|
يــــالـــيت ارتــــاح
السلام عليكم
ماعندي ونيس افضفض له ، الهم ركب راسي ، وسجلت في الموقع عشان اطرح اول موضوع وللحين ماحصلت رد على موضوعي .. الله يفرج همي وهم المهمومين يارب العالمين اريد اشعر بالامان والحنان مليت من كل شي ، وما أحس بأي لذة في الحياة اللهم اغفر لي يارب |
مرحبا بيك اختي ..
آنا اقولگ فضفضي وطلعي اي شي يخنقك اللہ ثم حناا معگ وش آقول آناا الي عندي مسؤليہ کبيرة وهمومي مسيطره علي لكن الحمدلله صامده بيت وزوج وعندي ولد وبنت يعني ربي والربي يبغالہ جھد .. وآنا کنت آعاني،من هلع مع وسواس الموت وهالحين اكتآاب کل مرھ آقول آبي اروح عند اهلي لاكن امسك ع نفسي مابي اهرب لازم اواجه حياتي لجل زوجي وعيالي لي متي بضل ضعيفہ والناس بدت تتگلم فيني انوو انا نفسيه ومادري ايش ماكانها متزوجه كلا عند اهلها حتي زوجي بدا يطفش يقولي خلك لاتروحي عند اهلك خلينا نعالج موضوعك سواا والحمدلله هوو متفهم وضعي ساعدني كثير . اختي الي ابغاه منك ماتكبتي مشاعرك فضفضي لو لحالك لو تكتبي ف ورقه ترا بترتاحي .. اختي انا حابه اتواصل معك اذا مافي مشكله !؟ |
يا اختي ما بعرف ايش اقلك سوى انني هابقا ادعي لك بالغيب ربي يفرج همك
خلي املك في الله رب يغلق باب ويفتح ابواب |
اقتباس:
الحمدلله على كل حال، المشكله ماتكمن في انه الواحد متزوج او غير متزوج، المشكله في الاحاسيس اللي نعيشها وحبيت اعرف اكثر شو مثلا اكتب في الورقه ? نتواصل عن طريق الرسائل الخاصة ? |
اقتباس:
شكرا اختي الفاضله وانا ادعي وادعي وادعي والله ان شاء الله يستجيب واملي بالله كبير والحمدلله على الحال هذا، ولو ابكي يوميا بس الله يفرج الهموم |
بنت الظبي
اخيتي في الله اذا كنت محتاجه الى احد لتحكي له عن الامك فنحن هنا كلنا لخدمتك ولخدمه بعضنا البعض لا تتردي بالسؤال وان شاء الله مانقصر معاك واذا احتجتي اي شي انا موجوده تمنياتي لك براحه بالطمأنينه وراحه البال |
اختي غدر الفرح ، كيف الحال ؟؟؟ كيف الأمور وياج ؟؟؟
أنا كل ساعة تمر فيها( عشر دقايق )أكون عادية وبعدين تنقلب الموازين ، وأرد أحط أملي بالله إنه أصحى في يوم وأكون سعيده وماعندي هم وضيق اللهم لك الحمد والشكر |
علاج يجلب السعاده والرزق والشفاء لم أسمع أحد في حياتي جربه ولم يشفى أو على الأقل تحسن طريقة الوصفه : يومياً
إسم العلاج غاليتي ،،،،،،، سورة البقره ،،،،،، أدعي لي أواضب عليها ،،،،،،،،،، |
اختي أميره الصراحه انا متردده في قراءة سورة البقرة، والسبب إنه لما اقراها اتعب، والشيخ قالي لاتقرين البقرة واكتفي بالرقية الشرعية .. وانا محتاره !
