|
حسبي الله ونعم الوكيل فيه
السلام عليكم
لو سمحتو اي احد عنده تعليق سيء ويغثني لايعلق لان جد جد انا مغبوووونه طليقي رماني عند اهلي عشان كنت بشدة مرضي وانتكاسي وعندي منه اطفال صغار ووعدتني لمن اتحسن يجي يأخذني رغم اكتئابي جاني بسبب اكتئاب مابعد الولاده+وفاة طفلي ... تخيلو كان يعشق ترابي بعد مامرضت شاف اخطائي ويتصيدها وفضحني عند اهلي رغم جمايل اهلي عليه وكانو يسوون فيه معروف ومعتبرينه ولدهم لدرجة مسلمينه مفتاح البيت ... تخيلو بعد كم شهر اتفأجأة بطلاقو لي ويقول مااحنا مناسبين لبعض طيب ليه الان قلت كذا ليه ماقلتها بدايه زواجنا قبل لاانجب منك اطفال ليه ماقلتها قبل لاامرض ليه وليه وليه ... فوق ماانا منتكس زاد حالتي حسبي الله ونعم الوكيل ورمى الاطفال بحلقي انا واهلي واستغنى عننا وترك كل المسؤوليه علي انا واهلي وراح ... وفجأة بعد الطلاق بسنه تزوج!!!!كان كم شخص ينصحو يقوله اولادك وهو مطنش.. وناس تنصحو ان انا حالتي تحسنت ورجعها برضو مطنش ... مافكر ابد دمرنا وراح وتزوج .... فين الحب اللي كنت تحلف لي ... حسبي الله ونعم الوكيل الله يبلاه بأشد من مرضنا ويحتاج لي ويعرف قدري ... شوه سمعتي وخلاني بلسان كل الناس ... الله لايهنيه ولا يوفقه زي ماظلمن انا واطفالي ... لاحول ولا قوة الا بالله |
الله يعينك يختي ويسهل امرك
قريبه لي نفس وضعك ورمت العيال عليه وقالت له فوق ماني تعبانه اربي اعيالك وأتعب اهلي بعيالك عطته أولاده والحمدالله زانت نفسيتها بعد ما سلمت مسؤلية الأطفال الى ابوهم وعاشت في بيت اَهلها بلا مسؤلية اطفال ولا هم ولا ظغوطات وزوجها بعد ماتزوج لم يتوقع ان طليقته سوف ترمي الأطفال عليه مما سبب نفور الزوجه الجديده منه ومن اطفاله وطلبة الطلاق لانه يوم تاخذه الأطفال مع امهم وحاول الزوج مع ام اطفاله ان يعيشو الأطفال معها فرفضت وقالت انت لازم تدفع ثمن قرارك بطلاقي طلقتني خذ اعيالك انا وش ذنبي ادفع ثمن قرارك تروح تتهنى بزوجه جديده وانا أتحمل كامل مسؤلية اعيالك وهمهم ومرضهم لا وألف لا. الحين زوجها جالس مع اطفاله بدون زوجه لان مافي فتاة تبدى حياتها مع اطفال ويتمنى ام اطفاله ترجع له وتقول انا الحين مرتاحه من الهم والغم والمسؤليه تقول تحبسوني بدون قلب لاوالله بس ابيه يحس بعظم مسؤلية البيت و الأطفال بعدين اذا حس وعرف ان الله حق رجعت له |
حسبي الله عليه
لازم تشتكوة في المحكمه عياله في ذمته يصرف عليهم و يوديهم مستشفيات و مدارس ماله دخل الطلاق يتخلى عنهم هذا انسان مفتقر للمسؤليه و لا يفرح بزواجه .. لانه مو قد الزواج بتشوفين ان شاء الله نصرك عليه .. بس لا تتنازلي عن حق اولادك اقلها قولي الحمدلله انك ما فقدتيهم .. جعل عينك ما تبكيهم الله يرزقك برهم و يحفظهم لك |
والله ياجماعه قلت ارسلهم له بس الحقير هددني انه يحرمني من حضانتهم ... حسبي الله ونعم الوكيل فيه الله لايوفقه ولايتمم له فرحة وعسى زوجته تهج وتخليه وهي ربي يعوضها ويوفقها لان هذا خسيس مايستاهل انه يتزوج ويتهنئ .... الله يأخذ حقي وحق اطفالي منه عاجل غير آجل ياكريم ياكريم
