نفساني - كل الابواب تبندت .....

نفساني (https://www.nafsany.cc/vb/index.php)

- ملتقى أصحاب الوسواس (https://www.nafsany.cc/vb/forumdisplay.php?f=59)

- - كل الابواب تبندت ..... (https://www.nafsany.cc/vb/showthread.php?t=83997)

كل الابواب تبندت .....

السلام عليكم و رحمة الله و بركاتة

مساء الخير جميعاً

شخباركم ؟

ان شاء الله بخير و ما تشكون باس

شو الوسواس وياكم ؟

انا وايد تعبانة ها الأيام

الوسواس قاعد يزيد

حتى وأنا اشغل نفسي هو قاعد يزيد

احس اني كارهة كل شي كنت أحبة
صرت أمل من كل الأشياء اللي حولي ')
مادري شو مكتوب لي في الأيام الياية ان شاء الله خير

بس صدق هالمرة الوسواس مخيَّف أكثر

الحين نسبة انه وسواس قلَّت ب وايد عن قبل
الحين احس ان حقيقة مئة بالمية و ما اقدر أقول انه خيال

تتوقعون ها من الشيطان ؟

وربي خايفة من كل شي حولي

احس بموت قريب

و بيتنا صاير كئيب لان نصهم مرضى و مشاكل و ازعاج اليَّهال

الشي مخوفني أكثر

و الأحلام قصتها قصصةةةة ياربيه منها

ياخي مادري شو اقولكم بس من جد احس بخنقة

و كل الأبواب قفلت

حتى الحين و انا اكتب حاسة بخوف و بموت

و ان ماعرف شو اشرح و كيف آصف لكم

صبرن جميل والله المستعان :'(

اختي سويدي..الله يريح قلبك ،،انا والله زيك نفس الحال بس لازم نساعد نفسنا ونتقوى والتطنيييييش طنشي ياقلبي ادري انو صعب بس حاولي واجلسي استغفري كثير والله كريم ويارب يجي اليوم اللي نتعافى فيه ويكون الوسواس مجرد ذكرى،،طمنيني عنك

حبيبتي هدا كلة اعراض الوسواس
وانا مريت في هاي الحالة 24 ساعة افكر بالموت
اقول ادا سافرت بموت ادا ناميت بموت
بس الحمدالله اتقلب علية واصبر نفسي
اللي فيهم امراض مصبرين عمرهم ونحن مافينا شي الحمدالله
مفروض مانخاف ونشجغ عمرنا

اححححاوللللل يا ناس اشجع عمري بس صدقوني أضعف
امس حلمت في أختي أنها ياية بيتنا و تسلم علينا و تحضنا
و اليوم هي تتصل ف إخواني
أقول ليش تتصل يمكن بتموت :|
تععععبت وربي من هالتفكيرر

اخخخ يا قلبي بسسسس
تعبت من الأفكار .......

ترى الشيطان هو اللي يوسوس، ويوم نحن نكون بــ هالحاله يتم يضحك علينا، يقول هذا اللي أباه، ما اٌقولج ما إييني هالشعور، لكن تعوذي من الشيطان، وأقري سورة الناس وغيري مكانج بعد، قولي في خاطرج بتقلب عليك

هو يضعف بالقرآن، يحترق إنه ليش قريتي ، وإن شاء الله ترتاحين اختي السويدي وماعليج باس

تسلمين أختي بنت الظبي
يزاج الله خير

ويزاج الله خير اختي السويدي، بس لو تدخلين الحجره ، وتمين تستغفرين بدون عدد لين تحسين بتعب، وإن شاء الله ترتاحين، طبعا الاستغفار أي وقت وبدون عدد،

بس أنا قلت كوني روحج عشان تحسين بأن الله وياج ومابيهدج روحج تعانين،

الله يسمعج ويحب يسمع عبده يوم يدعيه ويستغفره، بتحسين بعد الاستغفار براحه، ومب شرط الوسواس يخوز في نفس اليوم،

متى ما ربنا يريد، وكل ماتحسين بضيقه وهم ادعي ربج باللي في خاطرج واستغفري،

ولاتنسين يوم الجمعة في ساعة استجابة فكثري من الصلاة على النبي، لعل الله يشفيج ..

لا تيأسوا من رحمة الله

أسأل الله الشفاء للجميع يارب

ان شاء الله حبيبتي و النعم ب الله
تسلمين وايد .....

ياليت بس لو نقدر نتواصل خارج المنتدى ):

طيب على الاقل نتفاهم أول شي عن طريق الرسايل الخاصة ، أظن مانقدر نتواصل ... لو الادارة بس تسمح لنا

حتى الرسائل الخاصة ما يستوي نتواصل من خلالها .....

السلام عليكم

اختي ا،السويدي ماعرف كيف ظروفج، بس بغيت أقولج لو تقدرين تسيرين البحر

تسمعين صوت المويه، وتمين فترة ، لأنه صوت البحر يبعث السرور والراحة

سيري الصالون مثلا اهتمي في نفسج ، شوفي هل تقدرين على هذا الشي

اشغلي نفسج في دورة، أو تعلمي شي من خلال النت

وإن شاء الله كل الأبواب تتبطل جدامج وتشوفين الأمل

ان شاء الله حبيبتي
الله يفرج همج و همومنا

دﷲ يشفيك ويشفينا ويشفي مرضى المسلمين
ﷲ يرحمنا برحمته
اﷲم اني اعوذبك من همزات الشياطين واعوذبك ربي ان يحظرون

آمــين خـــواتي الــله يـــسمع مــنكم يـــارب