|
اختي مجاديف الامل ياليت تساااعديني
انا تعبانه هالفتره وحلمت بأحلام كثيره ودي لو تفسرينها لي لعلها تساعدني بعد الله في علاجي
تقدرين تعطيني ايميلك افضل اذا تسمحين كنت ابغى ارسلك رساله خاصه لكن عضويتي ماتفعلت وماقدرت |
شفاك الله اختي رحمتك يارب واذهب عنك الحزن ..وبالنسبه للإيميلي اطلبيه من الاخ الكريم صلاح سليم واتشرف بك اختي رحمتك يارب .. |
كيف اقدر اوصل له ): لان عضويتي لم تفعل بعد يعني مااقدر ارسل رسائل خاصه
وانا بحاجة لتفسير احلامي اليوم قبل بكرى والله |
يمنع وضع الايميلات هنا ..والاخ صلاح غيرمتصل الآن لذاضعي الرؤيا التي ترين انهامهمه في نظرك وسأفسرهالك بإذن الله ..والبقيه دعيهالحين مايصلك الايميل سأطلب من الاخ صلاح اعطائك الايميل .. وضعي لي بياناتك الشخصيه واشرحي لي حالتك واوضاعك.. |
انا عمري 19 سنه غير متزوجه والدتي متوفيه ، ومن فترة تقريبا 4 شهور او اكثر وانا تعبانه جربت الرقيه الشرعيه مع راقي وسدر تحسنت شوي لكن عاد لي التعب وبسببه وقفت دراسه الترم هذا والله يسهل اموري واكمل يارب ..
في بداية تعبي حلمت كأني كنت اكل شيبيس ( بطاطس) وانا كنت آكل انتبهت ان بداخل الشيبس بالكيس حقه يعني في حشره غريبه كبيره شفت جنحانها قمت رميت اللي كنت باكلها .. الحلم الثاني : حلمت كأن فيه قطه بيضاء في منزلنا وكانت شريره تقريبا من ملامحها كانت لها انياب طويله واسنانها تخوف المهم وكانت بس تمشي وتوسخ في البيت اكرمك الله وانا احاول اقتلها المهم دخلت القطه غرفتي ووسخت (بآلت) اكرمك الله على سريري .. وبعدها جلست القطه فوق الكرسي وكانت فيه الشغاله معنا وانا عطيت الشغاله مقص قلت لها اذبحي القطه ويوم اعطيت الشغاله المقص جت بتتطعني من ظهري وقلت لها لا مو انا اقتلي القطه ويوم راحت بتقتل القطه طلعت روحها القطه وبقى جسدها على الكرسي كانها تهرب مننا يعني ... سوف اكمل بقية الاحلام بالرد القادم ان شاءالله |
الحلم الثالث : حلمت اني رأيت حشره كبيره وغريبه على السقف تقريبا وناديت الشغاله تشيلها قامت شالتها بيدها وانا متقرفه اقولها لا مو بيدك تشيلينها وصارت الشغاله تلاحقني بالحشره وتخوفني فيها وانا اختبئت ورى الستاره خايفه ...
الحلم الرابع : حلمت كأني كنت بحوش بيتنا وشفت قطتين وحده بيضاء والثانيه سوداء ويوم شفتهم خفت وصكيت باب البيت وطلعت فوق بالصاله وصالتنا فيها مكيف مركزي وله فتحات بالجدار يعني المهم وجلست بالصاله وقلت الحين اكيد بيوسخون ( يتبولون ) المهم وفعلا القطتين وسخو ( بآلو ) ونزلت قطرات من بولهم من فتحات المكيف هذا وماادري مااذكر زين يمكن جت قطرات على راسي او لا نسيت .. بآقي تقريبا حلمين اكتبهم بالرد القادم ان شاءالله |
حلمت كاني كنت واقفه عند مسبح ومعي بنات المهم وطلع من هذا المسبح وزغ طلع من تحت لفوق يعني على سطح الماء ويوم شفته صرت اصرخ وصار هو يسبح وطلعت له عضلات كبيررره صار كانه انسان له عضلات كبيره ويسبح بسرعه وانا اصرخ ..
