انام 10 واصحى 4 واقوم مو شبعانه نوم تعبت جدا جدا
 

السلام عليكم

ياجماعه انام ساعتين واصحى

ومرات انام 10 واصحى 4 الفجر مفروض اشبع نوم بس اقوم كسلانه وابي انااااااااااااااااااااااااااااام ماشبعت

تعبت تبهدلت

النوم مش بكيفي

اذا نمت 10 ودي اصحى 5 او ست

مافي شي بيدي

تعبت

كله احس بارهاق وفيني النوم

وانا دايم عندي فقر دم ونقص همجلوبين

عليكِ إتباع هذة البرنامج

1-تناول وجبة العشاء بوقت مبكر ( قبل النوم ب3 ساعات )
2-عدم تناول أي مشروبات مثل الشاي والقهوة وغيرها
3-ممارسة التمارين المنزلية الخفيفة
4-تمارين التنفس ( اخذ نفس عميق من الأنف لمده 6 ثواني ) واخراجه من الفم عدة مرات
5-الخلود للنوم بوقت مبكر
6-قراءة ورد يومي من القرآن
7-عدم التفكير إطلاقاً بأي شيء

سوي تحليل فيتامين د
وفيتامين ب12
وحاولي تاكلي الاشياء اللي تحسن فقر الدم
مثل التونه والعسل بشكل يومي

حللي نقص فيتامينات
احتمال التعب منه
وكمان من فقر الدم
كلي اشياء ترفع الهيموجلوبين عندك
وكمان مكملات غذائيه

الف شكر لك من رد علي وبارك الله فيكم

ولكِ بالمثل اختاه

حاولي تاكلين كبده(جبود) لانها الوحيده لين حسيت بتعب الجأ لها

وبعد الحين الشتا ف طبيعي يزيد الكسل والنوم والنعاس

ودايما شربي لج اشياء دافيه تحسن من مزاجج ولا تنامين وانتي متضايقه وشايله هم عشان ماتقومين وانتي متكسره عافيتج

ولا تنامين في النهار لان يعفس النوم

وانتي قلتيها فيج نقص دم حاولي تتعالجين او تعوضين

قبل النوم تصلي ركعتين وطولين في السجود بعدها تقري سورة ألملك، وفي الفراش تسبح الله وتحمد الله 33 مرات وتكبرين الله والاخيرة الله أكبر 34 مرة وتغري أية الكرسي مرة واحدة و3 مرات قل هو الله أحد وقل هو وقل أعوذ بالقلق وأعو برب الناس وتنفخي ويدك وتمسحي جسدك، وبعدها نامي على يمينك وإن شاء الله تصحي وأنتي نشيطة مجربها أنا أصحى حتى 4 ساعات أقوم نشيد ومرتاح نفسياً والحمد لله.

انتي فيك امور عضويه تجيب التعب والف سلامه عليك

وايضا القلق يجيب التعب وتحسين دايم بالنعاس وتتثاوبين طول اليوم واحيان ترغبين طول اليوم تبقين بس منسدحه بالفراش وهذي احد عوارض القلق ،، وهي عادة تكون بداية اشتداد القلق يصير كذا ومع الوقت تتعودين لا عليك يا اختنا