ارجو من الجميع قراءة قصتي .
 

بسم الله الرحمن الرحيم
السلام عليكم ورحمه الله وبركاته

في البداية احب اوضح ان هذه اول مشاركة لي والحقيقة اني ترددت قبل التسجيل في المنتدى لعدم رغبتي ان اشعر اني مريض او ما شابه عموما في لحظة قررت اني اسجل بهالمنتدى وقررت ان اطرح قصتي على الاقل افضفض عن نفسي .

انا الان شاب عمري 25 سنة اعمل مدرس انا الان ينظري الاهل كرجل عاقل وينظرلي الناس من حولي بنوع من الغبطة على ما انعم الله به علي .

قصتي :

ان ولدت لام حنونة طيبة وابوي متزوج كذا زوجة . من يوم عرفت نفسي في سن السابعة وانا دايم اسمع امي واخواني الاشقاء ( من امي وابوي ) دايم يتكلمون عن ظلم ابويه وان مقصر وبخيل ( ابوي رجل غني وهو بخيل نوعا ما ) الاهم ان ابوي يظلم امي ويميز زوجاته الاخريات عن امي بالمصروف وغيره لدرجة ان اللي يصرف علينا هم اخواني الكبار ( انا اخر العنقود عند الوالدة ) الوالد اذا طلبته فلوس يعطيني لكن بعد احراجات لدرجة اني مرة طلبته ريالين ( وقتها كنت صغير ) وكان معاه رجال قام ابوي واعطاني خمسة ريال انا استغربت لكن في نفس الوقت عرفت انه مظاهر قدام الناس ( عشان محد يقول عنه بخيل ) الاهم رحت البقالة وشريت بريالين ورجعت له واعطيته الثلاث ريال وقالي خلها معاك قلت لا . واخذها . اللي ابي اقوله ان ابوي بخيل لكن الغريبة ان يحب العزايم يعني عادي لو يجي ضيوف تلاقونه يكرمهم يذبح ويصلخ الاهم محد يقول عنه بخيل .

في المرحلة الابتدائية كنت ممتاز في دروسي واهتم بدروسي فقط رغم المشاكل اللي كانت بين اخواني الاشقاء الكبار مع ابوي . حتى اذكر يوم ابوي سأل امي عني قال هو سنة كم جلست امي تضحك وعلمته .

الاهم خلصت الابتدائي وكانت حياتي حلوة فيها طفل عشت البراءة على اصولها .
ودخلت المرحلة المتوسط ونجحت بتقدير ممتاز وكانت هذه اخر سنة انجح بامتياز . السبب بتعرفونه .

في ثاني متوسط حبيت اني احس برجولتي ووقتها بلغت لاني دخلت المدرسة وعمري 8 سنوات لان ابوي اخرني سنة بالبيت لاعتقاده اني صغير او ماشابه . الاهم في ثاني متوسط ابي احس اني رجال تعلمت الدخان انا واحد اخواني من ام ثانية وهو يصغرني بسنة لكنه معي بثاني متوسط الاهم صرت ادخن وانا كنت ولا زلت ضعيف البنية ( نحيف ) الاهم كنت ادخن بشراسة . واهمل بدروسي بس الاهم اني نجحت بدروسي بتقدير جيد وانتقلت لثالث متوسط ( في ثالث متوسط بديت اشرد من المدرسة وادخن واتمشكل مع الطلاب والمدرسين وكنت ( احب ولد ) لكني كنت اخجل منه ووجدت صعوبه بالتعرف عليه وكانت نيتي معه زينه ( اللي ابيه منه نكون اصدقاء بس ) لكن هو ما عطاني فرصة وزاد حبه في قلبي لدرجة اني كنت اجلس في الشارع اللي عند بيتهم استناه وكنت اخرج من بيتنا واجلس في حارتهم بعض الاحيان لحد الساعة 3 في الليل .
لكن مع الوقت نسيته او تناسيته .