ومع ذلك قرأت البقرة بدون علم الشيخ وتعبت أكثر واتصلت به ، وقلت له عن الاعراض ، فقال لي لاتقرين البقرة ولو البقرة سورة عظيمة |
خطوات عملية مع الشيخ المغامسي كي تكون شكواك لله أقرب للإجابة
http://www.youtube.com/watch?v=tlDTZNGg8Lg |
توكلي على الله و إقرئيها و لا تسمعي كلام لا يسمن و لا يغني من جوع
هناك عباد الله يهديهم ما نعرف كيف يفكروا كل التعب الي تحسين به مجرد وهم انتي الفتيه و صدقتيه و هذا الشيخ اعانك عليه المفروض هو الي يحثك على قراءة البقرة نعلم جميعا ان فيها بركة و لا يقرب الشيطان بيت تقرا فيه البقرة .. توكلي على الله و لا تخافي |
اختي امل الروح ، لأنه طريقة علاج الشيخ بالهداية مش بالحرق والتعذيب ،
هذا اللي فهمته وبعدين انا قلت نفس كلامج والكل قالي اقري سورة البقرة ، وفعلا قريت البقرة ويتني رعشة قوية في الجسم وحمى وتميت طريحة الفراش عشان جيه متردده .. ولو إني اعلم إنها سورة عظيمة جدا |
الله يشفيك ويعافيك وجميع المسلمين
اختي الغالي طبيب ما تعرفين سبب الهم يعني له سبب معين او ضيقة من غير سبب صراحة انا مثلك بس اعرف السبب بس اكثر شي مساعدني بعد الله هو العمل يعني مشغلني عن بعض الامور احس ان عندي شي اسويه مثل انام وقت احصل ناس اسولف معهم اغير جو عن البيت بعض الاحيان اسافر اغير جوى لان اختي تسكن في منطقة ثانية الدمام وبعض الاحيان يكون الاكتئاب في اشد صوره الي اقدر اقولك حاولي تشغلين نفسك بعمل بخروج الله يسعادنا جميع والله خير الحافظين |
مرحبا اخويه شفيق،
في البداية احب اقولك انا موظفه، واخذت إجازتي السنويه، لكن في وحده قالت لي تعرفين تخططين للإجازة، بدون ذكر اسم الله، لكن ماحطيت في بالي كلامها ويوم رديت البيت وانا نايمه في الليل ، حسيت عمري بموت ويتني حاله وخذوني على الطواري، وعملت فحوصات وكل شي الحمدلله تمام، تميت فتره على هالحالة طول وقت إجازتي، اللي كنت لازم اغير جو واستمتع فيها وانا طريحة الفراش، بعدين خذوني على راقي وقال هاذي اعراض عين قوية، والعلم عند الله طبعا وبعد أخذ اثر العائن وسماع الرقية الشرعية، حالي صار افضل الحمدلله، لكن من ادخل الدوام تيني كتمه وضيقة صدر لكن كل يوم وانا اقول اذكار الصباح واسير وجبرت نفسي على الدوام، لكن كل ما ادخل اصيح، فتركت عملي وانا الحين في البيت وسجلت في هالمنتدى، اتمنى من الله الشفاء ، وله الحمد والشكر والثناء الحسن |
ممكن عين بس نصحية انا جلست في الرقية مدة اكثر من ثلاث سنوات
لاحد يهمك عين قوية او عين خفيفة هذي ما يعلم فيها الا الله وصراحة كلام الشيخ متتاز يوم يقول لا تقرين سورة البقرة لان العين ما يصلح تشدين عليها تتعبك اكثر شي يفيد الرقية الغير مطولة وصلاة الليل وزيت الزيتون والماء البارد بس انت غلطتي يوم تركتي العمل كانت صبرتي وحاولتي والله حاس فيك بس كان قاومتي الحين انتي فاضيه ما عندك شي تسوينه جالس في البيت اكيد بتملين الواحد حتى لو طيب يمل من جلست البيت تجيب الهم صراحة ليش ما تحولين بعمل ثاني وتشاركين في اكثر من منتدي انا مشارك في كذا منتدي ولو تشوفين في المنتدي الثاني تقول هذا ما فيه شي كل مواضيع عادية عن اشياء عامة مثل الفقر والسياسة حاول تغييرن جو تحصلين صديقه تطلعين معها للسوق تسولفون على الواتس او البلاك اجميع بين العلاج السلوكي والرقية تصدقين اكثر شي ضرني اني انتظر متى اطيب وليش فلان طيب وفلان تزوج وانا مريض نفسي في الاخير عرفت حديث نبوي معناه ان الواحد لا يستعجل الشفاء احنا نسوي الي علينا نصلي ونرقي نفسنا ونغير من نفسياتنا والي كاتبه الله بيصر و |
والله تركت العمل، مايستوي كل يوم والثاني الموظفين يقولون شو فيها وانا اصيح ،
بس في البدايه كنت اجبر نفسي وتعبت، والله يعوضني ان شاء الله وعسى ان تكرهوا شيئا وهو خيرا لكم انا احب العمل، بس صدقني محد يقطع رزقه بيده، ووايدين لاموني على ترك الوظيفه، انه الناس اتدور شغل وانتي تطلعين بس انا وضعي مب عادي ، عشان ادور وظيفه ثانيه مثلا قبل ما اترك الوظيفه الحاليه، وبعدين احاول اطلع، لكن بسرعه امل، واسوي الامور اللي كنت احبها بس ما اشعر بسعاده، اليوم صديقتي قالت لي خلنا نطلع ورفضت وباجر كذلك بتطلع، لكن مالي نفس، جربت اطلع قبل وياهم، بس احس طول الوقت ساكته وما اسولف مثل اول، فليش اخرب عليهم الطلعه وأسأل الله لي ولكم الشفاء |
