دوخه ودوار وهبوط فضيع
 

انا الدوخه والدوار زادو علي في العيد ولالحين احس راسي ثقيل يالله اشيله تعبت مافي علاج لهذي الدوخه اللعينه

عالجو المصدر
(القلق النفسي)

ماعندي قلق نفسي القلق بسبب الدوخه لوتروح رجعت طبيعيه

شيكي فقرالدم ونقص الفيتامينات خصوصا د وفيتامين ب

اذا كان الدم وجميع التحاليل سليمه
فهذي الدوخه نفسيه وكنت أعاني منها

دال ناقص بس لي 6شهور اخذ نقط دال

كيف دوختك اوصفها الله يعافيك وش كانت اعراضك وكيف تعالجت منها وهل الان اختفت

كنت دايم احس بعدم الاتزان
وكان راسي ثقيل او خفيف
وأحس أني بطيح
كشفت وسويت كل شي وكلهم يقولون سليم
في الأخير رحت دكتور نفسي وصف لي افيكسور
وبعد ثلاث شهور رجعت إنسان طبيعي
هذا الكلام قبل 9 سنوات
الان يوم جتني النوبات لي شهرين اكل انتابرو اللي هو نفس السيبرالكس
لي يومين احس بعدم اتزان ودوخه لكني اطنشها ومااعطيها وجه

اي سؤال انا تحت امرك

اشرحي لي اختي داعيه كيف دوختك لان عمتي عندها دوخه حارمتها حتى من الاسواق يالله بس تروح لدوامها وترجع

درختي مستمره ماتفك احس اني في قارب بحر طول الوقت واحس راسي فيه مويه ترج وثقيل واحيانا خفيف كانو بطيح وعندي الم خلف الراس يخف احيانا ويزود واحس راسي ماقدر اتحكم فيه مو مرن مثل قبل شعور غريب لايوصف

عمتي كذا واصعب منك يجي قدامها سواد وصار من الاذن وعالجت بس ماراحت الدوخه ومتازمه معها صراحه الله يشفيكم يارب

خذي الحبوب مفعولها اسرع من النقط الحبوب متواجده في ارمال او في اي صيدليه اطلبي حبوب فيتامين دال و اسألي الصيدلي كم مره تاخذيها و الى متى بس لازم يكون التحليل جديد عشان تعرفي لفين وصلت النسبه بعد النقط سته شهور مده ماهي هينه.
سلامتك.