|
خلاص تعبت تعبت تعبت
السلام عليكم
اخواني خواتي ودي اكتب لكم وافضفض شويه لاني تعبت واختنقت وربي الوحيد الي يعلم بحالتي انا من فترة خمس سنوات تقريبا من بعد ماتخرجت جاتني حالة اكتئاب راجعت طبيب نفسي كتبلي ادويه نفسيه ومنوم لانو كان يجيني ارق خفيت فتره وبعدها رجعت انتكست وراجعت طبيبه ثانيه قبل سنه تقريبا كتبتلي ادويه ونفس الحاله تحسنت فتره ورجعت الحين بس يمكن لاني تركت العلاج الي كتبته لي الي هو الفلوزاك تعبت من هالادويه لي خمس سنين مانام الا بمنوم واذا ماخذيته يجيني ارق يعني لين متى وانا على هالعلاجات ! ابي اعيش مثل الناس ابي انام بدون منوم ابي اعيش بدون حبوب نفسيه الخوف والوساوس ذبحوني ابي ارجع مثل اول الحمدالله انا محافظه عالصلوات والاستغفار والدعاء انصحوني وش اسوي اكثر شي معذبني الخوف كيف اتخلص منه احيانا افكر واقول ياليت الانتحار حلال عشان ارتاح من هذل كله احس حياتي كلها مالها معنى ياريت تدعولي بالشفاء والفرج بصلواتكم وباوقات دعائكم اعتبروني اخت لكم واسفه طولت عليكم |
السلام عليكم .. لا تقلقين أكثر الي عندهم اضطرابات نفسبه يعانون من الأرق وأنا منهم .. بس اشي المهم في الظروف هذه هو إن الإنسان يزيد تعلق بالله .. وبقولك شي اختي حتى لو صليتي و دعيتي وستغفرتي ..
ليش حنا نربط العباده بالطريقه هذه مع المشكله طيب الله سبحانه استجاب لك في اشياء واجد ومشكلة الأرق مأخرها شفاها لك لخيره يمكن أنتي ما تعرفينه .. توكلي على الله وخلي الظروف هذه تزود تعلقك بالله وثقتك فيه فالله سبحانه يبتلي عبده يشوف هو يصبر ولا لا.. عليك بملازمة الدعاء والأكثار من ذكر الله |
الله يفرج علينا جميعا يارب
نحن متعلقين بالله ، الحمدلله ، لكن لازم نصبر ونصبر ونصبر ، لين الله يريد تفريج الهم http://www.youtube.com/watch?v=b4KmODVAZSk |
الله يصبرك اختي ..
الاكتئاب صار معاك بعد تخرجك بس يعني ما جاكي قبل .. هل أنتي موظفه ؟! |
اختي مناهل
لقد مررت بوضعك واعرف حجم الالم والمعاناه التي تعيشينها اختي انا عندما كانت نوبات الاكتئاب تصيبني لم تكن للحياة طعم وليس للصلاه ولا الداء تلك السكينه التي اجدها في وقت التحسن وذلك كان يؤلمني اكثر ويشعرني بالذنب ويزيد من حده الاكتئاب لدي اذا كان هناك شيئا يساعدكم فالتواصل مع احد يفهم وضعك ويقدره فالكلام سيخرج بعض تلك الالم للراحه ، اعلم انه لن يزيل ذلك الشعور الكريه لكنه سيخففه تحدثي مع امك او احدى اخواتك ونحن هنا في المنتدى لمساعدت بعضنا البعض ان احتجتي شيئا بعد البكآء قد تصاب النفس بقليل من الراحه احيانا مشاهدته مقاطع مضحكه علـى اليوتيوب كان يساعدني في نسياني