هل ادويتي تتعارض مع بعض؟
 

السلام عليكم

استخدم بروزاك ٦٠ وباروكسات ٦٠ وافيكسور ٢٢٥ وابليفاي ٣٠..... الباروكسات اضفته قبل شهرين تقريبآ... التشخيص رهاب واكتئاب وقلق.....طبعآ اضفت الباروكسات من راسي اما الادويه الباقيه الطبيب صرفلي هيا ... هل الباروكسات يتعارض مع الادويه الي استخدمها؟ بخصوص النتيجه الحمدلله رائعه مافي قلق ولا اكتئاب لكن في شوية رهاب اتوقع يبغاله شوية وقت ويروح..

مساء الخير ياغالي....
انا ما احب اتكلم عن الادوية ولا احبذ ذلك من غير اهل الاختصاص..
انا استغربت قبل ان اكمل القراءة كيف الطبيب دمج لك البروزاك والباروكسات وبهذه الجرعات العالية لكنك ذكرت انك اضفت الباروكسات من عندك...وهذا خطإ كبير جدا لانه قد يؤدي الي نتائج عكسية..لاتأخذ اي علاج دون أن يعتمده لك الطبيب..واكرر جرعاتك عاليه ومخيفة
شفاك الله ومتعك بالصحة والعافية

نعم الجرعات عاليه لكن ما استقريت الا على هذي الجرعات

مع احترامي للدكاتره هذا اشوف انه سباك مو طبيب
غير الطبيب تضبط امورك👌

رحت لأغلب الدكاتره.....سناء سالم ..حسين الرمالي..هاني الامين واسماء ناسي اساميهم مالقيت فايده الا على هذي الجرعات و الي وصفلي هذي الادويه هو حسين الرمالي وانا اضفت الباروكسات من عندي والحمدلله الامور طيبه والوضع طيب ومافي اثار جانبيه مزعجه.... لكن خايف يكون في تعارض لمن اضفت الباروكسات لأنه مالي شهر عليه واخاف فجأه انتكس بسبب التعارض

المشكلة جرعاتك شيل افيكسور او سيروكسات واضف نيورنتين 400مل مرتين يوميا اثره فوري

ايش المشكله من الجرعات؟ هل فيها ضرر؟

جرعاتك هذي عالية جدا وربما تسبب لك متلازمة السيراتونين اضافة الى انه قد تسبب خطر كبير على كهرباء القلب وربما ايضا تسبب مشاكل في الكبد والدم مثل ارتفاع انزيمات الكبد وارتفاع مستوى الكوليسترول الضار في الدم
والمفترض انك توازن بين الجرعات او في حال عدم وجود تحسن بامكانك استخدام علاج انافرانيل لوحده بجرعة 150مج مع الابليفاي لأن علاج انافرانيل هو اقوى مضاد اكتئاب على الاطلاق وسيغنك عن كل مضادات الاكتئاب التي تستخدمها حاليا

ارحم قلبك وكبدك والكلى انت كذا تدمر اعضاء الجسم تاخذ ادوية كثيرة وبجرعات عالية غير ان الافكسور لحاله يرفع الضغط كيف مع ذا الخلط وش راح يصير لك ؟ ذا ماهو دكتور ذا سباك ولا له علم بالطب !! غير ان الادوية النفسية تستخدمها وقت طويل ومن تتركها الغالب يرجع ينتكس وانا اول واحد انتكس لكن ماعمم يعني انت يمكن تضر نفسك بدون فايدة خذ لك دواء او اثنين بشراف طبيب وخلك على جرعات خفيفه او وسط لا تاخذ عالية بستمرار وعلى طول

جرعاتك جدا عالية وفيه خطورة اذا مو الحين مستقبلا
ابقى على مضاد اكتئاب واحد ودواء داعم فقط
ما يصير دكتور يوصف ثلاث مضادات اكتئاب بهالجرعات العالية
شوف السروكسات او الافكسر مع الابليفاي
واحدف دوائين من القائمة ابرك اليك