الحل الأكيد للخبز الثريد
 

كان العنوان اللي فوق هو آخر إشي فلسفي بكتبو يعني فصيح ... بدنا يا خبز بالصلاة عالنبي محمد ننشلك من هالكآبة يا خوي .... شوف ... من اليوم و طالع بحترم حالك و تظلكش تتفلسف و ما تظلك عاملي فيها القلقشندي و لا القشلقندي مش عارف شو اسم ابوه .. المهم ... رح أعلمك في سلسلة كيف تتكيف قدي تمشي مع عالعالم قصدي هالدنيا ... بدي أخلي دماغك قصدي مخك زي الصفحة البيظة .. إذا بترجع تحلل إشي بدي أخبط على راسك... إذا بترجع تستعرض في نفساني او في اي مكان ثاني بدي اوديك تتعلم كهربجي سيارات عالكراجات .... اذا برجع و بلاقي تحت مشاركتك اي دليلك انو حظرتك عملت تعديل بدي احرمك من الكتابة... لازم ترجع امي ... اصلا كل اللي بتكتبو خرابيط و بلاش الخطوط تتكبر و لا الوان و لا ما يحزنون.. بدي اعلمك الحياة في الشارع كيف ماشية يا خبز ... بدي اياك تصلي و تصوم و تخاف ربك بس و غير هيك بدي اياك تدلع حالك ... اترك هالكتب الفاضية و هالمواضيع التافهة و هالقوالب قصدي هالمقالب اللفظية و تعال نسولف في الخرابيط .... الكلام الشعبي على راي سعيد صالح .... أجا حبك للطاحون يا خبز .. هسا انتا رجعت قمح ... بدي اطحنك من جديد و اخليك بدل خبز فتة و معها ثوم و كوارع كمان :)

اليوم يا خوي بدنا نعطيك مهمات قصدي شغلات تعملها .. إحم ... واحد : بتروح مشوارك مع الشباب و إوعك تقول بدي اعزمكو على قهوة... انشالله السم الهاري الك و الهم ..طز فيك و فيهم انشالله ما شربت لا انتا و لا الشباب

إثنين : لما اليوم تروح تشتري الأغراظ اللي بدك تبعتها لأخوك .. إوعك تستنا البياع يحكيلك تفظل ... بتخش بسرعة و بتطلب .. البياع مشغول مش مشغول مش مشكلتك انتا زبون جاي تشتري بمصاري مش شحاد

أربعة .... مش ثلاث ... اربعة و بلاش الهمزات الله يرظالي عليك .... بتعبي الصوبة كاز و بتغسل ايديك من الكاز كويس و ما تستنى للوظو ... طيب يا خوي ... انظف الله لا يتيرلك :)

خمسه ... بتشوفلك مسلسل تركي و بتابعو طيب ... حتى اذا فنزويلي بكون احسن.. و بتنزل عسوق الدي في ديه و بتجيب افلام اميتان بتشان كلها و اوعك تعلق و لا حتى بينك و بين حالك على صوت البوكس في الفلم طيب يا خوي مش ناقصين نقاد هيهم في مصر بالملايين طيب يا خوي .. كمان ... بتقرأ الجريدة اليوم عالنت صفحة التسلية كلمات متقاطعة ... شوف اخبار هيفا و شوف اخبار حماقي و لا حناقي هاظ ماشي يا خوي... طيب و لا تظلك تفكر في الاحزاب اللبنانية و تفتح موظوع مع علي عن حماس و فتح احكي عن اللادا سمارا و خليه يحكيلك ايش يعني الماطور كشنت .. طيب ... اسمعت .... و لا بغظب عليك

سادسا : آه صحيح .... سواق التكسي مش ابوك و لا اخوك لا تحكي معاه كثير و حرام عليك .. لا تحكيلو عن شو قال الالماني لما زار الاردن و حكى عن ازمة اخلاق في صفوف السواقين مش ازمة سير .. كل مرة بتعيدها .. يا اخي تحكيش معاه عن اي اشي ... اصلا هو ما شافك الا لما اشرتلو و ما راح يشوفك الا و انتا بتعطيه في المصاري طيب ... و اطلع عالعداد بس تيجي تنزل ما تقولو "أأمرنا يا طيب"!!!! هو باقي عمتك و لا خالتك؟!!! بتشوف العداد طيب و لا العداد مش عورة طيب ولا !!!!!!! و لا تعطيه شلن زيادة قصدي شلم زيادة ماشي و لا

اهلين اختي القلقشدني :و أبو العباس شهاب الدين أحمد بن علي بن أحمد القلقشندي ثم الفزاري نسبة إلى قبيلة فزارة الغطفانية العربية، ولد في قرية قلقشندة بمحافظة القليوبية سنة 765 هـ.
درس في القاهرة والإسكندرية، وبرع في الأدب والفقه الشافعي، وذاع صيته في البلاغة والإنشاء، مما لفت إليه أنظار رجال البلاط المملوكي، فالتحق بديوان الإنشاء في عهد السلطان الظاهر برقوق سنة 791هـ، واستمر فيه حتى نهاية عهد برقوق، أي حوالي عام 801هـ.

