الى كسره ملح ممكن
 

كسره ملح دعينا نتناقش هناعن مشكلتك اذا موضوع بريدك سر اذا تقولي والديك سبب المشكله طيب ليه ماتلجئي لعمك عمتك خالك خالتك احد ممكن يحل المشكله او جدتك طرف كبير وعاقل ومتفهم

هلا والله بالغاليه ...
بريدي مو سر بس ما أدري كيف أعطيك أياه لانه هنا ممنوع تبادل الايميلات
وأنا ما أحب أخالف (( شفتي أني مؤدبه))...
مفتاحه في هالزمن كلا غرقان في همه مو فاضي لغيره ..

لا مو هنا بالي بالك هناك حطيه وباخذه وامسحيه بعدها او اطلبي من الحوراني يرسله لي على بريدي

بالمنتدى الي بالي بالك اقصد

يابنت أطلبيه أنتي من الحوراني ...

يابنت ما يعطيني اياه قبل موافقتك فوفري علي وطلبيه

طيب قولي له أني أنا موافقه..

ياحرمه ماينفع قولي له انتي

هههههههههههههه
حلوه ياحرمه....
طيب ....

طيب اكتبي لها الايميل الحين وامسحيه بعد شوي

ونا اصالة عن نفسي ونيابة عن زملائي

بنغمض عيوننا الين تخلصون

اختي كسرة ملح

اختي الكريمه مفتاح


لا داعي ،،، فلا اعتقد أن البريد سينفع ،، ولو كان ينفع كنت سأنشر بريدكم جميعا هنا ،،،،

دعونا نتناقش امام جميع الأعضاء ،،، فلا داعي ليحتكر الانسان مشكلته لنفسه ، ويعيشها دون مساعدة ،،،

دعونا نتكلم جميعا ،،، لنتشاور جميعا ،،،، فحقيقة أنا لن اعطي بريد أحد لأحد ،،، هذه الأمور يجب أن تكون صادقة بيني وبينكم ،،،،،

اشكركم جميعا

والله لا البريد ينفع ولا حتى الكتابه تنفع ...أذا تكلمت لموتوني أنا ... كأنه أنا السبب ..
وأصحاب الشأن عايشين ماعليهم ...راميني ...ولا كأني بنت لهم ...
يارب أجعل يومي ويوم جدتي واحد ...

كسرة ملح

ليه ما ينفع ،،، لا تدعي على نفسك اختي الكريمه

تفائلي ،،، الله يغير الحال بالحال ،،،،،

خمس سنوات وأنا على نفس الحال ...
ودي أحس بحنانها .... بتقولوا كبرتي ... حتى لو كبرت ودي أحط راسي على صدرها ..
ودي أحس بحنان الام على بنتها ..ودي أعيش لحظات أستمتع فيها بدلع الاب لبنته..
ودي أطلع معهم في أي طلعه ... ودي أحس بجو الاسره...ودي أحس بالامان ...
ليش حرموني من حنانهم وعطفهم ؟؟؟ أبغى رد مقنع أقنع نفسي فيه ..
من جد في داخلي شي حارمني حتى النوم ....

كسره ملح طيب مافيه احد بالعائله يقدر يتدخل

تتوقعين بعد خمس سنين أحد يقدر؟؟؟؟

ما أدري وش اللي صار لي .....
كنت عايشه وناسيه ... وش الي ذكرني فيهم ....
يارب أنها مرحله وتعدي .... مايستاهلو أني أحرق أعصابي عليهم...

تقطع قلبي من موضوع ....من هو الشخص الذي لاتريد أن ترى دموعه ...
الكل أختار الام .... وأنا الجده ...
هالكلمه هذي هي اللي هدتني ...
الله يسامحهم ...

أنا الوحيده الي كنت أربط بينهم ....يعني أنا الضحيه الوحيده.
تطلقوا ورموني عند جدتي ...وكل وأحد تزوج...
أمي عندها الحين ولد...وأبوي عنده ولد وبنت ...
ما أعرفهم ولا يعرفوني ..
نور والله أني أدعي ليل ونهار أنه يكون يومي ويومها واحد ...
لآني عارفه مصيري بعدها وين ...

http://3ssom.com/uploader/uploads20/3rbe.com_195.gif
ياحظي فيه أحد يدعيلي...
بس ترى أستحي ..
لابس جدتي ولا هم مايحتاج يكلفو على أنفسهم ويجون...

ولا يهمك مايلبسني الطرحه الى أنتي...
هههههههههههه
والله أني كنت أبكي قبل شوي ..... والحين والله أني أضحك ..
الله يوسع صدرك...

لالا وش خليتو لي انا جهه وانتي جهه لازم تشضاركيني ياالنوري

اختي العزيزة كسرة ملح صدقيني اذا كانت جدتك حنونه فعلمي ان الله ارسلها لك علشان ما تحسين بقسوة امك او حتى الاب ...قد لا تشعرين بالحنان وانتي معهم ..يمكن لان الله يحبك ولا اعتقد بان جدتك لا تعطيك الحنان او الرعايه وانا اعلم بأنها تعتبرك في مقام ابنتها وليس حفيدتها..يعني هي أمك لما هذا الحزن ...