في ثالث متوسط تعبت امي بمرض خطير وكثرت عندنا المشاكل وصرت اتضارب مع اخواني حتى اشقائي الكبار واحد منهم تزاعلنا انا وياه وجلسنا اكثر من سنتين ما نتكلم مع بعض وامي بعد كذا انعم الله عليها بالشفاء .
في ثالث متوسط بدت مشاكلي مع ابوي من ناحية دخان والتفريك من المدرسة وكان يضربني وانا كنت اخاف منه . ويوم ( تفل علي في الشارع قدام الناس والعالم اللي بسياراتهم يهدون ويناظروني ويبتسمون )

في يوم انفجرت وقت ما ابوي ضربني الاهم بديت اتكلم بعصبية وارد عليه الكلام لكن ما سبيته لا سمح الله ( يبقى ابوي )

ومرة ايضا تناقشت معاه باسلوب مختلف وذكرت له انه ظالم وما يخاف الله وانه مقصر علينا وظالم امي .

اولى ثانوي نفس ثالث متوسط من ناحية خروجي خارج البيت والدخان والحب اللي قطع قلبي .

في اول ثانوي بدت عندي مشكلة هي اني من كثر ما صرت ادخن صارت رجولي فيها بلى وصرت اتراخى بمشيتي العالم اللي في المدرسة كانوا يقولون حشاش والعالم اللي في الشارع يقولون مسوي مشكله والصدق لا هذي ولا ذي .

بدت المواقف تكثر علي والسبة مشيتي اللي تغيرت وصرت اخاف امشي قدام الناس وفي ثاني ثانوي اعتزلت الناس بسبة خوفي من تعليقاتهم والاهل كانو يحسبوني عقلت .
الاهم في ثاني ثانوي شديت حيلي في الدراسة بسبة العزلة اللي انا فرضتها على نفسي ونجحت بتقدير جيد جدا ( واخوي الغير شقيق رسب وعاد سنة ) من هذي اللحظة بدت العالم تتغير معي وبديت احس ان ابوي يغار مني لانه يحب اخوي الغير شقيق اكثر وكانو يقولون مسيرك للعسكرية لكن في ثالث ثانوي اجتهدت اكثر ونجحت بنسبة 89 ودخلت الجامعة .
في اول سنة بالجامعة ما كان عندي سيارة رغم ان ابوي بطران لكن بسبب الاحراجات اللي تجيه من الناس قام واعطاني سيارة عادية تفشل ما تليق بيه . لكن تحملت وكنت ما اطيق اسوقها واذا وقفت عند الجامعة اوقف بعيد عشان الطلاب ما يعلقون او يستصغروني او ما شابه لان الطلاب كانوا يستعرضون بسياراتهم .

في اول سنة رسبت بمادة والمواد الاخرى نجحت بمقبول ومعدل سي .

لكن في السنة الثانية شديت حيلي وقدرت ارفع المعدل وظلت مشاكلي من رهاب وخوف من الناس مشكلة المشي قدام الناس بدت تتأزم معي لكن كنت اتغلب عليها في الجامعة مع اخوياي لاني احاول اضحك وانكت وكنت فرفوش معهم .

هكذا مرت سنوات الجامعة وتخرجت بتقدير جيد ومعدل قريب من الجيد جدا والحمد لله على كل حال مابي اقول لو شديت كان جبت اكثر لكن كله خير من الله .

وبعد كذا توظفت وانا الحين مدرس . مشاكلي الحالية ابقولها لكم . واللي يقدر يفيدني لا يبخل .
انا الان تغلبت بشكل بسيط على المشي فصرت امشي بثقة وبدون خوف ولله الحمد .
انا الان احسني غريب من ناحية اني اذا مشيت في الشارع او مكان عام احس الناس كلها تناظرني .
انا الان ما اروح اسواق واماكن عامه لجهلي باغلبها .وانحرج اذا احد قال تعرف الشي الفلاني والسوق الفلاني صعبة اقوله ما اعرف وماعمري رحتها لاني منعزل عن الناس .

انا الحين احب اغاني الحزن واسمعها من يوم انا بثاني متوسط واغاني محددة اكررها في كل يوم عشرات المرات طوال هذي السنين .

لدي مشكلة اكبر هي ( اخواني اللي اصغر مني تزوجوا واللي خاطب واخوي الغير شقيق اصبح لديه ولد ) الوالدة تزن علي بالزواج واخواتي يدورون لي ويقولون ما بقى الا نزوجك .

