|
ذكـــريـــات الطفـــولة !
بسم الله الرحمن الرحيم السلام عليكم ورحمة الله وبركاته حبيت اطرح موضوع اكيد انه عزيز عليكم كلكم وهي ذكريات الطفولة وبراءتها واتمنى ان كل واحد يدخل يقول مواقف طفوليه حلوه واحلى شئ في الطفولة البراءة وعدم تحمل المسؤلية وضيق العالم محصور بدمية وفستان وحلوى بس كبرنا بدت احزاننا ياليت ان الزمن يرجع ورى وإلا اليالي تدور ويرجع وقتنا الأول وننعم في بساطتنا زمان اول احس انه زمان صادق وفيه شعور نحب ونخلص النية وتجمعنا محبتنا زمان مافيه لا غيبة ولا حتى نفاق وزور ياليته بس يرجعنا ونسترجع طفولتنا صغار قلوبنا بيضا ونعيش بعالم محصور ولا نعرف ابد اغراب ماغير عيال حارتنا صحيح صغار بالتفكير ولكن ما علينا قصور نخطط نكسر العبة وتسعدنا شقاوتنا نروح المدرسة بدري ونضحك داخل الطابور نحاول نزعج العالم بروحتنا وجيتنا وعشان نأخر الحصة نخبي علبة الطبشور نشاغب بس بالأخر تميزنا براءتنا نحب الضحك والهيصة نحب انط فوق السور نفرفش ليه ما نفرفش مادام الضحك عادتنا ولكن دارت الدنيا وبان الخافي المستور وصار الهم متعلي على قمة سعادتنا كبرنا وصارت الدنيا تصف احزاننا بالدور وتهدينا الألم والهم غصب عن عين رغبتنا تعبا من بلاوينا احد ضايق واحد مقهور وكلن غارق بهمه وبالأخر تشتتنا وانا ماقول غير الإياليت الزمان يدور ويرجع للورى فترة نعدل وضع عيشتن ----------------------------------- موقفي:frown: وحبيت بها الأجواء المشحونة بنكد الحياة وروتين المشاغل اليومية نستطرد احلا ذكريات الطفولة مرة وانا بأول ابتدائي كان وقتها الأطفال يحبون يطلعون كذبات واشاعات وقالو ان القيامة بتثور وتقوم اليوم !!!!http://www.lakii.com/vb/images/smilies/19.gif انا انهارت اعصابي وقمت اصيح انا وزميلاتي والمشكلة ههههه انهم يقولون تقوم الساعة وحدة الظهر والله ماني ناسية وللأسف عندنا ابله قاسية سألتها وقلت ابلا صحيح القيامة اليوم الساعة وحدة الظهر ضحكت بأستهتار وقالت ايه انا بكييييييييييييت احسب يصير زلزال هههههههههه وهي اكبر من الزلزال نسأل الله السلامة لحد ما جانا بنات من المتوسط جزاهم الله خير وسكتونا وخبرونا انها كذبه ههههههههه http://www.lakii.com/vb/images/smilies/smile.gif عسا موقفي يعجبكم . بس للأسف الصغير ماينسى انا للحين حاقدة ع البله ما اعتبرتني بنتها والله حرام المفروض تدرس شباب مو بنات واطفال بعد وهي للحين على قيد التعليم مديرة في احد المدارس لو بس الاقيها كان كفختها وكوفنتها تكوفن ههههه. |
اذا اعجبكم الموضوع لا تنسوا تقيموني :)
|
موضوع رآئع بروعتك آختي حنيـن . .
هههههه ي حيآتي والله ، أحر مآعندك أبرد ماعندهـآ . . لي عودة إن شاءالله , |
هلا والله لا تاخرين علينا وخاصة التقييم هع :biggrin:
|
رووووووووووووووعه ضحكني الموقف
انا حصل معي مواقف اول موقف كنت العب في الغرفه و فجاه علق راسي تحت خزانه الاواني (اسف لانو موعاارف شو بتسموه انا زفت في العربي لا تواخدوني ) المهم جدتي الله يرحمهاا اغمي عليهااا امي تصرخ و الكل و فجاه شلت راسي لوحدي ههههههههههههههههه لي عوده ان شاء الله |
موضوعك روعة يالله نطلع من الجو الكئيب شوي .. اآآآآآآآآآ ه على ذكريات الطفولة .. و انا اكتب الحين فيني الضحكة الله يسامحنا بس هو فية احد ما ازعجناه ... ( كان كفختها وكوفنتها تكوفن ههههه ) <<< --- طالعة من قلب متعوب عليها هههههههههه صراحة ما الومك معلمة لا مو معلمة هذة انسانة جاهلة كيف تقول هذا الكلام لية حابة هي تكرهكم في الدين .. بس كيف اقييمك يا حنين .. راجعة ان شاء الله ببعض السوالف ... |
التقييم يا ريم من اسف الموضوع علامة الميزان هذي
|
تامرين امر يا حنين ما طلبت شيئ .. و لعيونك احلى تقييم .. |
اقتباس:
اقتباس:
هلا وغلااااااااااا يالله ننتظرك نبي موقف :smile: |
اقتباس:
تسلم عويناتك :redface: |
ليــه أنــآ مـآ أحـس أني عشت طفولتـي !!!!