المي موقتا جربي اختي على وعسى تستفيدين لكن لا تياسي ولا تفكري بأذيه نفسك فتستشعرين سخافه الفكره عندما تزول هذه الغمامه من حياتك اصبري فان لم تزل اليوم فستزل غدا ان شاء الله لاتستسلمي له ولا تقاوميه دعيها تمر عليك مرور الكرام ذلك يقلل من الالم كذلك هذه النصائح التي خرجت بها جراء اربع سنوات معاناه مع الاكتئاب اتمنى ان تستفيدي منها وذلك سيفرحني كثيرا جربي طرقا جديده للترويح عن نفسك لكن لاتستسلمي لتك الافكار السوداويه التي يلقيها الشيطان في نفسك واذكري اختي نحن هنا معك واي مساعده انا حاضره اتمنى لكي ولنا جميعا الهدايه والشفاء وراحه البال |
اقتباس:
كان يجيني اكتئاب قبل تخرجي بس بسيط ويزول بسرعه لا لست موظفه توظفت ثلاث شهور وانفصلت من العمل قالولي عندك مشكله بالتواصل مع الناس مع ان علاقتي كان جيده مع الموظفين صح فيه مشاكل بس هذا الي صار وبعدها قلة ثقتي بنفسي وصرت اخاف اتوظف وظيفه جديده وانطرد |
اقتباس:
او بالمنتديات طلعاتي قليله روتين ممل مافي اي شي جديد واي جهد اسويه بتعب احس جسمي ضعيف وروحي من داخله ضعيفه والله المستعان اشتكيت لامي واهي لين طفشوا مني قلت خلاص ماراح ازيد همهم هم ياريت اقدر اغير من نفسي للافضل |
يارب يارب ياقريب يا مجيب الدعاء اسألك بأسم العظيم أن تشفيها وتشفينا وترزقنا السكينه والطمأنيينه والعيشة الطيبه في الدنياء والأخره
|
اختي الفراغ الي صار لك بعد التخرج احد الأسباب للاكتئاب .. انصحك تحاولين وتدوري لك وظيفه ثانيه ،وبعدين لو انك قايمه بشغلك ومهتمه فيه ما راح تنفصلي ان شاء الله حتى لو ما عندك تواصل مع الناس الا اذا كانت الوظيفه تتطلب تواصل ، يمكن ربنا ييسر لك ، و يخف الاكتئاب .. الله يوفقك
|
أختي هذه اﻷعراض الكثير منا يشترك فيها لكن هلا حدثتينا عن السبب الحقيقي وراء مرضك.....أسأل الله الشفاء العاجل لنا ولك.
|
اقتباس:
دورت وظايف ماحصلت والله كنت قايمه فيه بأكمل وجهه لكن حسبي الله على من كان السبب |
اقتباس:
يمكن المشاكل الي بالبيت والروتين وتاخر الرزق والامور كلها معاكستني وكثير امور |
اقتباس:
|
طيب راح احاول اكتب الي مضايقني
المشاكل الي بالبيت من الصغر بين الاهل سبب لي الخوف حتى من فكرة الزواج الفشل في الوصول الي تحقيق اي حلم من احلامي خلاني ضعيفه حيل بقاء حالي على ماهو عليه ومرور السنين والناس الي حولي وكل معارفي تغيرت حياتهم للافضل وهذا الشي الي قاتلني مو حسد بس ليش الكل وانا لا مع اني مو ناقصه اي شي الخوف من المستقبل وقلة حظي الارق والي يضايقني اني اصبحت ماانام الا بمنوم |
اقتباس:
|
برأي حظوظهم ماشالله جيده
|
اقتباس:
|
طيب الي هو ايش ؟ !!!