سابعا : اليوم بتنزل بتشتري صحن مشكل من وسط البلد : طحال , نخاعات , لسانات , فشة , لحمة راس و من على البسطة بتوخذ خمس قرون فلفل مش 1 بس 5 هاذول سرفيس يعني خدمة محل ... و بتطلب رغيفين اضافي و ما تصر تدفع حقهم طيب و لا .. بعدين يا خوي البياع مش مستني يعرف من حظرتك انك تخبرو إنو طيب ... بلاش " تسلم يا طيب " هاي اللي ذبحت اهلنا فيها ... يا بتتربى يا خبز يا بوديك عالوحدات بخليهم يدقولك وشم الجمجمة على قرعتك !!!!

ثامنا : بتفاصل يا خبز كويس بتفاصل و بتنزل السعر من 20 إلى 3 دنانير ... و لا تشتري الإشي إلا إذا كنت مخلي صاحب المحل يعطيك اياه بس عشان يخلص من زناختك ... حتى لو أدى ذلك لجعل صاحب المحل يمسك القداحة و يولع في القطعة ....
تاسعا: المرة الجاي بس تشوف شابين بيضربوا بعض في الباص ... بتعمل زي كل الناس في الباص ما بيعملو في مثل هيك حالات ... بتفتح موبايلك و بتلعب زوما .
عاشرا: ارجيلتك اللي عليها لاصق تيب خليها بس تخرب بالمرة ... مش كل طعجة صغيرة في الستانلس بدنا نجيب ارجيلة... .
أحدعش : مفاجئة وطنية يا خوي ..... نفق المشاة اللي شفتو داخل المستشفى و إلو شارع مستقل طلع مش نفق مشاة ... طلع مدخل المشرحة يا كبير ... بتصير تشتري قهوة و بتوقف غاد من اليوم و طالع في وقت فراغك و ايام الجمع بعد الصلاة عشان الخوف من الموت ما يرجعلك يا ضنايا يا خبز ... شد حالك ولا

إطنعش: لا تظلك ترجع للموقف اللي تعب نفسيتك على باب السينما .... شاب و بنت حاملين البوشار ... هي بتقولو مطول الفيلم صح؟ و هو بيرد عليها " دقائق الإنتظار بنقظيها في أكل البوشار"!!!!!!

بيجوز يكون احسن منك و انتا ما بتحاسبو و انتا بصراحة كرهتو عشان عندو اللي مش عندك ... و صف و اعطي غماز و انا كاشفك يا خبز

ثلطعش: من اليوم و جاي يا خوي يا خبز .. كل ما تنجاب سيرة هتلر بدك تترحم عليه و تقرا لو الفاتحة زي كل العرب يا حبيبي ماشي ... و اوعك تحكي عن صدام انو كان ظالم طيب يا خوي ... بتخلي هالفلسفات إلك يا عيوني ...

أربعطعش: الهامبورجر يا خوي خبزتين مدعبلات فيهن لحم خنزير لأنو هام معناها خنزير ... هيك لازم المعلومة تكون عندك ... زي ما هي عند البشر طيب يا خوي ... انسى انو الهامبورجر مشتق من اسم مدينة مشهورة في المانيا ... المانية مين يا زلمة!! إحنا ناقصين مفاصيم!!! هو انتا بتدرس قاعد في معهد جوته!!!! انتا قاعد مع حفرتلية .... لا تحاول تخليهم زي محمود درويش بلاش يخلوك زي محمد البو عزيزي.... طيب يا خوي !!!!

خمسطعش: المرة الجاي اذا بترجع بتشرح لزملائك في العمل الي كلهم معهم بكاروليوسات إنو سيدنا موسى مش عربي و ما كان يعرف عربي و إنو سيدنا نوح مش عربي و ما كان يعرف عربي و انو مصر و العراق و المغرب صارت عربية بعد الإسلام .... اذا بترجع تشرح هالحكي رح ارفع عليك قضية و اقول عنك انك بتطعن في العروبة و الأنبياء.... ولك اذا هاذول مش عرب .... كيف بدهم يدخلوا الجنة؟!!!!!!! اصلا اسمائهم عربية عيسى و موسى و يونس كلها اسماء عربية

ستطعش: معك خبر يا خبز انو سنة التسعين صار لها 23 سنة خالصة؟!!! معك خبر و لا معكش؟!!!