|
لا تفكرين انه يبي يتهنى و هو خاين للأمانة مضيع للرعية
عليك بسهام الليل و بتشوفين نتايجها اسأل الله لنا وياك الفرج العاجل و لجميع المسلمين اللهم آمين |
طلاق بالثلاث ؟
روحي المحكمه و هم يفصلون قضية حضانة الأطفال بالعمر و هو الله يآخذه أخذ عزيز مقتدر الخسيس الحقير الكلب أكرم و اشرف منه ياليت و الله ما خلفتي منه لكن اللي صار صار إذا تبغين ترتبطين زواج أعرضي نفسك و قضيتك معها لتيسير الزواج و بإذن الله تلقين الزوج و ينسيك المصيبه يا رب قلوبنا معك تدعي لك |
الحمدلله على كل حال
قد يكون هالطلاق خيرة لك ولأطفالك في أشياء ما تتوقعينها لا تسمحين لأي حدث في حياتك يخليك تنهارين واحتسبي كل شي عند رب العالمين ما يضيع شي عند الله سبحانه والحياة أقصر بكثير مما نتوقع وبالنسبة لهالأناني قد فاته أنه عند الله تجتمع الخصوم ... عشان كذا ننظر له بعين الشفقة على الحساب العسير لا تتوقفين عند هالعقبة وأنتي فيك اللي كافيك من المرض .. لملمي نفسك وكوني قوية وتعايشي مع هالحياة بقوة ترى ما فيه أحد مستريح في الدنيا لو كل أحد فتح اللي بخاطره لقيتي نفسك تحمدين ربك أقول لك هالكلام للتصبير رغم أني أتفهم حجم الألم اللي تعانينه أختي أسأل الله أن يجعل نعيمنا في الآخرة ينسينا ما عانيناه من ابتلاءات في الدنيا ... والحمدلله على كل حال |
هذا الحقير ما يستاهلك
لكن ربما يكون في الامر خيره اسأل اللله ان يصلح لك اطفالك ويسعدك في الدنيا والاخره |
حبيبتي محبة الررؤوف
نصيحتي لك خلي عيالك معك وربيهم التربيه اللي انت تبينها وادعي بصلاحهم وهدايتهم والله ماأحد نافعك بعد الله الا اولادك كوني قويه اجعلي الطلاق نقطة انطلاق للحياة انسي طليقك وزوجته وله رب راح يحاسبه على ظلمك شخص مثله مايستحق انك تتعبين نفسك وتفكرين فيه.. عيشي حياتك مع اطفالك واستمتعي بهم ولاتخلينهم مع زوجة اب تظلمهم او تكرههم. انا اعرف كثير صار لهم موقف مثلك وقاموا بتربية اولادهم والحمد لله مانفعهم بعد الله الا عيالهم روحي للمحكمه واطلبي انه ينفق عليهم واذا ماقدرتي الشكو لله ابحثي لك عن مصدر رزق او وظيفه وانفقي عليهم ونصيحتي اولادك لاتفرطين فيهم علشان تعاندينه لأن مالهم اي ذنب في الطلاق وانت احق بتربيتهم من ابوهم |
الله يداوي الحال
يا إما يهديه الله و يتراجع عن الطلاق ... و الا .... الله يديه مساندك اختي في محنتك كلامه صحيح انتم لا تتوافقون .... لانه هو الذي لا يستاهلك ... انت افظل منه الله يرزقك الصبر و يعوضك خير و افظل منه |
من حقك تشتكي عليه عشان يصرف على عيالك اللي هم عياله اصلا
النفقة واجبه عليه اشتكي عليه وخليه يشيل المسؤولية غصب عنه وربنا يعوضك ان شاءالله بالخير |
هذا حق من حقوقك ( المحكمة ) و راح ينصفونك
|
خلي يصرف علي العيال ويشيل مسوليتهم هذا حقك وحقهم منه الله
|
حسبي الله ونعم الوكيل فيه
|
الله يقويكي و يحفظ لك عيالك
و على الظالم تدور الدوائر ! |
الله يلطف بحالك ويرحم ضعفك
