حالتي غريبه , وش هي ؟
 

السلام عليكم



أخواني أنا عندي حاله غريبه

أولآ أنا رجل عمري 28 سنه
غير متزوج

مشكلتي أنني أعاني من الخجل منذ صغري , وخجل لا يؤثر على حياتي الإجتماعي ولا الخروج للمناسبات

بل أحظرها بشكل طبيعي

قبل حوالي 4 سنوات صارت تظهر علي أعراض غريبه

أحمرار في الوجه
وحركه لا إراديه للشفايف بعض الأحيان عندما يكلمني شخص وجهاً لوجه ؟
ما أدري وش سببها , وأحاول أهرب من الموقف بأسرع طريقه

الفتره الأخيره وهي من أسبوع تقريباً

صارت تجيني حركه لا إراديه على عضلات يدي ورجلي
وخاصه في الصلاة أو إذا جلس بجنبي أحد
أحس إني أنجذب له لا إرادياً أو حركات تحسس اللي جنبي أن فيه شي يحركه !!

ما أدري كيف أفسرها لكم , لكنها تحرجني بشده
وأكون مشدود الأعصاب , وحين أتكلم معه ما أقدر أسيطر على أعصاب رقبتي وتتحرك لا إرادياً ( مثل اللي فيه برد ) ؟؟
وأغلب الأوقات أعض أسناني لفتره طويله ؟

وش الحاله
وأقرب مدينه لي الرياض أبي أزور طبيب نفسي ولا أعرف أحد
كيف بالله

ياليت يتم إرشادي لأني والله تعبت وبديت أفكر ما أطلع ولا أصلي
لأنها تحرجني كثير
وحتى أهلي وزملائي ما يعرفون اللي فيني
وأنا أتعذب من الداخل

أخوي أبوفهد

الله يجزاك خير إذا تقدر تمدني بأرقام لأطباء نفسيين لمراجعتهم بأقرب وقت

أنا أقرب مدينه لي الرياض , ولكن ما أعرف وين عيادات الأطباء النفسيين

إذا تقدر تتواصل معي على الخاص أكون لك شاكر

عليك بالدكتور سليمان الصغير = مركز الجامعه الطبي

اول شارع الستين بالملز وانت جاي من طريق خريص اول اشاره يصير مستشفى قوى الامن على يمينك اخذ يسار مع الاشاره

تمشي لين تتعدى البنك الهولندي ووكاله مصر للطيران ويجيلك مركز الجامعه على زاويه على يمينك ...

اوصفلك ونا نعسان انشالله واضح التوصيف..

ونصيحه تجيهم الساعه 6 صباحا علشان الزحمه فتح الملف ب500 ريال

ونا أنتظرك هنا بالموضوع علشان تقولي اخبارك