سبعطعش: معك خبر انو فيه ناس بتسلم على بعض كل يوم و بتطلع مع بعض و بتزور بعض في المناسبات و بتهادي بعض هدايا و هم كلهم بيكرهو بعض و بيحفروا لبعض و بيغاروا من بعض؟؟؟؟!! هيني خبرتك إذا لسه ما معك خبر يا حبيبي يا خبز

ثمنطعش: قال إيش " أحسن إلى الناس تستعبد قلوبهم ... فطالما استعبد الإنسان إحسان"!!!!

إحذر من بيت الشعر هذا .... فيه بشر يا خبز لو بتعطيه عينيك ما بيحس باللي انا و اللي زيك بيسموه الإمتنان ...

بدك الناس تحترمك .... اخترع لحالك ميزات و اخترع فلسفة في الحياة مثل فيها القوة ... قل لهم "لا عيوب عندي ".. قل لهم " انا واثق من نفسي" لا تعترف باخطائك .... لا تنتقد سوى الضعفاء ..... رافق الأقوياء حتى لو كانوا ظلاما .... هكذا تحترمك البشر يا خبز ..... يا زلمة باليوناني الفصيح ... الناس مدودين و كله عيوب بس ما بيصارحو البشر فيها هاظا هم مفتاح النجاح و ترجعش تتفلسف بلاش يصير زعل يا خبز

تسعطعش: يا خوي يا خبز ركز معي ..... الناس بتكره اللي دايما بيشكي يعني على رأيك اللي دايما يتألم .... الناس بتحقد على المتألمين .... بيقولو يا حرااااااام .... بعدين بيصيروا يتطلعوا في بعض و زوايا أفواههم على رأي مصطلحاتك يا خوي ترتفع للأعلى يعني لفوق يعني ... قول بيتبسموا و خلصنا .... الناس يا خبز حتى اللي بيصلوا الفرائض و النوافل .... بيحبوا الحياة يا حبيبي... البنات بدهم عريس مليان ثقة و قوة يا روحي .... طموح و شغيل .... الناس ما بتفهم الألم النفسي يا عيوني يا جاتوه ... ف دير بالك لا تضل هيك يا روحي ... هي الأستاذ الحوراني تحت بيشاهد الموضوع يا حبيبي ... يلا ... أنا رايح ... خلي فلسفتك تنفعك في التحقيق الإداري يا كبييييييييير :)

تسعطش ،،، والله اني قرأت كل كلامك كلمه كلمه ،،، هههههههههههههههههههههه

لكن المشكله يا خبز انه كلامك مش الكل فاهمه هون ،، يعني صوبة ، وحدات ، حفتليه ، شلن ، ومو ناقص غير طلوع المصدار

وسوق السكر والعبدلي والبلد ومش عارف شو ،،

المهم يا خبزنا الحبيب ،، نغاشتك هاي حلوه مقبوله كثير ، يمكن تخليك ترجع طحين ، او ترجع قمح ، ولو شديت حالك شوي بترجع

على البيدر ،، يعني بيزرعوك بالبيادر يا حبيبي ،، وبتحصد حالك من جديد ، ويمكن تصير جريش او خبر جافر او ثريد ،،،

المهم ،، ترجع خبز ، خبز مشروح واسع مو على الصاج ، وانت عارف المشروح وهو ساخن كيف بيكون ، الكل يحبه ،، عشان

هيك تعال مشروح واسع ، وكل الناس تحبك ،،،، خصوصا مع قرون الفلفل تبعك هههههههههههههههههههههههه

و الله يا أستاذ الألم ... الألم ... يعني كلمات تخرج على طول من الدماغ للمفاتيح .... فضفضة و انتهت بسنا التوبة

فضفضه رائعه بنكهة اردنيه ،،،

بصراحه خلتيتني اتجول بوسطج البلد من كلامك ،،،

وجاي على بالي اروح هاشم وافطر صحن فول بالشارع ، مافي طاولات ،، أزمه هههههههههههههههه

وفحل البصل نص كيلو هههههههههههههه

سيبك من الدنيا ، لا تركض وراها ،،، خليها هي تركض وراك ،، يا زلمه هاي الف باء الحياه ،،

صار عنا في عمان باص سريع ... من كثر السرعة ما بتشوفو اخوي الحوراني

فضفضة جميلة و ساخرة و بسيطة . عفوية .. حبيتها كثيييييييييير ...
و حلوة لأنها بلهجتك ..