كل اللي اتذكره اللحين ( لما كان شكلي مرتبه ) بالغره والشعر (: .. لكن لمــآ أتـذكـر رآح أجـي أكتب هنـــا .. مشكوره حنونه |
هههههههههههه حلووووووووة يا هدوء هذا فقد ذاكرة والا وشو ؟؟
|
وربي صـآدقــة
لمـآ اقـول كذآ لأي أحـد يستغربوا أحس أني انولـدت وأنا كبيره هههههه .. بس بعصر مخي وأتذكر (: |
ههههههههه حلو الموقف انا اذكر موقف كان اخوي يربي حمام وبمرة مرضت حمامة عنده فكان يبي يرميها لان كان يطلع فيه دود وبلاوي فقلت له عطني اياها فأخذتها ورحت حطيتها بطشت وسبحتها "روشتها" وافرك وافرك وافرك ابي السوس يطلع ولما طلعتها من الحمام كانت شكلها مرة تعبانة والريش لاصق لجسمها وذبلان والجلد مكشووف يعني حالتها حاله حرام ولفيتها بفوطة وادعك وادعك بس الريش انعدم !! فقلت يا ربي وش اسوي لها علشان يرجع ريشها حلو زي أول فرحت اخذت سشوار اختي وشغلته عليها !!! قرمة وجبت بودرة اطفال علشان ترتاح وجبتلها قطارة انف ونظفتها وحطيت فيها عسل اوكلها علشان يقويها !!! واشربها عسل المسكينة " الله يغفر لي يارب كان نيتي خير " بس مافيه فايدة !! الحمامة عطتكم عمرها الله يرحمها ويرحمني ويغفر لي ويتوب عني |
اتذكر موقف هههه كنا عند عمتي في الضيعه و اهلي و الكل كانو فوق و انا و اختي التوام نلعب تحت لان الفراش تحت مجموع و كان في طبقه من الافرشه طلعت انا و اختي فووووووووق نلعب و ماحسيت الا و انا دافع اختي و سقطت من فوق و كسرت رجلا ههههههههههه حلوه هاي يارب تسامحني اختي بس ماكان قصدي كنا نلعب و هاي خطاا هههه بس الحمد لله ماكانت حالتهاا صعبه |
بصرحه موظوع حلوا وفي برائه ووناسه تسلمين
|
لي عودة إن شاء الله إذا تذكرت لي سالفة :wink:
وتراني قد قيمتك ولا أقدر أقيمك مرتين :redface: |
موضوع رائع حنونه أنا أيضا صارتلي مواقف صعبه جدا مع المرأه إلي كانت تدرسني بالإبتدائي ولما أتذكرها أقول مارح أسامحها طول عمري وبعدين بقول في نفسي الله العظيم يسامحنا إذا أخطأنا وأنا الضعيه أقول ماأسامح س والله ذنوبها ماتغتفر لأنها عاقله وأنا قاصر وطفله عمري 6سنوات أيام سوداء أنا ماأقدر أعطيها لقب مدرسه أو أبله لأنها ماتستاااااااااهل |
قيمتك بعلامة ممتآآاز وتستاهلي كل خيييير يا أحلى حنونه |
مراااااااااااااحب ... لما اتذكر طفولتي اضحك من قلبي ... مواقف كثيرة في بالي .. راح اقولكم كيف كان الوضع .. احنا كنا مجموعة من البنات و الاولاد انا و اختي و اخوي و بنات خالتي و ولد خالتي يعني شلة دمار شامل ... اتذكر كان اكبرنا ولد خالتي و اصغرنا اخوي الموقر المهم كنا مرة نمشي في ربوع بلادي في الحارة الموقرة و كان اخوي يدوب في اول ابتدائي مرينا على ساحة تراب مسورة بجدار مكتوب عليها كلام و خرابيط سالة ولد خالتي اخوي ابو الشباب اتحداك تقرا الي مكتوب على الجدار اخوي يبغى ورينا خلاص انة كبير و يعرف يقرا احنا دايم نقولة و نطردة يالله بلا بزارين ( اطفال ) قال اية اعرف اقرا كل شيئ خلاص انا اعرف الحين و تنح على الجدار علشان الاخ يبي يقرا م م مق مق مقب مقب مق مقبرة