غصه وكأن شي عالق بين الرئتين
 

salam



ابارك لي و لكم قدوم شهر رمضان الكريم

سالين الله ان نكون من صيامه وقوامه


اخواني اعضاء منتدى نفساني

قبل امس خلطت بالاكل وبعدها بساعتين خلطت لبن وحليب وبعدها بشوي صار بين الرئتين والمعده من فوق كان شي عالق او غصه مادري كيف اوص لكم الشعور واذا ظغطت عليه يولمني

على الاغلب يكون الالم في رأس المعدة بسبب التلبك الذي حصل ..

وتذهب بالاكثار من الماء والابتعاد عن الحامض والبهارات الحارة ..

والله اعلم ..

يمكن صحيح انا لخبطت بالاكل ومصار شي وكملتها لبن وحليب وجيت بنام وصار اللي صار لي يومين على هالحال

امس صحيت حسيت انها خفت ومع مرور الوقت رجعه

ضيق في الصدر في الوسط الى راس المعده وكتمه احس بعدم ارتياح اشعر بشيء عالق عند منطقة منتصف الصدر

[QUOTE=ابومسريييب;1331270]salam



ابارك لي و لكم قدوم شهر رمضان الكريم

سالين الله ان نكون من صيامه وقوامه


اخواني اعضاء منتدى نفساني

قبل امس خلطت بالاكل وبعدها بساعتين خلطت لبن وحليب وبعدها بشوي صار بين الرئتين والمعده من فوق كان شي عالق او غصه مادري كيف اوص لكم الشعور واذا ظغطت عليه يولمني ضيق في الصدر في الوسط الى راس المعده وكتمه احس بعدم ارتياح اشعر بشيء عالق عند منطقة منتصف الصدر

حياك الله ابو مسيريب
واضح القلق عليك وواضح انك مستسلم للافكار
حاول انك ماتركز على الاحساس
اشرب كاس ينسون
وباذن الله العافيه قدامك

مرحبا اخوي بن دايم


لا ابدا ابدا ليس قلق

هذه اعراض ام برد او التهاب اهلي يقلون كذا

وانا خايف لايكون قلب لاني اذا ظغطت ودلكت بين الرئتين احس بالم لان له يومين وانا على هالحال صدري مكتوم واشعر بعدم ارتياح في هذه المنطقه

مريت فيها قبلك وكشفت وكل شي تتوقعه سويته زمان
في الاخير صار شي مرتبط بالنفسيه
ممكن معك يكون التهاب بسيط في فم المعده او شي بسيط لايستحق القلق
لكن لااتوقع انه شي في القلب
بالتوفيق

بي الله وجهك ابن دايم ونعم الاخ


والله صادق النفسيه لتعبتنا جميعا كل يوم عرض جسدي مختلف

ذهبت للمستشفى قبل قليل

قابلت دكتور ممتاز ووصفت للدكتور مكان اللالم بالصدر والعنق قريب من الحلق وبين الرئتين الالام تشبه النغزات بس مع الظغط تولم خفيف

وقلت له اشعر بدوخه وكتمه نفس وضيق وعدم ارتياح في هذه المنطقه

حصلت المستشفى فاضي والدكتور فاضي قال ابي افحص فحص كامل

اخذ اجراء الظغط 73---125

الحراره 25--37

الاكسجين 99

وتم عمل اشعه سليمه وللله الحمد ولاتوجد التهاب

تخطيك قلب سليم ولله الحمد

قلت طيب يادكتور وش معنى هذا قال لي ارتجاع وحموضه
وعندك لوز خفيفه

وصرف لي
إبيكوجيل - مضاد للحموضة والإنتفاخ -
ومضاد حيوي ريموكس

وعلاج للمعده رنتاج

وهذه خلاصت يومي

الحمد لله على سلامتك اخي الكريم ..

وأهم ما في الموضوع اطمئنانك وراحتك من الامراض الحرجة كالقلب وغيره ..

في كثير من الاحيان القلق وحده يكون اكبر تاثيرا من المرض نفسه ..

طهور ان شاء الله ،، وفالك العافية ..

الله يسلمك اخي سر القلم من كل مكروه

الحمد لله ان فحوصاتك سليمه
مشكلة الشخص اللي يعاني من القلق
دائما يتوقع اسوء الامور
عسى ايامك كلها سعاده

الله يسلمك بن دايم

الله يسلمك بن دايم


والله ياخوي على اني فحصت الى الان الاعراض موجوده

ذبحتني الم العروق احس كانه يبي يوقف عرق بجسمي

تصدق بن دايم هي قريبه من النغزات بشكل مختلف مثل ظغط العرق لسعه ثواني بكل جسمي متنقله

والم البارح اللي كلمتك عليه بين الحنجره الين المعده كان احد مبقسني مع احساس بتورم داخلي انتفاخ

اذا حركه اليدين وظغط عليهم احس في شي غير مريح

الدكتور قال احتمال ارتجاع ومابين في التخطيط والاشعه اي مشكله

هل الاشعه العاديه توضح التهاب ام انها غير مجديه
والتخطيط العادي يوضح ام ماذا

وش تنصحني من فحوصات ابن دايم


انا اسالك في هذه الشهرالفضيل ان تعطيني من خبرتك

والله اني اكتب وانا اشعر بالر غبه بالبكاء واتماك نفسي

والله تعبت من الاعراض
كل يوم عرض
ان لله ونا اليه راجعون

الم او ليعة العرق هذا كانت احد اعراضي لدرجة اني كنت ناسيه وانت ذكرتني فيه
واذا ضغطت على يدك فيه زي الضعف او الاحساس الغريب
حلل فيتامينات الاعصاب ب
اذا كانت سليمه
من وجهة نظري القلق مأثر حتى على اعصابك

