سااعدوني والله خايف
 

انا اخااف من القبر ومن الموت
اخاف اذا مت ودخلت القبر اختنق ويكتمون عل بالترراب
اخااف اني اموووت
يانااس ساعدوني ماابغى اخاف ؟؟؟؟؟؟؟؟؟ ارجوكم

اخي الكريم لاتخف
وتفضل متع روحك وارحها بالسماع الى هذا الرابط
http://www.roqyahvoice.com/sawtyat/khalid-shifa.mp3

جااوبوني والله خايف من الموت
وهم حامليني الى القبر بعد مااموت
احس اني بموت

الله يطمن قلبك اخوي

ان شاء الله يجي من يساعدك

مل من دنياه ..... انت اذا مستعد حق الموت من شنو خايف ...!!
لا تكبر المواضيع ... تقرب من الله واسمع القرآن ... وروح حق استشاري نفسي..و خل كل عملك لوجه الله ... وادعي وصل وقوم الليل ... ولو بركعتين .. وان شاء الله الله يفرج همك ... انت بس طبق النصايح اللي بالمنتدى وان شاء الله راح تشوف خير ..
اتمنى لك الشفاء ...
وخف على نفسك مو زين اللي قاعد تسويه ..

اخوي مل من دنياه هذه الافكار الي عندك كلها افكار سلبيه وغير صحيحه وغير واقعيه فلازم تطردها اول ما تطري على بالك.. ومع الوقت باذن الله راح تنساها

ومع جلسات العلاج السلوكي المعرفي راح يقولك الاخصائي كيف تقدر تطرد هذه المخاوف والافكار السلبيه من تفكيرك نهائيا باذن الله


وبنسبه للموت والحياه في القبر فانا بنقلك هنا كلام علماء الدين عن الحياه في القبر

"وحياة الميت في قبره غير حياته الدنيوية ، بل هي حياة خاصة برزخية ، ليست من جنس حياته في الدنيا التي يحتاج فيها إلى الطعام والشراب وتنفس ونحو ذلك , بل هي حياة خاصة "

يعني في حياة الواحد في قبره لا يمكن انه ينكتم لما يغطون قبره بتراب لانها حياه برزخيه خاصه ليست مثل الحياه الدنيا ابدا... وقبر المسلم هو باذن الله روض من رياض الجنه والمسلم يتنعم في قبره بالجنه

هل تخاف من الموت لان وراءه القبر ام تخاف القبر لانه مكان ضيق اعتقد انك تخاف من الاماكن الضيقه فقط
لاعليك مات من هو أفضل مني ومنك
ووضع في القبر من هو افضل مني ومنك
مادامت حياتك لله فلا تنزعج
أكثر من الاستغفار والتسبيح
تمنياتي لك بالشفاء....

اخوي اذكر الله وتعوذ من الشيطان

وتقرب من الله اكثر ركز ع قراءة القران او استماعه صدقني بتحس براحه كبيره

الله يشفيك ويطمن قلبك

صدقتم والله

ليس لدي زياده الا ان اخبرك حسب ما قرات ان الشخص عندما يموت وتكون روحه طاهرة ونقية مثلك فهي لا ترى الاهوال وانما ترى الجنة انشاءالله

مثلي افكر بالموت كثيرا وضمة القبر وسؤال منكر ونكير الله يرحمنا ويثبتنا

الخوف اللي اخافه هو من القبر والجلوس فيه سنين وسنين

والجلوس فيه والخوف من الضيق في القبر والكتمه

والخوف الزائد هذا كيف امحيه
ولااخاف من القبر

مل من دنياه... قلنالك بالردود اللي فوق ... اقرا وطبق الله يخليك ... انت لازم تقرا بالامور الدينيه كثير ....باين انك مبتعد عن الله .... والله اعلم

لا والله الحمد لله انا احافظ على الصلاه
واذكر الله
بس الخوف من القبر ملازمني مدري ليش
ومن ضمه القبر

شوف ان جاك ذا التفكير لاتسترسل معه
اقطعه على طول ..واذكر الله (استغفرالله)بقلبك وبلسانك
عشان يكون فكرك كله مع الاستغفار...
طبعا في البدايه صعب بس مع الوقت والاراده بتمشــي

والموت حق ماقلنا شـئ بس مو لدرجه انه يجعل يومك تفكير فيه
للعضه والعبره ...

