|
اصحاب الهلع الحلوين وبسسس
السلام عليكم .. اخواني المهلوعين اخواتي المهلوعات ... بما ان حالاتنا متشابهه في الاعراض واذا انتم مثلي تحبون تفضفضون لبعض ودي انا نستفيد من تجارب بعضنا في المنتدى وكل واحد يشجع الثاني لان اللي حولنا ملووووو من تشكينا لهم خلاص صارو مايهتمون والله ياخواني صارت تجيني نوبة الهلع وانا حالتي حاله واللي عندي يتفرجون على جولاتهم ولا احد مهتم ..... بس اللي ابيه منكم كل واحد يكتب كيف تبدا معاه النوبه بمعني ماهو الشعور اللي يجيه وبعدين تبدا نوبة الهلع وبعد النوبه وش الاحساس المستمر االي يكون ملازمه طول الوقت نبي نستفيد ونصبر بعض لان اذا واحد شاف اعراض الثاني تشبه اعراضه يتشجع ويحاول يتجاوز ........ وبكون عنده عزيمه.. وبأذن الله قريب نخلي اسم المنتدى المتشافون من نوبات الهلع بأرادتهم القويهl,uiture67
|
ياااارب ياكريم تشفينا
والله اخر مره جتني قبل اسبوع تقريبا و انا بالمطعم وإحساس خلااص بدوخ وخفقان و بديت ارتجف و غثيااان الدرجه طلعتهم من المطعم😭 و طبعا النوم من أصعب الاشيا عندي بعد النوبه الحين لي اسبوع اذا جيت انام اكون خايفه و مو بالسهولة انام و يجيني احسسسااس ان انتي مو وسواس انتي الي فيك شي صدقي وحاليا بعد النوبه ملازمني النغزااات وصح شعور يقولي هذي المره غير😭 يارب بس يطول عمري و عمركم |
ميوي انا كذا مره صارت لي النوبه وخاصه في المطعم ما اعرف ليش
حتى ذكرت الموضوع قبل للاخت امل الروح وغيرها من اشم الاكل اكثر اتعب ودقات قلب بس حسيت بعد فتره الموضوع سخيف مع انه ترد الحاله احيانا بس التطنيش افضل علاج |
بنت الظبي
طيب يجيك احساس ان هذي الاحساس هالمره غير و صدق😭؟؟ |
نبي تفاعل الاعضاء بذكر تجاربهم
|
ام شجاع انتي قولي لنا عن تجربتك
|
اقتباس:
بس قمت افكر لي متى ؟!!! في احد الاعضاء نصحني اني اتحدى الموقف بحيث لو كنت برع البيت وحت النوبه اني اظل بمكاني لكن قلت صعب ، يمكن يغمى عليّ جدام الناس وقلت اللي يصير يصير شو يعني الناس يعني نراعي بزياده ، اهم شي صحتي وبعد فتره ماتحركت من مكاني على اساس اكسر اللي فيني |
انا كانت البدايه دوخه وبعدها خفقان وحسيت انه الموت وبعدين صار يجيني على فترات وبين النوبات ماكنت اعاني من شي اما اللحين صار لي كم شهر الضيقه وعدم التوازن والدوخه والاحساس بقرب الاغماء والم بعيني صار ملازمني طوووول الوقت الدوخه وعدم التوازن والتنميل اكثر شي مزعجني
|
انا يجيني لما اطلع برع البيت واحس بكتمه وضيقه ومالي خلق اجهز وكل افكر اشلون باروح وانا ارتجف او بيغمى علي او بتجيني حاله هلع بس في النهايه عرفت ان لازم اتجاهل الاعراض والي كاتبه بيصير . واخذ نفس واتحرك من مكاني . اذكر من شهرين كنت رايحة البحرين مع خواتي وحنا راجعين جاتني الحاله ماقدرت اكل دخلت الحمام اغسل ويهي حسيت ان خلاص نهايتي قربت وجهي صار احمر وانا انتظر متى ارجع قطر وكل شوي اروح الحمام دوخه وعدم توازن وبطني يعورني لا وزادت علي وحده بالطياره لاعت جبدها و و و مابي الوع جبدكم هههههه المهم كرهت نفسي هاللحظه وكرهت السفره كلها . اضطريت اخذ علاج وانا مب حابه لكن ماقدرت استحمل الاعراض تعذبت . والحمدالله رب العالمين. المهم ام شجاع اشتقت لج شخبار العرس ههههه😀😀😀
|
اهليييييين ام سيوفي تمام الحمدلله .. ام سيوفي ماذكرتي لنا بداية الاعراض وماهي الاعراضرالمستمره
|
ام سيوفي ايش الحبوب المهدئة الي تاكلينها و تنصحينا فيها؟؟
