اعدت نسخ الموضوع ( ارجوا المساعده)
 

مشكلتي مدري وشلون ابدأ
ولا وشلون اوصفلك انا احس اني حزينه مع ان كل الامور اللي حولي مره حلوه
انا متزوجه من 7 شهور من رجل ما اقدر اوصفه لك
اخلاق ذوق طيبه
والله انه يعاملني زي بنته الصغيره الدلوعه
(طبعا هو مو كبير الفرق بيننا سنتين)
مرت علي ظروف بداية زواجي ووقف معي الله يخليه وماقصر
مشكلتي هي اني ودي انه دائما مقابلني ماابغاه يطلع ابد
حتى انا اذا جيت بطلع يضيق صدري ودي اجلس في البيت عشان اجلس معاه
واذا قال بروح لصديقي وبوديك لأهلك يضيق صدري ودي اجلس معاه
بالله عمرك مر عليك احد كذا مايحب يروح لأهله
مدري وش بلاي متعلقه فيه كثير بشكل احسه انه مل مني
بقولك لكم وضعي
زوجي موظف بنك يداوم من الصباح الى الساعه 12 الظهر ويرجع يتغدى وينام
ويصحى الساعه 3 ويلبس ويطلع للدوام المسائي الى الساعه 8
بالعربي ما اشوفه الا بالليل ويرجع تعبان من الدوام ويجلس يطالع افلام ويتعشى وينامى الليل
وانا اجلس من الصباح الى الليل لحالي والوضع مرررره ممل
فصايره اشتاقله بجنون واحاوليوم الخميس ما اطلع عشان اقابله ولا امل منه
طلبت منه اني اتوظف مو راضي
انا احس عندي حب تملك ودي انه ما يشوف الا انا وما يكلم الا انا
وانا عارفه انه يوم من الايام بيطفش مني
بس والله العظيم غصب علي كل يوم اجلس ابكي احس وضعي مو طبيعي
كل اللي حولي يقولون لي احسن ان زوجك دوامين تفتكين من وجهه وانا والله اتمنى انه مقابلني طول الوقت
دايما اسأل نفسي ليه انا مو زي الحريم الباقيات يملون من ازواجهم ويدورون اي شي يلهيهم عنهم
يروحون لااهلهم كل يوم تقريبا وينامون عند اهلهم دايما تحسين انهم يتهربون من ازواجهم اما انا فلا
مااروح لأهلي الا يوم الاربعاء ولا انام عندهم الا للضروره القصوى ابغى حل
تكفون كيف اعامل زوجي
وكيف ابعد عني حب التملك هذا
شوفو الحين هو نايم وانا مره مرتاحه لأنه عندي بالبيت
وشكرا جزيلا واسفه على الإطاله

هذا رد فعل طبيعي بسبب
ظروف عمله حاولي تكونين
قريبه منه وتتفهمين طبيعة
عمله ومع الايام
راح تتغير نظرتك للحياه
وتتعودين على الوضع
كل الاماني بحياه
زوجيه سعيده

يـــــــــــاحيـــــــاتي عليكمـــــــــ

الله يوفقكم ويدوووم المحبـــــــه والسعاده عليكمـــــــ

يــــــــارب

ماشاااء الله عليكم حبيبتي

اظن هاذا الوظع طبيعي لأن زوجك طيوووب وحنووون معك وتوكم عرسان جدد

وش تبقى البنت اكثر من كذا.وثاني شي من الفظاوه

يعني ماعندك شي تلهين نفسك فيه غيره

الله يعطيـــــــــــنا مثل الي عطاك اللهم امييين

وبتوفيق انشاء الله

تحياتي اختك دمعة المشتاق

لان ببساطه حنون وده اقصى امل للزوجه وده الى مخليكى مش عارفه تشبعى منه لانك بتشوفيه قليل مع انكم فى بيت واحد ربنا ياااااااااااارب يخليهولك وياريت الرجال يقراوا الموضوع حتى يعرفوا الرجل الحنون بيلاقى ايه من زوجته انتى عاديه وطبيعيه جدا زى مانتى خليكى ولكن نصيحه صغيره من اختك متقطعيش اهلك محدش ضامن الزمن

وضعك ياحبيبتي طبيعي جــــــــــدا لانك توك عروس جديدة ...الله يوفقك ويا زوجك

وهو من اهتمامه الزايد انتي اتعلقت فيه أكثر...بس كمان هذا الملل يجيكي من الفراغ

لاتجلسي كثير بروحك في البيت...زوري أهلك واخوانك...زوري صديقاتك..مارسي هواية

معينة في البيت ...اشياء وااااجد تشغل الانسان ...راح تحسي نفسيتك تحسنت ..

ولاتتضايقي اذا زوجك طلع ويا اصحابه...مثل ماهو اجتماعي خليكي اجتماعية...لان اذا

انت وهو مقابلين بعض طووول الوقت تراااكم راح تملوووو من بعض...وزي مايقولون

الخلطة مع الناس عيد...اتمنالك التوفيق ...أختك (( شروق الحب ))

اختي العزيزة وضعك طبيعي من حيث حبك لزوجك
ولكن تحتاجين فقط الى برنامج يسد الفراغ في يومك
فكما يبدو لي انك بوقت ما يكون زوجك يعمل انتي تذهبين للنوم
وعندما يعود تكوني في قمة النشاط في حين هو لديه وقت قيليل ويريد
النوم او الخروج مع صديق او شيء من هذا
فحاولي تشغلين وقت الفراغ بما يتناسب مع برنامج زوجك

وتقبلي تحياتي