اخى الاكبرواثارالحبوب المخدره
 

السلام عليكم ورحمة الله وبركاته
احييكم اخوتى واخواتى واعرض عليكم مشكلتى عسى الله سبحانه وتعالى يجعلكم سبب فى مساعدتى بالدعاء والنصح والارشاد جزاكم الله خير وشفا مريضكم واتم عليه الصحه والعافيه
لى اخ يبلغ من العمر 35سنه فى فترة الثانويه العامه بدأ بتعاطى الحبوب المخدره اللى اسمها حبوب الصراصير واخرى اللى بتخلى الانسان ينام كتير
اخويا طيب جدا وحنون ورغم تعاطيه للحبوب دى الا انه محبوب من كل قريب منه وعمره ماتسبب فى أذى لانسان
هوحاليا مبطل الحبوب دى من حوالى 4شهور على حد قوله لانه تعب بس المشكله انه بيبطل ويرجع تانى بعدفتره
صارحنى من يومين انه لمابيبطل بيبقا لسانه تقيل وبينسى كتير فانافهمت انه علشان كده بيرجع لانه فاهم انه شكله العام وحش قدام الناس وانا مش برضى اجرحه واقوله انه بيبقا غريب الشكل لما بيتعاطى الحبوب دى مسكين جسمه رفيع جدا ومهمل فنفسه وخصوصا بعدجوازى وبعدى عن البيت فى محافظه بعيده عنه وهويتيم واخواتى قلوبهم قاسيه عليه لانه احيانا بيبقا عصبى
وبيجرحوه بالكلام وهويبكى زى الطفل
انامعتبراه مريض وحقه عليا اخد بأيده بس هما مش مستوعبين ده وفاكرين انه هو اللى اختار طريق الادمان بمزاجه وانه يقدر يبطل من نفسه ربنا يهديهم
كل خوفى عليه انه يفضل طول عمره هايم فالدنيا وميتجوزش واشوف عياله
ياترى هيقدر يبطل نهائى وازاى وهو بعيد عن ربنا طبعا بسبب الادمان وانا بكل الطرق بحاول معاه انه يحسن علاقته بربه علشان يقدر يقاوم وينصلح حاله بس بعدى عنه معجزنى عن متابعته طبعا
بسألكم ياترى هيفضل يبطل ويرجع كده علطول ولا فيه امل انه يبطل نهائى
طبعا الكل عارف شكل متعاطى الحبوب عامل ازاى مفيش بنت هتوافق تتجوزه رغم انه موظف وعنده شغل خاص بس اى بنت تخاف تربط حياتها بشخص كده
نفسى اشوفه كويس وقريب من ربه ومهتم بنفسه وصحته والله انى ببكى لما اشوفه واثرالحبوب دى مخلى لسانه كأنه معوق وايديه ترتعش احيانا
مين عنده فكره عن هذا النوع من الادمان يفيدنى افادكم الله وبالله عليكم اللى معندوش فكره يدعيله لانه قسما بالله انسان طيب بكل معانى الكلمه والف خساره انه يعيش ميت بقية عمره
لعل دعوه بظهر الغيب تشق السماء ويقبلها رب العباد ويصلح حاله ويبرد قلبى عليه
واخيرا اسفه للاطاله بس والله من حرقة قلبى على اغلى انسان عندى من بعد امى اخويا الحبيب شفاه الله وعافاه
والسلام عليكم ورحمة الله وبركاته

أختي الكريمة

أسئل الله العافية لكِ ولخواكِ

هل فكرتي بأن تذهبي أنتِ وأخوك لطبيب

شاكره للمرور
طيب حضرتك اى نوع من الاطباء هنا الاطباء النفسيين بيعالجوا بالادويه والعقاقير وبس مفيش نقاش حتى مع المريض وخايفه يخرج من ادمان حبوب معينه يدخل فى متاهة العلاج النفسى

شاكره لمرورك ونصيحتك بس اى نوع من الاطباء
مره كلمتمركزللمختصين بعلاج الادمان تبع الدوله قالولى لازم تفرغ كامل لفتره لاتقل عن 5شهور وهوموظف صعب جدا انه يتغيب عن عمله لهذه الفترات الطويله انا هخلى الحل ده موجود للنهايه ان فشلت كل المحاولات معاه بس يارب يقتنع انه يتحجزفى مكان خاص بعلاج الادمان لان ده بالنسبه له صعب جدا

اللهم اشف اخى وكل من مثله واسعدقلبى بشفاه
امين

اللهم آمين ،،،

الله يشفي أخوك ويهديه...

مايشعر به أخيك هو في الحقيقة هي أعراض أنسحابية بسبب التوقف عن تعاطي الحبوب...أفضل حل هو الذهاب لطبيب نفسي لوضع خطة أنسحاب بديلة ممكن تكون بمساعدة أدوية أخرى وبأذن الله تعالى سوف يعود مكا كان وأفضل...

تحيتي...

و الله يا اختي الصحة قبل كل شيئ و هي الاولوية الاولى

لو اخوك بيصر على الادمان ايش فايدة العمل بعدها لما صحته العقلية و البدنية تتدهور

او انك مثل ما نصحك الاخ ابوبتال تحاولوا تزورو طبيب نفسي و هو يمكن يعطيه علاج يخليه يترك المخذرات بدون اثار تنعكس سلبا على حياته

اسألكم الدعاء لاخى قسما بالله حاسه ان قلبى بيتحرق علي حاله
يارب منك الابتلاء ومنك الصبر

متشكره على سؤالك الدائم ربنا يبارك فى عمرك هوحاليا عندى من يومين ومعظم الوقت نايم ومش قادره اقنعه بانه يروح لدكتور نفسانى مش عارفه اقنعه ازاى ومش بيصلى طبعا ولما بنصحه بالقرب من ربنا بيسكت وكأنه قابل النصح بس مش بيقوم يصلى
انامش فاهمه هو متعاطى كده ولا لأ بس هو بيتكلم كويس ولمابصحيه بيرد عليا وبيقولى سيبينى شويه اعتقدهومش اخد حبوب او اخد كميه قليله مش عارفه ربنا يعينى ويقوينى

الله يسعد قلبك اخى الفاضل
متشكره للنصيحه
ربنا كريم وقادر يشفيه ويقوينى ويقدرنى على اقناعه
اخى لوعندك طرق لاقناعه انه يتقرب من ربنا ويقبل العلاج فيدنى الله يكرمك
حاسه الوقت بيجرى وهوماشى كمان يومين ومش قادره لوحدى اقنعه ومش عاوزه ادخل جوزى فالموضوع علشان محرجش اخويا