مساعده لمرتادي صيدليه زاويه النقاء فالرياض علاج الترازودون
 

ارجوكم يااخوان مساعده اتصلت على الصيدليه ومايردون ابي اعرف متوفر عندهم علاج الترازودون أو اي صيدليه متوفر عندها يعطيني خبر

يا مجرمين ردو الحاله منتهيه أصبحت مريض نفسي ١٠٠٪

ياخي جاوبو ترا الرد والمساعدة ماجورين عليها
وش هالناس ماحد صار يبي يساعد

اخي العزيز صبري
التمس العذر لاي شخص مهما كان صدقني انا لو قريب من اي صيدليه رحت علشانك فاكيد محد يقدر يساعدك لان ممكن مو من الرياض او مايقدر
لذلك هذا رابط الصيدليات المرخصه وارقامها
https://www.sfda.gov.sa/ar/drug/Pages/PhsLists.aspx

الله يحفظك يابن دايم ورفع الله قدرك
مشكلتي وقراده حظي أن العلاج الي حسيته حسن من وضعي شي بسيط مو متوفر كل الادويه السيئه متوفره سبرالكس وطقتها
ابتلشنا بالمرض والادويه مدري كيف صابر انا

ما ادري عن زاوية النقاء لكن في مستشفى الأمل موجود باسم ديسريل وسبق طلبته منهم وصرفوا لي اياه لكنه غير فعال معي مجرد منوم

اي مستشفى الامل تبع الرياض تقصد؟

الرياض والدمام كلهم عندهم وسبق صرفته منهم

ياخي انا اتكلم عن حاليا هل موجود الدمام مومتوفر حاليا ولافصيدليات الخاصه

اخي الكريم صبري لاتتعب نفسك مع الصيدليات الخاصة

مشكلة هذا الدواء والتربتزول ايضا انه من الادوية القديمة ولاتحقق ربح حاليا

ولكن من حسن الحظ ان المراكز النفسية الحكومية لازالت تتعامل مع هذا النوع من الدواء

طيب وين احصله بالشرقيه تعبت وانا ادور عليه مستشفى الصحه يقلون مقطوع طيب من وين اجيبه

انا مستغرب أن مافي احد جربه أو يأخذه حاليا
انا اعتبره افضل دواء لأنه مايزيد الوزن ولا ياثر فالرغبه ودكتور محمد عبدالعليم يمدحه ويقول ممتاز جدا

اي شي ماتلقاه تقدر تطلبه عن طريق النت من امازون او من مواقع ثانيه

تخيل بحثت عنه بقوقل ولقيته يباع بمصر ب١٠ جنيه باسم تريتكو وهو منتج مصري اخ بس من الحظ الردي
من خلال رحلتي كلها مع الادويه كلها فشلت الا هو سبب تحسن بسيط

سبق وعرضت عليك المساعدة شرط موافقة الادراة

الدواء متوفر بصيدلية عرفان

جرعة 50 ( 100 حبة ) في العلبة

القيمة اتوقع 70 او 72 ريال

تفضل شرفنا بجدة واخدمك من عيوني

او شوف اذا تعرف قريب او صديق في جده وهو يقوم بشحنه لك

والله ياغالي مااعرف احد بجده والمشكلة جده بعيده يعني لو الرياض ممكن اروحها
لاكن لو حصل ورحتلهم اخذ العلاج بوصفه أو بدون
لان وضعي الحالي سيى جدا

والله ياخي انا احاول المساعدة لمعرفتي كصيدلي بأن الدواء من الادوية الامنة ولمعالجة للاكتئاب

الدواء ليس مقيد ولكن كنظام متبع يلزم وصفة طبية عادية حتى لو من طبيب عام او باطنية

ساحاول صرف الدواء لك لوجه الله تعالى

حسب مارى من ملفك الشخصي انك من الاعضاء القدامى في الموقع

وبالتالي ربما يكون لديك معرفة باحد الاعضاء في الموقع من جدة وتكون تثق به لشراء الدواء لك وارساله

والله ياخوي حاليا ماخبر أحد من جده
لاكن الله يجزاك خير اذا انت بترسله لي ارسلي عال خاص عشان انسق معك

هل تقدر انك ترسله لي اخوي احمد وانا اعطيك المبلغ وقيمه المشوار

هلا اخوي صبري

واسمح لي اعتب عليك بحكاية قيمة المشوار

انا ساسهل عليك فقط الحصول عالدواء واجري على الله سبحانه وتعالى

الموجود حاليا في الصيدلية 7 علب فقط واتوقع انها الكمية الاخيرة حتى موعد الجرد في شهر مايو القادم

نسق مع الادراة في الموقع وانا حاضر وتحت الخدمة

الله يجزاك خير اخوي احمد رسلتلك رساله عالخاص

لم يصلني شئ عالى الخاص

راجع الادراة ربما لاني عضو جديد

راسلت الاداره وفنتظار الرد

وصلتني رسالة ولكن للاسف لست من هواة السناب ( بالعربي ماجربته وماعرفله )

ممكن تواصل عالوتساب اوالجوال

وباذن الله يصير خير


هذه صورة الدواءhttp://www.drugsdb.com/images/2011/0...de-Effects.jpg

تم اخوي احمد ارسلت الرساله بانتظارك والله يسهل عليك مثل مابتسهلها علي

اظنه يشبه ريميرون بالية العمل بعدين بزاوية النقاء اتوقع مو موجود