلك اي مشكلة مع هرمون الحليب والتثدي والحركات اللا ارادية والعجز الجنسي واذا ما فادك السيروكويل اتجه الى الليبونيكس وانصحك بتغيير الطبيب الذي ذهبت اليه وان تطلب منه تغيير الريسبريدال الى سيروكويل |
في مدينتي اعرف شخص نفس اعراضك شديد الحركة سريع جدا حتى من مشيته بعض الناس كانتتضحك عليه وانا اقول لهم حرام عليكم ده شيء لا ارادي عنده فعلا كانت مشيته غريبه وفضل على كده سنين طويله وفجأه اصبح طبيعي اما موضوع نومه لا اعلم عنه شيء لكنه كان شخص هزيل جدا المهم انه تعافى وصار يمشي طبيعي فتأكدت انه ذهب لطبيب اما مخ واعصاب او امراض نفسيه وبالنسبه للدواء اللي اتوصف لك هو من افضل الادوية لتلك الحالات لدرجة انه يوصف للطفال اللي عندهم فرط في الحركه اي كل دوا له اثار جانبيه لكن لا تهول الموضوع لاني اخذت دوائك للإكتاب مدة شهرين وما حصل تثدي او شيء اعراضه في البدايه تعب دوار نعاس شديد فاتح للشهيه بدرجه كبيرة وبعدين تختفي الاعراض بعد اسبوع او اتنين فأبشر مرضك بسيط وله علاج المشكله ليه اتأخرت في العلاج بس عموما جرب الدواء لو ما نفع اذهب لطبيب مخ واعصاب لانه على درايه اكبر في حالتك من الطبيب النفسي
|
اهم شي لا تتعدى جرعة السيروكويل 300مج يوميا عشان ما تسببلك تململ السيقان واعتقد ان جرعة 300 هي جرعة مناسبة لك جدا لان السيروكويل بهذي الجرعة يعالج الاكتئاب والهوس وقلة النوم اما بجرعات اعلى فيعالج الفصام ولن تحتاج الى اي دواء ثاني مع السيروكويل باذن الله وهذا مجرد رأي شخصي مني واجتهاد لانني لدي خبرة كبيرة واطلاع على جميع الادوية النفسية ولكن انصحك بمراجعة طبيب اولا يكون استشاري او اخصائي
واما مضادات الاكتئاب ما انصحك ابدا باستخدامها لانها احتمال كبير تزود نشاطك |
اقتباس:
احمد ربك مرضك له علاج كويس انه مش اكتئاب او وسواس بس انت اتأخرت في الذهاب للطبيب واسمع كلام الاعضاء تحليل غدة درقية في معمل تحاليل موثوق فيه بياخدوا عينة دم 3 سم فقط واعمل تحليل شامل للغدة للفصين وشوف النتيجة لو نقص او زياذه الدكتور بيظبط لك الدوا مع اني اعتقد انه نقص اما لو طلعت سليمه جرب دوائك شهر اذا ما نفع اياك تستسلم عليك وعلى دكتور مخ واعصاب كويس لان ده تخصصه مش تخصص طب نفسي ،، توكل على الله وابشر من الان انا واثق من شفائك وهتيجي هنا تكتب عن تجربة شفائك ان شاء الله |
اهلا اخواني
للأسف معاني لازالت مستمرة انا مليت من حياتي خلاص هذي ثالث فنيلة البسها واشققها الريسبريدال سببلي زيادة في حركتي ما اعرف وش اسوي انا فقدت الامل بالعلاجات مدري هل هو مني انا او من الدكتور ابي منكم المواساة لو بكلمة |
اخي انت ذهبت لطبيب نفسي وحالتك تحتاج بروفيسور مخ واعصاب لانه هيكون على درايه اكبر من الطبيب النفسي
|
ي اخوان بالله واسوني
الصلاة وقراءة القران يبيلها خشوع وانا ما اقدر |
اقتباس:
ابشرك اخوي راجعت طبيب نفسي ووصفلي سيروكويل والإنديرال لكن لدي تساؤل هل يسببان تغير في الصحة الجنسية |
اقتباس:
الانديرال ما انصحك باستخدامه ابدا ابدا ابدا لانه راح يسببلك ارق واحلام مزعجة وقلة نوم خلك على السيروكويل فقط بجرعة 300مج يوميا قبل النوم وباذن الله راح تلاحظ تحسن في حالتك بشكل كبير واما من ناحية الصحة الجنسية فالسيركويل لا يسبب اي مشاكل جنسية ابدا ولا يسبب اي اتفاع في هرمون الحليب مثل الريسريدال ولكن مشكلته الوحيدة هي الشهية وزيادة الوزن مثل ما ذكرت لك سابقا ولكن حاول انك تبتعد عن المأكولات الدهنية وخذ بمشورتي وباذن الله تتحسن اخوك خبير في الادوية النفسية وفي اعراضها واستخداماتها |
اخوي حاول قدر الامكان تروح لشيخ وطبيب مخ واعصاب ونفسي واجمع الدواء والقرايه كان عندنا حاله لقريب لي اتاه المرض قبل 37 سنه وكان لما يترك العلاج يترك سيارته ويدقها مشي بس يحب يمشي واذا رجع للعلاج صار افضل من الصاحي بس والله ناسي العلاج روح لشيخ اول وبعدها روح لطبيب شاطر واهم شي يسمع لك
|
.................................................. ..........
|
................................................
|
.................................................. ...
|
أعتذر كتبت ردود بالموضوع الخطأ قاصدا بها موضوع آخر
|
| الساعة الآن 06:53 PM |
Powered by vBulletin® Version 3.8.11
Copyright ©2000 - 2025, vBulletin Solutions, Inc.
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.
المواضيع المكتوبة لاتعبر بالضرورة عن رأي الموقع رسميا