الحلم الثاني : حلمت كأن اخوي الصغير جاب ثعبان بالبيت ويوم صحينا من بكرى لقينا كل البيت ثعابين وقرف وفيه ضفدع ميت وسايح وطايحه عيونه مدري كيف المهم البيت صار كله ثعابين واحنا مستغربين كيف تكاثرو كذا وهو كان واحد لحاله المهم وكان فيه ثعبان برتقالي منقط باسود تقريبا لدغني من رجلي اليسار وانتهى الحلم .. ولكي جزززيل الشكر ودعوووواتي الصادقه بان يوفقك الله ويحقق لك كل ماتتمنيه وعذرا على كثرة الاحلام لكن اتمنى تفسرين لي لو شي بسيط لعلها تفيدني ان شاءالله |
الله يرحم الوالده ويسكنهاالفردوس الاعلى من الجنه عزيزتي رحمتك يارب كل هالرؤى تبين انك بحاجه للرقيه الشرعيه وبالنسبه للرؤياالثانيه هل عندك قريبه تتدخل في شئونكم وتسبب لكم مشاكل كثيره في البيت وهل من مواصفاتهالون بشرتهابيضاء ؟ |
يعني يمكن يصير اللي فيني حسد اوعين ؟لاني قريت مع شيخ تقريبا شهر او اقل وتحسنت لكن عدت اكثر من اول تعبانه ... أما بالنسبه لسؤالك اذا فيه وحده تتدخل بشوؤننا ماادري والله حاولت اتذكر لكن لا تقريبا مافيه احد يتدخل ويسوي لنا مشاكل بس حلم القطط تكرر مرتين مره بيضاء والمره الثانيه بيضاء وسوداء وكلهم يبولون اكرمك الله
|
اقتباس:
عزيزتي اللي فيك عين اوحسد من قريبات لك من مواصافاتهم الاولى بيضاء والثانيه سمراء حاولي تتعرفين عليهم وخذي من أثرهم واشربي واغتسلي منه وخذي من اثرالخادمه تمنيت انك حطيتي رؤاك اللي رأيتيها في الوقت اللي كنتي ترقين فيه لأنهاتساعدكثيرفي التعرف على الحاسداوالعائن ولي سؤال بالنسبه لوالدك هل هومتزوج ؟ |
لا مو متزوج
طيب اللي قلتي حاسديني وحده بيضاء ووحده سمراء هم اخوات يعني |
موشرط يكونون اخوات لكن هم قريبات انتي شوفي مين اللي تحمل هالمواصفاة ودايم تمدحك من غيرذكرالله أوتحسدك على اشياءعندك موموجوده عندها وخذي من اثرشغالتكم واشربي منه واغتسلي منه والرؤيااللي فيهاالمسبح بفسرها لك قريب انشاءالله .. |
طيب والرؤى الباقيه كلهم تفسيرهم واحد ؟
ووش علي اني اسوي علشان اطيب ان شاءالله غير اني اخذ من اثرهم واغتسل فيه ؟ |
اختي مجاديف الامل ضروري ابغى ايميلك ياليت تقولين للأخ اللي قلتي عنه يوصلي اياه بأقرب وقت اذا تبين تساعديني وتبين الاجر والله يفتحها عليك ويرزقك كل ماتتمنين
|
اقتباس:
استمري على الرقيه الشرعيه وعليك بالدعاءوالصدقه لهم أثرعظيم في الشفاء وامعني النظرفي هذاالحديث الشريف للتتبين لك فوائدذلك قال رسول الله صلى الله عليه وسلم: «حصنوا أموالكم بالزكاة، وداووا مرضاكم بالصدقة، واستقبلوا أمواج البلاء بالدعاء والتضرع» أسأل الله العظيم رب العرش العظيم ان يشفيك ويرفع عنك البلاء ويجعل لك من كل هم فرجاومن كل ضيق مخرجا عزيزتي كوني مطمئنه |
| الساعة الآن 11:23 PM |
Powered by vBulletin® Version 3.8.11
Copyright ©2000 - 2025, vBulletin Solutions, Inc.
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.
المواضيع المكتوبة لاتعبر بالضرورة عن رأي الموقع رسميا