|
خلاص مافي أمل أفرح صح ؟
السلام عليكم و رحمة الله و بركاته أنا حالتي تزيد يوم عن يوم تعبانة كثير أحس مخي بينفجر من التفكير اليوم حلمت حلم وخلاص نشيت منه متضايقة وتوني أرمس إربيعتي تقولي شو فيج مضايقة ؟ لما قلت لها إني تعبانة و أفكر في الموت قالت لي أشغلي عمرج و لا تردين تفكرين قلت لها كله أحس بالموت قالتلي أنا سمعت إنه الواحد يحس بموته قبل لا يموت ومن خبرتها زاغت زادتني خوف يا ناس أنا بروحي في حالة وعقب عشان تخفف عليه و ما تخوفني قالت لي لا كله جذب بس أنا خفت و فجأة خفت من البلاك بيري و بندته خلاص يا ناس راح أموت ؟ مافي أمل أفرح و ترد حياتي مثل ما كانت و أحلى ؟ أنا أدعي بس ما يستوي شيء ؟ يمكن لأن صدق بموت صح ؟!! |
أخ السويدي انت وشفيك بالضبط هل هو وسواس قهري أم اكتئاب أنا أشوف حالتك مبدئيا انها اكتئاب وقلق
انا اعتقد أنك تحتاج إلى علاج دوائي |
أحيانا يدخل مع الاكتئاب شيء من الوسواس والرهاب
فأنا أتوقع أن الذي لديك اكتئاب لم تذكري لنا ما هو وسواسك بالضبط عن وش |
اتعوذي بالله من الشيطااان هذه كلهااا وسااااوس من رحمه ربي فينااا انه مانعرف متا نموووت واكثري من الاستغفاز والدعاا
|
تعوذيً من إبليس. كله كذا وسواس لعين يبغى يقهرك. أحرقيهً بسوره البقره وماء زمزم شربا واغتسالاً. وادعي وانتى واثقهً انه الله راح يستجاب لك لا تقنطيً من رحمت الرحيم مؤ زين كذا
|
يآ أختي كلنآ نمر في مثل هذه الحآلات . . وأنا حآسة بمعاناتجَ فديتج
وتأكدي محد يموت قبل يومه . . وعلى إن الشخص يحس إنه يموتَ ترا مو صدق . . وشوفي سآلفتي ومعاناتي مع هالشيء .. شوفي حبيبتي ، أنا كنت مثلج ، ومن يوم ما طرت سآلفة الموت ع باليَ زغت وتروعت وما قدرت أنام وأحلامي كلها خوف في خوف ، وعقبها فكرت في كلام النآس إن الوأحد ايحس بموته قبل 40 يومَ . وقمت أعد الأيّآم والثوآني والله . . وخلآص حآطة في بآلي إني بموت في هاليوم ، وحتى تخيلي مرة بنت خآلتي شرت لها سيآرة بالأقسآط وقآمت تحسب لمدة كم سنة بيكتمل المبلغ ومن ثم قآلت عقب 4 سنوآت . . وآنا هني رجعت حآلتي وخوفي زآد ، ونشيت من المكان اللي أنا فيه وقلت " أكون أنا من زمآن ميتة " . .لكن الحمد الله مآ صار شي . . وأدركت إنه هذي كلهآ ألاعيب و وسوسة الشيطآن .. إنتي اللي عليج تروحين عند مطوع يقرى عليج . أو تآخذين لج دوا . . أشغلي نفسج بأي شيء تحبينه . . حآولي أطنشين السالفة قدر المستطآع . . لأن في الأخير الكل يموت ومحد بآجي وربي يطول في عمرج إن شاء الله حبيبتي وتشوفين عيآلج وعيال عيالج ع قولة عيآيزنا :D |
هدا مجرد وسواس اختي الكريمة الله يشفيك و يشفينا و يشفي جميع المؤمنين ...
|
أحس يا ختي فيك رهاب مع قلق لازم تراجعين العيادة النفسية وقبل ذلك المحافظة على الأوراد والبعد عما يغضب الله عزوجل - شفاك الله
|
شكراًً جزيلاًً لكم أجمعين
الله يخليكم لأهلكم قولوا آمين أنا والله اقنع نفسي بانها اوهام وأنها من الشيطان اللعين بس والله فجأه ييني إحساس إنها مب منه و إنها حقيقة شو اسوي ؟ قولولي..خبروني..إرشدوني خلاص الفكرة تلزقت في بالي وكل ما أحاول أطلعها أو أكذبها ماروم و أقول إنها حقيقة |
اخ السويدي اتمنى ترد على سؤالي ماهو وسواسك
|
راح أضطر لمراجعة مواضيعك
|
اعذرني أخي كان تشخيصي خاطئ بعد مراجعة مواضيعك أعتقد أنك تعانين من وسواس قهري اخي إذا كنت تستخدم دواء فشيء ممتاز واصل عليه اما إذا ما كنت تستخدم فانا أنصحك نصيحة من عندي اذهب إلى أقرب عيادة نفسية طبعا حالتك تتطلب منك العزيمة وانت محتاج لعلاج سلوكي ودوائي
أسال الله ان يشفيك |
عفوا أخوي أنا بنت مب ولد
اللي فيني وسواس قهري و وسواس الخوف من الموت. تقدر تراجع كل مواضيعي وشكرا جزيلا لك أخي. |
حآولي تقنعين نفسجَ . .
وآيد مثلج يعانونَ ، وهالمنتدى أكبر دليل . . إنزين سؤآلي لج يآ أختي . . كيف حآولتي تعالجين نفسجَ ، رحتي عند طبيب نفسآني أو خذتي لج دوا .. رحتي عند مطوع يقرى عليجَ ويرفع من معنوياتجَ ؟؟ إذا لاء . . لآزم تعالجين نفسج ، ولا الأفكار كل مالها تزيد وتسيطر عليج ورآح يسيب لج أعراض ومشآكل نفسية صعب تتخلصين منهآ . . أنا خالتي والله ما تدرين شصآر فيهآ . . طلعت من بيتهآ ما رامت تجلس فيه حتى ولو نصف ساعه مآ رآمت والخوف غلب عليهآ .. لحد ما ربي شفآها والحمد الله . , |
لا حبيبتي بس رحت عند شيخ يقرأ عليه
المشكلة إني مب قادرة أو ماعرف كيف أقنع نفسي إنها مجرد أفكار هي ترفض نفسها بالغصب عليه. حليلها الله يشفيها. |
| الساعة الآن 03:01 PM |
Powered by vBulletin® Version 3.8.11
Copyright ©2000 - 2025, vBulletin Solutions, Inc.
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.
المواضيع المكتوبة لاتعبر بالضرورة عن رأي الموقع رسميا