أختي بائعة الهموم...
هي جدتي وأمي وأبوي وأخوي وأختي وصديقتي وكل شي لي...
والله أنها معيشتني أحسن عيشه ... ومدلعتني دلع ...والله أني ما أنسى لها مواقف ..
أيام ثالث ثانوي جابت لي مدرسات وكانت تسهر معي أيام الاختبارات..الين نجحت ..
وبعد نجاحي أهدت لي طقم ذهب والله أني أحب هالطقم علشانه منها..
وكانت تروح معي أيام تقديم الكليات الين قبلوني ..
وعلى فكره هي حتى اللي جابت لي الكمبيوتر والنت ...
صدقيني تحس فيني أذا كنت ضايقه مع أني أحاول أخفي عنها ...
والله أني بدونها ولاشي...والله لو أكتب مجلدات عنها ماوفيها حقها ..
بس حتى أشتاق لحنان أمي وأبوي أحيان ..
مع أني أحاول أني أنسى وجودهم على الارض

ياعمي كل هذا وتقولين امي وابوي كسره ملح انتي بنعمه ما احد حاس فيها غيرك تدرين لو كانو موجودين ما حصلتي ربع هذا قولي الحمدلله وبالطقاق لاتفكري فيهم وادعي الله يطول عمرها جدتك انسانه عضيمه الي وقفت معك كذا هذي امك الام الي تربي مو تجيب وامك هذه ماعليك ومالها منك الا الاحترام وبس لانها امك لاكن جدتك المفروض توفيها حقها وتحطيها على راسك والله حبيتها

أولا .. فتوحه جدتي لو تطلب عيوني عطيتها ... (( بس هم والله يحلمون هههه))
ثانيا... من جد ضاق صدري يوم ماشفة أحد فقدني ..
الله يسامجكم..

من قال مافقدناك انا ابحث عنك وشوف ملفك وتابعك بس ماعرفت اوصل لك لاتقطعي

عزيزتي و غاليتي بل اختي كسرة ملح
تفاءلي بالحياة ..
انظري إلى الجانب الايجابي ..
لا تخضعي إلى تلك الوساوس ..
يكفيك بان لك جدة تحبك سبب للتفاؤل ..
فكري بالايتام ..ليس لهم لا اب ولا ام ولا اي شخص كان..
يكفيك بانك اكملت دراستك سبب للتفاؤل ..
احدى صديقاتي اكتفت بالثانوية لان اباها ضد الدراسة بالجامعات والكليات..
ثم يكفيك بان لك اخوة في نفساني احببتهم و احبوك ..
ادعي لوالديك بالهدايه..


ثم اذا كنت تقولين بان والدك قاس عليك
فماذا تقول تلك التي اتصلت على الشيخ سلمان العوده شاكية
له حالها مع والدها حيث انه يتحرش بها جنسيا وللعلم هي متزوجه..

ايهما افضل حالك ام حالها..اتعلمين بماذا اجابها لم يقل لها اقطعي
صلتك مع اباك بل قال صلي اباك ولكن بالمكالمه الهاتفية منعا لحدوث
التحرش ..


اذاكنت تقولين بانك لا تشعرين بحنان والدتك ..
فماذا ستقول تلك المراه التي قامت بنشر قصتها على الانترنت
حيث تقول بانها اكتشفت بان زوجها يخونها مع والدتها ..

انا معك بانك تعانين ولكن انظري حولك هناك من هم اردى
منك حالا واكملوا مشوار حياتهم ..

غاليتي فكري بنفسك قليلا حاولي ان تثبتي وجودك في مجال معين
فكري بالمستقبل لا تلتفتي للوراء ..
تذكري بان لك جده تريد ان تراك ناجحه ..لا تخيبي املها بك ..


فكري بانك ربما تتزوجين بالمستقبل ..ستنجبين اطفالا ..ستربينهم..
فكري ..كيف تكونين اسره ناجحه ...وتعوضين ما فقدته ..



اخيرا غاليتي ...
تذكري بان نبيك صلى الله عليه وسلم وقف بوجهه اقوام ولم
يياس وتابع الى ان اصبح افضل رجل عرفته الامه..
ولا تنسي بانه كان يتيما ..


تقبلي تحياتي..

كسره ملح وينك غايبه لك فقده عودي

يااااااااااااااااااااااااااااااااااااااااااااااااا ه
والله أني تعبااااااااااااااااااااااااانه حيل يامفتاحه
يا شيخه ياشين الدنيا ,,, قرف وعذاب وفراق
ومافيه شي يستاهل أنا نعيشها ..

	شكرا لجهودك ، وسوف نكون سعداء أكثر ، عندما نسعى معا ، لتحقيق رسالة نفساني .

	... تـــــــــــذكيـــــــــر ... حتى لا ننسى أن رسالة نفساني: (( مستشــــــارك لحيـــــــــاة أفضــــــــــل )) .

.... قال سبحانه ...
(( إِنَّ اللَّهَ لَا يُغَيِّرُ مَا بِقَوْمٍ حَتَّى يُغَيِّرُوا مَا بِأَنْفُسِهِمْ وَإِذَا أَرَادَ اللَّهُ بِقَوْمٍ سُوءًا فَلَا مَرَدَّ لَهُ وَمَا لَهُمْ مِنْ دُونِهِ مِنْ وَالٍ )) .

	هذا ما يسر الله إذ استخرته والخير ما يسره الله وماخاب من استخار ومَنْ هَابَ خَابَ.