وانا اقول بدري .
تدورون وش اللي مخوفني .
اخاف ان تزوجت ما اسعد الانسانة اللي بتزوجها واخاف تكون حزينة معي , لاني ما اقدر اطلعها وامشيها وغير كذا .

والخوف الاكبر اذا بقيت عزوبي اخاف الناس يقولون علامه ما هو رجال والا وش فيه .



ارجوا قراءة قصتي بتمعن .
كلي امل في الله ثم فيكم .

لقب اكبر حزن اطلقته على نفسي بثاني متوسط ولا زلت اردده .

الله ينعم عليك بالشفاء اخي ولا تحزن استعن بالله وسوف ترى الفرج عما قريب تفائل لا تجعل للحزن في قلبك مكان توكل على الله وانشالله اورك كلها تتحسن. انت ما فيك الا العافية بس محتاج شوية ثقة بالنفس وانشالله ادا عزمت راح تتغلب على كل العوائق وتمارس حياتك بشكل طبيعي والله يفرج همك وهم كل حزين في امتنا العربية

امين يارب العالمين

شكرا على النصح والله يكتب الخير
اتمنى لك التوفيق

شوف (ياكبر حزن) اول شي غير نكك وسمه( اخر الاحزان) انت الحين ماشاء الله عليك مدرس يعني مستقل ماديا .تزوج وتوكل على الله يمكن يكون وجهها خير عليك واهم شي تسكن بعيدعن ابوك يعني بشقه منفصله علشان تبتدي حياه جديده.وماتذكر الماضي انسى كل شي صار .وانت علبالك احنا مرتاحين لولا عقد الاهل ماوصلنا منتدانا الحبيب(نفساني).واذا تبي تنسى تذكر اخوانك غير الاشقاء تحمى المنافسه صدقني .الله يوفقك

والله يا خوي هي ماهي بالسهولة اللي تتوقعها . صحيح انا اوقات افكر في الايجابيات اللي عندي والاقي نفسي مبسوط لكن لو تمعنت في قصتي اكثر تلاقي عندي مخاوف ودي انساها واتغلب عليها .

الله يكتب الخير لنا ولكم وللمسلمين اجمعين .

وشكرا على ردك الجميل وكلماتك الرائعة .

السلام عليكم
لاتقول لاسمح الله بل قول لاقدر الله

اخي بارك الله فيك هالمشاكل اغلبنا ربما مر فيها لكن لو تجلس مع حالك وتفكر بتقول هذي اشياء تافهه معقوله من مشكله ماتسوى تحليني اعتزل الناس!! لاحظت من كلامك اخي انك (حساس) زياده ممكن اي كلمه تأثر فيك وتجرحك والموت كل الموت لو تهزءت قدام ناس!؟ يارجال لاتفكر في احد لاتخاف الا من رب العالمين ترى هؤلاء بشر مثلك يعني على بالك ماتهزئوا من آبائهم وآمهاتهم ؟ او انضربوا من اخوانهم الكبار الخ ؟ اجابتك بديهيا بتقول نعم خلاص انا ارد عليك وبقول طالما قلت نعم وش يفرقك عنهم يارجل من اليوم غير نمط حياتك واهم شيء تكون صلتك برب العالمين وثيقه وصدقني راح تضحك على تلك الايام! وانصح نفسي قبل لاانصحك

في نقطه تمنيت انك ماتذكره وانت عارف وش اقصد لو سترت على نفسك احسن !

الله يكون في عونك اخي ويعوضك خيرا على مالقيت في حياتك في الصغر

كم قرات من معاناة الا اني لم اتاثر مثل ماحصل بقراءت تلك الكلمات

اول شئ اخبرك انه على قدر حزني من هذه القصه على قدر اكباري لعزيمتك وصبرك وجلدك وقوتك في مواجهة الصعاب وانت ماتزال في تلك السن الصغيره !!

