الي مسوين ليزك حق عيونهم
 

​طبعا انا سويت ليزك حق عيني فالهند

و الحمدالله افتكييت من النظاره



بسس الحين كملت شهر و الرؤيه مش واضحححه

يعني اذا اشوف لوحات احسس اشوف بنفس الوقت احسس ماشوف عدل جي نفس غبار على ضباب

مدري كيففف افهمكم ....

يعني اذا ابا اشوف شي لازم اركززززز علييه عشان اشوف

تحسون هالشي عادي ولا محتاج صبر

و متى بتكون الرؤيه واضحححه



متى بتكون الرؤيه واضضضحه ؟ كم يبالي
استخدم القطرات بس بعد احس ماشوف بوضوح


مثل ابي اشوف ويههه البنت لازم اركزززز عشان اشوف

انا سويتها من سنة ونصف . والله فرق عظيم الحمد لله .. طبيعي الرؤية الضبابية في البداية والرؤية تحتاج 3 شهور حتى تستقر تماما واحيانا تكون الضبابية بسبب الجفاف لذا حاولي ترطيب العيون باستمرار مع المتابعة مع الطبيب حتى يفحصوا قوة النظر .

جفاف يا قمر
لازم تستخدم القطره على الأقل سنه حسب كلام اخوي لأنه مسويها
انا عندي انحراف بس برضه مافيه امل اسويها الا إذا حصلة حاجه ضروريه تجبرني اعملها او الشديد القوي فالشكوى لله سبحانه
بس حبيت اسألك سؤال
وجاوب هذا السؤال مع نفسك بس لا تزيد الجرعه وأنت تفكر
سؤالي يا عزيزي قبل تجري العمليه بالمستشفى
مالاحظت الأشخاص العاملين بنفس المستشفى لابسين نظارات ؟؟
والجهاز عندهم بنفس المستشفى وكلهم زملاء مع بعض
احد المستشفيات بدون ذكر الأسم تخصصت بطب العيون يمكن حدود او اكثر من ثلاثين سنه
وموقع المستشفى بالشرق الأوسط
الظاهر بالسعوديه
ولو ماخانتني الذاكره بالمنطقه الغربيه
اتوقع بجده قبل شارع ححليحححللييييه ( ماعرفت اكتب اسمه لأن مويتنا من التحليه)
بس فيه حرف زياده مضاف للمغرب العربي
المهم مدير المستشفى يلبس نظاره
الموظفين نظارات
اذكر احدهم وماني متأكد الشخص الي يجري العمليه لابس نظاره
كل المتواجدين حول الجهاز الظاهر نظارات
المستشفى كله نظاره
والسؤال ليه (ماعملوها لأنفسهم )
هذا سبب نفوري من هاذي العمليه
تحياتي .

كلامك اكد مخاوفي
لان اخوي يبي يسويها
واقوله ماتدري عن ضررها بالمستقبل
الله يهديه مايقتنع

اخوي محمد .. انا ما شغلت بالي بموضوع لبس بعض الاطباء للنظارة ابدا . استخرت ربي وسويتها والله الحافظ سبحانه وما خاب من استخار . خصوصا ان قصر النظر كان عندي مزعج لي والنظارة سميكة ومتعبة .. ورح اقولك ابرز الاسباب اللي تخلي بعض الاطباء ما يسوونها . اهم سبب ان اكثر الاطباء اعمارهم فوق 40 ويكون عندهم قصر نظر بسيط وغير مزعج فاذا سوى الليزك بهالعمر رح يحتاج نظارة قراءة يعني يتخلص من نظارة البعيد ويلبس نظارة للقريب عشان كذا يفضلوا البقاء على نظاراتهم خصوصا ان قصر النظر بسيط وغير مزعج . ايضا من الاسباب وجود موانع طبية تمنع من العملية مثل غيرهم وبعضهم لبس النظارة غير مزعج لهم فما يكون عندهم شغف بالعملية وهذا شيء نشوفه عند كل الناس فيه ناس يلبسون نظارات ولا عندهم رغبة بالليزك . وايضا فيه اطباء سووها.وترا نسبة الانزعاج من النظارة تزيد كلما زاد ضعف النظر لانه مع الزيادة تكون العدسات سميكة ومزعجة وتصغر الاشياء المرئية وتجعل الاعتماد على النظارة مستمر نا تخلع الا عند النوم . عموما انا رأيي التصحيح يعتمد على درجة ضعف البصر كل ما زاد زاد الانزعاج واهم شيء الاستخارة وتفويض الامر لله ..

هيه صح كلامك بوًعلي
انا كنت خايفه اقول ليش هم ما يسووون ليش يلبسون نظاره
عقب قال لانه نحن كبرنا و طبعا درسنا و عرفنا كيف المعاناه
ف نبي نساعد غيرنا عشان يتخلصون من المعاناه


يعني حتى دكتور رجيم متيين و دكتور الاسنان ضروسه مسوسه 😭😂😅 و الي هكذا

يعني قصدك ان باب النجار مخلوع
طيب لنفرض ان الشخص الي يجري العمليه تجاوز عمره الأربعين
مدير المستشفى تجاوز عمره الأربعين
مدير القسم تجاوز الأربعين
الصيدليه تجاوز الأربعين
فني صيانة الجهاز تجاوز الأربعين
الموظفين تجاوزو الأربعين
حاشا وكلا
احس نفسي بدار عجزه مو مستشفى
يعني انا ذكرتلك نسبه بسيطه من الأشخاص العاملين
يعني كلهم تجاوزو الأربعين ؟؟؟!!!
بعدين نظارت قراءه ارحم من نظاره لابسه على طوول
قراءه مافيه قراءه لابسها
ع كل حال انتا سويتها ونتها الأمر
عن نفسي مرتاح على وضعي
26 سنه لابس نظاره والأوضاع لله الحمد والفضل مستتبه
بس عيبها الوحيد بالنظاره الشمسيه لو عندك انحراف
لك براويز محدده لأن النظارات الشمسيه بعضها مايقبل تحويل عدساتها لعدسات طبيه شمسيه
الأنتر فلكشن تفقد كل مميزاتها لو تحولت شمسيه

انا 29 سنة على النظارة تقريبا ما وعيت الا عليها ولا كنت اشوف الدنيا الا من خلال زجاجها . كانوا كل فترة يقولون لازم تقويها وكنت اقويها حتى وصل قصر النظر الى ناقص 6 نسبة عالية ومزعجة جدا . والحمد لله تخلصت منها ونظري افضل من النظارة ... واكرر ان كثير ممن نراهم يلبسوا نظارات نظرهم اقل من ناقص 4 وهذه النسبة غير مزعجة والعدسات ليست سميكة ولا تصغير الاشياء كثيرا والاعتماد على النظارة يقل كل ما قل الرقم ..

انا نظري -5 كان و طبعا وااايد ارتحت يوم سويت العمليييةةةةة
يعني كنت انزعجججج اذا شي مططر ولا شي ما تقدر

النظاره اتعبب الواحد تخيل تنكسر نظارتك فالدوام و لا مكان
و انت ماعندك بديللل
😐😐😥شعور صعععععب

انا ليا عشر سنوات استخدم العدسات اللاصقه

وتقريبا نفس احساسك يمكن فعلا تحتاجي
قطرات عن الجفاف اسالي الدكتور افضل