هل هذا اختلال الانيه؟
 

السلام عليكم

اليوم قبل الفجر صحيت فجأه بنوبة هلع وطبعا بعيدا عن الوصف معروفه القصه اتلوى واصرخ ...... الخ

ما علينا

المهم لما هدت النوبه، قمت ابي اشرب مويه واتوضا وانا امشي احس كل شي بعيد ومختلف !! رحت للمطبخ وادري ان هذا المطبخ بس مستغرب انه المطبخ،،، ورحت اخذت كاس وانا اعرف ان هنا الكاس بس مستغرب وش جابه هنا مع اني ادري انه هنا وصرت اشوف الكاس واقول وش فيه الكاس كذا كأنه كاس بس ما اعرفه بس ادري انه كاس !!!! وماشي ومستغرب من كل شي مع اني اعرفهم واعرف كل شي بالبيت بس مستغرب اني اعرفهم اصلا وبعد الصلاه نمت وصحيت طبيعي لكني اتذكر الفجر واقول مدري وشو ذا...

ف هل ذا اختلال الانيه؟

شكرا لك

ان شاء الله انها حاله عابره لانه كان شي جديد علي

شكرا لك ولتطمينك

اللي عرفته من مشاركات لك سابقة انك تاخذ بعض الادوية فربما انه من تاثيرها ..
وايضا مشكله الكثير مننا عندما يصاب بحالة سلبية وافكار وسواسية وقلق للاسف نستمر فيها ونحللها ونشغل انفسنا فيها ..

وهذا اللي يزيد الامر سوءً ومرة وراء مرة وراء مرة يكون الاوضع اكثر سوءً
هذي الامور الحل الفعال معها تغيير المكان والروتين

انا امس الظهر جاتني حاله القلق والوسوسة وبدات الافكار يمين ويسار وكنت لوحدي بالبيت ..
المهم خرجت من العصر مارجعت الا الساعه 12 بالليل رحت جلسه هادئة وجلسنا نحل اللغاز عن طريق الالعاب اللي تكون بالجوال .

رجعت والحمدلله مرتاح ونمت ...

اول ما تحصل لك حاله من القلق او التوتر او الافكار السلبية بكل الطرق حاول تخرج تمشي ومره قلت انه معك سكر ( فرياضه المشي مفيدة لك جدااا )
االلعب بلاستيشن .. اقراء قصص للناجحين والناس الذين تشافوا من اي مشكلة

لابد من رفع الحالة الايجابية لكل انسان حتى يقدر يرتاح اكثر

الله يشافيك يارب ويشافي جميع المرضى

شفت هالشي الجديد هو اختلال الانية أبعده الله عنا وعنك ..

على فكرة أخوي أنا ماكنت أعرفه إلا لما دخلت هالمنتدى ..

لا تسترسل معاه طنننششششش هو شعور مخيف ويشعرك بأنك في خطر لكن طنش ..

سؤال هل تتناول دواء وماهو ؟

امين يا رب

صحيح عندي سكر وانا الحمد لله محافظ على نسبته ومضبوط ان شاء الله مع بعض الانخفاضات هنا وهناك

لكن الشي ذا الي جاني عجيب وقلت استفسر عنه لان ما جاني قبل كذا الا مرتين وكان بسبب اصابات بالعمل ولكن ما كانت تتعدى دقايق. بس هذا شي ما مر قبل علي اشوف الشي بعيد ومتفاجئ منه وكانت عابره لما نمت وصحيت اختفت.

شكرا لك اخوي على النصائح ،، عاد انا العب كمبيوتر العائله لا تضحك علي ههههههههههه

امين يا رب عساه ما يجي

هو جاني نفس الشعور مثل ما قلت قبل باصابات عمل قبل لكنه دقائق ولا كنت اعرف انه اختلال انيه بس ما كان كذا اقصد اني استغرب بس مو متفاجئ

اي استخدم باروكسات بجرعه عاليه نسبيا 40 ملج ولعل الي جاني صدمة سيروتونين لاني صحيت بعد الي صارلي وفيني قلق من الي جاني لكني هادئ بشكل عجيب اقصد هدوء وسكينه عجيبه

لو بيدي سويت كذا مشكلتي خلاص صرت احبس روحي واخاف لان مااحسها وساويس احسها افكار واقعيه واحس مقدر اكمل ابي انام وبس مو بيدي الافكار تسلطيه وقويه مااقدر ....ادعيلي بالشفاء

عسا ربي يشفيك ويشفينا من كل داء

هذا بالضبط اللي حاصل معي مستغرب أشياء كثيرة حتى الناس اللي قدامي أحيانا أستغرب منهم شعور مؤلم الله يكفينا شره يا رب .

امين يا رب العالمين

الله يشافيك يارب .. وتكوني بالف خير وصحة

تقولي مشكلتك صرتي تحبسي بروحك .. وهنا المشكلة صدقيني كلنا نفس الوضع ومرينا فيهااا

صدقيني العلاج بيدنا وحدنا طبعا بعد قدرة الله سبحانه وتعالى

لازم يكون هناك قرار وثبات يوم يومين تشوفين نفسك ان شاء الله تتحسنين ..
اذكر زمان كنت بس ملازم البيت وع النت جالس ولا اكل بس انام واروح للعمل ومزاجي قافل وارجع وع نفس الوضع

لكن لازم تشغلي نفسك باي شي تحسي انه مالك خلق اعرف لكن قولي لازم اغير نفسي لازم لازم لازم (( إلا اذا انتي حابه تكوني كذاا ))

ليه نخاف من التغيير الى الافضل مع اننا نطلب هذا دائما وندعوا الله انه يشافينااا ونكون احسن حاااااااااااااال

للاسف لانمارس رياضة المشي ولا نقراء ولا نشاهد مسلسلات او افلام مسليه ومفيدة ولا نعمل اي تغيير للجدول ونجلس في افكارنا السلبيه ونقول ليه احنا كذااا ...

لازم بالاول تساعدي نفسك

يالله واحنا ان شاء الله معك

تعرف وش الاشكاليه انو الفكره تكون صعبه ومقتنعه فيها فكيف اني امارس حياتي وفيه فكره مقتنعه فيها ...مثل لو تقول لشخص مكسوره يده امش على ايدك وحاول تفرح.....فهمت قصدي الفكره تخوفني مخليتني ماافكر الا فيها يارب رحمتك يارب يارب

هذا كان معي في بداية الحاله شي يجيب الجنون لكن الحمدلله عدى
تكون عارف كل شي بس شي يتسال بداخلك تحس ودك تخنقه مدري وش دخله
اتوقع انه جزء من اختلال الانيه