نفسيتي تعبانه
 

اهلين كيفكم!!!
انا من فترة جاني الم بالمثانه مع اعراض ثانيه..
وطلع بسبب الجلوس في الاماكن العامه ومارحت لدكتور وصفت لصيدلي
حالتي وعرفها واخذت دواء ممتاز اسبوع كذا حالتي تحسنت والحمدلله
الفترة هذي يجيني الم بمنطقة الكلية والخصر وظهري من تحت وشوي فوق
آلام كانها ضرب او تقلصات مااعرف كيف اشرحها ماتعورني الا اذا تحركت
او ضغطت عليها في بعض الاحيان دايما اقول بسبب النومه الخطأ.. بس الالم
ملازمني طول اليوم لما اتحرك كذا كأن خصري مفصول من الالم امس رحت لدكتور وصفت له حالتي قال اسوي اشعه وسويت وقالتلي الدكتورة فيه
حبيبات رمل او "املاح" وهي الي تسبب الالم ووصفلي الدكتور دواء رينالوف و
سوبراكس وامس بديت اخذ بس من امس وانا اشرب مويه واليوم شربت وااجد
وتتفخ بطني على الفاضي ماشعرت باي تحسن!! وانا مومقتنعه بكلام الدكتور
لان الالم حتى من فوق ظهري وشوي يدي معقوله الاملاح كذا!! ولاهذي شي ثاني ماله علاقه.. والله اني خايفه وحاسه باكتئاااب وضيقه الي عنده حل لايبخل الله يشافينا ويطول باعمارنا يارب..

وشهيتي صارت شبه معدومه

اشربي مويه بشكل كبير , اغصبي نفسك , وايضا يمكن يكون شد عضلي

اختي الوردة البنفسجية كانك تشربين موية زمزم تراها ما تصلح لك لأنها راح تزيد عندك الاملاح للعلم نسبة الاملاح في موية زمزم تقريبا 500 عاليه مره لذلك اشربي مويه نسبة الاملاح تكون فيها بسيطة .

اختي يارب اشفيني رديت على سؤالك اتمنى ترجعين وتقرين ردي عليك

شكرا لكم ابشركم شعرت بتحسن بس شيء بسيط
اخوي ربي يحبك والله كانت جاية ببالي فكرة اني اشرب موية زمزم
قلت فيها شفاء وكذا بس شكرا على التنبيه الحمدلله ماشربتها انا اشرب
موية عادية حقت البيت وصراحه مااعرف كيف اذا هذي الموية املاحها بسيطة ولالا؟؟ موكلهم يكتبون اتمنى تفيدني بنصايحك لان دايما صراحه استفيد منها
وياليت لوعندك فكرة تقولي هل هذا صحيح املاح مو مرض خطير؟؟ لاني خايفه

اختي صدقيني والله اللي قاله لك الدكتور انه صحيح 100%100
زيادة املاح أثرت على عمل القولون لأن حوض الكلى عندك مليان املاح وعلشان كذا راح يحصل لك انتفاخات وامساك وتشنج القولون وتحسين بوجع خلف الظهر وراح تحسين بيدك بعد وغيره ما دام الاملاح هذي موجوده المفروض الدكتور مكمل معروفه وموصل المعلومة زين لكن للأسف دكاترة مادة شعارهم نعم لقتل البشر لا لحياتهم .

وبالنسبة لموية البيت اللي انتي تقولين عليها كانك من اهل الخليج اغلب الموية عندهم الاملاح عاليه يعني لازم تكون نسبة الاملاح لمثل حالك معقوله لأن قل الحركة راح ترسب الاملاح بشكل طبيعي في حوض الكليه وانتي الله يصحلك ما فيه شرب موية نهائي ما غير شاي قهوةوكلها من موية البيت واملاح موية البيت 450 عالية وبعد المشروبات الغازية والاكلات وغيره كل الامور هذي فيها املاح .

وكانك تبين تأكدين من كلامي ابغاك بس تروحين للصيدليه وتاخذين دسبتالين علاج لتشنج القولون جربي حبه وحده فقط علشان بس تأكدين إن كلامي صحيح يعني لا اشوفك إذا خف الالم تاخذين منه لأن علاجك ما راح يجي بالطريقه هذي انا يوم اقولك ابأكد لك أن المشكله في القولون ومتشنج بسبب الاملاح اللي في الكلى واتركي اللي يقولون لك عليه وبلغيني .

اختي اذا حبيتي اقولك امورك بالتفصيل اكتبي موضوع بأسمي في الاقتراحات علشان اشرح لك مشكلك وما تشوفين شر بإذن الله .