هذه يعطيك ..حافز قوي بانك اليوم اقدر على مواجهة الصعاب ...كن متوكل على الله راااضى والله لذة الرضى ستنسيك التحرج من طريقة مشيتك لاعليك ..هناك مكفوفين تخطوا الصعاب واتموا حفظ القران ويتطلعون للامام وهم افضل من المبصرين بكثير ...عش حياتك طبيعي لاتكن مراقب او جلاد يجلد ذاتك ويجعلك تتقاعص الى الخلف بسبب شئ ليس عيبا

ثم يااخي الاغاني والله ستجلب لك قسوة القلب فالضيق والحزن ليس في الاذن

الضيقه في القلب تحتاج شئ اخر غذاء روحاني قران ذكر صلاة في الليل

اتركها لوجه الله وسترى سيعوضك الله خيرا منها

واخيرا امر الزواج يااخي كفاك من الهم ماكان الا تريد ان تجد لك ونيسا ورفيقا

توكل على الله واستخير ثم لاتتشااءم ..كيف امشيها وكيف وكيف سبحان الله الان قرات قصة في مجلة اسلاميه عن فتاة تزوجت معاق وليس مشئ فقط مثلك وهي تقول انه لايوجد مثله بين الرجال مختلف ليس بالاعاقه بل بنبل الاخلاق ..وغيرها من الصفات
عش بامل وانسى الماضي ..وتجاهل ماتخاف

اما امر التحرج من عدم المعرفه فهذاليس عيبا ..من هم الناس حتى نجلد انفسنا بسوط الخوف منهم والله لن ينفعونا بشئ انساهم ولاتفكر في اي نظره اتيه منهم بالعكس كن واثق بنفسك وقبل واثق بربك انه سواك في احسن صوره اشكره على ذالك لاتتذمر ...

لاتنسى تسامح والدك ..وتصفح عما مضى

وفقك الله وسدد خطاك وعافاك ورزقك الزوجه الصالحه التقيه النقيه التي تكون عونا لك على الايام وتشاطرك الحياة السعيده اللهم آمـــــــــين

ما ان ثقتك بنفسك رجعت وبدأت تستطيع المشي
ابدا تمارين مع نفسك بفك العزله
وابدا تخرج بشكل تدريجي وبين اوقات متباعده بالبدايه وبعدها متقاربه
اخرج مع اصحابك
ولو مشاوير لاهلك وطلعهم

مرحباا . شو الناس الناس الناس . اذا صارلك شي ماراح ينفعوك الناس . مين هسه يعطي شي ؟ اهتم بحالك ولاتشغل فكرك بلناس . انشغل بلله اذا تحب طبعاا . هوه اولى من كل الناس . ركز على الله و عطاءه الوفير لك . وااعلم ان كل الامو بيد الله وليس بيد الناس . . اختك فرح

ابو عمر الأزدي
شاكر ومقدر لك نصحك

بوح الجروح
شكرا لكي
المشكلة الاساسية الآن ليست في والدي بل ( فيني انا )
انا عندي مخاوف ذكرتها فوق هي اللي متعبتني
امس الاهل قالوا لي ودنا السوق تصدقين اني صرفت نفسي وبعدين واحد من اخواني وداهم .

خلجات نفس
تصدقين اني عشقت حزني
بالنسبة للزواج انا ودي اتزوج , لكن انا افكر بالمستقبل ,
يعني بعد الزواج بيكون علي واجبات اجتماعية لازم اسويها , اش تبيني اقول لزوجة المستقبل اقول مقدر ( ابصغر في نظرها ) اقول معي رهاب اجتماعي بتقول عني تزوجت مريض نفسي . وغيرها وغيرها
بالنسبة لابوي انا مسامحه على تقصيره علي لكن كيف الزمن يسامحه وهو خلاني حزين , كيف وانا كل من شافني قال يا خي انت ربي منعم عليك لكن في عيونك حزن .
وش اقول .

انا استازيا
شكرا لكي على النصح
بالنسبة للاصحاب . انا ما عندي اصحاب
تدري ليش لاني اخذ الصحبة بشكل سطحي , يعني انا اللي احاول اتجنب
مثلا في العمل عندي اصحاب اسولف معهم وفرفوش معهم وهم الصدق يعزوني
لكني بعد العمل اتهرب عن اجتماعاتهم وروحاتهم واحاول اصرف نفسي لا قالوا تعال معنا . انا الان اعامل الناس برسمية زايدة حتى اخواني اتعامل معهم برسمية وابويه احاول اتجنب شوفته .

