نفساني - سياتى الدور فى الزواج علىٌ ؟ انا!

سلام عليكم
اسمى محمد من مصر
ساى ناو دة لزوم التغيير كدة
مش صيينى يعنى

المهم ندخل فى الموضوع
انا عايش بقالى كتير يجى 27 سنة
معظم السنين دى من مشكلة لمشكلة
منها مشكلة اشاعة جنسية بانى مش رجل وقلبت معايا بضلالات delusions او حقيقة مش عارف
من اولى ثانوى حتى ثانية كلية خمس سنين تقريبا
ان كل الناس بتتكلم على بتضحك على من وريا دى من اعراض الضلالات عرفت بعد كدة
وبعد كدة قلبت معايا بschizophrenia وهلاوس وضلالات انى ملاحق من المخابرات الغربية
المهم لفيت الدنيا على الشيوخ والدكاترة لحد ما استقريت مع دكتور كبير فى مصر وادانى ادوية وخلصت الكلية بعد 9 سنين فى الكلية وبقيت بصلى الحمد لله
مشاكل بقالها 5 سنين وبعديها 7 سنين لحد ما خلصت كلية
المهم الحمد لله شغال وبصلى وباخد الادوية
الجديد بقى انهم فى البيت عندى بيقولولى اتجوز واخطب وكدة
مين انا ؟؟؟````
طب وبعدين هخطب هقولها ايه هنتكلم فى ايه ؟؟
دة انا يدوب بشتغل بالعافية والمركب ماشية بالعافية
طب لو سالتنى عن طموحاتى هقولها ايه ؟؟
بصراحة ورونى صورتها حلوة اوووى وانا يعنى متاخذونيش محطم من المشاكل اللى عندى واللى كانت عندى
انا خلصت كلية صيدلة وهى علاج طبيعى الفرق مش كبير اوووى والسن متقارب جدااا
بس هى حافظة القران وانا يعنى ملتزم من فترة مش كبيرة ومش ملتزم اوووى كمان
ياريت ياجماعة تساعدونى
اتقدم ولا لاء
ولو اتقدمت هعرف اَسَدْ كراجل وهعرف املى عينها
وهل هعرف اقنعها كراجل وتحبنى وتتجوزنى ولا لاء
ولا اعيش كدة وخلاص لوحدى واموت لوحدى واتجنب المشاكل والاحراج والرفض وخلاص
شكرا$