|
اتصدقون حتى انا اكثر شي تييني في المطعم ليش في رايكم ؟؟؟؟؟؟؟؟؟؟
|
انا البدايه تكون خفقان و دوخه وأحس اذا وقفت ادوخ و
الدنيا تسود في عيني احس ما اشوف الا سواد. . :( اما بالنسبه الأعراض المستمره اختلال و صعوبة البلع ربي يعافينا يارب |
بنات بسالكم سؤال يخص يخص البنات هو محرج شوي
بس حابه اعرف انتوا مثلي او لاء ما تلاحظون ان هالاعراض تزيد عليكم وقت ال...... صح ولا بس انا ؟ |
نفس الاعراض في البدايه دوخه وخفقان ساره ايش هو اختلال ايش تقصدي ؟؟
|
اتحسين كانج في حلم او تحسين كان انتي مب انتي
تنفصلين عن الواقع كيف اشرحلج يعني تكونين صاحيه بس كانج في غيبوبه |
ساره بالظبط والله انا قبلها الاعراض تزيد مدري ليش ؟؟ انا اعراضي المستمره دوخه وعدم توازن وغثيان . الحبوب الي خذتها زولفت ريحتي عن قبل بس الحبوب النفسيه ماتقدرين تاخذينها الا ستشاره طبيه ،
|
ثلاث من الأخوات جتهم الحالة في المطعم ( إذا عرف السبب بطل العجب ) أنا كانت تجيني إذا شميت روائح مثل ( عوادم السيارات - ريحة الطبخ - البخور - الدخان " السجاير " - الغبار - وغيرها من الروائح المسببه لضيق التنفس ) من سنة تقريباً جاني ألم في أذني ورحت لدكتور " أنف وأذن وحنجرة " ( يعني رايح أكشف على أذني ) وخلال الكشف قالي الدكتور أنت مصاب بإلتهاب الجيوب الأنفية ، قلت له أنا أحس بضيق تنفس من فترة وفترة ، قالي شيء طبيعي إذا شميت روائح تثير الجيوب الأنفية تحس بضيق تنفس ، وبعدها كتب لي أدوية لإلتهاب الجيوب الأنفية أستمر عليها لمدة اسبوعين ونصحني بتجنب الجلوس في أماكن فيها روائح تثير الجيوب الأنفية إستخدمت أدوية الجيوب الأنفية ومن بعدها إرتحت كثير ولازلت اتجنب الروائح المثيرة للجيوب الأنفية ( خاصة ريحة الطبخ ) نصيحة لجميع الإخوة والأخوات التركيز على الجيوب الأنفية والذهاب لدكتور " أنف وأذن وحنجرة " للكشف وإخبارة بضيق التنفس والدوخة وزغللة وألآم العين والدوار ، فهي أعراض رئيسية لإلتهاب الجيوب التنفسية قدامكم العافية إن شاء الله 00``00` |
فعلا اخوي بس انا ماتضايقني الروائح بس احتقان بجهه واحده من انفي وهي اليمنى وكذلك الالم بعيني اليمنى هل يكون هناك علاقه ارجوك رد يامرهم الله يسعدك
|
اقتباس:
اختي النغزات الي تجيك كم صار لها وهل هي تجيك بشكل متواصل بكل جسمك ولا لا وهل اخذتي اي نوع حبوب عنها ولا لا؟؟ |
مهلوعه ابغاك تركزين معاي شوي النغزات ترا سببها التوتر والقلق صدقيني يااختي وهي تجيك طول الوقت هذا اكبر دليل انها من القلق طنشيها بس وابي اسألك عندك اعراض ثانيه غير النغزات
|
اقتباس:
|
انا فجأه يجيني احساس اني بطيح ويغمى علي يالله تو جاني شعور مرعب
|
كيفكم كلكم وحشتوني
الحمد لله على كل حال اجلت الرحله والحاله النفسيه في الحضيض اعراضي نفس اعراضكم لكن عندي عارض جديد وهوا اني فجاءه ابغى انام وتغمض عيوني وبنتي ترضع او اتفرج تلفزيون وهذي الحاله توترني خصوصا انه ماعندي احد يساعدني غير الوالده شي متعب صراحه اوقات اقول ليتني ما اتزوجت ولا خلفت ليتني جلست على حالي الاول وكله كوم واهلي كوم ثاني يحسبوني اتدلع واقولهم انا تعبانه من جد انفض قدامهم يقولو مافيكي شي ويروحو ويتركوني،ويقولو زوجك دلعك لو معطيكي على راسك كان مشيتي زي الالف ،يااااااانااااااس والله اننا تعباااانين ليش اهالينا مايحسو فينا ،انا ما الوم الغير لو اتكلم عليا اذا اهلي بيتكلمو،يارب ارحمنا يارب خفف عننا مو قادره اشيل نفسي كيف اشيل اطفال اكبرهم ماكملت ثلاثه سنوات |