ابدا ابدا لاتزعلين ع اي احد باعك وعيالك خليهم عندك ربيهم ع يديك فكري ببكره انهم راح يحبونك اكثر لانك انتي اللي ربيتيهم بيديك وانتي اشتغلي واشغلي نفسك والله لايحوجك لأحد وفي بيت اهلك معززه مكرمه ومرفوع راسك فوق ودايما رددي ياجبار اجبر قلبي |
مدام تعبك اشتد وتطلع تصرفاات معك لايتحملها
احتمال كبير اي شخص يطلق مو بس هو الموضوع الحين كيف تتصرفين ااذا مازلتي تعشقينه اقنعيه يرجعك لو مجرد عقد ويصرف عياله لكنه حر نفسه يعني ماتشرطين عليه يقابلك خليه براحته يعني منها تقرين مع عيالك وهو يقر مع عياله + يصرفكم لكن اذا تبغين تجربين زوج غيره برضه براحتك لكن تفكري ب. اطفالك اذا ظل لو احتمال 1٪ ان زوجك يرجعك انا مع هالاحتمال اذا مره مافي امل وعطاك استحاله الرجوع .. يبقي لك خطوه القضاء لاجباره علي نفقه عياله مسأله اللي يقول فلانه ومدري مين رمت عياله عليه الخ الخ هل هذا تصرف انساني فضلا عن انه امومي ! ترمي الام اطفالها بحجه ليه طلقني هيا قابلهم ! هذا تصرف اناني ومؤسف اذا اللي حولها رده فعلهم الصمت او تأييدها كلا الوالدين مسئوليين اقل شي لين يكبرون عيالهم عن تربيتهم .. وهم التربيه يتحملونه لان الطفل لا تنجبه من اجل يضحكك فقط بل متعلق به امر العنايه بهر مايحتاج نقول عن كيف تتعاملين مع اكتئابك هذا المنتدى وهذا قوقل والطب النفسي وعزيمه الانسان كيف يحارب ليحمل روحه في طريق نور وصواب |
ماادري وش اقول غير يارب تكتب لي ولااطفالي الخير
وحسبي الله ونعم الوكيل فيه ويارب يفرج ويشرح صدري ويارب اشوفه ندمان ويتمنى رجوعي اللهم صل وسلم على نبينا محمد |
فعلا انا معك بكل كلمة اختي كرنفال
تؤذيني كلمة رمى وش رمى ليش هل هم بواقي اكل يرمون في حاوية الله يكرمهم و أستغرب انه يصدر من أم تتخلى عنهم لأي سبب حتى لمجرد تستعملهم كورقة ضغط تصرف مو بس لا إنساني إلا جريمة أنا مع إني ما جربت الضنا لكني لو أضطر أشتغل عندهم خادمة و لا أتركهم لحظة لأنهم لو تركوا لحظة او يوم و هم بعيد عن عيني هل اضمن ان ما يحصل لهم تعدي نفسي او جسدي لا قدر الله من أي خسيس او نذل ، مو شرط من أهلهم ، من أي احد معدي بالطريق او عمالة سايبة لأنهم كنز ملقى بالطريق متخلى عنهم ما أحد يبي يدور وراهم او يهتم للي يبي يجرى لهم ، الكل يتقاذفهم و معتبرهم عبء حسبهم الله و نعم الوكيل |
البشر يخوفون انانيين يوم اشوفهم يتخلون عن حيواناتهم المريضة و الصغيرة و يرمونهم على اقرب رصيف و يعرضونهم للموت البطيء جوع و عطش و معاملة قاسية ممن لا يخافون الله اقول اذا يرمون عيالهم هل تبي تعز عليهم حيوانات ضعيفة ؟
لذلك أكره البشر الا الراحمين و المشكلة ان المجرمين اكثر من الراحمين لذلك صحبتي لنفسي خير من رفيق السوء النذل اللي ما يرحم و لا يخاف ربه عيال الانسان كنز لازم يحافظ عليهم و يجعل مصلحتهم فوق اي مصلحة ، يكفي ان من عال جاريتين كانتا له سترا من النار مو بسيطة المسؤولية و لا بسيط الأجر ربي يعينك اختي و يفرج عليك و عليهم الفرج العاجل |
لالا خلاص ماراح اتركهم تفو عليه وحسبي الله ونعم الوكيل