بتقولي ثقتهم بالله ودعائهم انا عارفه كل هالاشياء ولكن وش السر قبولها |
اقتباس:
|
الله يهنيهم ويسعدهم ومااحسدهم وربي بس انا تعبت كثير
وابي ارتاح انا معد فيني قوه اقاوم اي شي بخاف من اي شي افكر فيه معرف شي غصب عني مو بيدي يعني صعب تكون بمكان انت واشخاص فجاه هم يتغيروا للافضل وانت جالس مكانك اتمنى تفهموني انا مااحسدددد احد بس ابي اعيش مثلهم خصوصا بنت مثلي بشبابها صعب تجلس كذا طول عمرها من دون اي شي وكل مااقبلت على خطوه رجعت عشر خطوات لورى |
أنا فاهمك أختي والله أنا فاهمك..بس أنا أردت أن اتدرج ممعك حتى تستوعبي جيدا وبهدوء وانا والله عارف انك ﻻتحسدين احدا لكن انت تريدين ان تتحسن امورك كما تحسنت امورهم..انا فهمك فافهميني انت وﻻ تعتبريني الومك وﻻ حاجة ..اعتبري اﻷمر دردشة مع أخوك اﻷكبر ياﻷه سيبي عليك اﻹحباط ﻷنو حيزيد محنتك..اعذريني ﻷني كلمتك زي اﻷلغاز لكن لمصلحتك ..نرجع لموضوعنا وثاني أقول لك اعتبريها دردشة وان شاء الله حيكون ما يسرك..اذا جاوبيني هل يجوز لك تتمني اﻷشياء التي عند الناس الي ترينهم احسن منك؟؟
|
لاعادي خذ راحتك
جوابا على سؤالك ممكن اتمنى مثل الي عندهم واعيش مثلهم |
مرحبا اختي اسأل الله انا يشفيج
انا امشي على خطوات عشان اساعد عمري، لأنه مثل ماقلتي اللي حوالينا طفشوا، ويشوفون الموضوع ممل، كل يوم تكررينه، لأنهم مايحسون بحجم الهم والكتمهاللي على قلبنا. انا من فترة قلت بمشي، مع اكل الموز يوميا والجوز لأنه يخفف من الاكتئاب، اطلع مع ناس وانا مب مبسوطه ولكن اجبر عمري لانه تنسين اللي فيج 10% ادعي لنفسج بالشفاء وابتسمي انه يكون عندج يقين بالشفاء لأنه مافي شي يدوم، اكثري من الاستغفار، اختي انا اسوي هالامور، وتيني فتره اقول ما اتحسنت لكن الشيطان يبغي يهد حيلي، عقب اقنع نفسي بالاستمرار، اسوي تمارين الاسترخاء. وأرد اصيح ومحد يعلم غير الله، وانا اعاني، لكن قلت بستمر، وآخر شي قبل ما اشوف موضوعج كنت ادعي الله ان يشفيني وفي نفس الوقت اتخيل الناس اللي عايشه حياتها واقول طيب ليش انا اسوي بنفسي جيه، خلني اتغير، وعقب قلت خلاص انا بشكي لله وبس ، بفوض أمري لله وبتوكل على الله، يعني كل بتركه له وهو حسبي وعالم بالامور. والله يشفيني ويشفيكم جميعا يارب. |
اقتباس:
|
اقتباس:
|
مرحبا اخويه كلنا نعاني، وانا اريد الشفاء للجميع، يمكن انت مافهمت قصدي، محد داخل للنزهه
|
اقتباس:
|
مسالتوش ليه ربنا خلق المعوقين والمكفوفين واللي نايمين ف المستفي بكنسر والعياذ بالله وغيره من الامراض احمدوا ربكم صدقوني هيكون في تحسن بالنسبه لنا التحسن شفاء
|
اقتباس:
كلك ذوق اخي الكريم، ومن كثر ما اعاني حتى فكرة الانتحار جت على بالي، لكن استغفر ربي واحاول اشوف حل لهذا الشي، ولأني أعاني فأحس بكم، وأقول خلني أطرح لهم النقاط اللي بتخلصهم من هالاحساس، اتمنى من الله الشفاء لكم بسرعه يمكن طريقتي غلط في طريقة سرد الكلام، ولكن اعتذر للجميع |
اقتباس:
|
حبيبة قلبي مناااهل لم أكن أعلم عن المرض النفسي وعالمه الآن أفكر في إكمال دراستي لكي أساعد كل مألوم من الأمراض النفسية اعز الناس عندي مصاب بالإكتئاب يتناول أدوية كثيرة ما يقارب العشر حبوب يوميا وأسأله ما تزهق من أكل الدواء يوميا يقولي تعودت إجعلي مرض الأكتئاب صديقاً لكي واستعيني بالصبر والصلاة وذكر الله واطلبي من الله أن يشفيك والله قادر على كل شي تأقلمي مع مرضك إجعلي لك صديقة مقربة لك تشكين لها همومك كي تنفسي عن نفسك أنا هنا وأعضاء منتدى الإكتئاب من أجلك غاليتي ضعي هنا كل همومك وقلوبنا مفتوحة تستقبل كل ماتبثيه لنا تأكدي أننا نحبك كثيراً ونشعر بمعاناتك وأدعوا في صلاتي لأعز أنسان على قلبي زوجي ولن أنسى كل مريض الله يشفيكم جميعا وتعيشون حياة بعيدة عن الإكتئاب وفقك الله
|
اشكر كل من رد علي
وان شالله راح ارجع ارد على كل شخص لاني مقدر اعلق او اكتب شي تحياتي لكم |
الاكتئاب مرض عصي ع الشخص لا يحس بطعم الحياة وجسد بلا روح هو ذلك الانسان عندما يصاب بالاكتئاب ..