فرح يا ريت
والله انك صادقة
والله يجزاك خير

اخوي اكبر حزن .... والله مشاكلك اهون بكثير من مشاكل اخوانك الاعضاء

ايش رايك بالرياضة ... علشان تحسن من مشكلتك مع المشي ... واقصد رياضة حمل الاثقال ( كمال اجسام )

منها تحسن مشيتك ومنها تخفف من توترك ... ومنها تقدر ترجع ثقتك بنفسك .... بدل الناس ماتنظر لمشيتك تنظر لضخامة جسمك .... بحيث انك لازم تزيد وزنك مع هذه الرياضة .

واذا على الزواج شوفلك بنوته صغيرة ومغمضة لاتطلع ولا تعرف شي ... تشكلها على كيفك ... على اللي انت تبغاه وفي كثير منهم بنات لاتعرف المولات ولا المجمعات ...

وتوكل على الله وربي يوفقك ... واذا على الرهاب اللي عندك تقدر تستخدم ادوية خفيفة للتخلص من الرهاب


بالتوفيق ’’’

لالالالا لازم الحزن مانعشقه هو كذا الانسان الذي فقد ..الشعور بالسعاده يتأقلم مع الحزن ويخاويه ...ابدله بسعاده غيره إن استطعت ..
اما الزواج فانت ادرى..بحااالتك الا اني سااقول لك لا لا لا يأس مع الحياااااااااة

ابدأبالعلاج وبإذن الله راح تتحسن حالتك وتتعافى ..وتقدر تأخر هذا الامر ..الله يشفيك ويوفقك لحياة مستقره ..

امر الوالد بس تذكير اعرف انك مساامحه ..لاكن ربما لم يكن يقصد الاساءه

تفكير الاباء يختلف ..ولاتنسى البئيه ..الله يكون في العون
اما امر الناس مررره انساه ..واذا كان الامر كذا فانت اشكر الله تعالى ..وحاول تتصبر حتى تصبر ..وعليك بالدعاء في جوف الليل والاستغفار ..والصدقه بنية الشفاء ..جرب وراح تشوف انك تتحسن بإذن الله

السلام عليكم اخي
أنا أقول لك واظب على صلاتك في الجماعة وادعي كثيرا ان يسخر لك الله العلاج واستشر طبيب نفسي إن شاء الله ممكن تتحسن نفسيتك كثيرا,وبخصوص الزوجة انك تحس انك لن تعطيها حقها ,من يدري ربما لما تتزوج تتغير نفسيتك فالله جعل في الزواج سكينة ,وممكن تنسى كل همومك وكانك داخل حياة جديدة,والبنت للي تخطبها كذلك الجميع سينصحها بان تهتم بالرجل ,لازم تهتمي له حتى لا يتزوج عليكي الرجل يحب كذا كذا ,احنا النساء للي نخاف نكون مقصرين تجاه الرجل ,حتى الرجل لو قصر ماذا يُقال للمراة؟:اصبري ,كما انك لا تاخذ المخدرات ولا تدخن..........هناك رجال يضربون نساءهم ويهينوهم ويبهدلوهم ونساءهم يحبوهم بالرغم من كل البهدلة التي يتعرضون لها تجد المراة تقول انها تحب زوجها هههههههههه دائما المراة هي الملامة وليس الرجل مهما كان السبب أنت لا تؤذي ولا أي شيء مسالم والحمد لله ..إذن بادر بالعلاج وتوكل على الله اخطب بنت متدينة متقية الله ممكن تساعدك وتنسيك كل هموم الدنيا هناك زوجات فيهم بركة,من يدري ربما البركة تدخل حياتك,.واتمنى لك السعادة

الي اكبر حزن
 

مشاء الله تبارك الله يااخي اكبرحزن على ارادتك القوية التي جعلتك تتحدى الصعاب واجدر بك ان تسمي نفسك اكبر منتصر فانت انتصرت على غياب واهمال الاب وانتصرت على احاسيسك المرهقة ووصلت للجامعة بدون تهنئة الاب ولافرحه لك ونتصرت على صعوبات التعليم واستلمت وثيقتك بكل شجاعة وبدون منة من احد ،فأنت رجل بمعنى الكلمة بل رجل بعيدا عن الانانية بدليل انك تفكر كيف تسعد زوجة المستقبل رزقك الله اياها عاجل اخي اكبر منتصر انسى الماضى واهاته واستشر الاطباء النفسنين بحالتك وحفظك الله0

