نفساني - برجاء الرد عليا بخصوص نوبات الهلع

بسم الله الرحمن الرحيم

انا باخد دواء cipralex 10mg ليا شهرين تقريبا لنوبات الهلع
وباخد الدواء حبة ونص في اليوم نص صباحا وحبة كاملة بالليل
وحتي الان النوبات بتيجي لما احاول او افكر انزل الشارع رغم مرور شهرين علي اخذ الدواء

طبعا في تحسن عن الاول لان الاول كانت بتجيني اكتر من مرة في اليوم ووقتها وحدتها كانو اكبر من دلوقتي
وكانت بتجيني وانا في المنزل من غير تفكير في النزول للشارع
لكن دلوقتي بتجيني لما افكر في النزول للشارع
مع العلم اني كنت بعمل تمرينات الاسترخاء لفترة اكتر من شهر بس بطلتها

السؤال دلوقتي مفيش تحسن بنسبة كبيرة التحسن محدود رغم مدة شهرين مع دواء cipralex 10mg
هل دة طبيعي والتحسن الكامل هيجي مع الوقت ولا هو كدة الدواء ملوش مفعول اكتر من كدة معيا
واغيره ولو غيرته اخد ايه بدل منه ويكون امن في التبديل بينه وبين دواء cipralex 10mg

مع العلم اني كنت باخد سنة ونص دواء لوسترال قبل البداء في دواء cipralex 10mg
وكنت حاسس بتحسن كبير لكن بعد السنة ونص حسيت بتراجع في الحاله
وقررت اغير الدواء لدواء cipralex 10mg
بعد ما الصيدالي قالي واكدلي عليه انه احسن من اللوسترال

ياريت الاقي ردود لاسالتي
ويارت محدش يقولي روح للدكتور في الوقت الحالي علي الاقل
لان زي ما كاتب مبقدرشي انزل للشارع