يوميات الرهابيين ((تعال نسولف))
 

اتمنى التفاعل من الجميع كل المطلوب منك اخي الريهابي تحكيلنا وش سويت اليوم او كيف بديت يومك او موقف حصل معك
لقيت مثل هذا الموضوع عند اخوانا في منتدى الاكتئاب
فعجبتني الفكرة وممكن نكون محتاجين اكثر لها بسبب الوحدة القاتلة اللي يعيش فيها اغلبنا
وشكرا للجميع

فكرة جيدة
أنا مع الرهاب انعزلت كليا لايوجد مناسبات ولا أفراح ولا حتى عزاء لا يمكنني الذهاب أبدا

نعم نعم و الحال من بعضه الاسواء من المرض هو التشره من الناس اللي حولك ولومهم الدائم لك
وكلمات من قبيل فشلتنا وطيت راسنا عيب ليش ما رحت ما تقدر الناس
هذه معاناة دائمة للاسف
واحنا مقبلين بعد على اصعب ايام السنة
العيد السعيد مثل ما يسمونه

اتمنى من باقي الاخوان يتفاعلون معنا
والله يفرحنا هالشئ

ها وين رحتو وين جيتو
هل صار لكم مواقف رهابية اليوم ؟

المشكلة لو تفكر بالرهاب تحس انه شي تافه
بالذات لما تسمع محاضرات ودورات عن هذا الموضوع
تقول معقولة الحل سهل وأنا مو قادر؟؟

لكني حاولت كثير والله
أحسه أقوى مني للأسف

طول عمري أتهرب من المواقف الاجتماعية
لكن صار لي موقف قبل كم سنة حطم فيني كل شي
كنت مجبر أقابل ضيوف
وحسيت بعد هالجلسة بضعف نفسي وقوة الرهاب اللي كنت أظن اني في طريق التعافي منه

للاسف بعد هذا الموقف وقفت عن كل المحاولات
وكل ما أتذكره أحس بالألم

مع اني مازلت أطمع برحمة ربي وفرجه

الرهاب مرض اشد فتكا من السرطان والايدز
الرهاب لا يأتي بمفردة بل يصطحب اخوانه معه الاكتئاب و نوبات الهلع وكل فشل معني وعلمي واجتماعي ممكن يخطر على البال
كم ضاعت فرص وفرص من الممكن ان تنقلنا الى مستوى مختلف
لكن العوض من الله سبحانه
وبوقوفنا مع بعض نقدر نساند بعض باللي نقدر عليه