اخوي 000000000000اختصر لك الموضوع


لما كنا بالمدرسة كنا نشوف اشياء كثيره من اللي قلتها لنا 000 كلها كان اسمها مراهقة 000
ولكن شيء واحد راح اقوله لك 0

راح تشوف كتاباتك هذه بعد زواجك وتقول ياالللللللللللللللللللللللله اش كثر كنت مقفل مخك 0
اخوي 000 الا تزوج ولا تخاف دامك تسوق راح تعرف كا شيء 0000زوجتك راح تخليك تعرف كل شيء 000
اخوي 0000000لاتكون كذا مقفل على مخك 000 شغله شوي بس 0
اذا بغت زوجتك السوق قل لها اي سوق تبين وافتح النت وأسال اطرف واحد ويعلمك
واذا كنت للحين تكه ابوك فانا اذكر ان كل واحد كان يكره ابوه في فترة المراهقة لاننا كنا نشوف انهم ضدنا ولاننا كنا مانعرف مصلحتنا ولان لما كبرنا عرفنا وش كانوا يقصدون 00000000لاننا كنا جهال 00000


اذكر قريب لي كان يقول متى ابوي يموت عشان اورث 0000(شفت كيف كنا تافهين 000


اخوي اعزم وخلي والدتك يحفضها الله تسال لك عن الزوجه اللي تسعدك

وبعد الزواج بشهرين مر علينا 0000مو نشوفك 0000لا

بس عشان تضحك على كتاباتك اللي اتوقع انك راح توصفها بالكتابات التافهه 0


اخوي يا استاذي 000 تاكد انك بطل ولو ما انك بطل ماصرت مدرس اد الدنيا 00


اخوك

برداية مشرقه

الرياض الحبيبه

أخي أكبر حزن :

أنت أكبر فرحة بإذن الله فأنفض عنك هذا الحزن ,, من قراءتي لمشاركتك أت لا تعاني من أي شيء و هذا رأي شخص عادي ليس طبيبا نفسيا

موضوع الوالد و عيوبه أيا كان هو والدك و انت ماشاء الله من سردك للأمر رغم ما يقصر به فأنت مازلت بارا به و هذا م ااحييه فيك

و الرجل ليس بسيارته او بملابسه ,, الرجولة أدب و شهامة أسأل الله تعالى أن تكون ملئا بها

موضوع الأسواق و ملازمة المنزل إسألني انا ,, و الله ما ادري من وين الشوارع و كل ما سألني احد في الشارع يقول مضيع و يناظرني و يمشي ,, بس هذا مو شي زين ,,

انت ان شء الله تنزل مع أخ ودود أو صديق حميم الشوارع و تشوفون الناس ,, تشتري دشداشة تشتريلي تي شيرت ههههههههه ,, شوف العالم ش يسوون و هكذا

ما سأقوله الآن مجرد تخمينات قد تحتمل الصحة و الخطأ ,, انت تعاني مشكلة معينة في الثقة للناس و الخوف من تعليقاتهم ,, و ان اشخصيا لدي هذه المشكلة و لكن مع الوقت و الإحتكاك التدريجي مع الناس تزول بإذن الله ,, موضوع المشي الذي يعلق عليه الناس يا عمي وش تبي من الناس !! إنت امش طبيعي و برجولة و خلاص ,, وكل واحد له مشية مميزة و كل واحد الناس تتمسخر عليه ,, بس الحياة ما توقف


انت الأن ماشاء الله مدرس و ان شاء الله تكون مرب فاضل ,, فافرح بما آتاك الله و حدث بنعمه ,, و لا تنظر بالسوداوي إلى المستقبل .. فأنت ان شاء الله ستكون نعم الاب و نعم الزوج بإذن الله

حاول أن تستشير طبيبا نفسيا لمجرد النصح ,, اعجبك كلامه خذ به ,, ما عجبك و انت طالع قوله أستودعك الله وخلاص

و اتمنى ان أسمع عنك الخير كله ان شء الله :)

العلاج الدوائي مفيد في حالتك عليك بالافكسر او السبرلكس تحت استشارة الطبيب النفسي

وهي ادويه سليمه جدا غير ادمانيه


ماتعاني اضطراب في المزاج