وربي خفت انهم يتعذبون وانا انام واكل واشرب وماادري عنهم او انهم يتعرضون لتلوث او اهمال او جوع او تحرش او اي شيء لالا خلاص الله ينتقم منه اشر انتقام اللي شتتنا خلاص دعواتكم ربي يشفيني واربي هالصغار المظلومين من ابوهم الطاغيه |
عين العقل
صدقيني انت على ثغر و اجرك اعظم حتى من اجر المجاهد في سبيل الله و ربي يبي يعينك و ينصرك بس اصبري قليل إنما النصر صبر ساعة دعواتك بإذن الله مستجابة و الفرج قريب بيدك سلاح عظيم و هو الدعاء وجهي سهام الليل للي خلق الليل و النهار و الناس رقود و ابشري بالفرح و النصر نسأل الله العظيم ان ينصرك و يحفظ ذريتك و يرزقك سعادة الدارين اللهم آمين |
كيف ينام دا
شمري لتربية اولادك اختي حتى يوصلوا لسن البلوغ و الاستقلاليه و الاعتماد على النفس وبعدين بتلاقي حلاوتك و ثمره اتعابك و التفكير بالانتقام و القصاص مضيعه للوقت و اهدار للجهد و انما احتسبي و تناسي و اعطي زوجك حقه في رؤيه اولاده مو عشانو لكن عشان اولادك واذا فيوم فكرتي بالزواج فالرجال موجودين و كتير فيهم الخير |
لاحول ولاقوة الاًبالله
هو الخسران يأختي ولايضيق خاطرك والحمدلله على كل حال |
ياحبيبتي مع السلامه خليه ينقلع يجي غيره ان شاء الله واحسن منه
ارمي اولاده بحلقه انتي مو مسؤوله عن تربيتهم ولااهلك كمان نكدي عليه لان مافيه وحده ترضى بعيال زوجها الا ماندر لاتفكري فيه لانه مايستاهلك حاولي ترفعين قضيه نفقه على اولادك حتى لو هددك انه يحرمك منهم مايقدر بس كذا بيخوفك |
اذا أرخص الوالدين اولادهم ، و ثم على قولتكم رموهم مين اجل بزعمكم يبي يكرمهم ؟
و الله المستعان على ما تصفون https://www.youtube.com/watch?v=5ktPxkFQHlE |
الانجاب بحد ذاته مسؤولية و امانة
ما اختار الابناء انهم يوجدون على هذه الارض المفروض من البداية تحمل مسؤولية قرار الانجاب مهما كانت التبعات و معروف ان الأم هي اللي تلم ، و اللي ما له أم حاله يغم و ما أحد يبي يموت جوع ، رزقهم على اللي خلقهم حتى لو الاب جحد و قصر لأن الله عز و جل قدم رزق الابناء على رزق الاباء يوم قال تعالى : " نحن نرزقهم و اياكم و اذا الام رمز الحنان و الاحساس تخلت عنهم مين يبي يهتم لأمرهم ؟ |
لاتزعلين ي الغاليه هذا ابتلاء من رب العالمين اصبري وشي انتي مالك ذنب ولا لك دخل بهالشي وبما انه هالشي صدر منه تاكدي انه خيره لك لاتزعلين واهتمي بتربيه اطفالك وان شاءالله يعوضونك عيالك ولا تتخلين عنهم زي ما تخلى ابوهم اهتمي فيهم واستمري على قراءة القران اسال الله ان يعوضك في عيالك ويسعدك ياارب وانتي اذا خفيتي وطبتي شوفي ايش يريحك استخيري الله بقراراتك اهتمي بنفسك ولا تخلين اي شي ياثر عليك وان شاءالله ان العوض باطفالك وكل من تكلم راح يشوف انتي ايش سويتي وكيف صارو اطفالك وان الاكتئاب او المرض النفسي فعلا ماله دخل اقهري الظروف ولا تستلمي انتي اقوى من كذا ي الغاليه اسال الله ان يبارك لك في اطفالك ويعوضك خير يارب |
| الساعة الآن 07:30 PM |
Powered by vBulletin® Version 3.8.11
Copyright ©2000 - 2025, vBulletin Solutions, Inc.
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.
المواضيع المكتوبة لاتعبر بالضرورة عن رأي الموقع رسميا