هههههههههههههههه

المهم انه ما نشوفه اخوي خبز ،،، الباص السريع يمشي على الهوا وبالهوا ،،

صحيح من وين لوين اتجاهه ،،،؟؟ سمعت انه من تحت لفوق ؟ ههههههههههه

فضفضة حلوة عفوية اخي عماد ،،

ان شاء الله بس ترتاح عليها

بتعرف يا عماد ،،

هذا الجيل لهم طريقه بالحياه تختلف عن زمان ،، صار كل شي يعملوه بنغاشه ،،،
بدليات ، نغاشه ، هزل ،، هزل وغزل بالفقر وسوء الحال بذات الوقت ،،

المهم هون ،، ثمانطعش ههههههههههههههههههههه وتسعطعش ،،، والله ما خطرت
ببالي ،،،

و عشرطعش كمان اخي الحوراني ههههههههه

شرفتيني اختنا

طيب قول لي ياسيدي

لو الواحد طلع مع الشباب ،، قال شو ؟ رايحين يشربو قهوه ،،، فنجان القهوه بثلاث ليرات ،،

طيب يعني هي القهوه ما تنفع تنشرب قدام الدار مثلا ؟ او فوقها ، او حتى بضراب الطبل ، مو

شرط مقهى يعني ،،، ليش هالبعزقه الفاضيه والناس موكله هوا ،،، والأرجيله بليرتين ، نص

المعسل نشارة خشب ،،

اما التكسي ،، طيب كويس لو سايق التكسي تكلم معك ،، سايق التكسي صار هالأيام من اصحاب

الشهادات العليا ،، وكلهم جاهل ومتعلم يشتركو بذات الصفه ( كذابين ) ،،،

بتكون راكب معه ،، يحاول يلفت نظرك بالأول انه حاط التلفون على الصامت ،، وشوي يحطه على

اذنه ،، الوووووووووووو ، ولك وينك صارلي يومين ما شفتك ،، قال يعني بتكلم مع بنت هههه

أبو عمر صحيح سؤال يمكن يكون الأفضل عالخاص ... ما هي دراستك ... تخصصك .... طبيعة عملك .... حب معرفة لا اكثر و لا اقل ....

والله بعض الكلمات مانى فاهمتها بس حاسه الحكايه من أولها لأخرها يعنى خليك مهوى فى الدنيا دى ههههههههههههههه
اللهجة دى لهجة اردنيين او فلسطنيين ؟
الحورانى والله تنفع تشاركه رهيب ردك بذات يرجع طحين ..

هلا اخوي عماد

راسلني على الخاص بهذا الشأن ،،،

هذه اللهجة هي لهجة بيضاء هي لهجة أهل عمان .... لا تعرفين حتى انا لا اعرف هي لهجة من منهما .... اختلطت اللهجتان القريبتان من بعضهما البعض لتكوين لهجة واحدة تستعمل في الكثير من مناطق التوأمين

هلا عايشه

تقدري تقولي انه فضفضه للأخ خبز تحت المطر ،،،

فضفضه او طحين قمح أو قمح طحين ، والله ما بعرف هههههههههههههههه

المهم اللهجه أردنيه ، وترا اهل فلسطين يتكلمو نفس اللهجه ،،، مافي فرق

كله بالغسيل صابون ،، وكلهم من نفس العلبه هههههههههههههه

اشوى تحس انها ثقيله بس حلوة بذات طعش طعش

هههههه هي ليست ثقيلة لكن صاحب الموضوع ثقيل وزن و ثقيل دم أيضا ... الله لا يسامحك يا خبز ... جرستنا يا ولد

اجل كمل معاه الحبكه عاد انت تتفهم هههههههههههههههههههههه
فعلا اللهجتين متقاربه ..

لا لا تقول الله لا يسامحك الله يهديك حتى لو نحنا غلطنين نتمنى من الله العفو والصفح ..
موضوعوك مو ثقيل بس الكلمات والله ..بس اهم شئ إننا فهمنا النص لا بل الثلاث ارباع لا بل المقصد ودى الاهم الخلاااااااااااااااااااااااصه ما يستفاد ..بارك الله فيك

هي ليست كاللهجة المصرية الرااااااائعة التي يفهمها الجميع

" الحظ لما يآتي يخلي الاعمى ساعاتي"

" قليل الحظ بتتطلعلو العضمة في الكرشة"
ههههههه

" قالو علينا ديابة و احنا يا ناس غلابة يا مغنواتي غني حكايتنا عالربابة"
هههههههههه