ام لبنتين والله حالة انج تغمضين فجأه اعاني منها :( جداً مؤلمه و تخوف
ام سيوفي سبحان الله انا قبلها و خلالها تزيد الاعراض ام شجاع حبيبتي سالفة تحسين بيغمى عليج تاتيني اكثر شي اذا كنت امشي في المول :( الله يعافينا يارب انا جداً خايفه لاني بعد اسبوع رايحه العمره ان شاءالله احاتي الطياره و احاتي الطواف والصلاة ف الحرم اخاف تهاجمني النوبه |
انا اعتمرت قبل ثلاث شهور وياني نفس الشعور بس الامور كانت طيبه الحمدلله
وفعلا النوبه تزيد قبل موعدها ، اللي صاحي تبهدله وين عيل اللي مثلنا ؟!! الله المستعان ساره |
سارونة كيفك ياقمر
شفت موضوعك انه بعض الاعراض رجعتلك ليش ؟ انتي بتاخذي الدواء في وقته؟ وكنتي تاخذي مع علاج ثاني؟ يمكن الاعراض رجعتلك مع قرب موعد هذيك لانه زي ماقلتي تزيد التوتر مع تغير الهرمونات وبسالك شعور انه بتنامي فجاه جاكي بعد العلاج او قبله انا بدات علاج السبرالكس من اول وجديد لكن احسه متعبني اكثر التوتر زايد وجسمي كانه جالس على نار غير سده النفس والخوف الشديد |
مهلوعه الحين لها 4 ايام تقريبا
لكن فيه شي مضيق صدي مادري هو طبيعي النبضات الحظه يعني اشوف الصدر زي ينبض هل هذا طبيعي؟ احد منكم مره فيه |
اقتباس:
أخت أُم شجاع أحيانا الأعراض إللي تصيب نفس المنطقة وإللي تشتكي منها سببها من الأنف نفسه والعين تتأثر من أي عرض يصيب الأنف سواء لحمية في الأنف أو إلتهاب الجيوب الأنفية وغيرها من المشاكل إللي تصيب الأنف أنا مثلاً كنت أعتقد إن ضيق التنفس إللي جاني من ثلاث سنين سببه قلق وهلع ولمن رحت لدكتور " أنف وأذن وحنجرة " إتضح إن أغلب مشاكل ضيق التنفس مصدرها الجيوب الأنفية مع حساسية في الصدر وإذا ماتم علاجها تنتهي المشكلة ، أيضاً القولون وإمتلاء البطن بالغازات يسبب ضيق تنفس ، والأكل حتى التُخمه يسبب ضيق تنفس ، ولاننسى بعض المتزوجين قد يكون أحد الزوجين سبب في نقل المرض للطرف الآخر ( مثال على ذلك : إحدى الزوجات كانت تعاني من ألآم في جسدها وغثيان وإرهاق وإتضح بعد فترة طويلة إن الزوج يعاني من إلتهاب في جهازه التناسلي بوجود صديد في المني وكان سبب في نقل الفايروسات الضاره لزوجتة وحين تعالج إنتهت المشكلة وأحياناً الزوجة تكون سبب في نقل المرض لزوجها طبعاً بدون قصد من أحد الطرفين والسبب عدم الكشف من الطرفين والوقوف على سبب المشكلة وحلها ) مو كل تعب نرمية على القلق والهلع والإكتئاب ، ممكن السبب بسيط وإذا ماتم أخذ العلاج المناسب تنتهي المشكلة لا أرى مايمنع من ذهابك لدكتور " أنف وأذن وحنجرة " وإخباره بأعراضك وبالكشف يظهر السبب وتطمئني أكثر أنا بداية ماجاني الضيق تنفس رحت لدكتور باطنية قالي سببه القولون بعدها رحت لدكتور نفسي قالي سببه وسواس قهري !!! بعدها بفترة طويلة رحت لدكتورة نفسية قالت سببه رهاب إجتماعي !!! بالصدفة جاني ألم في أذني اليسار إستمر ثلاثة أيام وكان يخرج من أذني سائل مائي مع ألم ورابع يوم رحت لدكتور " أنف وأُذن وحنجرة " علشان أكشف على أذني وأثناء كشفه على أذني كشف على أنفي ووجد إلتهاب في الجيوب الأنفية وأخذت أدوية ونصحني بالإبتعاد عن الروائح إللي تسبب ضيق التنفس ومن بعدها حسيت بفرق كبير من ناحية التنفس ولله الحمد والشكر والفضل والمنْه طبعاً كنت أستخدم الأدوية مع سماع الرقية الشرعية وكنت أستخدم طريقة