الله يعوضج خير يارب يمكن يكون خير لج
طبعا انا حاسه فيج طول الوقت تحبين قعدت البيت ومالج خلق الطلعات شراتي بالضبط واذا طلعت معاهم طول الوقت ساكته الحمدلله على كل حال ان شاء الله يمون فميزان حسناتنا يارب اسال الله لج العافيه يارب |
تسلمين يارب اختي جامعيه، الله يشفينا جميعا
|
وعليكم السلام ورحمة الله وبركاته
الوحدة العاطفية آخ هاتي همك، قولي، صدقيني السطرين هذه ما تكفي ترى والله ما صمموا المنتدى إلا لمن ليس لديه من يسمع همه من ليس لديه من يعينه على ما به |
اخويه فهد .. شو نسوي ؟؟؟
الله المستعان .... الله يرزقني الزوج الصالح .. وثانيا بما إني تعبت الفترة الاخيرة .. وقدمت استقالتي ... لأني من ادخل الدوام تيني حالة خوف ... والحين بالذكر حالتي تحسنت ولله الحمد ... وآخر يوم لي للاستقاله بكره ... وطلبوا مني ان ارجع ، لأنهم رفضوا الاستقاله، وانا صليت استخاره هاليومين، فالله بيحدد لي الخير ... |
بنت الظبي، أختي
أنا قدمت إستقالتي من عملي قبل السابق فصدقيني أعلم ما الذي يدور معك دعيني أسألك عن عملك؟ وهنا لن أسألك عن حالة الخوف، لأني أعرفها ماذا تعملين؟ وأين المشكلة؟ ما سبب الإستقالة؟ حتى نناقش الأمر ونقيم الوضع فمن الأفضل أن لا تقيمين الوضع لوحدك، لنقول من باب الشورى |
في البدايه ما اعاني من شي ، طلبت ان اطلع إجازة سنويه في شهر نوفمبر ، وفي نفس اليوم في الليل وانا نائمه، فجأة فزيت من نومي بضربات قلب سريعه، وبعدها ماقدرت امشي ، خذوني على الطواري وبعد عمل
الفحوصات الحمدلله الحمدلله كل شي سليم ... وتميت تعبانه طول فترة إجازتي ، اللي كنت برتاح وبنبسط فيها ... المهم تميت في الفراش احس برعشه كل ماتغمض عيني ، حركات لا إرادية في الجسم من الكتف للركبة إلى الساق ( كرمك الله ) خلال ثواني ، كان شي مخيف .. ذهبت لشيخ وقال إنها عين ... وطلب مني استمع للرقيه الشرعيه وعطاني زيت زيتون + ماء مقروء عليه وتحسن حالتي ولله الحمد ... وبعد الاجازه دخلت الدوام ، ضربتني حالة خوف ... حاولت اتأقلم ماقدرت ... كل ما ادخل ماقدر اقعد على الكرسي عشر دقايق على بعضها .. كنت كثيرة الحركة .... واصيح كل وقت ... فاستمريت كم يوم وحسيت بخنقه ... فقدمت ورقة الاستقاله .. وطلبوا مني جهة عملي أن آخذ كل رصيد الاجازه للسنه القادمه .. وأرتاح وأشوف نفسي .. وانا كل يوم اشعر بخوف واذكر الله واستغفر .. وأدعي لنفسي بالشفاء وادعي للجميع في المنتدى ... لكن كل ما افتح عيني الصبح اكون تعبانه واكون ملازمه الفراش لمدة ساعه وبعدين أقوم ... فاتصلت بزميلتي في العمل وطلبت منها ان تخبر مسؤولي ان يوقع على ورقة الاستقاله لأني بعدني تعبانه ... فرفضت وقالت يمكن الله يغير حالج خلال اسبوع وانتي ماتعلمين ...! المهم بعد ماسكرت عنها قمت استخير ربي ... أن ارجع للعمل وإلا لا ... وصليت كذا مره .. وبشوف يوم الأحد شو اللي يصير ... وطولت عليك بالكلام السموحه .... |
لا، على العكس، أطيلي قدر ما تستطيعين
والحمد لله على سلامتك الفحوصات جيدة إذا: إضطراب القلب، وبقيت الإنقباضات العضلية، من ماذا؟ أنا أجيبك: من الخوف، لأنني أعرفها جيداً. سؤال: "الحركة" في أي جانب الأيمن أم الأيسر؟ حتى أقارن حالتي مع حالتك، لأني أعلم أن مابي هو نوبة خوف. سؤال: التعب طوال فترة إجازتك، ماهو؟ ملاحظة: السؤالين السابقة من أجل أن أتأكد فقط علشان أحكم وفق تجربتي ولكن السؤال المهم لأجلك: ما الفكرة التي كانت تخيفك طوال يوم العمل؟ دون حرج، أذكري كل ما كان يدور ما الأفكار في كل موقف مع كل شخص الكل، كل فكرة، أي فكرة ..... .. لا تترددي في ذكر أي شيء |
كنت يوم اغمض عيني ... ثواني وكنت أفز .. يعني بعدني ما استغرقت في النوم .. والحركه اظن من الصوبين ...
