عوده الاحلام المخيفة
 

انا مش متخيله ان انا من فتره وانا اطمن الاعضاء هنا في المنتدى علي موضوع الاحلام وتجاهلها وانها من الشيطان ومن وساوسنا وبعدين انا اللي انتكس وارجع احلم بقالي يومين ورا بعض احلم برموز سيئه مع اني كنت قلت خلاص انا اتخلصت من جزئيه الاحلام دي وكل تفكيري حاليا ان مش معقول الاحلام من عقلي الباطن لان انا المفروض بطلت افكر وفيها ومش معقول انها من الشيطان لان انا عندي الوسواس من 10 شهور لامتي هقول احلامي من الشيطان وللاسف الاحلام ما بتجيني الا لما اكون كويسة لكن انا لو هحلم والوسواس شديد مش ههتم 😢😢 حبيت افضفض معاكم😢

على فكره انا زيك تمام
كل ما اتحسن وابقى تمام اشوف حلم يرعبني
وافضل بقى خايفه واقول هيحصل حاجه اكيد
ده علامة لحاجة ...
انا فعليا ف منتهى التوتر والقلق ومش عارفه
من ساعة ما حلمت حلم مش حلو من يومين وبقول
ربنا يستر علينا ...
متخافيش انا معاكي هنقوي بعض مش هنستسلم

ربنا يخليكي يا مها وان شاء الله نساعد بعض ونتحسن وربنا يسترها علينا
اول موضوع قراته ليكي استغربت ازاي بقالك 17 سنه ومقتنعتيش انه وسواس بس حاليا انا حاسه اني هفضل كده لان اصل خلاص طالما عرفنا ان فيه احلام كده وفيه ناس بتحس فصعب اننا نتجاهل اي حلم واي حاجه سهل اننا نشوفها اشارة

متستسلميش انا بسمع قصص لناس حاربت أمراض بجد مش وسواس واكتئاب وهلع وخوف ..
امراض عضوية ممكن كانت تنهي حياتهم ومع ذلك تفائلوا واستحملوا وكانوا قد التحدي
احنا بقى ليه ضعاف وبنستسلم !!!!
ليه خوفنا اكبر من إيمانا !!!
فكري كده وتعالي نحسبها لو خفتي وقلقتي وانا خفت وقلقت ومكتوب أن حاجه تحصل مش هتحصل !!
قصدي خفتي او لا اللي هيحصل هيحصل احنا كده بنخسر حياتنا ع الفاضي الدوا بيفرق بس مجرد ما بتبطلي بترجعي لنفس الحالة ... يبقى لازم نقاوم احنا ف حرب مع الشيطان ونفسنا ..
لازم نقاوم لازم نكون اقوى

انا من راي فيه فرق بينهم لان المرض العضوي الشخص هياخد بالاسباب ويتعالج وهيشوف ان فيه ناس كان عندها المرض وشفيت فهيتفائل لكن لو حد حلم حلم وشاف ان تفسيره سيئ مش في ايده يعمل حاجة هيقعد متعذب ومستني اللي هيحصل
والمشكلة اننا مش عارفين الحلم بيبقي وسواس ولا لا
لما الوسواس يسيطر علي بيبقي تفكيري سلبي بطريقة فظيعة

هيا تروح حتى تعودي بقيت شقلنا المهم

الله يشفينا

امين يارب
اليوم كمان حلمت حلم فظيع 😢 مش عارفه سببه ليه رجعت احلم

نفسي الاقي تفسير لظاهرة الاحلام اللي ترجع علي الشخص بعد ما تجاهلها وتخلص منها طيب هي لو من العقل الباطن ليه تتوقف فتره وبعدين ترجع لفتره المفروض انها لو من العقل الباطن تكون مستمرة
والله صحيت اليوم عندي نغزه في قلبي وايدي الشمال مش عارفه بسبب الحلم اللي حلمته ولا ايه

في حالات كتير كأنو بداو يهدو شويه وفجاهً تيجيً الاحلام ومنهم حالات هنا في نفساني بس قديمه الله يشفينا جميعا يارب وكل الافكار الي عندكم بلضبط بتيجي للكل

ربنا يشفينا جميعاً ويبعد عننا الاحلام

الأحلام لازم تنسوها خالص وح تختفي من حياتكم بإذن الله تعالى 🌹

اهلا ابو عبادي نورت المنتدي بعد الغيبة الطويلة
المشكلة عندي ان الاحلام بتيجي لما بنساها 😁 بس مفيش حل الا التجاهل والاستمرار عليه الله يعينا

على فكره انا بقول نفس الكلام زيك بس هنعمل ايه واخرتها انا لا عارفه اعيش ولا اتعايش ويفقد الامل كل يوم ... بس بقول ربنا مخلقناش يعذبنا احنا معذبين نفسنا

متقلقيش النغزة من الخوف الزايد والضغط العصبي
شفاكي الله وعافاكي يااااا رب