ابي احد يطمني عسى ربي يطمن قلوبكم
 

السلام عليكم بدخل في الموضوع وابيكم تتحملوني لان مالي الا الله ثم انتو افضفض لهم
انا قبل شهرين جاني الم في الكليه اليسرى ورحت المستشفى ولقو عندي حصى في الحالب وسولها تفتيت بالليزر وبعد تقريبا 4 اسابيع حسيت بالم في نفس المكان ورجعت المستشفى وبعد التحاليل والاشعه لقو وظايف الكلى مرتفعه شي بسيط ولقو حصوه ثانيه وعطوني دواء وانزلت في اسفل الحالب وقال الدكتور مايحتاج انسوي تفتيت بتطلع مع الاكثار في شرب الماء علما ان الدكتور سوا تحاليل بعد التحاليل السابقه بثمان ساعات وقال وظايف الكلى رجعت طبيعي وسيولة الدم طبيعيه والى الان وانا عايش في جحيم من الوسواس بالفشل الكلوي علما انني سالت الدكتور وقال انت حالتك بسيطه وبتمر علي باليوم عشرات الحالات مثلك بس التفكير مستمر مع حالة حزن شديده واكتئاب واحس اني خلاص بموت واحزن على اولادي وقبل البارحه حسيت بالم في الكليه اليمنى واليسرى ورحت المستشفى وسويت تحاليل وطلعت وظايف الكلى طبيعيه وسيولة الدم طبيعيه واخيرا قبل تقريبا شهر سويت تحاليل شامله وطلعت كلها سليمه فما هو الحل علما انني احس بصداع ودوخه واحس بشي مثل الاعصاب في الساقين والفخذين والظهر والرقبه والفكين مشدوده تاخذ فتره بعدين يطلع فيها زغلله واسف على الاطاله.

الله يشفيك اخوي ويسعدك لاتخاف دام التحاليل سليمه وعمرك طويييل وش كثر الناس اللي بها حصى بالكليه تعال عند خوي احيان يشد عليه الوجع يبكي من قوته وهو متزوج زوجتين كبير فما عليك باس حبيبي
يمكن الشد من التوتر والوسواس لاتوسوس ياخوي امرك بسيط باذن الله اكثر من شرب المويه النقيه وتجنب الغازيات بذات البيبسي والكولا وطبعا كودرد وبايسن ومن شابههم
واشرب شعير ترى ينزل الحصى باذن الله

اخوي حسن اشكرك الشكر الجزيل والله يشفي الجميع
اخوي فهد اسأل الله ان يريح بالك ويسعدك في حياتك مثل ماطمنتني والله يااخ فهد انك ماتتخيل وشلون ريحتني الله يجعل السعاده في وجهك الشيطان حريص على العباد اعوذ بالله منه.

واياك اخوي
يكفيني دعواتك ولاتنساني دووم من دعواتك بان الله يشفيني ويحسن لي الخاتمه
ابشششششششششششششر امرك بسيط يالحبيب باذن الله

بأذن الله اخوي فهد اني ماانساك من الدعاء لانك طلعتني من هم مايعلم فيه الا الله وابشر بدعوه عن ظهر غيب

لا باس عليك اخوي
تطمن و ريح بالك موضوعك جدا بسيط مجرد حصوات و تفتت وبس
انا امي الله يطولي بعمرها من ست سنوات مسويه تفتيت والحمد الله ماشاءالله

الله يطول بعمرك و يحفظك ل عيالك و تشوف عيال عيالهم ..

اشكرك اختي هلكانه وعسى ربي يسعدك ويحفظك من كل شر وسوء ويشفيك عاجلا غير اجل ويخلي لك امك ومن تحبين

أنا حالتي قريبة منك عندي ضغط على الكلية منفتفخة وسوسوت زيك ووظائف وحالة والمشكلة كان عندي دم بالبول وأنت بكرامة الحمدلله طمنوني كل الدكاترة بما إن الوظائف طبيعية خلاص مافيه خوف وشيء عادي فتطمن ..
وتجنب الغازيات وعليك بشرب مغلي البقدونس وعصير التوت البري مفيييييييييييييدات جدا جدا للكلية ويمنعون تكون الحصوات بحول الله ..
وتطمن وعش حياتك واستمتع بحياتك وذريتك لله يخليك لهم ويخليهم لك الشد والأعراض الي تحس فيها عشان الوسواس .. كل الي عليك سو فحوصات دورية بانتظام فقط شان تتطمن ولا الوضع مايحتاج إن شاء الله وعليك بشرب ماقلت لك واستمتع بحياتك الله يطمن قلبك أخوي

اسال الله العظيم ان يزيح همك اخوي ماعليك الا العافيه ولاتفتح مجال للشيطان يلعب فيك انت طيب باذن الله ومافي داعي تخاف الموت لان الموت بوقته لايقدم ولايؤخر فليش تشيل همه تفاءلي وعش حياتك سعيده وباذن الله لن ترى بأس

اخواتي كلي امل بالله ومحتاره بامري اسأل الله في هذا اليوم الفضيل ان يجعلكم سعيدتين دائما وان يشفيكم من كل داء عسى ربي مايحرمكم الاجر طمنتو قلبي

ما عليك باس ..عليك بالحلبه انقعها من الليل واشربها الصباح
والشعير ومنه عصيرات خذ السادة يعنى اللى بدون نكهات ..
ولا تاكل اللحم والجبن اعتقد انه فى طبيب قال انها تكون سبب فى تكون اللحصوات
والعلم عند الله ..

وإذا على الريحه اتحمل المهم العافيه ...

يمكن الشد من التوتر والوسواس لاتوسوس ياخوي امرك بسيط باذن الله اكثر من شرب المويه النقيه وتجنب الغازيات بذات البيبسي والكولا وطبعا كودرد وبايسن ومن شابههم
واشرب شعير ترى ينزل الحصى باذن الله
^
كلا فهد أخوي صحيح لاتتوتر مدام التحاليل طيبه هذي علشان المرض دخلك بخوف وسوسه من أي شي يصير لك كثر من شراب الشعير ياما ناس كثيره صار لها نفس اللي جرالك والحين هي بخير وصحه وعافيه .
اسال الله أن يشفيك ويديم عليك الصحه والعافيه أهم شي خلك مؤمن بالله و أنه اللي بيصير لك شي مكتوب من الله عزوجل سواء لك أو غيرك .

اختي عائشه واخي الشاكر لله شكرا على المرور والله يعطيكم العافيه في ابدانكم ونفوسكم وعسى ربي يسعدكم في حياتكم انه سميع مجيب والله يفرج عنكم