مقبرة هذة مقبرة قلنا له و الله يا شيخ مقبرة ما شاء الله عليك لا مبين انك شاطر اقول حبيبي مكتوب على الجدار ابو خالد بطل من وين جبت مقبرة تهك علينا قال مقبرة قال انا نفسي اعرف انا من وين جاب كلمة مقبرة و لا بعد من زين وجهة يتهجأ الكلمة له سنة ههههههههههههههههههه و اتذكر بنت خالتي هذا هادية بس لما تسوي شيئ يكون اجرام الاخت في الله مرة شافت ابوها يحلق شنبة المهم مسكت معها لازم تسوي مثل ابوها هههههههههههههههههههه هههههههههههههههههه هههههههههههههههههه طبعا الاخت الذكية جلست تطالع وجهها في المراية و لا عندها شنب و هي لازم تحلق شيئ اي شيئ قامت الاخت حلقت حواجبها الله وجة من دون حواجب ههههههههههههههههههههه هههههههههههههههههههه ما لقت غير الحواجب الي فيهن شعر لا شنب و لاهم يحزنون ههههههههههههههههههه ههههههههههههههههههه ايش كمان يا ريوووووووووووووووووم امممممم ولد خالتي كان له موقف مرة كنا جالسين في مزرعة جدة و نسمع صوت دجاج يصارخ بشكل ملفت رحنا بسرعة نبغى نعرف ايش السالفة فية كلب دخل و لا ايش الحكاية و يوم قربنا نشوف دجاجة تطير من اليمين وو حدة تهج تهرب تقولون فية اعصار من داخل الحظيررة يوم دخلنا الا الاخ في الله ماسك و هات ضرب في الدجاج الي يلزقها في الجدار و الي يخبطها في الارض صرخنا هيييية انت ليش تضرب الدجاج قال حيوانة قاعدة تمشي على النعمة احنا : و الله حيوانة لا ما درينا بالله متأكدة انه حيوانة يقول ليش الدجاج تمشي على النعمة ( الاكل ) حرام ما يدري انها كذا تاكل ههههههههههههههههه قال حيوانة قال يالله عاد خلاص كفاية لما اتذكر شيئ راح ارجع سلااااااااااااااااااااااااااام |
اقتباس:
هههههههههههههههه مواقف حلوه فطست من الضحك |
اتذكر موقف بس ممنوع المهلوعيييييييييييييين يقرو القصه كنت اناا و اختي نايمين و فجااه شفت قدامي مراه تمشط شعرهاا و مره طوييييييييييييييييل و قلت لاختي لسااا بكير عالمدرسه قالت مش انا هاي قلتلا شوووووووووو انصدمت و قلتلا ناامي و غطيناا وشنااا و في الصبح حكينا لاهلنااا شو صااار فراح البابا عند رجل ذو دين فاعطاه مااء مقري يترش في الغرفه هههه عجبتكم القصه ان شاااء الله راجع احكيلكم المزيد مع الجن هههه |
اتذكر انى كنت وأنا صغيرة ضعيفه وهادئه واسمع الكلام ..
لمن كنت بأولى ابتدائى المعلمه قالت لنا انو يوم القيامه كل وحدة تكون لوحدة يعنى أمها ماهى معاها وكلنا نحاسب وكل واحد يقول نفسي نفسي حتى امك وابوك.. والله كانوا يعلمونى من صغرنا ويرسخو فينا خوف الله .. اتذكر بعدها رحت البيت ابكى واقول لأمى راح تسيبنى لوحدى وكنت خايفه ومانى متخيله حالى من غير أمى ولاصقه فى امى طول اليوم .. وما انسى دا الشئ ابدا إلى ان اموت .. |
ابو عابد
زهور السعادة سحر منورين بس وين المواقف :) ؟؟؟!!!!!!! |
خخخخخخخخخخخخخخخخخخخخخخخخخخخخخخخخخخخخخ ريووووووووووووووومة فطستيني ضحك اما سالفة الحواجب شئ شئ ههههههههههههه ننتظرك وننتظر جديدك :)
|
ميراااااااااااااك ارجووووووووووووك غير القناة هع هع هع !!!
