نفساني - تعبت من نفسي

بسم الله الرحمن الرحيم
مشكلتي اني اعطي للناس ثقه كبيره واعاملهم مثل ما اعامل اخواتي بالبيت ودائما اتوقع منهم الخير لكن للأسف
انا عارفه اني حساسه جدا خصوصا من الناس اللي يعنن لي شي او من الناس اللي احترمهم وبعدين يطلع منهم تصرف ممكن يضايقني كذا يوم وهذا دائما يتكرر معاي الموضوع وكل مره احسن النيه واقول هذه مش مثل ذيك واكيد الناس يختلفون ولكن ....كل مره نفس المره اللي قبلها!!!!
وطبعاً كل مره يصحبها بكاء وندم وقلق وارق لدرجه ان ما أقدر آكل ولا لقمه لمده اسبوع اوحتى اسبوعين حتى اصاب بالهزال او بضعف عام ينقلني للمستشفى...صدقوني ولا لقمه
مشكلتي الآن يمكن تكون مختلفه شوي لكن النيجه وحده وهي ان توظفت"اخيراً"عن طريق احدى المعارف وهذه الأخيره موجوده معاي بنفس الدوام
وانا طبعاً شايلتلها الجميل على راسي من فوق وهي بالمقابل شافتني مجتهده بعملي وفحالي فتقربت مني واصبحنا صديقات نسأل عن بعض تجيني المكتب ندردش ونفطر ساعات نتغدى
يعني محترمتها انا ع الآخر لكن مع الوقت عرفت انها مزاجيه جداً جداً جداً"طبع وكلنا فينا الزين والشين "والله ماعندي اي اعتراض لكن اللي عندي له اعتراض وماأقدر
اغيره انها ممكن تخاصمني من غير سبب حتى لما اسلم ما ترد تحسسني كأني مسويه شىء وبعدين ترجع عادي وبعدين يومين وكأني مسويه مصيبه وبعدين كم يوم انا أعز الأحباب
وبعدين.............الى ان وصلت الى ماوصلت له الآن من ارهاق نفسي وجسدي وكل هذا بسبب الجميل اللي عملته معايا لدرجه اني فكرت جدياً في الأستقاله وفي شىء مهم انها ساعات تتنكرلي في بعض الأمور مما يزيد من تعبي"نفسياً"
انا صاحبه شخصيه قويه خصوصاً في الحق....لكن ليس من حقي اقولها انت ليش كذا!! لأن هذه شخصيتها لكن بالمقابل شخصيتها واطباعها تأثر علي سلباً
نسيت اقول شىء مهم وهو انها لها سلطه علي في العمل وهذا اللي تاعبني لكن وين الاقي وظيفه ثانيه...وين
اتمنى يتناقش موضوعي بجديه لأن ممكن تشوفون المشكله بسيطه عند مشاكل الآخرين لكن صدقوني انا تعبببببببببببببببانه جداً
من هذا العالم اللي ماعنده احساس بلآخرين ويفتقد الذوق......