للخبراء --- االجاثوم
 

سلااااااااااااااااام يا جماعة

انا اتناول سيروكسات بجرعة 50 ملغ

وخففت الجرعة الى 25 ملغ وبديت احس باعراض مثل نبض بالراس وخفه بالراس وعظامي توجعني وخفقان

كل هذا استحملته والله المستعان

لكن من يومين جاني الجاثوم ابي اقوم من النوم ماني قادر احس اني بين الدنيا والاخرة وشي على الصدر وكتمة نفس وضيق شديد احاول مقاومة ذلك ما استطيع لمدة ربع ساعة ثم اصحي متعب جدا


من مرا عليه مثل حالتي يفيدني

الجاثوم ياما وياما جنني
لكني اجلس اقرا اية الكرسي والمعوذات لين يفك

هلاااااااا ابن دايم الله يعطيك العافية

سوف اقرء ايه الكرسي قبل النوم

بس هل له تفسير طبي

انا ارقي نفسي واشغل القران وانام على طهارة

شف وانا اخوك اذكر فترة بداية العلاج وفترة ترك العلاج كان يجيني بكثره
كنت اتعمد بالطقاق اطيح نفسي من السرير علشان يفك 😂
اي استسفسار تحت امرك

الجاثوم كان زمان يجيني اذكر فترة المراهقة جنن بس لا قريت اذكاري ما يجي اما الان انقطع من 10 سنين ما جاني شكله ايس هههه


نفس الحاله ههههههههههه واذا فك اقعد العن واشتم به ههههههههههههه

ههههههههههه شكلي اجل بطبق الخطة

محمد اي احد يجيب طاري الجاثوم يجيني
اليوم مع اني الحمدلله مصلية الفجر في وقتها و قرأت وردي من القرآن و الا جاني الضحى تخيل

بعدين احكي الأحداث

المراد انه شي مفجع و قعدت اصارخ و لساني ثقيل و ما صدقت الوالدة صحتني و راح الحمدلله

هلاااااااا عيوووووووون


طيب ما فيه حل له

الجاثوم الحل انك تصلي وم يجيك ولا نام على جنبك الايمن لن سهل تتحرك ويروح منك تنام ووجهك بسقف يجيك انا م انام ووجهي بسقف الا برمضان بس لن الشياطين محبوسه وم يجي

انا سبحان الله اذا احد جاب طاريه يجي

ما ودي أحلف اني نمت بعد صلاة الفجر و قبلها كنت اسمع الرقية الشرعية و له فترة ما جاء

كان عبارة عن مجموعة نساء اشكالهم مخيفة اقتحموا بيتنا و يبون يستحلونه و قمت أتلفت و المح جوالي و دقيت على الشرطة و قاعدة أشرح لهم و لكن لساني ثقيل و ضاعت مخارج الحروف و اتكلم بصوت عال و الشرطة مو فاهمين ايش اقول و انا اسابق الوقت خوفي يكتشفون العصابة ان معي جوال لين امي صحتني و تصرخ فيني مفجوعة من حسي العالي و زادتني فجعة على فجعة الله يسامحها، كلنا فجعنا بعض الله يسامحنا

و من شدة خوفي و جفاف ريقي و حتى لساني كان ثقيل عجزت اشرح للوالدة اللي صار

و دايم الجاثوم بجيني في صورة مطاردة و كل ما اجي اصرخ استغيث ينحبس صوتي او يثقل لساني
او مثلا معي سلاح من مسدس او سكين ابغى ادافع عن نفسي و القى الزناد مو راضي ينضغط او انا عاجزة على الضغط عليه مع ان السلاح بيدي و متمكنة من مسكه و كذلك اكون ماسكة سكين و متمكنة منها لكن يدي تصير ثقيلة ما اقدر اطعن

شي مفجع و العياذ بالله

و الشيخ الراقي ثامر العامر يقول الجاثوم شيطان نعوذ بالله منه

و المشايخ يقولون نتحدى اي احد ينام على وضوء يجيه الجاثوم

طيب وش حيلة اللي مصل مسم و الحمدلله و مع ذلك يجيه نسأل الله السلامة

من امس الفجر ودي انام بس خايفة

حاولت اغمض بين المغرب و العشاء انواع الصداع لكن جفاني النوم

مرهقة و عيوني افتحها بصعوبة بس خايفة انام

انا زمان كان يجيني فزع اقوم مفزوع اركض ركض مدري وش السالفه لحد ما استعيد الوعي واهدأ وكان يتكرر كثير لحد ما صرت اخاف من النوم نفسه !! والحمد لله بعد الادوية النفسية زال ،،، الجاثوم له تعلق بالتعب النفسي ويسمى علميا شلل النوم ... عافانا الله جميعاً،،

المشكلة يا ابو علي حتى لو تبي تنتصر على العدو و تقتله أثناء الجاثوم وش يفكك من المساءلة القانونية

تخيل مرة جاني الجاثوم في صورة حرمتين سطن على بيتنا ،وحدة فقط تمكنت من التسلل و اقوم اجري وراها و أهبدها باقوى ما عندي و حجمها يصغر و يتضاءل مع الهبد لين غدت في حجم كرة القدم تخيل و فوق ذا اقول لاهلي اتصلوا بالشرطة و يوم التفت عليها لقيتها ماتت و قلت وقتها ليتنا ما اتصلنا على الشرطة كان دفناها ما أحد درى وش يبي يفكني من المساءلة و يوم شفتها تتنفس ارتحت

كل هذا في المنام تخيل ما بين قلق المجرمين المقتحمين و ما بين المساءلة القانونية ياربي من وين يلقاها الواحد : )

و الحمدلله على كل حال

يجيني في كل مرة استخدم فيها الافيكسور

https://ar.wikipedia.org/wiki/شلل_النوم