الله يشفيك واقرء الردود بشوي شوي ...يله سلام


ردد معي
اللهم اغفرلي ذنبي كله
لاحول ولاقوه إلا بالله
استغفر الله العظيم الذي لاإله إلا هو الحي القيوم واتوب إليه

طيب علموني فيه شيء ماايخليني اخاف من القبر والخوف من الموت
بعد ذكر الله والصلاه
الخوف ملازمني ومتعبني ودي هذا الخوف يرووح وارتااح
ياناس افهموني الله يخليكم

اخوي مل من دنياه كلام الاعضاء الي ذكروه كله مفيد ولازم تستفيد منه.. ومثل ما قلت لك اخوي المخاوف الي عندك هذه مجرد قلق وافكار سلبيه لا اقل ولا اكثر وعلاجها سهل وباذن الله راح تشفى منها بشكل كامل وما ترجع لك مره ثانيه..

انت روح للطبيب النفسي الادويه المضاده للقلق راح تفيدك وتحسن حالتك بشكل كبير باذن الله.. ولكن الشيئ الاهم من الادويه الي لازم تسويه الحين هو جلسات العلاج السلوكي المعرفي ومن خلال هذه الجلسات راح يقولك الاخصائي النفسي الطرق السليمه لطرد هذه الافكار السلبيه من ذهنك..و مع الدواء وجلسات العلاج السلوكي المعرفي باذن الله مع الوقت راح تحس بتحسن مستمر وتروح كل هذه الافكار السلبيه باذن الله

والله انا مثلك اخاف من الموت والقبر الله يرحم حالنا كل شي يخص الموت اخاف منه

السلام عليكم
اخوي مل من دنياه
اولا استعذ بالله من الشيطان وزي ما ذكرو الاخوان والاخوات
اخي الكريم كلنا نخاف الموت ما فيه احد يقولك انه ما يخاف الموت بس المؤمن يبشر بالخير وبالنسبة تقول تخاف تجلس سنين طويلة بالقبر

ابشرك يا اخي المسلم ما يحس بالوقت والسنين يعني من يوم يدخل دار الاخرة وهو في نعيم والوقت الى ان تقوم الساعة مثل الوقت بين الصلاة والاقامة

حقيقة ما اذكر الحديث الان بس ورد عن رسول الله عليه افضل الصلاة والتسليم بما معناه حياة البرزخ للمؤمن ما يحس فيها بل يقال له بعد السؤال نم نومت العروس
فتخيل العروس لما تنام وتنتظر الغد وهو زواجها يعني متعة
جعلنا الله واياكم من اهل النعيم

تقوية الايمان والخوف من الله والتقرب منه ... + العلاج السلوكي + الدوائي ... يحل كل هالامور ان شاء الله ...

ادعوا لنا بالشفاء العاجل

انت واضح عندك قلق واكتئاب وهناك ادوية مفيدة لمثل حالتك
راجع طبيب متخصص
وحتروح مثل هالافكار :)

ياخوك كله من الشيطان

حنا اهل نوبات الهلع

وش علتنا الا هالافكار


بعض افكارنا شاذهـ عن تفكير الناس العادين= تولد احاسيس جسمه
ذهنيه وحسيه..ايضا شاذ عن الناس العادينا كان انان بيعى ان شاء الله


واسال اكبر فاجر العباذ بالله ..هل يك مثلنا وهل تفكيره منعه من الزنى وشر الخمر ولا اللواط ولاالرشوه وو..الخ يقولك لا طبعا


والاثنين راح يتفلسفون عليك

مشكلتنا ايذاء شيطاني هذ1 الواضح ولله اعلم

نفس الاحساااس والله كل اللي انت قلته اشعر به

الله يشفينااا يا خوووي وينزل على قلوبنا الامن والامااااااااااااااااااااااااااااان ؟؟؟ يارب ياارحم الراحمين ،،،



بشرنا عنك يا اخووي ،،،

انا بديت استعمل حبوب سانت جون العشبيه واذا توصلت لنتيجه راح ابلغكم


الله يشفينا ويشفي جميع المسلمين