اخواني الان لي يومين على العلاجات


ذهبت للدكتور ووصفت له مكان
الالم يذهب ويرجع
بين الثدين قريب من المعده الى اعلى الصدر بالوسط اتمنى منكم عرفتو مكان الالم الظاغط يتشكل من الم الئ شي عالق بالعرق او بمجرى المكان الى نغزات الى شي متشنج غير مريح

اظغط عليه بيدي واعمل له مساج تدليك احس مثل التشنج او مثل الشي العالق وعدم الارتياح في هذه المنطقه

ذهبت الى الدكتور وقال لي استمر على المضاد والمسكن وغير رنتاج حق المعده الى هايبوسك omeprazole 20

والمصيبه اتعبني العلاجات زياده واشعر بالانهاك والتعب

ابو مسرييب والاخوان جميعا كل عام وانتم بخير
الشهر مبارك عليكم
ابو مسرييب قبل البارح صحيت من النوم وانا متنكده من هالدوخه قلت بروح المستشفى كالعاده المهم سويت فحص شامل للدم مثال : غده درقيه فيتامين ب و د حديد ومخزون حديد وسكر وكبد كلى وكل التحاليل الشامله من كوليسترول و دهون ثلاثيه واملاح وكلها سليمه وممتازه من فضل ربي الحمدلله والدكتور الاي رحت له استشاري باطني ممتاز و ذو خبره وسمعه ممتازه قالي يابنتي مافيك الا العافيه عندك القلق اصبح حاد ويشد على اعصاب الراس والاكتاف ومسبب لك كل هالاعراض خذي البرنتلكس ولاتضيعين ايامك بالخوف والتوتر ووسواس المرض . ابشرك حتى الادويه اوسوس منها ههههه
المهم ان الالم الاي تشعر انت فيه بالصدر انا مريت فيه من سنتين كأن شي عالق بالمريء حتى لما اشرب مويه توجعني واشعر بألم وغصه من الحلق الى المعده خفت ووسوست وقلت اكيد فيني بلاء اشعر بنغزات غريبه والم بيدي اليسار ورحت المستشفى وانا بطريقي لدكتور الباطنه صادفت دكتور المناظير كان صديق لوالدي الله يرحمه قللي سلامات فيك شي قلت والله رايحه لدكتور الباطنه اشعر بكذا وكذا قال تعالي عندي العياده واقولك وش فيك ورحت له قالي مافيك شي عمل لي فحص باليد على بطني جهة المعده والامعاء قالي معاك ارتاج بالمرئ يسيط والارتجاع عباره عن ماده تطلع من المعده تعمل حموضه وغثيان واعراض كثير خذي نيكسيوم ٤٠ مل لمدة شهر وخلاص والله العظيم اخذت النيكسيوم ومن ثالث يوم واحس اني كنت اكذب ومامر علي اي تعب ابد الحمدلله .
لاتخاف الشي الخطير على قول الدكتور له مؤشرات الدكتزر يعرفها لكن انت مبين انك تعاني من قلق ومالومك انا مثلك لكن احاول اسيطر وافهم طبيعة اللي امر فيه .
سلامتك ماتشوف شر

على فكره ابو مسرييب اذا اخذت الدواء والاعراض استمرت لاتخاف مو كل الحالات زي بعض انت معاك قلق وصار مايسمى نفسوجسدي اقرا عن اعراض القلق اذا تحولت جسديه لازم تدور علاج للقلق مو للامراض لان مافيك ولا مرض اللي فيك قلق .. طمنا عليك

اعطاني مضاد للحموضه ومضاد حيوي وعلاج للمعده قبل الاكل من امس استخدمه ولا في اي فايده اسم العلاج هايبوسك omeprazole 20
يقول زي ريسك ومشتقاته

مثل ماذكرتي انواع الاحساس احس فيه هذا المكان كان شي عالق او ظاغط ومرات اقول شي مثل الورم

الغالي ابو مسيريب
تدري اني حاس فيك ؟
اول شي ابيك ماعاد تضغط وتفغص في هالمنطقه لان عضلات الصدر حساسه
صدقني وانا اخوك قلبك ماله علاقه
وباذن الله كم يوم وترتاح

ابو مسرييب لعد تفحص شي وعلى قول بن دايم لعد تفغص في صدرك كل مافغصت تصير زي الكدمات بعضلات الصدر و توجعك اكثر .. صدقني مافيك الا العافيه بس دخل بك القلق شلون تطلع هالقلق من حياتك هذا اللي ودي اعرفه .. قل انت تاكل ادويه البلاء انا اللي الدواء قدامي واتنافض اذا مسكت الحبه ههههههه
استشير الدكتور عن نيكسيوم ومالك شر

اخي ابو مسريييب

فيه دواء يؤكد انك الشد الذي معك ما هو الا من عضلات الصدر بسبب التوتر والقلق ..

الدواء اسمه ريلاكسون .. خذ لك حبة وهي تكفيك ولاحظ نفسك بعد ساعة ان خف التشنج فهي عضلات ..

وفالك العافية ..