|
ساعدوني تعبت والله تعبت
السلام عليكم
اخواني اخواتي ذبحني الكسل وكثرة النوم ونوبات الهلع تختفي عني بالشتاء الحمدلله بس احس ان قلبي بيتوقف بي لحظه واحس بشعور مدري كيف اوصفه بمنطقه الصدر وعندي ارق فضيع انام بساعه متاخر بالليل وبنفس الوقت اعشق الليل واكره النهار خصوصاً الصباح وتوظفت وظيفتين الثانيه استمريت فيها اسبوع وكنت اقدر اجمع بين الوظيفتين بس بسبب الكسل تركت الثانيه والاولى استمرت فيها 6 شهور دوامي كان مريح من اسبوعين بلغني المدير اداوم الصباح او راح يفصلني رغم تمسكه في ورغم اني دخلت واسطات كثيره الا انه مايعرف عني اني اعاني من الهلع ومن الارق ومن الضيقه اللي تجيني فترة الصباح ومن التوتر الا ان الله اراد من اسبوع وفصلني ياناس تعبت من الفراغ وتعبت من الهلع وتعبت من كل شي واكثر اللي متعبني من دخول الشتاء اغلب وقتي نوم او ع فراشي من الكسل والخمول استعمل سيروكسات 25 الجرعه من 4 سنوات العلاج ممتاز بس سببب لي سمنة فضيعه افكر اترك العلاج للابد بسبب الكسل والخمول وغير كذا ارهاق مااحب اسوي اي شي حتى الصلاه اتكاسل عنها واضطر اجمع كل الصلاوات او احياناً مااصلي تعبت والله ياناس حتى اذا صحيت اكون كسلان ومالي خلق بشي واحس اني وحيد تعبت ودي اوقف العلاج بس اذا تذكرت الهلع احتار |
اقتباس:
ما ترى باس انا تعالجت بالسيروكسات وكانت جرعتي وصلت لـ 75 مغ ...و ماكنت احس باي كسل الكسل والنوم اكيد سببها علاج ثاني مثل البنزو (زاناكس وطقته) او علاج اخر او ان معك اكتئاب او قلق شديد يتطلب جرعة اعلى لكن كسل من السيروكسات بهالجرعة القليلة و اللي انت متعود عليها 4 سنوات مستحيل هدي نفسك وعلمني وش الادوية اللي تاخذها مع سيروكسات وهل انت منتظم حالياً مع دكتور؟ |
اقتباس:
مايجيك ياغالي.. كم استمريت اخوي ع جرعه75 كم شهر طمني انا مااستخدم غير سيروكسات 25 ودوقماتيل 50 فقط عند اللزوم الدوقماتيل اكتئاب اشك ان في اكتئاب عندي كسل لدرجه محادثات بالواتساب ماافتحها الا بعد اسبوع واكثر وكسل بكل شي واحس ان الدنيا مالها طعم واللي متعبني الارق بالليل واحب اسهر وغير كذا وظايفي فقدتها لهذا السبب نعم منتظم مع الدكتور وموعدي بعد شهرين تقريباً |
اقتباس:
(بالمناسبة القلق والاكتئاب لهم علاقة وثيقة ببعض) الارق احتمال يكون من الدوغماتيل لانه الارق من اعراضه الجانبية انا استمريت على جرعة 75 مغ حوالي 4 شهور وخففت بالتدريج لاني احس تعافيت والان وصلت لجرعة 5 مغ بس والشهر الجاي بكون وقفته انصحك تراجع دكتورك باسرع وقت لان واضح برنامجك العلاجي كله يبيله تعديل |
حاول تشتركي بنادي او تروح الممشى فترة العصر والافضل نادي وتلعب حديد لي ان الرياضه منشطه لدورة الدموية وانت تعاني من كسل وخمول فتحتاج نشاط جسدي عشان بليل تقدر تنام يكون جسدك مرهق وتنام وبنهار تصحى رايق ونشيط وابعد عن القهوة والشاهي واي شيء فيه كافئين وان شاء الله تكون افضل واطمئن لاتوتر نفسك وتقلق وتفكر كثير وكل امرك لله سبحانه وتعالى
|
العلاج يفتح الشهيئه ؟
او انه من الادوية تزيد وزنك |
لا الادويه اذا حسيت بتحسن وارتحت مع العلاج وبدا جسمك يتقالم مع العلاج تبدا تاكل وتنام زين لان اذا زانت النفسيه يزين معاها كل شي الله يغينيا ويشفينا يا حي يا قيوم ويشرح صدرونا يارب العالمين
|
ولكن الادويه ما تزيد الوزن ابدا بدون اكل
|
اقتباس:
مضادات الاكتئاب تقلل عملية الحرق علشان كذا الكثير يشتكي من الوزن فافضل حل تقليل الدهون واكل المطاعم |
دوجماتيل يزيد الوزن ويرفع هرمون الحليب ويضعف الجنس خففه قدر المستطاع
|
اقتباس:
طنش تعش |
طاخوي كيف تحس انه قلبك وقف ممكن تشرح لي وبعد منطقه الصدر كيف تحس ياليت توصفها لي اشوف نفس مشكلتي اللى تعبت منها
|
حاولي قد ماتقدرين تنظمين نومك
والهلع لما يجيك سوي تمارين التنفس |
الله يشفيك يارب ويرفع عنك.
اخوي الكسل وارد لكن بالبداية بالعلاج، خلال فترة العلاج هل تعدل نومك يعني تأخذ قسط جيد من النوم ولما تصحى تبقى كسلان كمان؟ وبشأن نبضة القلب اوووه اشكال الوان تجيني ومرات احس يتوقف القلب ويرجع وهذي من علامات الهلع واعراضه فتطمن، بشأن السمنة ترا تجي مع الراحة النفسية الله يتمها عليك بالإضافة إلا انه تركز بنوع اكلك ووقته وكميته حتى لايزيد وزنك وانت غير منتبه الله يسعدك. |
اقتباس:
ترا عادية ماتضرك بإذن الله لأنها حميدة وتجي مع القلق والقهوة والشاي، وصراحة هيا مقلقة دائماً ليا بس تعبت منها والله وصابر عليها 😔 وأحاول اتجنبها عشان لاتكدر نفسيتي الحمد لله على كل حال. |
| الساعة الآن 02:25 AM |
Powered by vBulletin® Version 3.8.11
Copyright ©2000 - 2025, vBulletin Solutions, Inc.
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.
المواضيع المكتوبة لاتعبر بالضرورة عن رأي الموقع رسميا