|
الشك ذبحني ابي مساعده
السلام عليكم
انا طالبه منكم المساعده تعبت من حالتي وكل مالها وتزيد وتزيد واحس اني بديت اوصل لمرحله الجنون انا عانيت وايد بحياتي من وعيت على الدنيا وانا اشوف الغدر والخيانه حواليني سواء من رجل ام من امرأه تعبت الشك ذابحني ما اثق باحد وكله في بالي انه الي قاعده معاي يبي يغدر فيني اذا كان صديق اما اذا كان زوجي افكر بافكار واصدقها واشك فيه بس مو مني لان بالسابق شفت منه العجب والعجاب والحين ماعنده شي بس يتهيألي اشياء واصدقها وما اثق باي احد بالدنيا تعبت تعبت تعبت ابي حل اعتقد الي فيني مرض صح هل له حل بليززززززززززززززززززز ساعدوني وصلت للجنون والله |
رجعت لكم من جديد
شلونكم شخباركم الحمدلله انه مواضيعي القديمه موجوده الى الان ياناس حالتي كل مالها وتزيد تعبت من الشك صارتلي سوالف اثبتتلي صحه شكي بس انتهت هذي الامور بس الثقه ماني قادره ارجعها باي شخص احس الكل حولي خاين مافي صداقه وحب بهالزمن الكل يبيع وينهش بالثاني تعبت عطوني الحل والي يعافيكم |
السلام عليكم اهلا بك ايتها الاخت الكريمة اود الاستفسار منك بعض الامور كم سنك ؟؟ قلتي من يوم ماوعيت ع الدنيا وانا اشوف الغدر هل من الممكن ان تشرحي لي كل ما مر بك وكيف اصبحت تشكين في الغير خذي وقتك وتكامي عن كا ماتعاني منه وعن كل ما مررتي به |
اقتباس:
اشكر اهتمامج بالرد انا اقصد من وعيت بالدنيا اقصد من فهمت الحياه من عرفت الناس وتعرفت عليهم انا حالي حال اغلب الفتيات عمري حاليا 29 سنه من عمري 17 سنه تقريبا تعرفت على شاب وصارت بينا مشاكل متعلقه بالخيانات وبنفس الوقت كان عندي بنات صديقات ومن اهلي كانوا يغدرون فيني يعني جدامي وجه ومن وراي وجه وكانوا يقطون بلاويهم علي وانا على نياتي وبعدها تزوجت ومن اول يوم زواج وانا اشوف خيانة زوجي لي سواء بالتلفونات كان يكلم البنات جدامي ولا يحسبلي اي حساب وبعدها صديقاته ابتدوا يتصلون فيني ويقولون لي انهم كانوا معاه وبعدها تطلقت وتعرفت على شاب صارلي معاه 5 سنين بدايه علاقتنا كانت له علاقات قديمه اول سنتين عشتها معاه بعذاب واخر 3 سنين ماشفت منه شي بس خلالالاص ماقمت اصدق اي شي منه واهو انسان غامض وغير الصديقات ولا عمري تعرفت على وحده ماكانت تبي مصلحه او ماتغدر فيني تغدر فيني انها تحاول توصل لحبيبي او انها تخرب علاقتي باهلي ممكن في اشياء وايد بس مو ذاكرتها انا تعبت من الغيره والشك غيرتي غيره شك مو طبيعيه ما اصدق اي احد يكلمني كله في بالي انهم يبون شي او انهم يكذبون علي انا ماعندي صديقات كثير حاليا وعلاقتي متدهوره مع حبيبي بسبب الشك والغيره واهو اعصاب مايكلمني بطريقه يبرد فيها قلبي على اساس يبعد الشك لا يزيدني شك اذا اتهمته بشي يقولي فعلا صحيح على اساس مل من تحقيقاتي ماني عارفه شنو ممكن اسوي تعبت نفسيا وباين على شكلي التعب من التفكير |
| الساعة الآن 06:34 AM |
Powered by vBulletin® Version 3.8.11
Copyright ©2000 - 2025, vBulletin Solutions, Inc.
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.
المواضيع المكتوبة لاتعبر بالضرورة عن رأي الموقع رسميا