أختي مناهل انا كنت مصاب بالاكتئاب وحالة شديدة .. انتظمت ع البروزاك وخلال شهر واحد فقط راح عني الاكتئاب لكن إلى الآن وبعد مضي 6 شهور لا زلت استخدمه ولكني خفت الجرعة .. تمنياتي لك بالشفاااء |
اقتباس:
الحمد لله أخي الذي شفاك وعافاك ...واعلم أخي أن الأعضاء هنا يحتاجونك لتشجعهم وتغرس فيهم باذن الله بذرة من الأمل تعطيهم دفعة معنوية...شكرا |
مرحبا رجعت لكم بعد غيبه
واعتذر على غيابي للأسف الاكتئاب زاد عندي ورجعت فكرة الانتحار ترادودني مدري وش اسوي حاسه بضيقه بداخلي مو طبيعيه بسألكم بس رجاء الي متأكد من جوابه يجاوبني انا مقدر اروح اراجع طبيبتي النفسيه لظروف وسمعت عن البروزاك انو كويس ينفع اخذع بدون استشارة الطبيب ؟ واقدر استخدم معاه علاجات نفسيه ثانيه ؟ |
ارجوك راجعي طبيبتك هي التي ستتبع حالتك..اخذ الدواء النفسي بدونطبيب يعد مغامرة..افرضي ان الدواء لم يناسبك فما الذي ستفعلينه؟؟هل سترجعين الى المنتدى تسألين اﻷعضاء؟؟!!اﻷعضاء ليسوا أطباء..انصحك تقرئي موضع الحوراني المثبت فوق اسمه وصف عشوائي للدواء..بالشفاء العاجل ان شاء الله..
|
راح احاول ان شالله اروح لدكتورتي
اقرب موعد الاسبوع الجاي والله يصبرني |
بالتوفيق ان شاء الله
|
السلام عليكم ورحمة الله وبركاتة
اخت مناهل لا تقنطي من رحمة الله اذا كان لك خمس سنوات انا لي اكثر من عشرين سنة جربت جميع ادوية الاكتئاب والحالة متأرجحة بين طلوع وتزول حتى اتى فرج الله وحصلت المشكلة التي لم اتوقعها التي سببت لي الاكتئاب طيلة عشرين سنة وهو نقص في فيتامين دال ماعليك الا ان تذهبي لاقرب مستشفى وتعملي تحليل وسوف تدعيلي |
أنا ماأبغى أوصف لك العلاج حتى لا أتحمل مسئولية عواقبه .. لكن البروزاك يعتبر الدواء الأول للاكتئاب ونفع مع حالات كثيرة ..
أنصحك تستشيري الدكتور في تناول البروزاك والأهم من ذلك الاستمرار فيه وعليك معايشة الاعراض التي ينتج عنها فهي خفيفة جدا .. بورك فيك وشفاك ربي إنه سميع عليم .. |
| الساعة الآن 10:30 AM |
Powered by vBulletin® Version 3.8.11
Copyright ©2000 - 2025, vBulletin Solutions, Inc.
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.
المواضيع المكتوبة لاتعبر بالضرورة عن رأي الموقع رسميا