|
اقتباس:
خخخخخخخخخخخخخخخخخخخخخ اه يا عيوشة ع البراءة سيم سيم انا صديق هع |
اقتباس:
|
ياليت عندي شيء أشاركم فيه بس جد للطفولة ما عندي :(
|
اقتباس:
اسف اختي اوعدك اخر مره ماكان قصدي سامحيني |
طيب وينكم نبي نشوف مشاركات اخرى :)
|
طيب يا حنونة
انا مرة و انا صغيرة ما كان اضن سني يتعدى ال10 كنت العب مع اخي مرة نكون رايقين و مرة نتشاجر و حصل بيننا خلاف و قال لي اخويا ربي راح ياخدك للنار استني و تشوفي و انا و ووووووووووه كيف مرت عليا هاذيك الليلة وانا ماسكة في المخدة خايفة ربي ياخذني و يطلعني على النار و بقيت في حال خوف و رعب "الله يسامحك يا اخي" ههههههه والله صحيح انو كنا براااااااءة لذلك انا اليوم اخذ حذري لما اتكلم مع اولادي لاني عارفة انهم يصدقوا كل شيىء نقول لهم عليه لانو خيالهم واسع ما شاء الله عليهم و لي عودة ان شاء الله سلام عليكم |
هلا هلا هلا بالامل كله بحبيبة القلب منورة
وههههههههههه موقوفك صعب ويضحك وبراءة في نفسك الوقت الله يسامح اخوك هذا وفعلا اول كنا نصدق بالمرة وانتظرك يا حبوبة . |
ومن مواقفي
صدق براءة وانا كنت اظن الأرض مسطحة وفي نهاية العالم جبلين ع الطرفين وبعدها ظلام نطيح فيه هههههههههههههه صرت مثل نظرت الأغريقيين لشكل الأرض يعني ممكن اصير عالمه هههههههههههههه ؟! |
هههههههه
و لو اقول لك انا كان تفسير الزلزال عندي اييييه و الله صعب اقولها |
لااااااااااااا قولي تكفين قولي ؟؟؟
|
انا رايحة من موضوع لموضوع يا حنين
و مرة تبكيني و مرة تضحكيني و الله تاثيرك علي عجيب و الله |
هههههههههههههههههههه ياعمري والله طيب قولي ابي اعرف لتفسيرك لزالازل (خريجة قسم جغرافيا)
اعجبك انا هههههههههه !!! |
موضوعك حلو رغم ان معانات الأغلبية من هذه المرحلة وهيه الطفولة وطفولتي هيه اللغم الي مشيت علية قبل ما استوعب الحياة وعلى طاري المدرسة والمعلمات من سوء الحظ طبيت في اسوء مدارس منطقتي او بلأصح اسوء المعلمات ولي موقف مع معلمة لو القاها راح احاسبها حساب عسير كانت دائما ذات طبع ساخر محقر هذا واحنا بصف الأول ابتدائي طلبت منا نكون مرتبين وحلوين وبدئت تضرب الأمثال واختارت بنت غنية جدا وكان مريولها فاخر وكل شي فيها وليتها وقفت هنا لكن كملت على المثال السيئ واختارت يا قلبي طفلة فقيرة ويبدو انها من عائلة بعيد عن التمدن واخذتها المعلمة ووقفتها قدمنا في الصف وقالت شوف هذي البنت غير مرتبة وقبيحة ومو نظيفة يعني(غسلت شراعها)والبنت فجئة تبكي على شكل شهقة من الحرقة والمعلمة السخيفة بدئت تطالع عند الباب ليكون احد شافها وبدئت تسكت البنت لكن البنت خلاص التهمها القهر وانا في تلك اللحظة تملكني الخوف واصبح لدية قناعة جديده من اول يوم في الدراسة معلمتي تحبني لشكلي فقط وما زال لديه من هذه القناعة إلى الأن لكن كرهت تلك المعلمة كره شديد وعشت حياة الدراسة حياة رهاب من شي اسمة معلمه
|
اقتباس:
طيب بس لا تضحكي اااااااااه انا بشطارتي كنت اعلم انو الارض كروية الشكل "يعني اشطر منك" و اعلم ايضا انها تدور حول محورها ........ لحد هنا كل شيىء طبيعي . . . ... . . . . . . . . .. .. . .. .. . طيب . . . . . . . . .. . .. . . . لما الارض تجي توقف مين الي يحركها . . .. . . . ... .. .. . . .. .. . . . . .. . . . . و هنا العبقرية كنت اضن انو فيه يد تحركها و لما الاصبع الخفي يحرك الارض يعمل زلزال ههههههههههههههه و الله براءة رب اغفر لي و لا تضحكي عشان اعطيكي سر البراكين ههههههههه |
| الساعة الآن 07:51 AM |
Powered by vBulletin® Version 3.8.11
Copyright ©2000 - 2025, vBulletin Solutions, Inc.
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.
المواضيع المكتوبة لاتعبر بالضرورة عن رأي الموقع رسميا