والتعب خلال إجازتي الأولى اللي كنت ابغي ارتاح فيها .. فجائيه ... ماعرف سببها ... بس مثل ماقال الشيخ عين قويه ( والله اعلم ) اما إن كنت تقصد التعب خلال الاجازه الثانيه ، اللي انا طلبيتها للاستقاله ... تعب رعشه في الجسم ... خاصه يوم افتح عيني الصبح ... بس قمت اقرأ الفاتحة سبع مرات وانفث على عمري ،، واشوف إني افضل الحمدلله .. أما بالنسبة للعمل يوم أدخل .. أحس بخوف إنه المكان كئيب ومش مرتاحه ... يمكن ضغط نفسي في الشغل ... وخاصه اشتغل بضمير ... ومافي تقدير ... ولكن مش من شخص معين ... باختصار ما احس بسعاده ... ما استمتع بأي شي أسويه .... |
بنت الظبي
الجسم يعبر عن ما يدور في النفس فمن الأفضل أن لا نقلق من وعلى الجسم حدثيني عن النفس دائماً مضغوطة و علشان أكون صريح معك، أنتي ترددتي، ولم تصفي لي إلا الآثار الجسدية وهي ليست المشكلة، لا تترددي قولي لي: ما الذي يخيفك؟ أريد تلك الفكرة |
حاليا اخاف من فكرة المرض .. والموت
الله المستعان وإن شاء الله بتغلب على هالأمرين |
هذي اعراض الاكتئاب بنت الظبي الله يكون بعونا جميعا ...
لولا أن تكون جهنم مصيري لوضعت حد لهذه الحياة المقرفة |
نديم الأثر
الله المستعان واليوم الجمعه لاننسى الاكثار من الصلاه على النبي، والدعاء لأنفسنا بالشفاء لعلها تكون ساعة استجابه وسبحان اللي يغير من حال لحال مثل ماكنا بخير ومرضنا، فهو قادر ان يشفينا من المرض و لا حول ولا قوة الا بالله |
يارب يارب يارب ريح لي بالي واشرح لي صدري ووفقني يارب ..
ألجأ لك يالله ... أريد أن ارتاح ... ابحث عن الراحه .. ابحث عنها يارب السموات والأرض .. يارحيم ياغفور ياودود ياودود ياودود نور لي دربي وسهل أمري اللهم آمــــين |
في برنامج رقية اذا تقدرين تطبيقنه حاولي ممكن تقدرين\
اسمه برنامج الشيخ عبدالله السدحان وله رقية نزليها على جوالك وزيت وماء وسدر اكتبي في قوقل الله يشفينا جمعيا يارب |
شفيق
بالنسبة لبرنامج السدحان .. انا أول ماتعبت .. وسرت الدكتور وقالوا مافيّه شي .. تابعت مع الشيخ السدحان .. لكن احد من جماعته في منطقتنا ... والرقيه كانت عبر الهاتف ... وطلبوا مني اسمعها عبر اليوتيوب ... واعطوني زيت زيتون + ماء مقروء عليه ... واصبحت افضل بقدرة الله .. ولكن من بعدها حسيت بوسواس الموت والاكتئاب يطغي عليّه .. سبحان الله وبحمده .... والآن كل واحد يقولي شي معين .. واللي اعرفه إنه عن تجارب مرضى مثلي تشافوا بالاستغفار من غير أدوية ( طبعا بقدرة الله ) وأحد من قيام الليل والصدقه وقراة القرآن .. والبعض يطلب مني قراءة سورة البقرة .. لكن طريقة السدحان أن لانقرأ البقرة لأنه لو المريض فيه شي مايحرق العارض ولكن علاجهم بالهدايه ... |
| الساعة الآن 12:58 PM |
Powered by vBulletin® Version 3.8.11
Copyright ©2000 - 2025, vBulletin Solutions, Inc.
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.
المواضيع المكتوبة لاتعبر بالضرورة عن رأي الموقع رسميا