الشيخ أبو سُراقة من موقع " منتدى الخير للرقية الشرعية " الطريقة وضع قسط هندي مطحون مقدار ملعقة صغيره في فنجان شاي زيت زيتون وأخلطها وأضعها في قارورة قطرة الأنف وكنت أقطر في أنفي يومياً وكنت كل بعد فرض صلاة أخذ ملعقة صغير مطحون القسط الهندي وأسفها مع شرب الماء بعدها .. إستمريت على هذي الطريقة إلى أن زال الضيق والحمدلله إللي يشتكي من القولون وتشنجات البطن والغازات والإنتفاخات المسببه لضيق التنفس يستخدم الآتي : يشتري من العطار "سنامكي" ويطحنه لين يصير ناعم ويحطه في حافظه أو في كيس نايلون نظيف ، وكل يوم على الريق ياخذ نصف ملعقه صغيره ويسفها ويشرب بعدها كوب كبير ماء ويفطر بعدها بساعة ونصف ويكون الفطور خفيف ، يستخدمها ثلاثه أيام ورى بعض ومن ثم عند الحاجة ( طبعاً السنامكي يسبب مغص والأفضل إستخدام "يانسون - نانخه - أو نعناع" في كوب ماء حار وتحليته بالسكر أو العسل وتركه حتى يصير دافىء ومن ثم نشربه للتهدئة المغص ) ، بعد هذي الطريقة بتخرج جميع غازات البطن المحبوسة وتزول التشنجات والألآم بإذن الله هذي التجارب عملتها وإستفدت منها كثير وزال الضيق ومايسمى بالهلع وماهو بهلع أصلاً إللي يحتاج حل لمشكلة إحتقان البروستاتا والبواسير وأللآمها أنا حاضر وخاصة كل ما أذكرة لكم عن تجربة عملتها وإستفدت منها قدامكم العافية إن شاء الله 00``00` |
اقتباس:
|
تجي مكان الصدر على القلب
بس النبض الي الحظه هل قد صار لك؟ |
يا جماعه الدوخه دمرتني ماصرت اقدر امشي كثير ولو مشيت احس بيغمى علي ولازم قبل ما احرك راسي احرك جسمي علشان لا ادوخ كثير غير أني صرت امشي زي السلحفاه
قررت اخذ علاج للدوخه خلاص الوضع صاير لا يطاق في عندي علاج من عشبه الجنكه اسمه ميموركس مدري احد جربه او لا لاني جبانه من ناحيه الادويه غير الاعراض الجانبيه اللي كل ما اخذت دواء تطلعلي |
حبيبتي بنت الظبي طمنتيني ...
ام لبنتين قبل العلاج كانت تاتيني و بعد العلاج اختفت تقريباً .... علاجي سبرالكس بس للاسف قبل كم يوم ما كنت أمواضبه عالدوا يمكن لهالسبب رجعت لي بعض الاعراض و يمكن نفسيتي كانت تعبانه بسبب مشكلة شخصيه لهذا السبب الله يعافينا يا حبيبتي ♥ |
انا جلسة اكتب في قوقل هل الانسان يحيي بدنو الأجل
و طلع لي اشيا تصدع بالرأس والله جالسه انهااااااار |
ميوي و ش ذا الخرابيط لا تصدقين واعيشين الهم وتدخلين دوامه ماتطلعين منها
|
اقصد يحس بدنو الاجل*
والله ماش مو قادره كل يوم اتعب اكثر من الي قبله |
ميوي يا ستي أنا ليا اعاني اكثر من عشره سنوات وكل يوم اقول الموت ولا ارتحت في حياتي ليت عقلي بس يفهم ويرجع زي اول
سارونه غلط ما تداومي عليه الله يخليكي داومي عليه لانه بجد بتتعبي لو قطعتي او خربطتي في مواعيده، أنا كل ما احاول ارجع للعلاج اتعب زياده خصوصا الدوخه جدا مهلكه ، وربي ينعم عليكي بالصحه وعلى الباقيين بس محد جرب منكم عشبه الجنكه؟ يقولو مفيده للدوخه بس أنا اخاف اجرب اي شيء جديد |
اقتباس:
|
ساره ، تدرين ؟!!!
سوي مثل ماقال شيخ ازهري هاتي بابونج واقري عليه آيات السكينه وإن شاء الله تحسين براحه |
ان شاءالله حبيبتي بنت الظبي .... بسوي جريب
|
| الساعة الآن 12:21 AM |
Powered by vBulletin® Version 3.8.11
Copyright ©2000 - 2025, vBulletin Solutions, Inc.
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.
المواضيع المكتوبة لاتعبر بالضرورة عن رأي الموقع رسميا